2 Saˬmeuˬlaˆ 13:3 - Akha

³ Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˬdehˇ lehˇ myahˇ-euˬ Aˬmaˬnoˬ-euˬ cawˬ tiˬ gʼaˬ jawˇ-eu meh.

2 Saˬmeuˬlaˆ 13:3 Referans Kwoze

1 Saˬmeuˬlaˆ 16:9

Shaˬmahˇ gʼaˬ-ahˇ Yeˬshehˇ paˇ sheuˬ laꞈ-euˬ meh. Ehˇ kʼawꞈ, “Heu gʼaˬ-ahˇ kʼawꞈ Sahˬpaˬ Miˬyehˇ maˬ tseˇ doˆ-a” lehˇ Saˬmeuˬlaˆ ehˇ-eu meh.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.

Yaˬkoˆ 3:15

Kʼoeˇ loꞈ-ehˇ gʼeh-eu zaˬ siˬ tsawˇ gahˇ-aˬ, mˬ-ahˇ eh doˆ le-euˬ jeˬ maˬ ngeuˇ-a. Kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ pyeuꞈ-awˇ, guiˬ lahˬ saꞈ laˇ-ahˇ taꞈ-eu jeˬ maˬ ngeuˇ-ehˇ, nehꞈ-ahˇ taꞈ-eu jeˬ pyeuꞈ-eu meh.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Dawqdaq 19:6

Yawˬ gʼaˬ na luꞈ yaw huiˬ yaw mahˇ-ahˇ myaˆ pyawˬ naˇ mehˇ jahˇ-awˇ, bi dzaˬ bi dawˇ nya-eu tsawˇ haˬ-ahˇ cawˬ cawˬ mawꞈ-eu meh.

Iˇsaˬtaˆ 6:13

Kʼaˇ pyeuꞈ laˇ-euˬ dawˬ tawˆ luꞈ, aˬ yawꞈ-euˬ cawˬ deuˬ hawˇ-eu aˬ yawꞈ-euˬ miˬ zaˬ-ahˇ Haˬmaˬ dzawˇ nehˬ-euˬ meh. Kʼoeˇ ngeh, aˬ yawꞈ-euˬ miˬ zaˬ hawˇ-eu zaˬ siˬ tsawˇ gahˇ ahˇ-eu aˬ yawꞈ-euˬ cawˬ deuˬ aˬ yawꞈ-ahˇ ehˇ nehˬ-eu, “Nawˇ-aˬ, Mawˬdaˬkehˇ-euˬ baoˬ-ahˇ maˬ gʼaˬ leˇ-ehˇ pyeuꞈ-iˇ-euˬ nga. Aˬ yawꞈ-aˬ, Yuˇdaˆ tsawˇ haˬ meh. Aˬ yawꞈ-ahˇ nawˇ maˬ gʼaˬ leˇ nya-a. Aˬ diˇ aˬ maˇ aˬ yawꞈ nawˬ-ahˇ gʼaˬ leˇ tehꞈ-a.”

Iˇsaˬtaˆ 5:14

Kʼoeˇ ngeh, aˬ yawꞈ-euˬ miˬ zaˬ hawˇ-eu aˬ yawꞈ-euˬ cawˬ kʼoeˇ deuˬ dawˬ tawˆ luꞈ aˬ yawꞈ-ahˇ heu loꞈ-ehˇ ja sawˇ nehˬ-euˬ meh. “Aˬ jeˬ miˇ neh ngaˬ tseˇ caˆ byah-eu tsawˇ haˬ paꞈ gʼeu sehꞈ-eu kʼawˇ zeuˇ tiˬ zeuˇ nawˇ maˬ bi jahˇ te. Ni shawˬ uˬ shawˬ kʼawˇ zeuˇ kʼoeˇ zeuˇ kʼoeˇ taˆ Mawˬdaˬkehˇ-ahˇ bi paꞈ sehꞈ-awˬ lehˇ sahˬ paˬ-ahˇ nawˇ shaˇ-awˇ, uˬ ciꞈ paw laˬ kʼaˬ cehˇ taˆ ni dzaˬ byawˇ lawˇ gaˇ iˇ-awˬ tawˇ.” Kʼoeˇ loꞈ-ehˇ jahˇ naˇ muiˬ tehꞈ-a lehˇ Haˬmaˬ noeˬ-awˇ, tsawˇ haˬ paꞈ gʼeu sehꞈ-eu kʼawˇ zeuˇ bi jahˇ-euˬ meh.

Iˇsaˬtaˆ 5:10

Ehˇ kʼawꞈ, aˬ yawꞈ nui ma laꞈ kʼoeˇ dzahˬ tehˬ-awˇ iˇ kahˇ-ahˇ gʼoꞈ keuˆ-iˇ-euˬ meh. Kʼoeˇ naˇ, aˬ yawꞈ-euˬ cawˬ deuˬ-ahˇ aˬ yawꞈ-euˬ nymˇ-ahˇ kuˇ uiˬ-awˇ, aˬ yawꞈ-euˬ miˬ zaˬ Zaˬlehˆ-ahˇ kʼawꞈ kʼoeˇ gaˇ kuˇ taˬ-euˬ meh.

2 Saˬmeuˬlaˆ 14:2

Kʼoeˇ miˇ neh, Teˬkawˬ meuˬ-ahˇ jawˇ-eu tsawˇ gahˇ ahˇ-eu zaˬ miˬ zaˬ tiˬ gʼaˬ-ahˇ bi sheuˬ laˬ-iˇ-euˬ meh. Zaˬ miˬ zaˬ kʼoeˇ gʼaˬ laˇ keuˆ ngeh, Yoˇbaˬ heu loꞈ-ehˇ ehˇ nehˬ-euˬ meh. “Nawˇ tsawˇ ngoeˇ ngoeˇ-eu geuꞈ-awˇ, tsawˇ ngoeˇ ngoeˇ-eu deuˬ dm-eu mehˬ tsoeˬ dm-awˇ, uˬ duˬ tsehˇ kahˇ kʼawꞈ maˬ kaˆ juˇ ni bi jaˆ-awˬ. Nawˬ-euˬ aˇ gʼehˇ seuˆ dzeuꞈ dawˬ tawˆ luꞈ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ zaˬ miˬ zaˬ tiˬ gʼaˬ-ahˇ laˆ duˇ-awˬ.

2 Saˬmeuˬlaˆ 13:32

Ehˇ kʼawꞈ, Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˬdehˇ ehˇ-eu, “Sahˬ paˬ-oˇ, nawˬ-euˬ aˬ li dawˬ tawˆ luꞈ-ahˇ maˬ sehꞈ-aˬ. Aˬmaˬnoˬ tiˬ gʼaˬ tehꞈ-ehˇ bi sehꞈ-euˬ meh. Aˬbaˇsaˬloˬ-euˬ dmˇ ma Taˬmaˬ-ahˇ Aˬmaˬnoˬ neh yehˬ bawˬ-ehˇ gʼeh nehˬ-euˬ miˇ neh, yaw beh neh Aˬmaˬnoˬ-ahˇ Aˬbaˇsaˬloˬ kʼoeˇ loꞈ-ehˇ jahˇ kʼoꞈ nehˬ mawꞈ-eu shaˬ-eu meh.

Yaˇ kʼaˬ daˇ 14:20

Kʼoeˇ naˇ, pyeuꞈ laˇ-euˬ gaˇ kawˆ kʼoeˇ baˬ da neh nui ma pehˇ dui dui-eu laꞈ kʼoeˇ, iˇ kahˇ-ahˇ gʼoꞈ leˇ-euˬ meh. Kʼoeˇ ngeh, Saˬsoˬ-euˬ miˬ zaˬ-ahˇ, oeˇ mˇ baˇ ngeh Saˬsoˬ nehˬ-ehˇ bi nuiˇ caw-euˬ gʼaˬ-ahˇ bi mˇ dzaˬ-iˇ-euˬ meh.

Aˇ dahˬ 38:20

Zaˬ miˬ zaˬ kʼoeˇ gʼaˬ jawˇ gaˇ ciꞈ myehꞈ bi tsahˇ ha-iˇ-awˇ, aˬ yawꞈ neh biꞈ dah taˬ yaꞈ-euˬ myawˬ kʼoeˇ deuˬ bi yuˇ kʼoꞈ laˬ-iˇ-eu gʼaˇ duˬ, aˬ yawꞈ-euˬ cawˬ Hiˇlahˬ-ahˇ Yuˇdaˆ pyehˬ gʼeh-euˬ meh. Ehˇ kʼawꞈ, zaˬ miˬ zaˬ kʼoeˇ gʼaˬ-ahˇ Hiˇlahˬ maˬ poˆ mawˇ nya-a.

Aˇ dahˬ 38:1

Aˇ nah aˇ yamˬ kʼoeˇ yamˬ laꞈ kʼoeˇ, Yuˇdaˆ gʼaˬ aˬ yawꞈ-euˬ mehˇ nmˇ deuˬ-ahˇ byehˇ yaꞈ-awˇ, Aˬduˬlamˬ meuˬ-ahˇ jawˇ-eu Hiˇlahˬ lehˇ myahˇ-euˬ tsawˇ haˬ tiˬ gʼaˬ nehˬ-ehˇ jawˇ-iˇ-eu lehˇ doˆ-iˇ-euˬ meh.

Aˇ dahˬ 3:1

Aˇ lawˇ-aˬ, Sahˬpaˬ Miˬyehˇ pyeuꞈ-eu Miˬyehˇ neh beh taˬ-euˬ jeˬ zaˬ deuˬ laꞈ kʼoeˇ, aˬ cawˬ naˆ maˬ tseˇ nui ma laꞈ gʼoꞈ baw-eu jeˬ pyeuꞈ-eu meh. “Aˬ diˇ aˬ maˇ yaˇ kmˇ laꞈ kʼoeˇ siˬ-eu aˇ siˬ tiˬ siˬ-iˬ taˬ pyaˆ dzaˬ lehˇ naw nyaꞈ-ahˇ Miˬyehˇ ehˇ ta loˇ” lehˇ, zaˬ miˬ zaˬ kʼoeˇ gʼaˬ-ahˇ aˇ lawˇ kʼoeˇ mawˇ naˇ haˬ-euˬ meh.

1 Saˬmeuˬlaˆ 16:11

Kʼoeˇ naˇ, “Nawˬ-euˬ aˬ li nui gʼaˬ jawˇ te siˬ loˇ” lehˇ, Yeˬshehˇ-ahˇ Saˬmeuˬlaˆ laˇ naˇ haˬ-euˬ meh. Yeˬshehˇ ehˇ-eu, “Aˬ li zaˬ saˬ gʼaˬ jawˇ te siˬ. Ehˇ kʼawꞈ, aˬ yawꞈ yawˇ bo-iˇ dzeuˇ-euˬ meh.” Saˬmeuˬlaˆ ehˇ-eu, “Aˬ yawꞈ-ahˇ bi kuˇ kʼoꞈ laˬ-iˇ-awˬ. Aˬ yawꞈ maˬ gʼoꞈ keuˆ laˇ kʼoeˇ keuˆ ni aˬ dui maꞈ maˬ lawˇ maˬ shehˇ-ehˇ jawˇ tawˬ ma.”

2 Saˬmeuˬlaˆ 13:2

Aˬmaˬnoˬ-aˬ, aˬ yawꞈ-euˬ gʼawˇ mawˇ jawˇ saˇ maˬ doˆ-ehˇ pyeuꞈ-iˇ ngeh keuˆ ni, Taˬmaˬ-ahˇ mawꞈ leˇ sehꞈ taˬ-euˬ meh. Aˬ jeˬ miˇ neh ehˇ naˇ, Taˬmaˬ-aˬ, miˬ daꞈ daꞈ shuiꞈ tiˬ gʼaˬ pyeuꞈ-eu loꞈ-ehˇ, kʼaˬ dzeˇ zaˬ jawˇ gaˇ maˬ bi doˆ le ni bi jawˇ-euˬ miˇ neh, aˬ yawꞈ-ahˇ za ni jahˇ-eu maˬ awˬ-a.

2 Saˬmeuˬlaˆ 13:4

Aˬ yawꞈ-aˬ, gahˇ dui dui-eu tsawˇ haˬ tiˬ gʼaˬ meh. Aˬmaˬnoˬ-ahˇ Yawˇnaˬdehˇ ehˇ nehˬ-eu, “Nawˇ-aˬ, sahˬ paˬ zaˬ yo tiˬ gʼaˬ pyeuꞈ kʼawꞈ, nah doˆ le ngeh nyoeˬ kʼeuˇ ni tehꞈ-ehˇ jawˇ-eu nga tawˇ. Aˬ jeˬ gʼeh ta.” Aˬmaˬnoˬ ehˇ-eu, “Ngaˬ-euˬ mehˇ nmˇ Aˬbaˇsaˬloˬ-euˬ dmˇ ma Taˬmaˬ-ahˇ ngaˇ mawꞈ dui dui leˇ nya.”

2 Saˬmeuˬlaˆ 21:21

Iˇsaˬleˬlaˆ tsawˇ haˬ deuˬ-ahˇ aˬ yawꞈ yehˬ bawˬ sehˇ lu-ehˇ ehˇ-awˇ lmˬ lmˬ-ehˇ jawˇ ngeh, Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˆshaˬ neh aˬ yawꞈ-ahˇ sehꞈ-euˬ meh.

1 Laˬsaˬbaˬ 2:13

Yeˬshehˇ-euˬ aˬ li shiꞈ li jawˇ-eu meh. Aˬ li kʼoeˇ shiꞈ li-aˬ, Eˇliˇbaˆ, Aˬbiˇnaˬdehˇ, Shaˬmahˇ,

1 Laˬsaˬbaˬ 27:32

Daˬbiˇ-euˬ aˬ zawˇ Yawˇnaˆshaˬ-aˬ, nya dui dui-eu nui noeˬ nui duˇ biꞈ-eu tsawˇ haˬ tiˬ gʼaˬ pyeuꞈ-awˇ, zaˬ siˬ tsawˇ gahˇ byah dui dui-eu meh. Aˬ yawꞈ hawˇ-eu Haˬkaˬmoˇniˇ-euˬ aˬ li Yeˬheˬlaˇ aˬ nyaꞈ-aˬ, sahˬ paˬ-euˬ aˬ li deuˬ-ahˇ sahˬ boꞈ mehˬ-eu paw haw-eu pyaˆ-eu gʼaˬ geuꞈ-euˬ meh.