2 Saˬmeuˬlaˆ 16:3 - Akha

³ Aˬ yawꞈ-ahˇ sahˬpaˬ Daˬbiˇ naˇ haˬ-eu, “Nawˬ-euˬ sahˬ paˬ Sawˇluˆ-euˬ oeˬ paˬ pyeuꞈ-eu Meˬpiˇbawˇshehˆ kʼoeˇ gʼaˬ aˬ lehˬ.” Ziˇbaˬ ehˇ-eu, “Aˬ yawꞈ Yeˬluˇsaˬlehˬ meuˬ-ahˇ jawˇ yaꞈ-euˬ meh. Aˬ jeˬ miˇ neh ehˇ naˇ, aˬ yawꞈ aˬ bawˇ-euˬ miˇ kʼahˬ aˬ yawꞈ paˇ za kʼoꞈ ni, Iˇsaˬleˬlaˆ tsawˇ haˬ deuˬ jahˇ tehꞈ-a lehˇ aˬ yawꞈ noeˬ tmˬ taˬ-euˬ meh.”

2 Saˬmeuˬlaˆ 16:3 Referans Kwoze

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.

Miˇkaˬ 7:5

Yawˬ ha-euˬ cawˬ deuˬ-ahˇ taˬ jah. Yawˬ ha-ahˇ gʼoeˇ dui dui-eu deuˬ-ahˇ gʼaˬ taˬ huiˬ. Yawˬ ha-euˬ miˬ zaˬ-ahˇ dawˬ ngehˬ cawˬ ngeh kʼawꞈ, yaw kʼaˆ kʼaˆ-ehˇ yahˇ-awˇ ngehˬ cawˬ-awˬ.

Dawqdaq 21:28

Jaˬ myawꞈ saˇ kiˇ geuꞈ gaˇ aˬ cawˬ maˬ jah-a. Ehˇ kʼawꞈ gaˇ kawˆ ja dahˇ nya-eu gʼaˬ-euˬ dawˬ-ahˇ jah-eu meh.

Dawqdaq 1:19

Heu-aˬ, yaw haiˬ mˇ-awˇ dehꞈ dzaˬ-eu deuˬ ya iˇ-eu, maˬ law-iˇ nya-eu gaˇ ma meh. Aˬ cawˬ-ahˇ tahˇ joe joe-eu tsawˇ haˬ, yawˬ ha-euˬ saꞈ laˇ maˬ lahˇ dzeuˇ-a.

Jaceuq 101:5

Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 88:18

Gʼoeˇ dui dui-eu cawˬ deuˬ ngaˬ-ahˇ byehˇ dzeh ni nawˇ jahˇ-awˇ, ngaˬ-euˬ gʼaˇ duˬ dzeˇ luꞈ-eu cawˬ-aˬ, zahˇ tsui ni gʼeh-eu jeˬ tehꞈ ma.

Jaceuq 15:3

dawˬdoeˇmaˬngehˬdaˆ-eu tsawˇ haˬ, cawˬ-ahˇ maˬmˇlehˬ-eu tsawˇhaˬ, yawˬha dawˬpeh jawˇ-eu deuˬ-ahˇ, maˬja bu ni dehꞈ-eu tsawˇhaˬ,

Doˆ-iˇ 20:16

“Aˬ cawˬ gʼaˇ duˬ, maˬ tsaˬ maˬ dawˇ-eu saˇ kiˇ, nawˇ maˬ ya kamˬ-a.

2 Saˬmeuˬlaˆ 16:4

Kʼoeˇ ngeh, sahˬ paˬ ehˇ-eu, “Meˬpiˇbawˇshehˆ kʼaˇ jaˆ-eu jeˬ dawˬ tawˆ luꞈ, nawˬ-euˬ pyeuꞈ-eu meh.” Ziˇbaˬ ehˇ-eu, “Sahˬ paˬ-oˇ, ngaˇ-aˬ nawˬ-euˬ zaˬ kʼaˆ pyeuꞈ-eu ma. Ngaˇ nawˬ-euˬ mehˬ shi aˬ myah luꞈ myaˆ pyawˬ naˇ mehˇ jaˆ luꞈ-uˇ.”