2 Saˬmeuˬlaˆ 8:2 - Akha

² Kʼoeˇ naˇ, Mawˇbaˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-euˬ meh. Guiˇ deuˆ ngeh nyehꞈ mi-euˬ deuˬ-ahˇ miˇ tsa bi yuꞈ-awˇ, smˬ bymˇ nyiˬ bymˇ sehꞈ-euˬ meh. Kʼoeˇ ngeh, Mawˇbaˆ tsawˇ haˬ deuˬ aˬ yawꞈ uˆ lahˇ-eu uˬ moˆ ya jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

2 Saˬmeuˬlaˆ 8:2 Referans Kwoze

Bawˇtsahˬ 24:17

Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ, Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma. Yaw shehꞈ bya-eu aˬ guiˇ loꞈ-ehˇ, aˬ yawꞈ maꞈ-euˬ tsawˇ jeuˬ laꞈ kʼoeˇ, sahˬpaˬ tiˬ gʼaˬ doˆ laˇ tehꞈ-a. Aˬ guiˇ smˇ miˇ iˇ-eu loꞈ-ehˇ, Iˇsaˬleˬlaˆ tsawˇ jeuˬ laꞈ kʼoeˇ, ja pyuˬ ni ga keuˆ le tehꞈ-a. Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ, Seˬtaˆ tsawˇ haˬ dawˬ tawˆ luꞈ-ahˇ aˬ yawꞈ dawꞈ lah nehˬ jiˇ tehꞈ-a.

Jaceuq 60:8

Ehˇ kʼawꞈ, Mawˇbaˆ miˇ kʼahˬ-aˬ, ngaˇ iˇ cuꞈ dzuiꞈ-eu shehˇ byehˇ geuꞈ ma. Eˬdoˬ miˇ kʼahˬ-ahˇ ngaˬ-euˬ sehˬ nawˆ dzeh taˬ-awˇ, ngaˬ-euˬ miˇ kʼahˬ pyeuꞈ-eu gaˇ kawˆ tsaˬ tsoˆ nehˬ ma. Piˇliˇtiˆ miˇ kʼahˬ kʼoeˇ taˆ, ngaˇ gʼaˬ leˇ-eu gʼaˬ pyeuꞈ-eu gaˇ kawˆ kʼaˬ duˬ ni guˇ ma.”

2 Saˬmeuˬlaˆ 8:6

Aˬ yawꞈ maꞈ-euˬ miˇ kʼahˬ laꞈ kʼoeˇ Daˬbiˇ taˆ tsoˆ-awˇ, aˬ yawꞈ-euˬ yehˇ deuˬ bi jawˇ-euˬ meh. Aˬ yawꞈ maꞈ Daˬbiˇ uˆ lahˇ-eu uˬ moˆ ya jawˇ-awˇ, Daˬbiˇ-ahˇ kawˬ doˆ nehˬ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ paw na luꞈ guiˇ bi deuˆ gʼaˬ-euˬ meh.

1 Saˬmeuˬlaˆ 10:27

Ehˇ kʼawꞈ, gaˇ dahˇ maˬ tsoeˬ-eu tsawˇ haˬ tiˬ paˆ na deuˬ aˬ yawꞈ-ahˇ yaw zeu maˬ baw-ehˇ, “Tsawˇ haˬ heu gʼaˬ aˬ dui-ahˇ muiˬ laˇ ni tiˬ jeˬ-iˬ maˬ mˇ nya luꞈ-a” lehˇ ehˇ-awˇ, aˬ yawꞈ-ahˇ laꞈ sawˬ tiˬ jeˬ-iˬ maˬ biꞈ leˇ ni jawˇ-eu meh.

Iˇsaˬyaˇ 36:16

Heˬsaˬgiˇ ehˇ gaˇ taˬ naˇ haˬ. Meuˬ laꞈ nyiˇ doˆ le-awˇ, nga maꞈ-euˬ laꞈ oꞈ awꞈ-awˬ. Laˇ-awˬ lehˇ Aˬshuˇliˆ sahˬ paˬ dawˬ biꞈ luꞈ meh. Naw maꞈ yawˬ ha neh mˇ za-euˬ aˬ gaꞈ aˇ siˬ hawˇ-eu siˬ guˬ maˇ sheuˇ aˇ siˬ ya dzaˬ-awˇ, yawˬ ha-euˬ iˇ cuꞈ lah duˬ-ahˇ ya kʼawꞈ dawˇ-eu a kawˬ-aˬ za tehꞈ-a.

Jaceuq 108:9

Ehˇ kʼawꞈ, Mawˇbaˆ miˇ kʼahˬ-aˬ, ngaˇ iˇ cuꞈ dzuiꞈ-eu shehˇ byehˇ geuꞈ ma. Eˬdoˬ miˇ kʼahˬ-ahˇ ngaˬ-euˬ sehˬ nawˆ dzeh taˬ-awˇ, ngaˬ-euˬ miˇ kʼahˬ pyeuꞈ-eu gaˇ kawˆ tsaˬ tsoˆ nehˬ ma. Piˇliˇtiˆ miˇ kʼahˬ kʼoeˇ taˆ, ngaˇ gʼaˬ leˇ-euˬ gʼaˬ pyeuꞈ-eu gaˇ kawˆ kʼaˬ duˬ ni guˇ ma lehˇ ehˇ-eu meh.

2 Laˬsaˬbaˬ 26:8

Aˬmoˬ tsawˇ haˬ deuˬ kʼawꞈ aˬ yawꞈ-ahˇ kawˬ taꞈ ha nehˬ laˇ-awˇ, aˬ yawꞈ baoˬ huiˬ dui dui laˇ-euˬ miˇ neh, Iˇjiˇtuˆ miˇ kʼahˬ-ahˇ keuˆ ni aˬ yawꞈ tsawˇ myahˇ doˆ-euˬ meh.

1 Laˬsaˬbaˬ 18:2

Mawˇbaˆ tsawˇ haˬ deuˬ-ahˇ kʼawꞈ aˬ yawꞈ guiˇ deuˆ gʼaˬ-awˇ, aˬ yawꞈ maꞈ aˬ yawꞈ uˆ lahˇ-eu uˬ moˆ jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

2 Sahˬpaˬ 17:3

Aˬshuˇliˆ sahˬ paˬ Shaˬmaˬneˬzaˬ gʼaˬ aˬ yawꞈ-ahˇ guiˇ deuˆ laˇ-euˬ meh. Awˇsheˬ laꞈ oꞈ awꞈ-awˇ, aˬ yawꞈ kʼoꞈ yawꞈ kawˬ doˆ nehˬ-euˬ meh.

2 Sahˬpaˬ 1:1

Iˇsaˬleˬlaˆ sahˬ paˬ Aˬhaˆ shiˇ ngeh jawˇ, Mawˇbaˆ miˇ kʼahˬ Iˇsaˬleˬlaˆ miˇ kʼahˬ-ahˇ puiˬ-euˬ meh.

2 Saˬmeuˬlaˆ 12:31

Kʼoeˇ gaˇ jawˇ-eu tsawˇ haˬ deuˬ-ahˇ aˬ yawꞈ nyehꞈ doˆ laꞈ-awˇ, yehˬ ma, tsehˬ ma, deuˆ haˬ, heu deuˬ baꞈ-awˇ gaˇ bi mˇ-awˇ, tsaˬ byaˆ tehˆ-eu gaˇ kʼawꞈ bi mˇ-euˬ meh. Aˬmoˬ tsawˇ jeuˬ-euˬ meuˬ nui deuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ kʼehˇ dzaˬ-euˬ meh. Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Yeˬluˇsaˬlehˬ meuˬ-ahˇ gʼoꞈ laˇ-euˬ meh.

1 Saˬmeuˬlaˆ 14:47

Sawˇluˆ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ gʼaˬ ngeh, aˬ yawꞈ-ahˇ muiˇ-eu tsawˇ haˬ deuˬ-ahˇ, yawˬ paw na luꞈ aˬ yawꞈ guiˇ deuˆ-euˬ meh. Mawˇbaˆ tsawˇ jeuˬ, Aˬmoˬ tsawˇ jeuˬ, Eˬdoˬ tsawˇ jeuˬ, Zoˇbaˬ sahˬ paˬ deuˬ hawˇ-eu, Piˇliˇtiˆ tsawˇ jeuˬ heu deuˬ-ahˇ aˬ yawꞈ guiˇ deuˆ-euˬ meh. Kʼoeˇ loꞈ-ehˇ guiˇ kʼaˇ deuˆ ngeh, aˬ yawꞈ gʼaˬ leˇ-euˬ meh.

Jaceuq 83:6

Eˬdoˬ tsawˇ jeuˬ hawˇ-eu Iˇshaˬmeˬlaˇ tsawˇ jeuˬ maˬ ehˇ, Mawˇbaˆ tsawˇ jeuˬ hawˇ-eu Haˬgaˬlaˇ tsawˇ jeuˬ maˬ ehˇ,

1 Saˬmeuˬlaˆ 22:3

Kʼoeˇ gaˇ neh naˇ, Mawˇbaˆ miˇ kʼahˬ laꞈ kʼoeˇ jaˆ-eu Miˇzaˬpaˬ meuˬ-ahˇ Daˬbiˇ iˇ-awˇ, “Miˬyehˇ ngaˬ-euˬ gʼaˇ duˬ gaˇ ma aˬ joˆ-ehˇ laˆ saˆ taˬ-euˬ gaˇ kawˆ ngaˇ maˬ ya siˬ duˬ kʼoeˇ keuˆ ni, ngaˬ da hawˇ-eu ngaˬ ma-ahˇ nawˬ nehˬ-ehˇ tiˬ kʼehˬ bi jawˇ nehˬ laꞈ lehˇ nawˬ-ahˇ shaˇ-eu ma” lehˇ, Mawˇbaˆ sahˬ paˬ-ahˇ Daˬbiˇ ehˇ nehˬ-euˬ meh.

1 Saˬmeuˬlaˆ 22:4

Kʼoeˇ naˇ, aˬ yawꞈ-euˬ aˬ da aˬ ma-ahˇ Mawˇbaˆ sahˬ paˬ nehˬ-ehˇ taˬ yaꞈ-awˇ, lo kʼahˬ kʼoeˇ kʼahˬ laꞈ kʼoeˇ aˬ yawꞈ kʼaˇ dzuˇ zaꞈ luꞈ kʼoeˇ keuˆ ni, kʼoeˇ gaˇ bi jawˇ-euˬ meh.

1 Sahˬpaˬ 4:21

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ-ahˇ keuˆ ni hawˇ-eu , Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni kʼaˇ jaˆ-eu miˇ kʼahˬ dawˬ tawˆ luꞈ, Sawˇlaˬmoˬ-euˬ miˇ kʼahˬ pyeuꞈ-eu meh. Aˬ yawꞈ-euˬ tiˬ ziˇ, aˬ yawꞈ maꞈ aˬ yawꞈ-ahˇ kawˬ doˆ nehˬ-awˇ, aˬ yawꞈ uˆ lahˇ-eu uˬ moˆ jawˇ-euˬ meh.

Jaceuq 18:45

Yawꞈmaꞈnui ma ga ka jiˇ-awˇ, ziꞈdui dui-eu taˆlaꞈkʼoeˇneh, yaw dzuˬdzuˬ-awˇdoˆle-eu meh.

Jaceuq 60:10

Nawˇ nga maꞈ-ahˇ aˬ diˇ aˬ maˇ byehˇ dzeh-euˬ ma loˇ. Nga maꞈ-euˬ guiˇ maꞈ nehˬ-ehˇ guiˇ deuˆ gaˇ nawˇ maˬ paˇ iˇ ma loˇ.