2 Saˬmeuˬlaˆ 9:7 - Akha

⁷ Daˬbiˇ ehˇ-eu, “Taˬ guˆ. Nawˬ da Yawˇnaˆshaˬ baˬ da neh ngaˇ nawˬ-ahˇ gʼawˬ shaˬ gaˬ nehˬ ma. Nawˬ bawˇ Sawˇluˆ-euˬ miˇ tsaˬ dawˬ tawˆ luꞈ nawˬ-ahˇ ngaˇ biꞈ kʼoꞈ-awˇ, nawˇ ngaˬ nehˬ-ehˇ aˬ myah luꞈ ya dzaˬ ya dawˇ taꞈ tehꞈ-a.”

2 Saˬmeuˬlaˆ 9:7 Referans Kwoze

2 Saˬmeuˬlaˆ 9:1

Tiˬ nah keuˆ laˇ ngeh, Daˬbiˇ heu loꞈ-ehˇ ehˇ-eu meh. “Sawˇluˆ-euˬ nymˇ jiˇ laꞈ kʼoeˇ tsawˇ haˬ tiˬ gʼaˬ na dzeˇ-a siˬ loˇ. Dzeˇ lawˬ naˇ, Yawˇnaˆshaˬ-ahˇ ngaˇ noeˬ keuˆ-awˇ, tsawˇ haˬ kʼoeˇ gʼaˬ-ahˇ ngaˇ gʼawˬ shaˬ gaˬ nehˬ ma.”

1 Sahˬpaˬ 2:7

“Ehˇ kʼawꞈ, Giˇlaˆ miˇ kʼahˬ-ahˇ jawˇ-eu Baˬziˇlehˇ-euˬ aˬ li deuˬ-ahˇ gʼawˬ shaˬ gaˬ-awˇ haw piˇ nehˬ-awˬ. Aˬ jeˬ miˇ neh ehˇ naˇ, nawˬ-euˬ aˇ doˆ Aˬbaˇsaˬloˬ baˬ da neh ngaˇ cehˆ cehˆ-ehˇ shaˬ ngeh, aˬ yawꞈ maꞈ ngaˬ-ahˇ gʼawˬ shaˬ gaˬ nehˬ laꞈ-euˬ meh.

2 Saˬmeuˬlaˆ 9:3

Sahˬ paˬ aˬ yawꞈ-ahˇ ehˇ nehˬ-eu, “Sawˇluˆ-euˬ nymˇ jiˇ laꞈ kʼoeˇ tsawˇ haˬ tiˬ gʼaˬ na dzeˇ-a siˬ loˇ. Dzeˇ lawˬ naˇ, Miˬyehˇ ngaˬ-ahˇ saˇ jaˇ dzaˬ taˬ-euˬ loꞈ-ehˇ, aˬ yawꞈ-ahˇ ngaˇ gʼawˬ shaˬ gaˬ nehˬ ma.” Ziˇbaˬ ehˇ-eu, “Yawˇnaˆshaˬ-euˬ aˬ li tiˬ li dzeˇ-a siˬ. Ehˇ kʼawꞈ, kuiˇ kuˆ kuˆ-eu tsawˇ haˬ tiˬ gʼaˬ meh.”

2 Saˬmeuˬlaˆ 19:28

Ngaˬ da-euˬ nymˇ kʼahˬ zaˬ dawˬ tawˆ luꞈ nawˬ-euˬ mehˬ shi ya shiˇ jiˇ paˬ-ehˇ tsaˬ laˇ ngeh, nawˬ-euˬ hawˬ jeh-ahˇ nawˬ nehˬ-ehˇ ya dzaˬ ya dawˇ taꞈ-eu guiˬ lahˬ, nawˇ ngaˬ-ahˇ biꞈ laꞈ-euˬ meh. Kʼoeˇ uˬ taꞈ, nawˬ-ahˇ ngaˇ aˬ geu jeˬ paˇ shaˇ kʼmˬ nmˇ.”

Luˇkaꞈ 22:30

Ngaˇ uˆ lahˇ-eu miˇ kʼahˬ laꞈ kʼoeˇ, naw maꞈ ngaˬ-euˬ hawˬ jeh-ahˇ ya dzaˬ yaw dawˇ taꞈ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ uˆ lahˇ-eu dzoeˬ dzaˬ nuiˇ mahˬ deuˬ kʼoeˇ taˆ, naw maꞈ nuiˇ-awˇ ya dzoeˬ tehꞈ-a.

Jaceuq 41:9

Ngaˬnehˬ-ehˇdzaˬtaꞈdawˇtaꞈ-euˬ, gʼoeˇdui dui-eu cawˬ-ahˇkeuˆni, ngaˬ-ahˇjahˇgʼeh haw luꞈ-eu meh.

2 Sahˬpaˬ 25:29

Yeˬhawˇyaˬciˬ-aˬ, paꞈ kuˆ laꞈ kʼoeˇ uˇ-eu deuˬ dm-eu mehˬ tsoeˬ dzeˇ paˇ paˇ dzeh-awˇ, maˬ shiˇ tiˬ ziˇ Baˬbuˇloˬ sahˬ paˬ nehˬ-ehˇ dzaˬ taꞈ dawˇ taꞈ-eu a kawˬ-aˬ za-euˬ meh.

Panmaeq 3:20

Naˇ haˬ-awˬ, ngaˇ laˇ gʼoˆ-ahˇ yawꞈ-awˇ kʼoˆ luꞈ ma. Ngaˬ-euˬ teˇ saˇ gaˬ-awˇ laˇ gʼoˆ kʼaˇ pah nehˬ laꞈ-eu gʼaˬ-euˬ nymˇ-ahˇ ngaˇ uˇ-iˇ-awˇ, aˬ yawꞈ nehˬ-ehˇ dzaˬ taꞈ dawˇ taꞈ ma. Aˬ yawꞈ kʼawꞈ, ngaˬ nehˬ-ehˇ dzaˬ taꞈ dawˇ taꞈ tehꞈ-a.

2 Saˬmeuˬlaˆ 12:8

Aˬ yawꞈ-euˬ miˇ kʼahˬ hawˇ-eu aˬ yawꞈ-euˬ miˬ zaˬ deuˬ nawˬ-ahˇ ngaˇ biꞈ-euˬ ma. Ngaˇ nawˬ-ahˇ Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-euˬ sahˬ paˬ bi geuꞈ-euˬ ma. Heu naˆ ni tehꞈ-ehˇ nui kʼahˇ maˬ shiˇ coeˇ naˇ kʼawꞈ, heu naˆ maˬ tseˇ nyiˬ bymˇ ngaˇ biꞈ dzehˬ ma.

1 Saˬmeuˬlaˆ 12:24

Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-euˬ dawˬ-ahˇ naˇ haˬ geuꞈ-awˇ, saˇ jaˇ ziꞈ-eu laꞈ kʼoeˇ aˬ yawꞈ-euˬ gaˇ mˇ-awˬ. Naw maꞈ gʼaˇ duˬ aˬ yawꞈ neh mˇ-euˬ huiˬ-eu gaˇ deuˬ-ahˇ noeˬ keuˆ-awˬ.

Aˇ dahˬ 43:23

Zaˬ kʼaˆ kʼoeˇ gʼaˬ ehˇ-eu, “Taˬ noeˬ shaˬ. Taˬ guˆ. Nawˬ ha mehˇ nmˇ aˬ da-euˬ Miˬyehˇ pyeuꞈ-eu naw maꞈ-euˬ Miˬyehˇ neh naw maꞈ gʼaˇ duˬ shaˇ noeˬ-awˇ, naw maꞈ-euˬ cehˇ pehˇ zeuˇ laꞈ kʼoeˇ pyuˇ kʼoeˇ deuˬ paˇ dawˆ ahˇ kʼoꞈ nehˬ laꞈ-euˬ tehꞈ-a. Naw maꞈ neh cehˇ aˇ poeˬ biꞈ laꞈ-euˬ pyuˇ kʼoeˇ-aˬ, kʼoeˇ ngeh neh ngaˇ yuˇ-euˬ ma lehˇ ehˇ-eu meh. Kʼoeˇ naˇ, zaˬ kʼaˆ kʼoeˇ gʼaˬ neh, Suˇmoˬ-ahˇ aˬ yawꞈ maꞈ jawˇ gaˇ sheuˬ laꞈ-euˬ meh.

Maꞈtehˬ 6:11

Iˬ nah loˬ-eu dzaˬ-eu jeˬ, iˬ nah biꞈ nehˬ laꞈ.

2 Saˬmeuˬlaˆ 19:33

Sahˬ paˬ aˬ yawꞈ-ahˇ ehˇ nehˬ-eu, “Ngaˬ nehˬ-ehˇ Yeˬluˇsaˬlehˬ meuˬ-ahˇ laˇ-awˬ. Ngaˇ nawˬ-ahˇ ngehˬ gʼeh nehˬ ma.”

2 Saˬmeuˬlaˆ 9:11

Ziˇbaˬ ehˇ-eu, “Sahˬ paˬ-oˇ, nawˬ neh kʼaˇ ehˇ-euˬ yawˬ jeˬ na luꞈ ngaˇ mˇ ma.” Kʼoeˇ naˇ, Meˬpiˇbawˇshehˆ-aˬ, sahˬ paˬ-euˬ aˬ li tiˬ gʼaˬ loꞈ-ehˇ, sahˬ paˬ nehˬ-ehˇ dzaˬ taꞈ dawˇ taꞈ-eu laꞈ kʼoeˇ dehꞈ-euˬ meh.

Aˇ dahˬ 43:18

Aˬ ha mehˇ nmˇ-aˬ, aˬ cawˬ neh aˬ yawꞈ maꞈ-ahˇ Yoˇsehˆ-euˬ nymˇ-ahˇ sheuˬ gʼeh-euˬ miˇ neh, guˆ laˇ-awˇ, nui ma laꞈ kʼoeˇ heu loꞈ-ehˇ noeˬ-euˬ meh. “Yaw beh poˆ cehˇ zeuˇ dzaˬ le ngeh ngaˬ ha mehˇ nmˇ-euˬ cehˇ pehˇ zeuˇ deuˬ laꞈ kʼoeˇ paˇ dawˆ ahˇ kʼoꞈ taˬ-euˬ pyuˇ kʼoeˇ deuˬ baˬ da neh, ngaˬ ha mehˇ nmˇ-ahˇ heu gaˇ kuˇ ahˇ laꞈ-euˬ jeˬ nga. Ngaˬ ha mehˇ nmˇ-ahˇ iˬ baˇ poˆ-awˇ, mahˬ tahˬ laˆ heu deuˬ tsahˇ geuꞈ-eu uˬ taꞈ, nga maꞈ-ahˇ kʼawꞈ aˬ yawꞈ-euˬ zaˬ kʼaˆ bi geuꞈ-eu lehˇ gʼeh-eu jeˬ nga.”

2 Saˬmeuˬlaˆ 9:10

Nawˇ hawˇ-eu nawˬ-euˬ aˬ li deuˬ maˬ ehˇ, nawˬ-euˬ zaˬ kʼaˆ deuˬ maˬ ehˇ, nawˬ-euˬ sahˬ paˬ Sawˇluˆ-euˬ deh yaˇ mˇ-awˇ, aˬ yawꞈ-euˬ oeˬ paˬ-euˬ nymˇ jiˇ ya dzaˬ ya dawˇ ni cehˇ tawˬ ahˇ nehˬ-awˬ. Ehˇ kʼawꞈ, Meˬpiˇbawˇshehˆ gʼaˬ-aˬ, aˬ myah luꞈ ngaˬ nehˬ-ehˇ ya dzaˬ ya dawˇ tehꞈ-a.” (Ziˇbaˬ-aˬ, aˬ li tseˇ nyiꞈ li jawˇ-awˇ, zaˬ kʼaˆ nyiˬ tseˇ gʼaˬ jawˇ-eu meh.)

2 Saˬmeuˬlaˆ 9:13

Aˬ kuiˇ nyiˬ pyawˬ luꞈ kuiˇ kuˆ kuˆ-eu Meˬpiˇbawˇshehˆ-aˬ, hawˬ aˬ yawꞈ byawˇ yawꞈ sahˬ paˬ nehˬ-ehˇ dzaˬ dzaˬ-ehˇ, Yeˬluˇsaˬlehˬ meuˬ-ahˇ jawˇ-euˬ meh.

Yeˬlaˬmiˇ 52:33

Kʼoeˇ miˇ neh, Yeˬhawˇyaˬciˬ-ahˇ paꞈ kuˆ-ahˇ uˇ-eu deuˬ dm-eu mehˬ tsoeˬ lehˆ dzeh-awˇ, mehˬ tsoeˬ yaw muiˬ dm paˇ-eu a kawˬ-aˬ biꞈ-awˇ, ziˇ jiˇ ngeh keuˆ ni sahˬ paˬ nehˬ-ehˇ bi dzaˬ bi dawˇ taꞈ-euˬ meh.

Zaˬkaˬliˇ 7:9

“Aˇ hu ba ngaˬ-euˬ tsawˇ haˬ deuˬ-ahˇ ngaˇ heu loꞈ-ehˇ dawˬ biꞈ-euˬ ma. ‘Yaw tsaˬ yaw dawˇ jeˬ-ahˇ naw maꞈ tuˆ tehˬ taˬ-awˇ, aˬ cawˬ-ahˇ gʼawˬ shaˬ gaˬ-eu nui ma ya ahˇ meh.

1 Saˬmeuˬlaˆ 20:15

ngaˬ-euˬ nymˇ jiˇ-ahˇ, maˬ shiˇ tiˬ ziˇ nawˇ saˇ jaˇ ziꞈ-awˬ. Nawˬ-ahˇ muiˇ-eu tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ jiˇ ngeh,

1 Saˬmeuˬlaˆ 22:23

Maˬ guˆ ni ngaˬ nehˬ-ehˇ jawˇ-awˬ. Nawˬ-ahˇ maˬ ehˇ, ngaˬ-ahˇ maˬ ehˇ, Sawˇluˆ sehꞈ mawꞈ meh. Ehˇ kʼawꞈ, ngaˬ nehˬ-ehˇ jawˇ naˇ nawˇ guˆ kʼaˇ maˬ za-aˇ.”

2 Saˬmeuˬlaˆ 19:29

Sahˬ paˬ ehˇ-eu, “Nawˇ tiˬ jeˬ-iˬ ehˇ-eu maˬ paˇ loˬ meh. Sawˇluˆ-euˬ mˇ myawˬ deuˬ-ahˇ, Ziˇbaˬ naw nyaꞈ ya biˇ geuꞈ meh lehˇ ngaˇ noeˬ tsehˆ gʼaˬ-euˬ ma.”

2 Saˬmeuˬlaˆ 21:7

Ehˇ kʼawꞈ, Yawˇnaˆshaˬ-euˬ aˬ li pyeuꞈ-eu Sawˇluˆ-euˬ oeˬ paˬ Meˬpiˇbawˇshehˆ gʼaˬ-ahˇ Daˬbiˇ bi dzeuˇ-iˇ-euˬ meh. Aˬ jeˬ miˇ neh ehˇ naˇ, Yawˇnaˆshaˬ aˬ yawꞈ nyaꞈ yaw kaˬ muiˬ-eu shawˇ-eu saˇ jaˇ dzaˬ taˬ-eu jaˆ-eu meh.