2 Saˬmeuˬlaˆ 16:12 - Akha

¹² Ngaˇ ya daˬ luꞈ-eu jeˬ-ahˇ Sahˬpaˬ Miˬyehˇ haw mawˇ-awˇ, iˬ nah ngaˬ-euˬ kʼoeˇ taˆ heu loꞈ-ehˇ yaˬ kʼehˇ yaˬ nehˬ laꞈ-euˬ aˇ poeˬ, guiˬ lahˬ biꞈ laꞈ-eu aˇ nah baw tehꞈ-a.”

2 Saˬmeuˬlaˆ 16:12 Referans Kwoze

HeˬByehˇ 12:10

Aˬ dui-euˬ zaˬ baw aˬ da deuˬ-aˬ aˬ yawꞈ maꞈ neh tsaˬ meh lehˇ noeˬ-euˬ loꞈ-ehˇ aˬ dui-ahˇ tiˬ kʼehˇ laˇ kʼehˬ mehˬ paˇ zuiˆ paˇ-eu meh. Ehˇ kʼawꞈ, Miˬyehˇ aˬ dui-ahˇ mehˬ-eu zuiˆ-eu kʼoeˇ-aˬ, aˬ dui gʼaˇ duˬ muiˬ ni mˇ-eu jeˬ pyeuꞈ-eu meh. Aˬ yawꞈ loꞈ-ehˇ bi muiˬ bi shawˇ laˇ-eu gʼaˇ duˬ mˇ-eu meh.

Dawˬmehˬ 23:5

Ehˇ kʼawꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ gaˬ-eu miˇ neh, Baˬlamˬ-euˬ ehˇ dawˬ-ahˇ maˬ naˇ haˬ ni, yaˬ kʼehˇ yaˬ-euˬ jeˬ-ahˇ guiˬ lahˬ bi pyeuꞈ laˇ-euˬ meh.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Jaceuq 25:18

Shaˬzaˬmˇgaˇ haw cawˬle-awˇ, iˬbaˇdawˬtawˆluꞈpyehˬnehˬlaꞈ.

2 Teˇsaˬloˇni 1:7

Kʼehˬ-eu kʼaˆ-eu jeˬ-ahˇ ya daˬ-eu naw maꞈ-ahˇ-aˬ, maˬ paˇ bi daˬ ni bi naˬ tehꞈ-a. Nga maꞈ-ahˇ kʼawꞈ kʼoeˇ loꞈ-ehˇ bi naˬ laꞈ tehꞈ-a. Sahˬpaˬ Yeˬsuˇ Ka li aˬ yawꞈ-euˬ baoˬ huiˬ-eu mˬ taˆ gʼaˬ kʼehˇ deuˬ nehˬ-ehˇ mˬ-ahˇ neh doˆ le ngeh, Miˬyehˇ aˬ dui-ahˇ kʼoeˇ loꞈ-ehˇ bi naˬ laꞈ tehꞈ-a.

1 Saˬmeuˬlaˆ 1:11

Haˬnahˬ heu loꞈ-ehˇ saˇ jaˇ dzaˬ-euˬ meh. “Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ haw sheˇ. Ngaˇ shaˬ zahˬ naꞈ dui dui luꞈ gaˇ haw mawˇ-awˇ, ngaˬ-ahˇ maˬ ngehˇ ni noeˬ keuˆ nehˬ laꞈ-awˬ. Nawˇ ngaˬ-ahˇ aˬ li tiˬ li bi jawˇ le nehˬ laꞈ naˇ, aˬ li kʼoeˇ li-euˬ uˬ duˬ tsehˇ kahˇ tiˬ jawˇ-iˬ maˬ tehˬ ni bi jaˆ-awˇ, aˬ yawꞈ-euˬ gʼawˇ mawˇ maˬ shiˇ tiˬ ziˇ nawˬ-ahˇ a nehˬ ma lehˇ nawˬ nehˬ-ehˇ ngaˇ saˇ jaˇ dzaˬ ma.”

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

Iˇsaˬyaˇ 27:7

Muiˇ-eu deuˬ-ahˇ Sahˬpaˬ Miˬyehˇ kʼehˬ-eu naˆ ni, Iˇsaˬleˬlaˆ-ahˇ maˬ kʼehˬ nehˬ haw-aˬ. Muiˇ-eu deuˬ-ahˇ jahˇ nehˬ-euˬ loꞈ-ehˇ, tsawˇ haˬ gʼawˬ nya ni maˬ bi laˆ cawˆ haw-aˬ.

2 Saˬmeuˬlaˆ 16:13

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ gaˇ ma caw caw-ehˇ le gʼeh leꞈ-euˬ meh. Shiˇmiˇ gʼaˬ kʼawꞈ, gawˬ duˇ baˬ gʼaˬ caw caw-ehˇ aˬ yawꞈ maꞈ-euˬ mehˬ nah kʼaˇ miˇ maˬ miˇ cah-awˇ, yaˬ kʼehˇ yaˬ-eu laꞈ kʼoeˇ kʼaˬ lo biˬ-awˇ miˇ tsaˬ byaˆ byaˆ ehˇ caw teh-euˬ meh.

2 Sahˬpaˬ 19:4

Dehꞈ luꞈ-eu Miˬyehˇ-ahˇ bi naˬ gʼa-eu gʼaˇ duˬ, Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ deuˬ-ahˇ pyehˬ gʼeh leꞈ-euˬ meh. Kʼoeˇ loꞈ-ehˇ naˬ gʼa-eu dawˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, naˬ gʼa le-euˬ tsawˇ haˬ kʼoeˇ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ shiˇ dzeuˇ-ehˇ dehꞈ luꞈ-eu tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ-awˬ.”

Jaceuq 109:28

Aˬ yawꞈ maꞈ ngaˬ-ahˇ yaˬ kʼehˇ yaˬ kʼawꞈ, nawˇ ngaˬ-ahˇ guiˬ lahˬ biꞈ tehꞈ-a. Ngaˬ-ahˇ kʼehˬ-eu deuˬ bi shaꞈ dawˇ-iˇ-awˇ, nawˬ-euˬ zaˬ kʼaˆ ngaˇ gʼaˬ laˬ kʼaˬ bi cehˇ laꞈ-awˬ.

Jaceuq 132:1

Sahˬpaˬ Miˬyehˇ-oˇ, Daˬbiˇ-ahˇ taˬ ngehˇ. Aˬ yawꞈ ya daˬ-euˬ shaˬ zahˬ-ahˇ taˬ ngehˇ.

Dawqdaq 25:22

Iˇ cuꞈ mehꞈ naˇ, iˇ cuꞈ bi dawˇ-awˬ. Kʼoeˇ loꞈ-ehˇ jahˇ nehˬ naˇ, aˬ yawꞈ myaˆ pyawˬ taˬ kʼaˇ maˬ za ni pyeuꞈ-iˇ-awˇ, Sahˬpaˬ Miˬyehˇ nawˬ-ahˇ laꞈ sawˬ biꞈ nehˬ laꞈ tehꞈ-a.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Dawˬmehˬ 23:6

Nawˇ kʼaˇ dehꞈ kʼoeˇ keuˆ ni, tsawˇ jeuˬ heu deuˬ-ahˇ caw ba-eu maˬ ehˇ, bi baw bi za le ni jahˇ nehˬ-eu maˬ ehˇ, maˬ ya mˇ-a.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Yawˇlaˆ 2:14

Naw maꞈ Miˬyehˇ Sahˬpaˬ Miˬyehˇ nui ma noeˬ paˇ leˇ-eu baw-awˇ, naw maꞈ-ahˇ guiˬ lahˬ biꞈ nehˬ-awˇ, dzaˬ la gʼo cehˇ bi za le naˇ, aˬ gaꞈ dzaˇ uiˇ hawˇ-eu cehˇ deuˬ, aˬ yawꞈ-ahˇ naw maꞈ damˬ nya meh.