2 Saˬmeuˬlaˆ 2:4 - Akha

⁴ Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ Heˬbyoˬ meuˬ-ahˇ laˇ-awˇ, Daˬbiˇ-ahˇ tsiˇ shehˆ daˆ nehˬ-awˇ, Yuˇdaˆ miˇ kʼahˬ-euˬ sahˬ paˬ ka nehˬ-euˬ meh. Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ neh Sawˇluˆ-ahˇ baꞈ pahˬ nehˬ-euˬ gaˇ kawˆ Daˬbiˇ ya gaˬ ngeh,

2 Saˬmeuˬlaˆ 2:4 Referans Kwoze

2 Saˬmeuˬlaˆ 5:5

Aˬ yawꞈ Heˬbyoˬ meuˬ-ahˇ jawˇ-awˇ, Yuˇdaˆ miˇ kʼahˬ kʼoeˇ taˆ shiꞈ kʼoꞈ uˬ taꞈ ba la koꞈ siˬ uˆ lahˇ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ jawˇ-awˇ, Iˇsaˬleˬlaˆ miˇ kʼahˬ dawˬ tawˆ luꞈ hawˇ-eu, Yuˇdaˆ miˇ kʼahˬ-ahˇ smˬ tseˇ smˇ kʼoꞈ uˆ lahˇ-euˬ meh.

2 Saˬmeuˬlaˆ 5:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh.

1 Laˬsaˬbaˬ 11:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Saˬmeuˬlaˆ-ahˇ gʼoe-awˇ Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-euˬ meh.

1 Saˬmeuˬlaˆ 16:13

Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

2 Saˬmeuˬlaˆ 19:42

Yuˇdaˆ tsawˇ haˬ deuˬ ehˇ-eu, “Sahˬ paˬ heu gʼaˬ nga maꞈ-euˬ tsawˇ haˬ pyeuꞈ-eu miˇ neh, nga maꞈ heu loꞈ-ehˇ jahˇ-euˬ ma. Aˬ jeˬ miˇ neh nga maꞈ heu loꞈ-ehˇ jahˇ gaˇ naw maꞈ nui ma pehˇ te. Sahˬ paˬ neh nga maꞈ-ahˇ bi dzaˬ bi dawˇ laꞈ-euˬ jaˆ-awˇ, laꞈ sawˬ biꞈ taˬ-eu jaˆ ta loˇ.”

2 Saˬmeuˬlaˆ 19:11

Iˇsaˬleˬlaˆ tsawˇ haˬ deuˬ kʼoeˇ loꞈ-ehˇ ehˇ luꞈ-eu gaˇ kawˆ, sahˬ paˬ Daˬbiˇ-ahˇ gaˬ leˇ-euˬ meh. Kʼoeˇ ngeh, piˇ ma Zaˬdoˆ hawˇ-eu piˇ ma Aˬbyaˬdaˬ aˬ nyaꞈ-ahˇ, Yuˇdaˆ tsawˇ haˬ aˬ yuiꞈ aˬ tsu deuˬ jawˇ gaˇ heu loꞈ-ehˇ bi ehˇ gaˬ-iˇ-euˬ meh. “Sahˬpaˬ-ahˇ sheuˬ kʼoꞈ laˬ laˇ-eu gʼaˇ duˬ naw maꞈ aˬ jeˬ miˇ neh aˬ cawˬ jeˬ nahˬ ga te. Iˇsaˬleˬlaˆ tsawˇ haˬ deuˬ-euˬ dawˬ sahˬ paˬ jawˇ gaˇ gaˬ keuˆ le gʼaˬ-euˬ meh.

2 Saˬmeuˬlaˆ 5:17

Daˬbiˇ Iˇsaˬleˬlaˆ sahˬ paˬ pyeuꞈ laˇ-euˬ gaˇ kawˆ Piˇliˇtiˆ tsawˇ haˬ deuˬ ya gaˬ ngeh, Daˬbiˇ-ahˇ nyehꞈ-eu lehˇ aˬ yawꞈ maꞈ-euˬ guiˇ maꞈ deuˬ oe-euˬ meh. Gaˇ kawˆ kʼoeˇ Daˬbiˇ ya gaˬ ngeh, ziꞈ dah ni gʼeh-eu jawˇ duˬ-ahˇ yahˇ jawˇ-euˬ meh.

2 Saˬmeuˬlaˆ 2:11

Daˬbiˇ Heˬbyoˬ meuˬ-ahˇ jawˇ-awˇ, Yuˇdaˆ miˇ kʼahˬ-ahˇ shiꞈ kʼoꞈ uˬ taꞈ ba la koꞈ siˬ uˆ lahˇ-euˬ meh.

2 Saˬmeuˬlaˆ 2:7

Naw maꞈ gʼaˬ byehˆ maˬ byehˆ ni, nui ma kʼaˬ duˬ ni taˬ-awˬ. Naw maꞈ-euˬ sahˬ paˬ shiˇ dzeuˇ-euˬ miˇ neh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ ngaˬ-ahˇ tsiˇ shehˆ daˆ-awˇ sahˬ paˬ ka nehˬ laꞈ-euˬ meh.”

1 Laˬsaˬbaˬ 12:23

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sawˇluˆ-euˬ jawˇ duˬ-ahˇ Daˬbiˇ sahˬ paˬ pyeuꞈ laˇ ni, Daˬbiˇ Heˬbyoˬ meuˬ-ahˇ jawˇ luꞈ ngeh, yaw muiˬ paˬ-ehˇ dzaw nya taˬ-euˬ yehˇ gʼawˬ mya gʼaˬ aˬ yawꞈ-euˬ guiˇ maꞈ laꞈ kʼoeˇ uˇ laˇ-euˬ meh. Yehˇ kʼoeˇ deuˬ heu myaˆ ni byah-eu meh.

2 Saˬmeuˬlaˆ 21:11

Sawˇluˆ-euˬ ma nyiˇ pyeuꞈ-eu Aˬiˇyaˬ-euˬ aˬ buˇ Yiˇzaˬpaˬ kʼoeˇ loꞈ-ehˇ jahˇ luꞈ-eu gaˇ kawˆ Daˬbiˇ ya gaˬ ngeh,

2 Saˬmeuˬlaˆ 21:12

Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ jawˇ gaˇ aˬ yawꞈ iˇ-awˇ, Sawˇluˆ hawˇ-eu aˬ yawꞈ-euˬ aˬ li Yawˇnaˆshaˬ-euˬ shaˬ yoeˬ yuˇ laˬ-iˇ-euˬ meh. Giˇlaˬbawˬ gawˬ jawˬ-ahˇ Sawˇluˆ-ahˇ sehꞈ ngeh nah, aˬ yawꞈ nyaꞈ da za-euˬ gʼawˇ mawˇ-ahˇ Piˇliˇtiˆ tsawˇ haˬ deuˬ neh Behˬshaˬ meuˬ laꞈ kʼoeˇ jaˆ-eu tsawˇ haˬ uiˬ leˇ bymˇ leˇ duˬ-ahˇ paꞈ gʼeu taˬ-euˬ gaˇ, Jaˬbehˆ meuˬ-ahˇ jawˇ-eu tsawˇ haˬ deuˬ neh baꞈ kʼoeˬ kʼoꞈ laꞈ-euˬ meh.

2 Sahˬpaˬ 11:12

Kʼoeˇ naˇ, Yeˬhawˇyaˬdaˬ neh Yawˇshaˆ-ahˇ laꞈ nyiˇ sheuˬ doˆ leꞈ-awˇ, shuiˇ uˬ kʼoˆ bi kʼoˆ-awˇ, sahˬ paˬ ka nehˬ ngeh ya gui-eu zahˇ dawˬ kʼoꞈ dawˬ sahˬ boꞈ tiˬ taꞈ biꞈ-awˇ, tsiˇ shehˆ daˆ-awˇ sahˬ paˬ ka nehˬ-euˬ meh. Kʼoeˇ ngeh, tsawˇ haˬ kʼoeˇ deuˬ laꞈ kʼawˆ tehˆ-awˇ, “Sahˬ paˬ ziˇ baw ziˇ za luꞈ-uˇ” lehˇ guˇ-eu meh.

1 Laˬsaˬbaˬ 10:11

Piˇliˇtiˆ tsawˇ haˬ deuˬ Sawˇluˆ-ahˇ kʼoeˇ loꞈ-ehˇ jahˇ nehˬ-euˬ gaˇ kawˆ, Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ ya gaˬ ngeh,