2 Saˬmeuˬlaˆ 24:7 - Akha

⁷ Kʼoeˇ naˇ, laꞈ oˆ paw pyawˬ-ahˇ jaˆ-eu ziꞈ dah ni tsoˆ taˬ-euˬ Duˇlu meuˬ hawˇ-eu, Hiˇbiˇ tsawˇ jeuˬ hawˇ-eu Kaˬnaˬ tsawˇ jeuˬ-euˬ meuˬ dawˬ tawˆ luꞈ-ahˇ iˇ doe jiˇ-awˇ, aˇ saˬ saˬ laˇ jawˬ-ehˇ, Yuˇdaˆ miˇ kʼahˬ laꞈ oˆ paw dzaˬ-ahˇ jaˆ-eu Beˬlaˇsheˬba meuˬ-ahˇ iˇ-euˬ meh.

2 Saˬmeuˬlaˆ 24:7 Referans Kwoze

Yawˇshuˆ 19:29

Kʼoeˇ naˇ, Laˬmahˇ meuˬ paw oe ka-awˇ, ziꞈ dah ni tsoˆ taˬ-euˬ Duˇlu meuˬ-ahˇ neh naˇ, Hawˇsaˬ meuˬ paw iˇ gʼeh-awˇ, Gʼahˇ ceh-euˬ iˬ ma laˆ shaˆ-ahˇ iˇ dahˬ-euˬ meh. Maˬhaˬlehˆ meuˬ, Aˬkaˬziˇ meuˬ,

Yawˇshuˆ 11:3

Yawˇdaˬ lawˇ baˬ kʼoeˇ baˬ heu baˬ-ahˇ jawˇ-eu Kaˬnaˬ tsawˇ haˬ deuˬ-ahˇ maˬ ehˇ, Aˬmawˇliˆ tsawˇ haˬ deuˬ-ahˇ maˬ ehˇ, Heˇtaˆ tsawˇ haˬ deuˬ-ahˇ maˬ ehˇ, Paˬyehˆ tsawˇ haˬ deuˬ-ahˇ maˬ ehˇ, gawˬ jawˬ gawˬ duˇ-ahˇ jawˇ-eu Yeˬbuˇ tsawˇ haˬ deuˬ-ahˇ maˬ ehˇ, Miˇzaˬpaˬ miˇ kʼahˬ Heˬlaˬmoˬ gawˬ jawˬ dawˬ dahˬ-ahˇ jawˇ-eu Hiˇbiˇ tsawˇ haˬ deuˬ-ahˇ maˬ ehˇ, aˬ yawꞈ dawˬ tsaꞈ tsaꞈ ahˇ gʼeh-euˬ meh.

2 Saˬmeuˬlaˆ 24:2

Guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Yoˇbaˬ-ahˇ, Daˬbiˇ heu loꞈ-ehˇ ehˇ nehˬ-euˬ meh. “Ngaˬ-euˬ gaˇ mˇ-eu yaw huiˬ yaw mahˇ deuˬ nehˬ-ehˇ, aˬ dui-euˬ miˇ kʼahˬ kʼoeˇ dzeˇ heu dzeˇ jaˆ-eu Daˬ meuˬ-ahˇ neh Beˬlaˇsheˬba meuˬ-ahˇ keuˆ ni iˇ-awˇ, Iˇsaˬleˬlaˆ tsawˇ jeuˬ-euˬ tsawˇ seˬ gʼoˆ-iˇ-awˬ. Miˇ kʼahˬ zaˬ aˇ myaˆ gʼaˬ jawˇ-eu gaˇ kawˆ ngaˇ siˬ nya mawꞈ-eu ma.”

Yaˇ kʼaˬ daˇ 3:3

Miˇ kʼahˬ kʼoeˇ kʼahˬ laꞈ kʼoeˇ dzeˇ yaꞈ-euˬ deuˬ-aˬ, Piˇliˇtiˆ meuˬ ngaˬ meuˬ, Kaˬnaˬ tsawˇ jeuˬ dawˬ tawˆ luꞈ hawˇ-eu, Siˇdoˬ tsawˇ jeuˬ uˬ taꞈ Baˬlaˇheˬlaˬmoˬ gawˬ jawˬ hawˇ-eu Haˬmaˆ gʼaˬ lahˇ-ahˇ keuˆ ni jaˆ-eu Leˬbaˬnoˬ gawˬ jawˬ deuˬ-ahˇ jawˇ-eu Hiˇbiˇ tsawˇ haˬ deuˬ meh.

2 Saˬmeuˬlaˆ 24:8

Ba la gʼoeˬ siˬ uˬ taꞈ nyiˬ tseˇ nah byah laˇ ngeh, miˇ kʼahˬ kʼoeˇ kʼahˬ kʼahˬ lah ni aˬ yawꞈ maꞈ cah doe jiˇ-awˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Zaˬkaˬliˇ 9:3

Duˇlu-euˬ taˆ gawˬ ziꞈ taˬ-awˇ, pyuˇ hawˇ-eu shuiˇ pu cu cu kʼawꞈ,

Yawˇshuˆ 9:1

Yawˇdaˬ lawˇ baˬ nahˇ ma ga kʼehˬ paw jaˆ-eu gawˬ jawˬ gʼaˬ lawˬ hawˇ-eu, Gʼahˇ ceh-euˬ iˬ ma laˆ shaˆ lawˇ deh caw caw-ehˇ laꞈ taˆ paw pyawˬ-ahˇ jaˆ-eu Leˬbaˬnoˬ gawˬ jawˬ-ahˇ keuˆ ni jawˇ luꞈ-eu sahˬ paˬ deuˬ pyeuꞈ-eu, Heˬtaˆ sahˬ paˬ, Aˬmawˇliˆ sahˬ paˬ, Kaˬnaˬ sahˬ paˬ, Paˬyehˆ sahˬ paˬ, Hiˇbiˇ sahˬ paˬ hawˇ-eu Yeˬbuˇ sahˬ paˬ kʼoeˇ deuˬ dawˬ tawˆ luꞈ, Iˇsaˬleˬlaˆ tsawˇ haˬ guiˇ deuˆ gʼaˬ-euˬ gaˇ kawˆ ya siˬ-euˬ meh.

Yawˇshuˆ 9:7

Ehˇ kʼawꞈ, Iˇsaˬleˬlaˆ tsawˇ haˬ deuˬ ehˇ-eu, “Aˬ jeˬ miˇ neh nga maꞈ naw maꞈ nehˬ-ehˇ saˇ jaˇ ya dzaˬ taꞈ ta. Naw maꞈ dawˬ peh jawˇ-eu tsawˇ haˬ pyeuꞈ-eu maˬ siˬ tawˇ.”

Yawˇshuˆ 19:28

Eˬbyoˬ meuˬ, Leˬhawˇbaˆ meuˬ, Haˬmoˬ meuˬ, Kaˬnahˬ meuˬ heu deuˬ caw caw-ehˇ, Siˇdoˬ meuˬ-ahˇ keuˆ ni meh.