2 Saˬmeuˬlaˆ 18:5 - Akha

⁵ Yoˇbaˬ, Aˬbiˇshaiˇ hawˇ-eu Iˇtehˇ aˬ ha smˇ gʼaˬ-ahˇ, “Ngaˬ-euˬ myaˆ pyawˬ-ahˇ haw-eu laꞈ kʼoeˇ, aˬ li zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de” lehˇ dawˬ biꞈ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ kʼoeˇ loꞈ-ehˇ ehˇ nehˬ gaˇ, yehˇ dawˬ tawˆ luꞈ ya gaˬ-euˬ meh.

2 Saˬmeuˬlaˆ 18:5 Referans Kwoze

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Jaceuq 103:13

Aˬ da zaˬ-ahˇ gaˬ-euˬ loꞈ-ehˇ, aˬ yawꞈ-ahˇ taˬ huiˬ-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh.

2 Saˬmeuˬlaˆ 18:12

Tsawˇ haˬ kʼoeˇ gʼaˬ ehˇ-eu, “Nawˇ ngaˬ-ahˇ pyuˇ maˇ byaˆ tiˬ heˇ byaˆ biꞈ laꞈ kʼawꞈ, sahˬ paˬ-euˬ aˬ li-ahˇ laꞈ noeˇ neh tehꞈ-ehˇ kʼawꞈ ngaˇ maˬ toeˬ ciˆ leˇ. Nawˇ hawˇ-eu, Aˬbiˇshaiˇ, Iˇtehˇ nawˬ ha smˇ gʼaˬ-ahˇ, ‘Ngaˬ-euˬ myaˆ pyawˬ-ahˇ haw-eu laꞈ kʼoeˇ, zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de’ lehˇ, sahˬ paˬ dawˬ biꞈ-eu nga maꞈ dawˬ tawˆ luꞈ gaˬ jiˇ-euˬ ma.

2 Saˬmeuˬlaˆ 17:14

Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬhiˇtawˇpeˬlaˆ-euˬ nui noeˬ naˆ maˬ tseˇ, Huˇshaiˇ-euˬ nui noeˬ muiˬ dzehˬ meh lehˇ ehˇ-eu meh. Aˬhiˇtawˇpeˬlaˆ neh biꞈ-euˬ muiˬ-eu nui noeˬ nui duˇ-ahˇ aˬ yawꞈ maꞈ maˬ caw teh-ehˇ, Aˬbaˇsaˬloˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu gʼaˇ duˬ, Sahˬpaˬ Miˬyehˇ neh kʼoeˇ loꞈ-ehˇ jahˇ nehˬ-euˬ meh.

2 Saˬmeuˬlaˆ 16:11

Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

2 Saˬmeuˬlaˆ 19:1

Sahˬ paˬ Daˬbiˇ Aˬbaˇsaˬloˬ gʼaˇ duˬ tsawˇ ngoeˇ ngoeˇ luꞈ-eu gaˇ kawˆ, Yoˇbaˬ-ahˇ aˬ cawˬ ehˇ nehˬ-euˬ meh.