2 Saˬmeuˬlaˆ 2:6 - Akha

⁶ Nymˬ-mˇ poˆ jawˇ-aˬ, Sahˬpaˬ Miˬyehˇ naw maꞈ-ahˇ gʼawˬ shaˬ gaˬ-awˇ, saˇ jaˇ ziꞈ luꞈ-uˇ. Naw maꞈ kʼoeˇ loꞈ-ehˇ mˇ-euˬ baˬ da neh, ngaˇ kʼawꞈ, naw maꞈ-ahˇ yaw muiˬ paˬ-ehˇ cawˬ ba nehˬ ma.

2 Saˬmeuˬlaˆ 2:6 Referans Kwoze

Dawqdaq 14:22

Yaw haiˬ jeˬ poˆ-eu tsawˇ haˬ yaw lehˬ toˆ gaˇ duˇ-awˇ, yaw muiˬ jeˬ mˇ-eu tsawˇ haˬ-ahˇ aˬ cawˬ gʼoeˇ tehꞈ-a.

Doˆ-iˇ 34:6

Kʼoeˇ naˇ, Moˇseˬ-euˬ mehˬ shi Sahˬpaˬ Miˬyehˇ iˇ tsehˆ gʼeh-awˇ ehˇ-eu. “Sahˬpaˬ Miˬyehˇ pyeuꞈ-eu ngaˇ-aˬ, gʼawˬ shaˬ gaˬ nya-awˇ, caw ba nya-eu ma. Yaw awˇ laꞈ-ehˇ nui ma maˬ pehˇ-eu uˬ taꞈ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu Miˬyehˇ pyeuꞈ-eu ma.

Maꞈtehˬ 5:44

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ-ahˇ gaˬ-awˇ, naw maꞈ-ahˇ kʼehˬ nehˬ kʼaˆ nehˬ laꞈ-eu tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

Maꞈtehˬ 5:7

“Gʼawˬ shaˬ gaˬ nya-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ gʼawˬ shaˬ gaˬ nehˬ tehꞈ-a.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Jaceuq 57:3

Mˬ kʼoeˇ taˆ jawˇ-awˇ ngaˬ-ahˇ ka kʼoꞈ le-eu laꞈ kʼoeˇ, ngaˬ-ahˇ kʼehˬ-eu tsawˇ haˬ deuˬ kʼoeˇ taˆ, shaꞈ dawˇ-eu jeˬ bi keuˆ le tehꞈ-a. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ, ngaˬ-euˬ kʼoeˇ taˆ aˬ yawꞈ bi keuˆ le tehꞈ-a.

2 Saˬmeuˬlaˆ 15:20

Nawˇ heu gaˇ cehˆ jawˇ le-euˬ maˬ myahˇ laˇ-euˬ miˇ neh, nawˬ-ahˇ ngaˇ doe doe-ehˇ sheuˬ-awˇ cah paˬ-ehˇ maˬ gʼeh-a. Kʼoeˇ uˬ taꞈ, ngaˇ aˬ geu paw ya iˇ-eu gaˇ kawˆ kʼawꞈ maˬ ehˇ duˬ nya-a siˬ. Kʼoeˇ miˇ neh, nawˬ-euˬ tsawˇ haˬ deuˬ-ahˇ sheuˬ-awˇ gʼoꞈ-iˇ-awˬ. Sahˬpaˬ Miˬyehˇ nawˬ-ahˇ saˇ jaˇ ziꞈ-awˇ, gʼawˬ shaˬ gaˬ nehˬ laꞈ luꞈ-uˇ.”

2 Saˬmeuˬlaˆ 10:2

Kʼoeˇ ngeh, “Aˬ yawꞈ-euˬ aˬ da Naˬhaˇ ngaˬ-ahˇ saˇ jaˇ ziꞈ-euˬ loꞈ-ehˇ, ngaˇ kʼawꞈ Haˬnuˬ-ahˇ saˇ jaˇ ziꞈ-eu laꞈ kʼoeˇ cawˬ cawˬ taꞈ ma” lehˇ sahˬ paˬ Daˬbiˇ ehˇ-eu meh. Kʼoeˇ naˇ, sahˬ paˬ Naˬhaˇ shiˇ-euˬ miˇ neh aˬ yawꞈ kʼawꞈ, nui ma maˬ saˇ-eu gaˇ kawˆ bi tsaꞈ gaˬ-iˇ-eu gʼaˇ duˬ, Daˬbiˇ tsawˇ haˬ pyehˬ gʼeh-euˬ meh. Ehˇ kʼawꞈ, aˬ yawꞈ-euˬ tsawˇ haˬ kʼoeˇ deuˬ Aˬmoˬ miˇ kʼahˬ-ahˇ iˇ keuˆ ngeh,

2 Saˬmeuˬlaˆ 9:7

Daˬbiˇ ehˇ-eu, “Taˬ guˆ. Nawˬ da Yawˇnaˆshaˬ baˬ da neh ngaˇ nawˬ-ahˇ gʼawˬ shaˬ gaˬ nehˬ ma. Nawˬ bawˇ Sawˇluˆ-euˬ miˇ tsaˬ dawˬ tawˆ luꞈ nawˬ-ahˇ ngaˇ biꞈ kʼoꞈ-awˇ, nawˇ ngaˬ nehˬ-ehˇ aˬ myah luꞈ ya dzaˬ ya dawˇ taꞈ tehꞈ-a.”

2 Saˬmeuˬlaˆ 9:3

Sahˬ paˬ aˬ yawꞈ-ahˇ ehˇ nehˬ-eu, “Sawˇluˆ-euˬ nymˇ jiˇ laꞈ kʼoeˇ tsawˇ haˬ tiˬ gʼaˬ na dzeˇ-a siˬ loˇ. Dzeˇ lawˬ naˇ, Miˬyehˇ ngaˬ-ahˇ saˇ jaˇ dzaˬ taˬ-euˬ loꞈ-ehˇ, aˬ yawꞈ-ahˇ ngaˇ gʼawˬ shaˬ gaˬ nehˬ ma.” Ziˇbaˬ ehˇ-eu, “Yawˇnaˆshaˬ-euˬ aˬ li tiˬ li dzeˇ-a siˬ. Ehˇ kʼawꞈ, kuiˇ kuˆ kuˆ-eu tsawˇ haˬ tiˬ gʼaˬ meh.”

2 Saˬmeuˬlaˆ 2:7

Naw maꞈ gʼaˬ byehˆ maˬ byehˆ ni, nui ma kʼaˬ duˬ ni taˬ-awˬ. Naw maꞈ-euˬ sahˬ paˬ shiˇ dzeuˇ-euˬ miˇ neh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ ngaˬ-ahˇ tsiˇ shehˆ daˆ-awˇ sahˬ paˬ ka nehˬ laꞈ-euˬ meh.”

Yawˇshuˆ 2:14

Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ neh ehˇ taˬ-euˬ loꞈ-ehˇ nga nyaꞈ maˬ mˇ naˇ, Miˬyehˇ nga nyaꞈ-ahˇ sehꞈ luꞈ-uˇ. Nga nyaꞈ neh mˇ yaꞈ-eu gaˇ kawˆ tsawˇ haˬ tiˬ gʼaˬ-ahˇ-iˬ nawˇ maˬ ehˇ nehˬ ni jawˇ naˇ, miˇ kʼahˬ heu kʼahˬ Sahˬpaˬ Miˬyehˇ nga maꞈ-ahˇ biꞈ laꞈ ngeh, nawˬ-ahˇ yaw muiˬ paˬ-ehˇ haw nehˬ ma.”

Luˇta 1:8

Ehˇ kʼawꞈ, aˬ yawꞈ maꞈ gaˇ pehˇ le luꞈ ngeh, aˬ yawꞈ nyaꞈ-ahˇ Nawˇmi heu loꞈ-ehˇ ehˇ nehˬ-euˬ meh. “Iˇ kahˇ paw gʼoꞈ-iˇ-awˇ naw nyaꞈ-euˬ aˬ ma nehˬ-ehˇ jawˇ yaꞈ-awˬ. Ngaˬ-ahˇ maˬ ehˇ, shiˇ dzeuˇ gʼaˬ-euˬ ngaˬ li nyiˬ gʼaˬ-ahˇ maˬ ehˇ, naw nyaꞈ yaw muiˬ jeˬ mˇ nehˬ laꞈ-euˬ loꞈ-ehˇ, naw nyaꞈ-ahˇ Sahˬpaˬ Miˬyehˇ yaw muiˬ jeˬ mˇ nehˬ luꞈ-uˇ.