2 Saˬmeuˬlaˆ 8:6 - Akha

⁶ Aˬ yawꞈ maꞈ-euˬ miˇ kʼahˬ laꞈ kʼoeˇ Daˬbiˇ taˆ tsoˆ-awˇ, aˬ yawꞈ-euˬ yehˇ deuˬ bi jawˇ-euˬ meh. Aˬ yawꞈ maꞈ Daˬbiˇ uˆ lahˇ-eu uˬ moˆ ya jawˇ-awˇ, Daˬbiˇ-ahˇ kawˬ doˆ nehˬ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ paw na luꞈ guiˇ bi deuˆ gʼaˬ-euˬ meh.

2 Saˬmeuˬlaˆ 8:6 Referans Kwoze

2 Saˬmeuˬlaˆ 8:14

Eˬdoˬ miˇ kʼahˬ doe ni taˆ tsoˆ-awˇ, aˬ yawꞈ-euˬ yehˇ deuˬ-ahˇ bi jawˇ-awˇ, kʼoeˇ gaˇ jawˇ-eu miˇ kʼahˬ zaˬ deuˬ-ahˇ aˬ yawꞈ uˆ lahˇ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ gaˇ na luꞈ guiˇ bi deuˆ gʼaˬ-euˬ meh.

Jaceuq 140:7

Ngaˬ-euˬ Miˬyehˇ pyeuꞈ-eu ngaˬ-ahˇ haw piˇ-eu gʼaˬ kʼaˆ-eu Sahˬpaˬ Miˬyehˇ-oˇ, guiˇ deuˆ ngeh nawˇ ngaˬ-ahˇ haw piˇ nehˬ laꞈ-euˬ meh.

2 Laˬsaˬbaˬ 17:2

Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-euˬ meuˬ deuˬ-ahˇ maˬ ehˇ, meuˬ-ahˇ gaˇ mahˇ kaˬ-eu jawˇ duˬ deuˬ-ahˇ maˬ ehˇ, Eˇpaˬleˬ miˇ kʼahˬ laꞈ kʼoeˇ aˬ yawꞈ-euˬ aˬ da Aˬsaˬ neh deuˆ za taˬ-euˬ meuˬ deuˬ-ahˇ maˬ ehˇ, aˬ yawꞈ-euˬ guiˇ maꞈ deuˬ bi jawˇ byah-euˬ meh.

2 Saˬmeuˬlaˆ 7:9

Nawˇ kʼaˇ iˇ kʼaˇ laˇ gaˇ nawˬ nehˬ-ehˇ ngaˇ jawˇ-awˇ, nawˇ iˇ-eu gaˇ ma mehˬ hu jawˇ-eu nawˬ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ deuˆ gʼaˬ nehˬ-euˬ ma. Miˇ tsaˬ kʼoeˇ taˆ huiˬ dui dui-eu aˬ yuiꞈ aˬ tsu geuꞈ-eu deuˬ loꞈ-ehˇ, nawˬ-ahˇ ngaˇ tsawˇ myahˇ bi doˆ ma.

Dawqdaq 21:31

Nawˇ guiˇ deuˆ-eu mahˬ deuˬ lehˬ hmˬ taˬ nya kʼawꞈ, guiˇ deuˆ gʼaˬ ni jahˇ-eu gʼaˬ Sahˬpaˬ Miˬyehˇ meh.

1 Laˬsaˬbaˬ 18:13

Eˬdoˬ miˇ kʼahˬ laꞈ kʼoeˇ aˬ yawꞈ taˆ tsoˆ byah-awˇ, kʼoeˇ gaˇ jawˇ-eu tsawˇ haˬ deuˬ sahˬ paˬ Daˬbiˇ uˆ lahˇ-eu uˬ moˆ jawˇ-euˬ meh. Sahˬpaˬ Miˬyehˇ neh Daˬbiˇ-ahˇ yawˬ gaˇ na luꞈ guiˇ bi deuˆ gʼaˬ-euˬ meh.

2 Saˬmeuˬlaˆ 23:14

Aˇ yamˬ kʼoeˇ yamˬ laꞈ kʼoeˇ, ziꞈ dah ni laˆ ziꞈ taˬ-euˬ taˆ jaˆ-eu gawˬ duˇ-ahˇ Daˬbiˇ jawˇ-awˇ, Piˇliˇtiˆ guiˇ maꞈ tiˬ maꞈ Behˬlehˬhehˬ meuˬ-ahˇ jawˇ luꞈ-eu meh.

2 Saˬmeuˬlaˆ 8:2

Kʼoeˇ naˇ, Mawˇbaˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-euˬ meh. Guiˇ deuˆ ngeh nyehꞈ mi-euˬ deuˬ-ahˇ miˇ tsa bi yuꞈ-awˇ, smˬ bymˇ nyiˬ bymˇ sehꞈ-euˬ meh. Kʼoeˇ ngeh, Mawˇbaˆ tsawˇ haˬ deuˬ aˬ yawꞈ uˆ lahˇ-eu uˬ moˆ ya jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

2 Saˬmeuˬlaˆ 3:18

Nymˬ-mˇ naw maꞈ kʼoeˇ loꞈ-ehˇ jahˇ pyeuꞈ-eu aˇ yamˬ tsaˬ laˇ-euˬ meh. ‘Ngaˬ-euˬ zaˬ kʼaˆ Daˬbiˇ-ahˇ gʼoe-awˇ, ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, Piˇliˇtiˆ tsawˇ jeuˬ-euˬ aˬ laꞈ laꞈ kʼoeˇ maˬ ehˇ, aˬ yawꞈ maꞈ-ahˇ muiˇ-eu tsawˇ jeuˬ nui deuˬ dawˬ tawˆ luꞈ-euˬ aˬ laꞈ laꞈ kʼoeˇ maˬ ehˇ, ngaˇ ka kʼoꞈ ma’ lehˇ ehˇ taˬ-euˬ Sahˬpaˬ Miˬyehˇ-euˬ dawˬ-ahˇ noeˬ keuˆ-awˬ.”

1 Saˬmeuˬlaˆ 14:15

Meuˬ meuˬ dzeˇ kʼaˇ jawˇ-eu Piˇliˇtiˆ tsawˇ haˬ deuˬ hawˇ-eu, taˆ laꞈ kʼoeˇ kʼaˇ jawˇ-eu Piˇliˇtiˆ yehˇ deuˬ uˬ taꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ lehˬ hmˬ taˬ-euˬ kʼaˬ dui dui-eu aˬ yawꞈ maꞈ-euˬ yehˇ deuˬ kʼawꞈ, guˆ dui dui-eu laꞈ kʼoeˇ yaw dzuˬ dzuˬ-euˬ meh. Miˇluˆluˆ laˇ-awˇ, guˆ dui dui-eu jeˬ keuˆ le-euˬ meh.

1 Saˬmeuˬlaˆ 14:6

Aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ Yawˇnaˆshaˬ ehˇ nehˬ-eu, “Sahˬpaˬ Miˬyehˇ-ahˇ maˬ siˬ nya-eu Piˇliˇtiˆ tsawˇ haˬ kʼoeˇ deuˬ-euˬ taˆ-ahˇ aˇ nyaꞈ le tsehˆ haw kaˇ-euˇ. Sahˬpaˬ Miˬyehˇ aˇ nyaꞈ-ahˇ caw ba nehˬ laꞈ-eu duˇ. Aˬ dui-euˬ tsawˇ haˬ aˇ naˆ ni cuiˆ kʼawꞈ, aˬ yawꞈ caw ba nehˬ laꞈ-awˇ, aˬ dui gʼaˬ leˇ ni aˬ yawꞈ jahˇ naˇ, tiˬ jeˬ-iˬ maˬ laˆ tsoeˬ nya-aˇ.”

1 Saˬmeuˬlaˆ 14:1

Tiˬ nah keuˆ laˇ ngeh, aˬ yawꞈ-euˬ guiˇ deuˆ-eu keu ka bi baꞈ-euˬ zaˬ guˬ-ahˇ, “Piˇliˇtiˆ tsawˇ haˬ deuˬ-euˬ taˆ-ahˇ uˇ leˇ kaˇ-euˇ” lehˇ, Yawˇnaˆshaˬ ehˇ nehˬ-euˬ meh. Ehˇ kʼawꞈ, gaˇ kawˆ kʼoeˇ aˬ yawꞈ-euˬ aˬ da-ahˇ aˬ yawꞈ maˬ ehˇ nehˬ-a.

1 Saˬmeuˬlaˆ 13:3

Geˬbaˬ meuˬ-ahˇ Piˇliˇtiˆ guiˇ maꞈ kʼoeˇ taˆ uˆ lahˇ-eu gʼaˬ-ahˇ Yawˇnaˆshaˬ neh sehꞈ-awˇ, gaˇ kawˆ kʼoeˇ Piˇliˇtiˆ tsawˇ haˬ dawˬ tawˆ luꞈ ya gaˬ-euˬ meh. Kʼoeˇ naˇ, Sawˇluˆ tsawˇ haˬ pyehˬ gʼeh-awˇ, Iˇsaˬleˬlaˆ miˇ kʼahˬ doe ni daˇ heh baw baw-ehˇ bi cah-awˇ, guiˇ deuˆ-eu gʼaˇ duˬ Heˬbyehˇ tsawˇ haˬ deuˬ-ahˇ bi kuˇ uiˬ-iˇ-euˬ meh.

2 Saˬmeuˬlaˆ 8:7

Haˬdaˬdeˬzaˬ-euˬ guiˇ maꞈ-ahˇ uˆ lahˇ-eu yaw huiˬ yaw mahˇ deuˬ zmˬ-eu, shuiˇ neh jahˇ taˬ-euˬ dehˬ daˬ duˬ tiˬ deuˬ Daˬbiˇ deuˆ za-awˇ, Yeˬluˇsaˬlehˬ meuˬ-ahˇ yuˇ kʼoꞈ gʼeh-euˬ meh.

2 Saˬmeuˬlaˆ 10:19

Haˬdaˬdeˬzaˬ uˆ lahˇ-eu uˬ moˆ jawˇ luꞈ-eu sahˬ paˬ deuˬ, Iˇsaˬleˬlaˆ tsawˇ haˬ deuˬ neh aˬ yawꞈ maꞈ-ahˇ guiˇ deuˆ gʼaˬ-euˬ gaˇ ya mawˇ ngeh, Iˇsaˬleˬlaˆ tsawˇ haˬ deuˬ nehˬ-ehˇ ja tsaˬ geuꞈ-awˇ, Iˇsaˬleˬlaˆ tsawˇ jeuˬ uˆ lahˇ-eu uˬ moˆ jawˇ-euˬ meh. Kʼoeˇ ngeh neh naˇ, Suˇliˆ tsawˇ haˬ deuˬ Aˬmoˬ tsawˇ haˬ deuˬ-ahˇ maˬ paˇ caw ba nehˬ peuˬ ni pyeuꞈ-iˇ-euˬ meh.

1 Sahˬpaˬ 4:21

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ-ahˇ keuˆ ni hawˇ-eu , Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni kʼaˇ jaˆ-eu miˇ kʼahˬ dawˬ tawˆ luꞈ, Sawˇlaˬmoˬ-euˬ miˇ kʼahˬ pyeuꞈ-eu meh. Aˬ yawꞈ-euˬ tiˬ ziˇ, aˬ yawꞈ maꞈ aˬ yawꞈ-ahˇ kawˬ doˆ nehˬ-awˇ, aˬ yawꞈ uˆ lahˇ-eu uˬ moˆ jawˇ-euˬ meh.

2 Saˬmeuˬlaˆ 5:10

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ tiˬ jawˇ saˇ-iˬ tiˬ jawˇ gʼaˬ kʼaˆ laˇ luꞈ-eu meh.

2 Sahˬpaˬ 1:1

Iˇsaˬleˬlaˆ sahˬ paˬ Aˬhaˆ shiˇ ngeh jawˇ, Mawˇbaˆ miˇ kʼahˬ Iˇsaˬleˬlaˆ miˇ kʼahˬ-ahˇ puiˬ-euˬ meh.

2 Sahˬpaˬ 3:4

Mawˇbaˆ sahˬ paˬ Meˬshaˬ-aˬ, yawˇ cu-eu tsawˇ haˬ pyeuꞈ-awˇ, tiˬ kʼoꞈ-euˬ yawˇ zaˬ tiˬ seh mawˇ maˬ ehˇ, yawˇ tiˬ seh mawˇ-ahˇ tehˬ uiˬ-euˬ yawˇ caꞈ hm deuˬ maˬ ehˇ, Iˇsaˬleˬlaˆ sahˬ paˬ-ahˇ ya biꞈ-eu meh.

2 Sahˬpaˬ 14:28

Yeˬyawˇbamˬ neh kʼaˬ duˬ ni guiˇ deuˆ-euˬ gaˇ kawˆ maˬ ehˇ, Daˬmaˬsehˇ meuˬ hawˇ-eu Haˬmaˆ meuˬ-ahˇ Iˇsaˬleˬlaˆ miˇ kʼahˬ laꞈ kʼoeˇ deuˆ ahˇ geuꞈ-euˬ gaˇ kawˆ maˬ ehˇ, aˬ yawꞈ neh kʼaˇ mˇ kʼaˇ shaˇ-euˬ yawˬ jeˬ na luꞈ maˬ ehˇ, Iˇsaˬleˬlaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

2 Sahˬpaˬ 18:7

Kʼoeˇ miˇ neh, aˬ yawꞈ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ neh kʼaˇ mˇ kʼaˇ shaˇ-euˬ yawˬ jeˬ na luꞈ guiˬ lahˬ baw-eu meh. Aˬshuˇliˆ sahˬ paˬ-ahˇ aˬ yawꞈ puiˬ-awˇ, laꞈ oꞈ maˬ awꞈ ni dehꞈ-euˬ meh.

Jaceuq 60:10

Nawˇ nga maꞈ-ahˇ aˬ diˇ aˬ maˇ byehˇ dzeh-euˬ ma loˇ. Nga maꞈ-euˬ guiˇ maꞈ nehˬ-ehˇ guiˇ deuˆ gaˇ nawˇ maˬ paˇ iˇ ma loˇ.