2 Saˬmeuˬlaˆ 16:20 - Akha

²⁰ Kʼoeˇ naˇ, Aˬhiˇtawˇpeˬlaˆ-ahˇ Aˬbaˇsaˬloˬ ehˇ nehˬ-eu, “Nymˬ-mˇ poˆ jawˇ nga maꞈ heu gaˇ oe keuˆ gʼaˬ-euˬ-aˬ, aˬ jeˬ ya mˇ nmˇ lehˇ nui noeˬ nui duˇ biꞈ nehˬ laꞈ-awˬ.”

2 Saˬmeuˬlaˆ 16:20 Referans Kwoze

Maꞈtehˬ 27:1

Uˬ bya bya laˇ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ dawˬ tawˆ luꞈ, Yeˬsuˇ-ahˇ bi sehꞈ-eu gʼaˇ duˬ bawˬ dzaˬ-euˬ meh.

Iˇsaˬyaˇ 29:15

Yawˬ ha gaˇ kawˆ Sahˬpaˬ Miˬyehˇ maˬ bi mawˇ-eu gʼaˇ duˬ, yaw naꞈ-ahˇ cehˆ zaꞈ-eu laꞈ kʼoeˇ, yaw zahˇ laꞈ kʼoeˇ yaw cawˆ mˇ-awˇ, “Aˬ suˇ gʼaˬ siˬ nya mawˇ nya ta” lehˇ ehˇ-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Jaceuq 2:2

SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Doˆ-iˇ 1:10

Guiˇ pyeuꞈ laˇ naˇ, aˬ dui-ahˇ muiˇ-eu deuˬ nehˬ-ehˇ aˬ yawꞈ maꞈ gm leˇ-awˇ, aˬ dui-ahˇ guiˇ deuˆ laˇ tehꞈ-a. Kʼoeˇ naˇ, miˇ kʼahˬ heu kʼahˬ laꞈ kʼoeˇ neh aˬ yawꞈ maꞈ doˆ-iˇ tehꞈ-a. Aˬ yawꞈ maꞈ tsawˇ haˬ heu naˆ maˬ tseˇ maˬ myaˬ laˇ nya ni, aˬ dui tiˬ jeˬ paˬ ya jahˇ meh.”

2 Saˬmeuˬlaˆ 16:19

Ngaˬ-euˬ sahˬ paˬ-euˬ aˬ li-euˬ gaˇ ngaˇ maˬ mˇ-ehˇ, aˬ suˇ gʼaˬ-euˬ gaˇ paˇ mˇ nmˇ. Nawˬ da-euˬ gaˇ ngaˇ mˇ dzeuˇ laꞈ-euˬ loꞈ-ehˇ, nymˬ-mˇ poˆ jawˇ nawˬ-euˬ gaˇ ngaˇ mˇ ma.”

2 Saˬmeuˬlaˆ 16:21

Aˬhiˇtawˇpeˬlaˆ ehˇ-eu, “Sahˬ paˬ-euˬ hawˇ nymˇ-ahˇ bi loꞈ piˇ-eu lehˇ nawˬ da neh taˬ yaꞈ-euˬ nawˬ da-euˬ ma nyiˇ kʼoeˇ deuˬ nehˬ-ehˇ yuꞈ leˇ-awˬ. Kʼoeˇ ngeh, nawˬ da-ahˇ nawˬ neh yehˬ bawˬ sehˇ lu-ehˇ gʼeh nehˬ-euˬ gaˇ kawˆ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ ya siˬ-awˇ, nawˬ-euˬ mehˬ nah caw teh-eu tsawˇ haˬ deuˬ gʼaˬ ahˇ dui dui laˇ tehꞈ-a.”

2 Saˬmeuˬlaˆ 15:12

Aˬbaˇsaˬloˬ lawˇ-eu shehˇ-eu jeˬ mˇ luꞈ ngeh, Giˇlo meuˬ-ahˇ kʼawꞈ, aˬ yawꞈ tsawˇ haˬ pyehˬ gʼeh-awˇ, sahˬ paˬ Daˬbiˇ-ahˇ nui noeˬ nui duˇ biꞈ-eu gʼaˬ pyeuꞈ-eu Aˬhiˇtawˇpeˬlaˇ-ahˇ bi sheuˬ laˬ-iˇ-euˬ meh. Sahˬ paˬ Daˬbiˇ-ahˇ puiˬ-eu lehˇ gʼeh luꞈ-eu paw gʼaˬ kʼaˆ laˇ tehˇ tehˬ-awˇ, Aˬbaˇsaˬloˬ-euˬ mehˬ nah caw teh-eu tsawˇ haˬ myaˬ laˇ tehˇ tehˬ luꞈ-eu meh.