2 Saˬmeuˬlaˆ 23:17 - Akha

¹⁷ “Sahˬpaˬ Miˬyehˇ-oˇ, iˇ cuꞈ heu ngaˇ maˬ dawˇ ahˇ coeˇ nya. Iˇ cuꞈ heu ngaˇ dawˇ naˇ, yawˬ ha-euˬ saꞈ laˇ daˬ-awˇ iˇ cuꞈ kʼawꞈ laˬ-iˇ-eu tsawˇ haˬ heu smˇ gʼaˬ-euˬ shiˬ dawˇ gaˇ duˇ-eu miˇ neh, ngaˇ aˬ joˆ-ehˇ dawˇ ahˇ coeˇ nmˇ” lehˇ aˬ yawꞈ ehˇ-eu meh. Kʼoeˇ miˇ neh, iˇ cuꞈ kʼoeˇ aˬ yawꞈ maˬ dawˇ ni byehˇ-euˬ meh. Gaˇ heu deuˬ-aˬ, tsawˇ myahˇ doˆ dui dui-eu yehˇ kʼoeˇ smˇ gʼaˬ neh mˇ-euˬ, ja ceuˬ dui dui paˬ-ehˇ gʼeh-eu gaˇ deuˬ meh.

2 Saˬmeuˬlaˆ 23:17 Referans Kwoze

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

1 Gawˇliˬtu 15:30

Bi gʼoꞈ dehꞈ laˇ-eu jeˬ maˬ jaˆ-a lehˇ ngeuˇ naˇ, aˬ dui maꞈ kʼawꞈ aˬ jeˬ miˇ neh naˬ liˬ yawˬ laꞈ na luꞈ yawˬ ha-euˬ uˬ kʼawˇ gʼaˇ duˬ kʼahˬ ya lahˇ luꞈ ta.

Maˬkuˆ 14:24

Yeˬsuˇ ehˇ-eu, “Heu-aˬ, tsawˇ haˬ gʼawˬ mya ni gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Maꞈtehˬ 26:28

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Jaceuq 72:14

Aˬ cawˬ kʼehˬ nehˬ kʼaˆ nehˬ-awˇ yehˬ bawˬ-ehˇ bi jahˇ-eu laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-eu meh. Aˬ yawꞈ maꞈ-euˬ saꞈ laˇ-ahˇ aˬ yawꞈ taˬ huiˬ-eu meh.

1 Sahˬpaˬ 21:3

Naˬboˆ ehˇ-eu, “Aˬ gaꞈ yaˇ kmˇ heu kmˇ-aˬ, ngaˬ-euˬ aˬ poeˬ aˬ bawˇ deuˬ-euˬ jeˬ biˇ pyeuꞈ-eu miˇ neh, nawˬ-ahˇ biꞈ-eu gʼaˇ duˬ Sahˬpaˬ Miˬyehˇ nui ma maˬ tsaˬ-a.”

2 Saˬmeuˬlaˆ 20:20

Yoˇbaˬ ehˇ-eu, “Kʼoeˇ loꞈ-ehˇ jahˇ-eu lehˇ maˬ ngeuˇ. Naw maꞈ-euˬ meuˬ heu cawˆ-iˇ-awˇ, bi luˬ bi seˇ-iˇ ni ngaˇ tiˬ jawˇ-iˬ maˬ mˇ.

1 Saˬmeuˬlaˆ 26:11

Sahˬpaˬ Miˬyehˇ neh ka nehˬ-euˬ sahˬ paˬ-ahˇ laˆ tahˬ laˆ naˇ nehˬ-eu jeˬ maˬ ya mˇ ni, Sahˬpaˬ Miˬyehˇ ngaˬ-ahˇ laˆ tsoeˬ taˬ-euˬ meh. Aˬ yawꞈ-euˬ gahˬ hawˇ-eu iˇ puˬ yuˇ-awˇ doˆ-iˇ kaˇ-euˇ.”

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.

Yaˇ kʼaˬ daˇ 5:18

Ehˇ kʼawꞈ, Zeˬbuˬluˬ tsawˇ haˬ hawˇ-eu Naˬtaˬliˇ tsawˇ haˬ deuˬ, shiˇ gaˇ maˬ guˆ ni guiˇ deuˆ-euˬ meh.

Aˇ dahˬ 44:17

Yoˇsehˆ ehˇ-eu, “Kʼoeˇ naˆ naˆ-ehˇ maˇ diˇ-aˬ maˬ ngeuˇ-aˇ. Ngaˇ naw maꞈ-ahˇ teu naˆ naˆ-ehˇ jahˇ nehˬ-eu lehˇ maˬ ngeuˇ. Ngaˬ-euˬ pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ bi geuꞈ yaꞈ-awˇ, nawˬ ha mehˇ nmˇ dawˬ tawˆ luꞈ nawˬ ha mehˇ nmˇ-euˬ aˬ da jawˇ gaˇ yaw muiˬ paˬ-ehˇ gʼoꞈ keuˆ leˇ jiˇ-awˬ.”

Aˇ dahˬ 9:4

Ehˇ kʼawꞈ, naw maꞈ maˬ dzaˬ nya-eu tiˬ jeˬ-aˬ, shiˬ maˬ dzeˇ-iˇ-euˬ shaˬ jiˇ meh. Dehꞈ-eu saꞈ laˇ shiˬ laꞈ kʼoeˇ ahˇ-eu miˇ neh, naw maꞈ shiˬ taˬ dzaˬ lehˇ ngaˇ ehˇ-eu ma.

1 Laˬsaˬbaˬ 11:19

“Sahˬpaˬ Miˬyehˇ-oˇ, Iˇ cuꞈ heu ngaˇ maˬ dawˇ ahˇ coeˇ nya. Iˇ cuꞈ heu ngaˇ dawˇ naˇ, yawˬ ha-euˬ saꞈ laˇ damˬ-awˇ iˇ cuꞈ kʼawꞈ doˆ laˬ-iˇ-euˬ tsawˇ haˬ heu smˇ gʼaˬ-euˬ shiˬ dawˇ gaˇ duˇ miˇ-a” lehˇ aˬ yawꞈ ehˇ-eu meh. Kʼoeˇ miˇ neh, iˇ cuꞈ kʼoeˇ aˬ yawꞈ maˬ dawˇ ni byehˇ-euˬ meh. Gaˇ heu deuˬ-aˬ, tsawˇ myahˇ doˆ dui dui-eu yehˇ kʼoeˇ smˇ gʼaˬ neh mˇ-euˬ ja ceuˬ dui dui paˬ-ehˇ gʼeh-eu gaˇ deuˬ meh.