2 Saˬmeuˬlaˆ 19:1 - Akha

¹ Sahˬ paˬ Daˬbiˇ Aˬbaˇsaˬloˬ gʼaˇ duˬ tsawˇ ngoeˇ ngoeˇ luꞈ-eu gaˇ kawˆ, Yoˇbaˬ-ahˇ aˬ cawˬ ehˇ nehˬ-euˬ meh.

2 Saˬmeuˬlaˆ 19:1 Referans Kwoze

2 Saˬmeuˬlaˆ 18:14

Kʼoeˇ ngeh, “Ngaˇ nawˬ nehˬ-ehˇ ja ja-ehˇ jawˇ-eu aˇ yamˬ maˬ jaˆ” lehˇ Yoˇbaˬ ehˇ-awˇ, gahˬ smˬ kahˇ yuˇ-awˇ, tsuiꞈ kaˆ aˇ bawˇ-ahˇ yaw dehꞈ-ehˇ ngeuˬ luꞈ-eu Aˬbaˇsaˬloˬ-euˬ kʼahˬ-ahˇ joeˬ tsoˆ gʼeh-euˬ meh.

2 Saˬmeuˬlaˆ 18:5

Yoˇbaˬ, Aˬbiˇshaiˇ hawˇ-eu Iˇtehˇ aˬ ha smˇ gʼaˬ-ahˇ, “Ngaˬ-euˬ myaˆ pyawˬ-ahˇ haw-eu laꞈ kʼoeˇ, aˬ li zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de” lehˇ dawˬ biꞈ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ kʼoeˇ loꞈ-ehˇ ehˇ nehˬ gaˇ, yehˇ dawˬ tawˆ luꞈ ya gaˬ-euˬ meh.

Dawqdaq 17:25

Aˬ dzawˬ dzawˬ-eu aˬ li aˬ da-ahˇ laˆ shaˬ-awˇ, aˬ ma shaˬ zahˬ bi naꞈ-eu ma.

2 Saˬmeuˬlaˆ 18:33

Kʼoeˇ ngeh, sahˬ paˬ noeˬ shaˬ dui dui-awˇ, meuˬ-euˬ lahˇ kʼehˬ laˇ gʼoˆ laꞈ taˆ jaˆ-eu jawˇ duˬ-ahˇ le uˇ-awˇ ngoeˇ-euˬ meh. Aˬ yawꞈ daˆ leˇ leꞈ-euˬ nehˬ-ehˇ, “Ngaˬ li Aˬbaˇsaˬloˬ-oˇ. Ngaˬ li-oˇ. Ngaˬ li Aˬbaˇsaˬloˬ-oˇ. Aˬ jeˬ miˇ neh nawˬ-euˬ dah zaˇ ngaˬ-ahˇ maˬ bi shiˇ laꞈ ta. Ngaˬ li Aˬbaˇsaˬloˬ-oˇ” lehˇ, dawˬ kawˬ kawˬ kawˬ-ehˇ ngoeˇ-euˬ meh.

2 Saˬmeuˬlaˆ 18:20

Yoˇbaˬ ehˇ-eu, “Iˬ nah-aˬ, laˬ kʼaˬ cehˇ-eu dawˬ heu nawˇ ya tsaꞈ gaˬ-leˇ-eu aˇ nah maˬ ngeuˇ-a. Yawˬ nah yawˬ tsaꞈ gaˬ-iˇ lawˬ. Iˬ nah sahˬ paˬ aˬ li shiˇ-euˬ aˇ nah pyeuꞈ-eu miˇ neh, nawˇ kʼoeˇ loꞈ-ehˇ mˇ-eu maˬ tsaˬ-a.”

2 Saˬmeuˬlaˆ 18:12

Tsawˇ haˬ kʼoeˇ gʼaˬ ehˇ-eu, “Nawˇ ngaˬ-ahˇ pyuˇ maˇ byaˆ tiˬ heˇ byaˆ biꞈ laꞈ kʼawꞈ, sahˬ paˬ-euˬ aˬ li-ahˇ laꞈ noeˇ neh tehꞈ-ehˇ kʼawꞈ ngaˇ maˬ toeˬ ciˆ leˇ. Nawˇ hawˇ-eu, Aˬbiˇshaiˇ, Iˇtehˇ nawˬ ha smˇ gʼaˬ-ahˇ, ‘Ngaˬ-euˬ myaˆ pyawˬ-ahˇ haw-eu laꞈ kʼoeˇ, zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de’ lehˇ, sahˬ paˬ dawˬ biꞈ-eu nga maꞈ dawˬ tawˆ luꞈ gaˬ jiˇ-euˬ ma.

2 Saˬmeuˬlaˆ 19:2

Sahˬ paˬ Daˬbiˇ-euˬ guiˇ maꞈ deuˬ-aˬ, guiˇ deuˆ gʼaˬ-euˬ miˇ neh laˬ kʼaˬ cehˇ dui dui paˬ-ehˇ gʼeh kʼawꞈ, laˬ kʼaˬ maˬ cehˇ ni noeˬ shaˬ-euˬ meh. Aˬ jeˬ miˇ neh ehˇ naˇ, Aˬbaˇsaˬloˬ gʼaˇ duˬ sahˬ paˬ Daˬbiˇ tsawˇ ngoeˇ ngoeˇ luꞈ-eu gaˇ kawˆ aˬ yawꞈ maꞈ ya gaˬ-euˬ miˇ neh meh.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.