2 Saˬmeuˬlaˆ 20:20 - Akha

²⁰ Yoˇbaˬ ehˇ-eu, “Kʼoeˇ loꞈ-ehˇ jahˇ-eu lehˇ maˬ ngeuˇ. Naw maꞈ-euˬ meuˬ heu cawˆ-iˇ-awˇ, bi luˬ bi seˇ-iˇ ni ngaˇ tiˬ jawˇ-iˬ maˬ mˇ.

2 Saˬmeuˬlaˆ 20:20 Referans Kwoze

Luˇkaꞈ 10:29

Ehˇ kʼawꞈ, Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ, yawˬ ha yaw tsaˬ geuꞈ mawꞈ-eu miˇ neh, heu loꞈ-ehˇ ehˇ-eu meh. “Yawˬ ha dawˬ peh jawˇ-eu tsawˇ haˬ lehˇ ehˇ-eu aˬ suˇ gʼaˬ-ahˇ ehˇ ta.”

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Yawˇbaˆ 22:18

Ehˇ kʼawꞈ, aˬ yawꞈ maꞈ baw le za le ni jahˇ nehˬ-eu gʼaˬ Miˬyehˇ meh. Haiˬ-eu tsawˇ haˬ deuˬ-euˬ nui noeˬ ngaˬ-ahˇ maˬ gʼoˆ shaw nya nya.

Yawˇbaˆ 21:16

Yawˬ ha-euˬ gʼaˬ-ahˇ gʼoe-awˇ mˇ jaˆ-euˬ ma lehˇ aˬ yawꞈ maꞈ ehˇ-eu meh. Ehˇ kʼawꞈ, kʼoeˇ loꞈ-ehˇ gʼeh-eu nui noeˬ nui duˇ-ahˇ ngaˇ maˬ ha geuꞈ.

2 Saˬmeuˬlaˆ 23:17

“Sahˬpaˬ Miˬyehˇ-oˇ, iˇ cuꞈ heu ngaˇ maˬ dawˇ ahˇ coeˇ nya. Iˇ cuꞈ heu ngaˇ dawˇ naˇ, yawˬ ha-euˬ saꞈ laˇ daˬ-awˇ iˇ cuꞈ kʼawꞈ laˬ-iˇ-eu tsawˇ haˬ heu smˇ gʼaˬ-euˬ shiˬ dawˇ gaˇ duˇ-eu miˇ neh, ngaˇ aˬ joˆ-ehˇ dawˇ ahˇ coeˇ nmˇ” lehˇ aˬ yawꞈ ehˇ-eu meh. Kʼoeˇ miˇ neh, iˇ cuꞈ kʼoeˇ aˬ yawꞈ maˬ dawˇ ni byehˇ-euˬ meh. Gaˇ heu deuˬ-aˬ, tsawˇ myahˇ doˆ dui dui-eu yehˇ kʼoeˇ smˇ gʼaˬ neh mˇ-euˬ, ja ceuˬ dui dui paˬ-ehˇ gʼeh-eu gaˇ deuˬ meh.

2 Saˬmeuˬlaˆ 20:10

Yoˇbaˬ-euˬ aˇ caˇ laꞈ-ahˇ tuˆ tehˬ taˬ-euˬ mi cehˇ-ahˇ Aˬmaˬsaˬ maˬ mawˇ nya-ehˇ, Yoˇbaˬ neh uˬ maˆ bi tsawˆ byoe-awˇ, baw uˇ miˇ tsa ga doˆ le-euˬ meh. Yoˇbaˬ gʼaˬ laꞈ lahˬ maˬ ka dah mi naˆ-ehˇ, aˬ yawꞈ tiˬ poˆ tehꞈ-ehˇ shiˇ tsehˆ-euˬ meh. Kʼoeˇ naˇ, Yoˇbaˬ hawˇ-eu Aˬbiˇshaiˇ aˬ nyaꞈ nmˇ Sheˬba-euˬ mehˬ nah teh-iˇ-eu lehˇ doˆ-iˇ-euˬ meh.

2 Saˬmeuˬlaˆ 20:19

Nga maꞈ-euˬ meuˬ heu meuˬ-aˬ, huiˬ-eu meuˬ tiˬ meuˬ pyeuꞈ-awˇ, nui saˇ oꞈ-eu meuˬ tiˬ meuˬ pyeuꞈ-eu uˬ taꞈ, Iˇsaˬleˬlaˆ miˇ kʼahˬ laꞈ kʼoeˇ aˬ cawˬ naˆ maˬ tseˇ saˇ jaˇ ziꞈ-eu meuˬ tiˬ meuˬ kʼawꞈ pyeuꞈ-eu ma. Aˬ jeˬ miˇ neh meuˬ heu meuˬ-ahˇ laˆ cawˆ-eu lehˇ nawˇ leh jeh te. Sahˬpaˬ Miˬyehˇ-euˬ myawˬ-ahˇ nawˇ laˆ luˬ laˆ seˇ nehˬ mawꞈ te loˇ.”

2 Saˬmeuˬlaˆ 20:21

Kʼoeˇ loꞈ-ehˇ mˇ-eu gʼaˇ duˬ nga maꞈ heu gaˇ oe-euˬ kʼawꞈ maˬ ngeuˇ. Eˇpaˬleˬ miˇ kʼahˬ gawˬ jawˬ gawˬ duˇ paw jawˇ-eu Biˇkaˬliˇ-euˬ aˬ li Sheˬba lehˇ myahˇ-euˬ tsawˇ haˬ tiˬ gʼaˬ sahˬ paˬ Daˬbiˇ-ahˇ puiˬ-eu meh. Tsawˇ haˬ kʼoeˇ tiˬ gʼaˬ nga maꞈ-ahˇ a nehˬ laꞈ naˇ, meuˬ heu meuˬ-ahˇ neh nga maꞈ gʼoꞈ leˇ ma.” Kʼoeˇ ngeh, zaˬ miˬ zaˬ kʼoeˇ gʼaˬ ehˇ-eu, “Aˬ yawꞈ-euˬ uˬ duˬ-ahˇ meuˬ-euˬ lahˇ kʼehˬ laꞈ nyiˇ paw nga maꞈ biˬ doˆ nehˬ ma.”