2 Tiˆmoˇseˬ 1:10 - Akha

¹⁰ Ehˇ kʼawꞈ, nymˬ-mˇ-aˬ, aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-ahˇ bi oe-eu laꞈ kʼoeˇ, guiˬ lahˬ yaw dzahˇ kʼoeˇ bya cehˆ ni pah mehˬ nehˬ laꞈ-euˬ meh. Shiˇ-eu jeˬ-euˬ baoˬ-ahˇ aˬ yawꞈ laˆ byoˆ-awˇ, Laˬ kʼaˬ cehˇ-eu Guiˬ lahˬ dawˬ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pah mehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

2 Tiˆmoˇseˬ 1:10 Referans Kwoze

1 Yoˇhaˬ 1:2

Saˬ laˇ dehꞈ-eu jeˬ kʼoeˇ-ahˇ mawˇ nya ni pah mehˬ nehˬ laꞈ ngeh, nga maꞈ ya mawˇ duˬ-euˬ ma. Kʼoeˇ miˇ neh, gaˇ kawˆ kʼoeˇ nga maꞈ ja-awˇ, yaw beh Aˬda Miˬyehˇ nehˬ-ehˇ jawˇ-euˬ mˬ maˬ maˬ byaˆ zaˇ ziˇ dehꞈ-eu saꞈ laˇ kʼoeˇ nymˬ-mˇ aˬ dui-ahˇ bi siˬ bi mawˇ le-euˬ gaˇ kawˆ naw maꞈ-ahˇ ja mehˬ-eu ma.

Lormav 16:26

Ehˇ kʼawꞈ, nymˬ-mˇ poˆ jawˇ-aˬ, Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ laꞈ kʼoeˇ, zaꞈ taˬ-euˬ yaw tsaˬ yaw dawˇ kʼoeˇ bya cehˆ ni pah dzeh taˬ-euˬ meh. Kʼoeˇ uˬ taꞈ, tsawˇ haˬ zaˬ dawˬ tawˆ luꞈ jah-awˇ naˇ haˬ geuꞈ nya ni, mˬ maˬ maˬ byaˆ zaˇ ziˇ dehꞈ-eu Miˬyehˇ neh biꞈ-euˬ dawˬ laꞈ kʼoeˇ, tsawˇ jeuˬ dawˬ tawˆ luꞈ-ahˇ yaw tsaˬ yaw dawˇ kʼoeˇ bi siˬ bi mawˇ-euˬ meh.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ

Tiˇtuˆ 2:11

Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

1 Gawˇliˬtu 15:26

Aˬ cawˬ jeˬ nah nah saˬ bi deuˆ gʼaˬ-eu muiˇ-eu gʼaˬ-aˬ, shiˇ-eu jeˬ meh.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

2 Tiˆmoˇseˬ 1:1

Miˬyehˇ nui ma tsaˬ-eu laꞈ kʼoeˇ Yeˬsuˇ Ka liˬ-euˬ gʼaˬ kʼehˇ ya geuꞈ luꞈ-awˇ, Yeˬsuˇ Ka li laꞈ kʼoeˇ aˬ dui za-euˬ saˇ jaˇ dzaˬ taˬ-euˬ dehꞈ-eu jeˬ gaˇ kawˆ bi mehˬ-eu gʼaˇ duˬ Miˬyehˇ neh bi kʼehˇ gʼeh-euˬ gʼaˬ pyeuꞈ-eu ngaˇ Pawˇluˆ,

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Hawˇseˬ 13:14

Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ ka kʼoꞈ. Shiˇ-eu baoˬ-euˬ uˬ moˆ shaˬ gaˇ, aˬ yawꞈ maꞈ-ahˇ ngaˇ maˬ ka kʼoꞈ, Shiˇ-eu jeˬ-oˇ nawˬ-euˬ shaˆ shiˇ, yawꞈ maꞈ kʼoeˇ taˆ bi keuˆ le-awˬ. Shiˇ-eu miˇ kʼahˬ-euˬ yaw cawˆ jeˬ, aˬ yawꞈ maꞈ-ahˇ tahˬ daˆ nehˬ-awˬ. Tsawˇ haˬ heu deuˬ-euˬ kʼoeˇ taˆ ngaˇ, gʼawˬ shaˬ gaˬ-eu maˬ paˇ ahˇ ma.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

Panmaeq 18:1

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-ahˇ neh paˇ zaꞈ ka le gaˇ ngaˇ ya mawˇ-euˬ ma. Aˬ yawꞈ-aˬ, huiˬ dui dui-eu uˆ lahˇ-eu baoˬ ahˇ-awˇ, aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ yawˬ gaˇ na luꞈ bya keuˆ-eu meh.

Panmaeq 2:7

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, Miˬyehˇ-euˬ Eˬdeˬ yaˇ kmˇ laꞈ kʼoeˇ bawˇ-eu dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ ngaˇ bi dzaˬ ma.

2 Beˬtuˆluˆ 3:2

Aˇ hu ba Miˬyehˇ gʼaˇ duˬ ngehˬ dah yaꞈ-euˬ muiˬ-eu shawˇ-eu tsawˇ haˬ deuˬ-euˬ dawˬ hawˇ-eu, naw maꞈ-ahˇ mehˬ-eu gʼaˬ kʼehˇ deuˬ neh biꞈ-euˬ ka kʼoꞈ-eu gʼaˬ pyeuꞈ-eu SahˬpaˬYeˬsuˇ-euˬ dawˬ-ahˇ naw maꞈ bi noeˬ mawˇ mawꞈ miˇ-a.

2 Beˬtuˆluˆ 2:20

Tsawˇ haˬ zaˬ-aˬ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ siˬ nya-eu baˬ da neh, miˇ tsaˬ heu kʼoeˇ taˆ gʼaˬ kʼaˆ luꞈ-eu jawꞈ dui dui-eu jeˬ mˇ gaˇ ya buˬ-iˇ gʼaˬ miˇ tsa, kʼoeˇ neh tiˬ poˆ paˇ bi gʼaˬ leˇ shaw naˇ, yaw beh poˆ naˆ maˬ tseˇ doeˇ dui dui tehꞈ-a.

2 Beˬtuˆluˆ 1:11

Kʼoeˇ loꞈ-ehˇ mˇ-eu laꞈ kʼoeˇ, aˬ dui-ahˇ ka kʼoꞈ-eu gʼaˬ pyeuꞈ-eu Sahˬpaˬ Yeˬsuˇ Ka li-euˬ mˬ maˬ maˬ byaˆ zaˇ ziˇ Miˇkʼahˬ laꞈ kʼoeˇ uˇ leˇ-eu aˬ kawˬ-aˬ naw maꞈ tiˬ byah tiˬ loꞈ za tehꞈ-a.

2 Beˬtuˆluˆ 1:3

Aˬ yawꞈ-euˬ yaw shehꞈ kʼahˬ sehˇ hawˇ-eu muiˬ dui byah dui dui-eu jeˬ-ahˇ aˬ dui za nya ni, aˬ dui-ahˇ kuˇ-euˬ gʼaˬ-ahˇ aˬ dui siˬ nya-eu laꞈ kʼoeˇ, Miˬyehˇ-ahˇ yaw zeu baw-awˇ dehꞈ nya-eu gʼaˇ duˬ, aˬ dui kʼaˇ loˬ-eu jeˬ dawˬ tawˆ luꞈ Miˬyehˇ-euˬ muiˬ-eu shawˇ-eu baoˬ aˬ dui-ahˇ biꞈ laꞈ-euˬ meh.

HeˬByehˇ 10:32

Dzeuˇ laˇ ngeh naw maꞈ aˬ joˆ-ehˇ pyeuꞈ dzeuˇ yaꞈ-euˬ gaˇ noeˬ mawˇ-awˬ. Miˬyehˇ-euˬ yaw shehꞈ-ahˇ naw maꞈ ya mawˇ gʼaˬ ngeh, kʼehˬ-eu kʼaˆ-eu gʼawˬ mya jeˬ-ahˇ naw maꞈ ya daˬ-euˬ meh. Ehˇ kʼawꞈ, naw maꞈ daˬ dzeuˇ oˇ dzeuˇ laꞈ-euˬ meh.

Tiˇtuˆ 3:4

Ehˇ kʼawꞈ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ-euˬ gʼawˬ shaˬ gaˬ-eu jeˬ hawˇ-eu gʼoeˇ-eu gaˬ-eu jeˬ aˬ dui-ahˇ pah mehˬ nehˬ laꞈ ngeh, aˬ yawꞈ aˬ dui-ahˇ ka kʼoꞈ nehˬ laꞈ-euˬ meh.

Tiˇtuˆ 2:13

aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

Eˇpeˇsu 1:18

Miˬyehˇ naw maꞈ-ahˇ kuˇ-euˬ miˇ neh naw maꞈ aˬ jeˬ-ahˇ noeˬ tmˬ kʼaˇ za-eu gaˇ kawˆ maˬ ehˇ, aˬ yawꞈ neh aˬ yawꞈ-euˬ tsawˇ haˬ deuˬ-ahˇ biꞈ-eu lehˇ saˇ jaˇ dzaˬ taˬ-euˬ guiˬ lahˬ kʼoeˇ deuˬ aˇ naˆ ni zahˬ leˇ paˬ-ehˇ gʼeh-eu gaˇ kawˆ maˬ ehˇ, naw maꞈ siˬ nya laˇ ni, naw maꞈ-euˬ nui ma-ahˇ pah nehˬ-awˇ aˬ yawꞈ-euˬ yaw shehꞈ-ahˇ bi mawˇ-eu gʼaˇ duˬ shaˇ-eu ma.

Gaˬlaˬtiˆ 5:4

Naw maꞈ Zahˇ dawˬ kʼoꞈ dawˬ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ ni leh jeh-eu tsawˇ haˬ deuˬ-aˬ, Ka li-ahˇ maˬ paˇ taꞈ-ehˇ, Miˬyehˇ gʼawˬ shaˬ gaˬ-eu guiˬ lahˬ-euˬ laꞈ nyiˇ paw jawˇ-eu tsawˇ haˬ deuˬ pyeuꞈ-eu meh.

2 Gawˇliˬtu 5:4

Miˇ tsaˬ heu kʼoeˇ taˆ jaˆ-eu yaˇ cmˇ laꞈ kʼoeˇ aˬ dui kʼaˆ behˆ kah-eu miˇ neh mahˇ luꞈ ma. Ehˇ kʼawꞈ, miˇ tsaˬ shiˬ shaˬ jiˇ gʼawˇ mawˇ heu-ahˇ lehˆ dzeh mawꞈ-eu miˇ neh mahˇ-eu maˬ ngeuˇ. Buꞈ-iˇ cehˇ-iˇ nya-eu jeˬ-ahˇ maˬ buꞈ maˬ cehˇ-iˇ nya-eu jeˬ neh bi myoꞈ ahˇ-eu gʼaˇ duˬ, mˬ taˆ-euˬ nymˇ dm daˆ mawꞈ-eu miˇ neh mahˇ-eu ma.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

Lormav 6:6

Aˬ dui-euˬ iˬ baˇ mˇ-eu nui ma yaw oeˇ siˬ-euˬ baoˬ-ahˇ laˆ cawˆ-awˇ, iˬ baˇ-euˬ zaˬ kʼaˆ maˬ paˇ ya geuꞈ-eu gʼaˇ duˬ aˬ dui yaw dehꞈ dehꞈ-eu yaw oeˇ hmˬ Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma lehˇ aˬ dui siˬ nya ma.

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

Gʼaˬkʼehˇ 13:23

Daˬbiˇ-euˬ tsuiꞈ toeˬ gui ka leꞈ gaˇ taꞈ-eu Yeˬsuˇ kʼoeˇ gʼaˬ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Iˇsaˬleˬlaˆ tsawˇ jeuˬ-ahˇ Miˬyehˇ neh biꞈ leꞈ-euˬ ka kʼoꞈ-eu gʼaˬ pyeuꞈ-eu meh.

Gʼaˬkʼehˇ 5:31

Iˇsaˬleˬlaˆ tsawˇ haˬ deuˬ iˬ baˇ noeˬ poˆ-awˇ, iˬ baˇ pyehˬ nehˬ-eu jeˬ-ahˇ za nya ni, Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ keuˆ nehˬ-awˇ, Sheuˬ gʼeh-eu gʼaˬ hawˇ-eu Ka kʼoꞈ-eu gʼaˬ bi pyeuꞈ laˇ-euˬ meh.

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Yoˇhaˬ 5:40

Ehˇ kʼawꞈ, maˇ maˇ ni gʼeh-eu dehꞈ-eu jeˬ-ahˇ za ni, ngaˇ jawˇ gaˇ naw maꞈ maˬ laˇ mawꞈ-a.

Yoˇhaˬ 4:42

Kʼoeˇ naˇ, tsawˇ haˬ kʼoeˇ deuˬ zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Nawˇ ehˇ-eu miˇ neh nga maꞈ jah-eu maˬ ngeuˇ. Nga maꞈ-euˬ naˬ bawˇ aˬ yawꞈ-euˬ dawˬ ya gaˬ-euˬ miˇ neh jah-awˇ, aˬ yawꞈ-aˬ, aˬ diˇ aˬ maˇ miˇ tsaˬ zaˬ-ahˇ ka kʼoꞈ-eu gʼaˬ pyeuꞈ-eu gaˇ kawˆ nga maꞈ siˬ duˬ-euˬ ma.”

Yoˇhaˬ 1:9

Yaw shehꞈ kʼoeˇ-aˬ, miˇ tsaˬ kʼoeˇ taˆ oe-awˇ, tsawˇ haˬ zaˬ dawˬ tawˆ luꞈ kʼoeˇ taˆ bya nehˬ le-euˬ maˇ maˇ ni gʼeh-eu yaw shehꞈ meh.

Luˇkaꞈ 13:7

Kʼoeˇ ngeh, a gaꞈ yaˇ kmˇ bo saˆ-eu gʼaˬ-ahˇ aˬ yawꞈ ehˇ nehˬ-eu, ‘Smˇ kʼoꞈ keuˆ ni siˬ guˬ heu bawˇ aˇ siˬ siˬ le nga loˇ lehˇ ngaˇ haw le-euˬ kʼawꞈ, tiˬ siˬ-iˬ siˬ le zaˇ maˬ mawˇ-a. Teu miˇ neh tuˇ dzeh-awˬ. Miˇ tsaˬ yawꞈ ngehꞈ-ehˇ jaˆ cawˆ-eu tehꞈ ngaˇ.’

Luˇkaꞈ 11:36

Nawˬ-euˬ gʼawˇ mawˇ mawˇ lah-ehˇ yaw shehꞈ za-awˇ, yaw zahˇ tiˬ tsahˇ-iˬ maˬ baw naˇ, tsiˇ kʼmˬ-euˬ yaw shehꞈ nawˬ-euˬ kʼoeˇ taˆ bya gaˇ duˇ ni, nawˬ-euˬ gʼawˇ mawˇ mawˇ lah-ehˇ yaw shehꞈ bya tehꞈ-a.”

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Iˇsaˬyaˇ 45:15

Aˬ yawꞈ-euˬ tsawˇ jeuˬ-ahˇ ka kʼoꞈ-eu gʼaˬ, Iˇsaˬleˬlaˆ-euˬ Miˬyehˇ-aˬ, yawˬ haˇ yawˬ ha dzuˇ zaꞈ-eu meh.

Iˇsaˬyaˇ 43:3

Ngaˇ-aˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, nawˬ-ahˇ ka kʼoꞈ nehˬ le-euˬ gʼaˬ ngaˇ ma. Nawˬ-euˬ dah zaˇ Iˇjiˇtuˆ-ahˇ ngaˇ bi shaˬ ma. Suˬdaˬ hawˇ-eu Seˬbaˇ miˇ kʼahˬ neh nawˬ-ahˇ paˇ kʼoꞈ ma.

1 Yoˇhaˬ 4:14

Miˬyehˇ neh aˬ yawꞈ-euˬ Zaˬmaˇ-ahˇ miˇ tsaˬ heu-ahˇ Ka kʼoꞈ-eu gʼaˬ bi geuꞈ-eu lehˇ kʼehˇ gʼeh leꞈ-euˬ gaˇ aˬ dui kʼaˇ ya mawˇ-euˬ loꞈ-ehˇ aˬ cawˬ-ahˇ ja mehˬ-eu ma.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Panmaeq 20:14

Shiˇ-eu jeˬ hawˇ-eu shiˇ-eu miˇ kʼahˬ kʼoeˇ nyiˬ jeˬ-ahˇ-aˬ, miˬ dzaˬ lah-ahˇ biˬ puꞈ nehˬ-euˬ meh. (Miˬ dzaˬ lah kʼoeˇ lah-aˬ, nyiˬ poˆ tiˬ poˆ shiˇ-eu jeˬ pyeuꞈ-eu meh.)

2 Tiˆmoˇseˬ 1:8

Kʼoeˇ miˇ neh, aˬ dui-euˬ Sahˬpaˬ Yeˬsuˇ gʼaˇ duˬ saˇ kiˇ kamˬ-eu taˬ shaꞈ dawˇ. Ka li-euˬ gʼaˇ duˬ tawˬ-ahˇ bi paꞈ ahˇ-euˬ gʼaˬ pyeuꞈ-eu ngaˬ-ahˇ kʼawꞈ taˬ shaꞈ dawˇ. Ehˇ kʼawꞈ, Miˬyehˇ neh nawˬ-ahˇ gʼaˬ biꞈ nehˬ taˬ-euˬ loꞈ-ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ shaˬ-eu zahˬ-eu jeˬ-ahˇ nawˬ-euˬ shaˬ bymˇ nawˇ daˬ-awˬ.

2 Tiˆmoˇseˬ 4:1

Miˬyehˇ-euˬ mehˬ shi hawˇ-eu, dehꞈ luꞈ-eu tsawˇ haˬ hawˇ-eu shiˇ dzeuˇ-euˬ tsawˇ haˬ deuˬ-ahˇ yaˇ kʼaˬ daˇ nehˬ-eu Sahˬpaˬ geuꞈ-awˇ uˆ lahˇ le-eu lehˇ gʼeh-eu Yeˬsuˇ Ka li-euˬ mehˬ shi, ngaˇ nawˬ-ahˇ heu loꞈ-ehˇ dawˬ biꞈ-eu ma.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.