2 Saˬmeuˬlaˆ 5:20 - Akha

²⁰ Kʼoeˇ naˇ, Baˬlaˇpeˬlaˬzmˬ-ahˇ Daˬbiˇ iˇ-awˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-euˬ meh. “Ngaˬ-ahˇ muiˇ-eu deuˬ-ahˇ Sahˬpaˬ Miˬyehˇ neh iˇ jeuˬ jeuˬ-eu loꞈ-ehˇ tahˬ paˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

2 Saˬmeuˬlaˆ 5:20 Referans Kwoze

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

2 Saˬmeuˬlaˆ 19:9

Iˇsaˬleˬlaˆ miˇ kʼahˬ kʼahˬ lah ni, tiˬ gʼaˬ tiˇ gʼaˬ ceh ceh-ehˇ ehˇ-eu, “Sahˬ paˬ Daˬbiˇ-aˬ, muiˇ-eu deuˬ-euˬ aˬ laꞈ laꞈ kʼoeˇ neh aˬ dui-ahˇ ka kʼoꞈ nehˬ laꞈ-euˬ meh. Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Ehˇ kʼawꞈ, nymˬ-mˇ Aˬbaˇsaˬloˬ-ahˇ aˬ yawꞈ yahˇ pawˇ-awˇ, miˇ kʼahˬ heu kʼahˬ-ahˇ aˬ yawꞈ byehˇ dzeh yaꞈ-euˬ meh.

1 Laˬsaˬbaˬ 14:11

Kʼoeˇ naˇ, Baˬlaˇpeˬlaˬzmˬ lehˇ kuˇ-eu jawˇ duˬ-ahˇ, Piˇliˇtiˆ tsawˇ haˬ deuˬ-ahˇ Daˬbiˇ guiˇ deuˆ-iˇ-awˇ, deuˆ gʼaˬ-euˬ meh. Kʼoeˇ ngeh jawˇ, “Miˬyehˇ ngaˬ-ahˇ zmˬ-awˇ, muiˇ-eu tsawˇ haˬ kʼoeˇ deuˬ-ahˇ iˇ jeuˬ jeuˬ-euˬ loꞈ-ehˇ dehˬ paˆ doˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

Jaceuq 60:1

Miˬyehˇ-oˇ, nawˇ nga maꞈ-ahˇ byehˇ dzeh-awˇ, nga maꞈ-euˬ taˆ bi byaˆ-iˇ-euˬ meh. Nawˇ nga maꞈ-ahˇ nui ma pehˇ-eu meh. Ehˇ kʼawꞈ nymˬ-mˇ nga maꞈ-ahˇ haw cawˬ nehˬ laꞈ-awˬ.

Haˬbaˬkuˆ 3:13

Nawˬ-euˬ tsawˇ haˬ kʼoeˇ deuˬ hawˇ-eu, nawˬ neh tseˇ doˆ-euˬ sahˬpaˬ-ahˇ, ka kʼoꞈ-eu lehˇ nawˇ iˇ-euˬ meh. Haiˬ-eu sahˬ paˬ-ahˇ kʼoˆ coˬ-awˇ, gʼaˬ zaˬ gʼaˬ kʼehˇ dawˬ tawˆ luꞈ-ahˇ, nawˇ laˆ piˬ laˆ byoˆ nehˬ-euˬ meh.