2 Saˬmeuˬlaˆ 7:10 - Akha

^10-11 Ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ aˬ cawˬ kʼehˬ-eu kʼaˆ-eu uˬ moˆ maˬ paˇ ya jawˇ ni, aˬ yawꞈ maꞈ gʼaˇ duˬ ngaˬ neh jawˇ duˬ tiˬ tsahˇ poˆ nehˬ-awˇ bi jawˇ-euˬ ma. Miˇ kʼahˬ heu kʼahˬ-ahˇ aˬ yawꞈ maꞈ jawˇ keuˆ laˇ-euˬ tiˬ nah neh, haiˬ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ meh. Ehˇ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ bi gʼeh ma. Muiˇ-eu deuˬ nawˬ-ahˇ maˬ ya laˆ luˬ laˆ seˇ-eu gʼaˇ duˬ maˬ ehˇ, nawˬ-euˬ zaˬ nawˬ-euˬ uˆ deuˬ bi myaˬ bi behˇ laˇ-eu gʼaˇ duˬ maˬ ehˇ, nawˬ nehˬ-ehˇ ngaˇ saˇ jaˇ dzaˬ-eu ma.

2 Saˬmeuˬlaˆ 7:10 Referans Kwoze

Aˬmoˆ 9:15

Ngaˬ-euˬ tsawˇ haˬ heu deuˬ-ahˇ ngaˇ, aˬ yawꞈ maꞈ-euˬ miˇ kʼahˬ laꞈ kʼoeˇ, ziꞈ dah ni paˇ ka ziꞈ nehˬ ma. Ngaˬ neh biꞈ-euˬ miˇ kʼahˬ-ahˇ neh, ciˇ tahˬ maˬ bi gʼawˇ lehˆ ma lehˇ, naw maꞈ-euˬ Miˬyehˇ pyeuꞈ luꞈ-eu, ngaˇ Sahˬpaˬ Miˬyehˇ ehˇ-eu ma.”

1 Laˬsaˬbaˬ 17:9

Ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ aˬ cawˬ kʼehˬ-eu kʼaˆ-eu uˬ moˆ maˬ paˇ ya jawˇ ni, aˬ yawꞈ maꞈ gʼaˇ duˬ ngaˬ neh jawˇ duˬ tiˬ tsahˇ tseˇ doˆ nehˬ-awˇ bi jawˇ-euˬ ma. Miˇ kʼahˬ heu kʼahˬ-ahˇ aˬ yawꞈ maꞈ jawˇ keuˆ laˇ-euˬ tiˬ nah neh, haiˬ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ meh. Ehˇ kʼawꞈ, aˬ kaˇ naˇ, kʼoeˇ loꞈ-ehˇ maˬ paˇ bi gʼeh ma. Nawˬ-ahˇ muiˇ-eu deuˬ nawˬ-ahˇ maˬ ya laˆ coeˬ laˆ ciˆ ni maˬ ehˇ, nawˬ-euˬ zaˬ nawˬ-euˬ uˆ deuˬ jeuˬ le o le ni maˬ ehˇ, nawˬ nehˬ-ehˇ ngaˇ saˇ jaˇ dzaˬ-eu ma.

Yeˬlaˬmiˇ 24:6

Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Yeˬsaˬgeˬlaˇ 28:24

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ tiˬ jawˬ jawˇ-awˇ, Iˇsaˬleˬlaˆ miˇ kʼahˬ-ahˇ kʼaˇ laˆ bahˬ-eu miˇ kʼahˬ yawˬ kʼahˬ na luꞈ, aˬ gah hawˇ-eu daˇ ceh loꞈ-ehˇ maˬ paˇ laˆ bahˬ nya ni pyeuꞈ-iˇ-eu uˬ taꞈ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ siˬ duˬ leˇ tehꞈ-a.”

Jaceuq 80:8

Iˇjiˇtuˆ miˇ kʼahˬ-ahˇ neh aˬ gaꞈ ciˇ ni tiˬ ni nawˇ yuˇ laꞈ-awˇ, aˬ cawˬ tsawˇ jeuˬ deuˬ-ahˇ nawˇ teh dzeh-awˇ, aˬ yawꞈ maꞈ-euˬ miˇ kʼahˬ-ahˇ toeˬ ka-euˬ meh.

Yeˬlaˬmiˇ 18:9

Yawˬ dawˬ yawˬ paˇ ehˇ naˇ, tsawˇ jeuˬ tiˬ jeuˬ-ahˇ ngaˇ ka dehꞈ-awˇ laˆ huiˬ laˆ mahˇ nehˬ ma lehˇ ngaˇ ehˇ kʼawꞈ,

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”

Hawˇseˬ 2:18

Aˇ yamˬ kʼoeˇ yamˬ keuˆ laˇ ngeh jawˇ, ngaˬ-euˬ tsawˇ haˬ heu deuˬ kʼoeˇ taˆ, maˬ coeˬ maˬ ciˆ nehˬ-eu gʼaˇ duˬ, bawˇ tsahˬ jeˬ zaˬ dawˬ tawˆ hawˇ-eu, kʼoeˇ taˆ zaw-eu aˇ jiˇ maˬ ehˇ, miˇ tsa joe-eu deuˬ-ahˇ maˬ ehˇ, ngaˇ saˇ jaˇ dzaˬ taꞈ-eu lehˇ ma. Miˇ kʼahˬ heu kʼahˬ laꞈ kʼoeˇ jaˆ-eu, guiˇ deuˆ-eu keu ka dawˬ tawˆ luꞈ, mi cehˇ hawˇ-eu kaˆ dawˬ tawˆ luꞈ, ngaˇ laˆ piˬ laˆ byoˆ nehˬ jiˇ-awˇ, ngaˬ-euˬ tsawˇ haˬ heu deuˬ dawˬ tawˆ, nui saˇ oꞈ-awˇ ya dehꞈ tehꞈ-a.

Doˆ-iˇ 15:17

Nawˬ neh yawˬ haˇ yawˬ ha tsoˆ taˬ-euˬ Uˬ duˬ tahˬ nymˇ nymˇ ma, Sahˬpaˬ Miˬyehˇ nawˇ jawˇ-eu lehˇ tseˇ doˆ taˬ-euˬ jawˇ duˬ pyeuꞈ-eu nawˬ-eu gawˬ jawˬ kʼoeˇ taˆ, aˬ yawꞈ maꞈ-ahˇ nawˇ sheuˬ uˇ laꞈ-awˇ, ka ziꞈ taˬ-euˬ meh.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 5:2

Aˬ yawꞈ yaˇ kmˇ duˬ ngeh kʼaˬ lo gʼoˆ dzeh jiˇ-awˇ, muiˬ dui dui-eu aˬ gaꞈ ciˇ ni deuˬ ka-euˬ meh. Aˬ gaꞈ yaˇ kmˇ-ahˇ loꞈ-eu yaˇ cmˇ cmˇ goˇ tsoˆ-awˇ, aˬ gaꞈ dzaˇ uiˇ lehˬ duˬ jahˇ gʼaˬ taˬ-awˇ, Aˬ gaꞈ aˇ siˬ awꞈ laˇ jiˇ ngeh keuˆ ni loꞈ keuˆ-euˬ meh. Ehˇ kʼawꞈ, aˬ gaꞈ aˇ siˬ dawˬ tawˆ luꞈ yaw cehˇ meh.

Jaceuq 44:4

Ngaˬ-euˬsahˬpaˬpyeuꞈ-eu gʼaˬ-oˇ, ngaˬ-euˬMiˬyehˇpyeuꞈ-eu gʼaˬ-oˇ, Yaˬkoˆ-euˬzaˬdeuˬuˆdeuˬ-ahˇ, gʼaˬleˇ-eu jeˬnawˇbiꞈ-euˬmeh.

Yaˇ kʼaˬ daˇ 4:3

Yaˬbiˬ-aˬ, shmˇ mahˬ laˆ lawˬ gʼoeˬ yaˇ laˇ jawˇ-awˇ, Iˇsaˬleˬlaˆ tsawˇ haˬ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-eu laꞈ kʼoeˇ, nyiˬ tseˇ kʼoꞈ uˆ lahˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ, caw ba le-awˬ lehˇ guˇ guˇ-ehˇ ngoeˇ-euˬ meh.

1 Saˬmeuˬlaˆ 13:17

Iˇsaˬleˬlaˆ tsawˇ haˬ deuˬ-ahˇ guiˇ deuˆ leˇ-eu gʼaˇ duˬ, Piˇliˇtiˆ yehˇ deuˬ guiˇ maꞈ smˇ maꞈ biˇ-awˇ, aˬ yawꞈ maꞈ-euˬ taˆ-ahˇ neh doˆ laˇ-euˬ meh. Yaw beh muˇ-aˬ, Shuˇlaˆ miˇ kʼahˬ Awˇpaˬlaˇ meuˬ paw le-euˬ meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

2 Sahˬpaˬ 21:8

Kʼoeˇ uˬ taꞈ, “ Iˇsaˬleˬlaˆ tsawˇ haˬ deuˬ ngaˬ-euˬ ehˇ dawˬ naˇ haˬ geuꞈ jiˇ-awˇ, ngaˬ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ yaꞈ-eu zahˇ dawˬ kʼoꞈ dawˬ dawˬ tawˆ luꞈ-ahˇ caw teh naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ, aˬ yawꞈ maꞈ-ahˇ tiˬ jawˇ-iˬ maˬ bi teh doˆ” lehˇ, Sahˬpaˬ Miˬyehˇ neh ehˇ taˬ-euˬ jaˆ-eu meh.

2 Laˬsaˬbaˬ 33:8

Kʼoeˇ uˬ taꞈ, “Iˇsaˬleˬlaˆ tsawˇ haˬ deuˬ ngaˬ-euˬ ehˇ dawˬ-ahˇ naˇ haˬ geuꞈ jiˇ-awˇ, ngaˬ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ neh, aˬ yawꞈ maꞈ-ahˇ tiˬ jawˇ-iˬ maˬ bi teh doˆ” lehˇ Miˬyehˇ ehˇ taˬ-euˬ meh.

Jaceuq 44:2

Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Jaceuq 80:9

Baw duˆ kʼoeˇ mehˇ laˇ ni moꞈ juiˇ nehˬ-awˇ, duˬ ciˇ iˇ naꞈ-eu laꞈ kʼoeˇ, miˇ kʼahˬ kʼoeˇ kʼahˬ uˆ byoˆ-euˬ meh.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.