2 Saˬmeuˬlaˆ 3:1 - Akha

¹ Sawˇluˆ-euˬ aˬ yuiꞈ aˬ nyiˇ deuˬ jawˇ paw pyawˬ-eu tsawˇ haˬ deuˬ hawˇ-eu, Daˬbiˇ jawˇ paw pyawˬ-eu tsawˇ haˬ deuˬ, aˇ yamˬ gʼawˬ myahˇ ni guiˇ deuˆ deuˆ-ehˇ jawˇ-euˬ meh. Daˬbiˇ tiˬ jawˇ saˇ-iˬ tiˬ jawˇ gʼaˬ kʼaˆ laˇ luꞈ-awˇ, Sawˇluˆ-euˬ aˬ yuiꞈ aˬ nyiˇ deuˬ tiˬ jawˇ saˇ-iˬ tiˬ jawˇ gʼaˬ teˬ-iˇ luꞈ-eu meh.

2 Saˬmeuˬlaˆ 3:1 Referans Kwoze

1 Sahˬpaˬ 14:30

Aˇ yamˬ kʼoeˇ yamˬ laꞈ kʼoeˇ, Leˬhawˇbamˬ hawˇ-eu Yeˬyawˇbamˬ aˬ nyaꞈ maˬ tsehˆ leˇ ni guiˇ deuˆ-euˬ meh.

Yawˇbaˆ 8:7

Nawˬ neh smˬ jiˇ-euˬ pyuˇ shuiˇ myawˬ gahˬ deuˬ-aˬ, Miˬyehˇ nawˬ-ahˇ biꞈ-eu lehˇ gʼeh-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

2 Saˬmeuˬlaˆ 2:17

Kʼoeˇ naˇ, guˆ dui dui laˇ paˬ-ehˇ guiˇ deuˆ ceh ceh-awˇ, Aˬbaˬnaˬ hawˇ-eu Iˇsaˬleˬlaˆ tsawˇ haˬ deuˬ-ahˇ, Daˬbiˇ-euˬ tsawˇ haˬ deuˬ neh deuˆ gʼaˬ-euˬ meh.

Eˇpeˇsu 6:12

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Jaceuq 84:7

Aˬ yawꞈ maꞈ mehˬ hu paw le ngeh gʼaˬ ahˇ dzehˬ laˇ-awˇ, miˬyehˇ dawˬ tawˆ luꞈ-euˬ Miˬyehˇ-ahˇ, Ziˇoˬ gawˬ jawˬ kʼoeˇ taˆ aˬ yawꞈ maꞈ ya tahˬ puˬ tehꞈ-a.

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Gaˬlaˬtiˆ 5:17

Aˬ jeˬ miˇ neh ehˇ naˇ, shiˬ shaˬ jiˇ nui kʼahˇ-aˬ, Yaw sahˇ Miˬyehˇ-ahˇ maˬ tsaˬ leˇ-ehˇ, Yaw sahˇ Miˬyehˇ kʼawꞈ, shiˬ shaˬ jiˇ nui kʼahˇ-ahˇ maˬ tsaˬ leˇ-a. Heu nyiˬ jeˬ-aˬ, tiˬ jeˬ tiˇ jeˬ muiˇ-eu miˇ neh, naw maꞈ yawˬ ha mˇ mawꞈ-eu jeˬ maˬ mˇ nya-a.

Iˇsaˬtaˆ 6:13

Kʼaˇ pyeuꞈ laˇ-euˬ dawˬ tawˆ luꞈ, aˬ yawꞈ-euˬ cawˬ deuˬ hawˇ-eu aˬ yawꞈ-euˬ miˬ zaˬ-ahˇ Haˬmaˬ dzawˇ nehˬ-euˬ meh. Kʼoeˇ ngeh, aˬ yawꞈ-euˬ miˬ zaˬ hawˇ-eu zaˬ siˬ tsawˇ gahˇ ahˇ-eu aˬ yawꞈ-euˬ cawˬ deuˬ aˬ yawꞈ-ahˇ ehˇ nehˬ-eu, “Nawˇ-aˬ, Mawˬdaˬkehˇ-euˬ baoˬ-ahˇ maˬ gʼaˬ leˇ-ehˇ pyeuꞈ-iˇ-euˬ nga. Aˬ yawꞈ-aˬ, Yuˇdaˆ tsawˇ haˬ meh. Aˬ yawꞈ-ahˇ nawˇ maˬ gʼaˬ leˇ nya-a. Aˬ diˇ aˬ maˇ aˬ yawꞈ nawˬ-ahˇ gʼaˬ leˇ tehꞈ-a.”

1 Sahˬpaˬ 15:32

Yuˇdaˆ sahˬ paˬ Aˬsaˬ hawˇ-eu Iˇsaˬleˬlaˆ sahˬ paˬ Bawˬshaˬ aˬ nyaꞈ-aˬ, aˬ yawꞈ nyaꞈ sahˬ paˬ geuꞈ-awˇ kʼaˇ uˆ lahˇ kʼoeˇ keuˆ ni, tiˬ gʼaˬ tiˇ gʼaˬ maˬ tsehˆ leˇ ni guiˇ deuˆ-euˬ meh.

1 Sahˬpaˬ 15:16

Yuˇdaˆ sahˬ paˬ Aˬsaˬ hawˇ-eu Iˇsaˬleˬlaˆ sahˬ paˬ Bawˬshaˬ aˬ nyaꞈ-aˬ, aˬ yawꞈ nyaꞈ sahˬ paˬ geuꞈ-awˇ kʼaˇ uˆ lahˇ kʼoeˇ keuˆ ni, tiˬ gʼaˬ tiˇ gʼaˬ maˬ tsehˆ leˇ ni guiˇ deuˆ-euˬ meh.

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Panmaeq 6:2

Ngaˇ haw gʼeh ngeh, mahˬ mahˬ pyuˇ tiˬ mawˇ mawˇ-euˬ ma. Mahˬ dziˬ luꞈ-eu gʼaˬ kaˆ tiˬ kahˇ baꞈ luꞈ-awˇ, aˬ yawꞈ-ahˇ shuiˇ uˬ kʼoˆ biꞈ nehˬ-awˇ, gʼaˬ leˇ-euˬ tsawˇ haˬ loꞈ-ehˇ guiˇ deuˆ gʼaˬ-eu gʼaˇ duˬ mahˬ dziˬ-awˇ doˆ-iˇ-euˬ meh.

2 Saˬmeuˬlaˆ 2:28

Kʼoeˇ naˇ, Yoˇbaˬ daˇ heh baw-awˇ, aˬ yawꞈ-euˬ tsawˇ haˬ deuˬ Iˇsaˬleˬlaˆ tsawˇ haˬ deuˬ-euˬ mehˬ nah maˬ paˇ teh ni bi naˬ leˇ-awˇ, guiˇ maˬ deuˆ ni byehˇ-euˬ meh.

2 Saˬmeuˬlaˆ 5:10

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ tiˬ jawˇ saˇ-iˬ tiˬ jawˇ gʼaˬ kʼaˆ laˇ luꞈ-eu meh.

2 Saˬmeuˬlaˆ 22:44

Puiˬ-eu tsawˇ haˬ deuˬ-euˬ laꞈ-ahˇ, nawˇ ngaˬ-ahˇ ka kʼoꞈ nehˬ laꞈ-awˇ, tsawˇ jeuˬ dawˬ tawˆ luꞈ-euˬ kʼoeˇ taˆ, dzoeˬ dzaˬ ngaˬ-ahˇ biꞈ laꞈ-euˬ meh. Aˇ hu maˬ siˬ-euˬ tsawˇ haˬ deuˬ, iˬ nah ngaˬ-ahˇ mˇ cu luꞈ meh.

1 Laˬsaˬbaˬ 11:9

Daˬbiˇ-aˬ, tiˬ jawˇ saˇ-iˬ tiˬ jawˇ gʼaˬ kʼaˆ laˇ luꞈ-eu meh. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ aˬ yawꞈ nehˬ-ehˇ jawˇ-eu meh.

Iˇsaˬtaˆ 9:4

Mawˬdaˬkehˇ-aˬ, sahˬ paˬ-euˬ nymˇ laꞈ kʼoeˇ baoˬ ahˇ-eu tsawˇ haˬ tiˬ gʼaˬ pyeuꞈ laˇ taˬ-awˇ, tiˬ nah saˇ-iˬ tiˬ nah aˬ yawꞈ-euˬ baoˬ huiˬ laˇ luꞈ-eu gaˇ kawˆ, miˇ kʼahˬ doe ni siˬ byah gaˬ byah taˬ-euˬ meh.

Jaceuq 18:43

Miˇkʼahˬtsawˇjeuˬnehˬ-ehˇceh gaˇ, ngaˬ-ahˇnawˇka kʼoꞈnehˬlaꞈ-awˇ, tsawˇjeuˬdawˬtawˆluꞈ-euˬkʼoeˇtaˆ, nawˇngaˬ-ahˇbi uˆlahˇlaꞈ-awˇ, ngaˇmaˬgaˬhaw-euˬtsawˇhaˬneh, ngaˬ-ahˇbi mˇcu laꞈ-euˬmeh.

Jaceuq 46:9

Miˇ tsaˬ kʼoeˇ taˆ guiˇ kʼaˇ deuˆ gaˇ aˬ yawꞈ laˆ naˬ-eu meh. Kaˆ hawˇ-eu gahˬ-ahˇ aˬ yawꞈ ngawˬ kʼehꞈ ngawˬ kʼoeˆ-awˇ, dehˬ daˬ duˬ-ahˇ miˬ dzaˬ dzah dzeh-eu meh.

2 Saˬmeuˬlaˆ 3:6

Daˬbiˇ-euˬ guiˇ maꞈ deuˬ hawˇ-eu Sawˇluˆ-euˬ aˬ yuiꞈ aˬ nyiˇ jawˇ paw pyawˬ-eu tsawˇ haˬ deuˬ maˬ tsehˆ leˇ ni guiˇ deuˆ luꞈ ngeh, Sawˇluˇ-euˬ mehˬ nah caw teh-eu tsawˇ haˬ deuˬ laꞈ kʼoeˇ, Aˬbaˬnaˬ gʼaˬ aˬ cawˬ naˆ maˬ tseˇ baoˬ jaˆ laˇ luꞈ-eu meh.

1 Laˬsaˬbaˬ 3:1

Sahˬ paˬ Daˬbiˇ Heˬbyoˬ meuˬ-ahˇ jawˇ ngeh dehꞈ le-euˬ aˬ yawꞈ-euˬ aˬ li deuˬ-aˬ, heu deuˬ meh. Aˬ li aˬ yuiꞈ yuiꞈ saˬ gʼaˬ-aˬ, Yeˬzaˬleˬlaˇ meuˬ-ahˇ jawˇ-eu Aˬhiˇnoˬ o neh dehꞈ le-euˬ Aˬmaˬnoˬ meh. Nyiˬ gʼaˬ tiˬ gʼaˬ-aˬ Gaˬlaˬmeˬlaˇ meuˬ-ahˇ jawˇ-eu Aˬbiˇgeˬlaˆ o neh dehꞈ le-euˬ Daˬyeˬlaˇ meh.