2 Saˬmeuˬlaˆ 18:24 - Akha

²⁴ Meuˬ-euˬ lahˇ kʼehˬ laꞈ kʼoeˇ tiˆ hawˇ-eu laꞈ nyiˇ tiˆ yaw kaˬ-ahˇ Daˬbiˇ nuiˇ luꞈ-eu meh. Meuˬ-euˬ lahˇ kʼehˬ-ahˇ loꞈ-eu gʼaˬ meuˬ meuˬ lahˇ kʼoeˇ taˆ daˆ laˇ-awˇ, lahˇ kʼehˬ-euˬ nymˇ mˬ kʼoeˇ taˆ yawꞈ luꞈ-eu meh. Aˬ yawꞈ haw gʼeh-iˬ ngeh, tsawˇ haˬ tiˬ gʼaˬ tehꞈ-ehˇ cehˆ laꞈ luꞈ gaˇ ya mawˇ-euˬ meh.

2 Saˬmeuˬlaˆ 18:24 Referans Kwoze

2 Saˬmeuˬlaˆ 19:8

Kʼoeˇ ngeh, sahˬ paˬ tuˇ laˇ-awˇ, meuˬ lahˇ kʼehˬ dawˬ peh iˇ-awˇ nuiˇ-euˬ meh. Aˬ yawꞈ kʼoeˇ gaˇ nuiˇ luꞈ-eu gaˇ kawˆ aˬ yawꞈ-euˬ tsawˇ haˬ deuˬ ya gaˬ-awˇ, dawˬ tawˆ luꞈ aˬ yawꞈ-euˬ dawˬ peh uiˬ laˇ jiˇ-euˬ meh. Kʼoeˇ ngeh deuˆ-ahˇ, Iˇsaˬleˬlaˆ tsawˇ haˬ dawˬ tawˆ luꞈ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-euˬ meh.

2 Saˬmeuˬlaˆ 18:4

Kʼoeˇ ngeh, “Naw maꞈ neh muiˬ meh lehˇ noeˬ-euˬ jeˬ-ahˇ ngaˇ geuꞈ ma” lehˇ sahˬ paˬ ehˇ-eu meh. Kʼoeˇ naˇ, aˬ yawꞈ-euˬ tsawˇ haˬ deuˬ aˇ heˇ gʼaˬ, aˇ yaˇ gʼaˬ lehˇ aˇ muˇ muˇ-awˇ doˆ-iˇ ngeh, meuˬ-euˬ lahˇ kʼehˬ dawˬ peh aˬ yawꞈ yawꞈ luꞈ-eu meh.

2 Saˬmeuˬlaˆ 13:34

Kʼoeˇ ngeh jawˇ, Aˬbaˇsaˬloˬ cehˆ byoˆ-euˬ meh. Kʼoeˇ naˇ, Hawˇloˬneˬ pu paw neh oe-euˬ gaˇ ma caw caw-ehˇ, gawˬ duˇ-ahˇ tsawˇ haˬ tiˬ deuˬ zaꞈ ka le gaˇ, loꞈ luꞈ-eu yehˇ tiˬ gʼaˬ ya mawˇ-awˇ, sahˬ paˬ jawˇ gaˇ le-awˇ, aˬ yawꞈ neh kʼaˇ ya mawˇ-euˬ loꞈ-ehˇ ehˇ gaˬ leˇ-euˬ meh.

1 Saˬmeuˬlaˆ 4:13

Dawˬ ma saˇ jaˇ Bahˬ keuˆ gaˇ kawˆ kʼahˬ lahˇ dui dui luꞈ-eu Eˇliˆ-aˬ, gaˇ ma gaˇ dzeˇ nuiˇ duˬ tiˬ tsahˇ-ahˇ nuiˇ-awˇ loꞈ luꞈ-eu meh. Tsawˇ haˬ kʼoeˇ gʼaˬ, kʼaˇ pyeuꞈ laˇ-euˬ gaˇ kawˆ meuˬ-ahˇ tsaꞈ gaˬ doe ngeh, meuˬ meuˬ lah-ehˇ ngoeˇ-eu meh.

2 Saˬmeuˬlaˆ 18:23

Aˬhiˇmaˆ ehˇ-eu, “Aˬ jeˬ pyeuꞈ kʼawꞈ ehˬ-ehˇ ngeuˇ-iˬ. Ngaˇ le-eu ma.” Kʼoeˇ ngeh poˆ jawˇ, “Toˆ-ehˇ ngeuˇ naˇ le-awˬ tawˇ” lehˇ, Yoˇbaˬ aˬ yawꞈ-ahˇ ehˇ nehˬ-euˬ meh. Kʼoeˇ ngeh, Yawˇdaˬ lawˇ baˬ deh kʼawꞈ gaˇ ma caw caw-ehˇ Aˬhiˇmaˆ cehˆ ka gʼeh-awˇ, gʼawˬ myahˇ maˬ gʼeh-ehˇ zaˬ kʼaˆ kʼoeˇ gʼaˬ-ahˇ cehˆ dzeuˇ-euˬ meh.

2 Saˬmeuˬlaˆ 18:25

Sahˬ paˬ-ahˇ aˬ yawꞈ kuˇ gaˬ-awˇ, gaˇ kawˆ kʼoeˇ ehˇ nehˬ ngeh, “Tiˬ gʼaˬ tehꞈ-ehˇ cehˆ gʼoꞈ laꞈ-eu ngeuˇ naˇ, laˬ kʼaˬ ya cehˇ-eu gaˇ kawˆ cehˆ tsaꞈ gaˬ laˇ-euˬ tehꞈ-a” lehˇ sahˬ paˬ ehˇ-eu meh. Tsawˇ haˬ kʼoeˇ gʼaˬ tiˬ jawˇ saˇ-i tiˬ jawˇ dawˬ peh cehˆ peh laꞈ luꞈ-eu meh.