2 Saˬmeuˬlaˆ 12:13 - Akha

¹³ Kʼoeˇ ngeh, “Sahˬpaˬ Miˬyehˇ-ahˇ ngaˇ mˇ bahˬ gʼaˬ-euˬ miˇ-a” lehˇ Daˬbiˇ ehˇ-euˬ meh. Naˬdaˬ ehˇ-eu, “Sahˬpaˬ Miˬyehˇ nawˬ-ahˇ iˬ baˇ pyehˬ-eu meh. Nawˇ ya shiˇ gaˇ maˬ keuˆ-aˇ.

2 Saˬmeuˬlaˆ 12:13 Referans Kwoze

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Jaceuq 51:4

Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

2 Saˬmeuˬlaˆ 24:10

Ehˇ kʼawꞈ, Daˬbiˇ tsawˇ seˬ yuˇ gʼaˬ ngeh, aˬ yawꞈ-euˬ nui ma laꞈ kʼoeˇ kʼahˬ lahˇ laˇ-awˇ, “Ngaˇ heu loꞈ-ehˇ jahˇ-eu laꞈ kʼoeˇ, huiˬ dui dui-eu iˬ baˇ mˇ-euˬ law hawˇ miˇ-a. Ngaˬ-ahˇ iˬ baˇ pyehˬ nehˬ laꞈ-awˬ. Aˬ dzawˬ aˇ gah loꞈ-ehˇ ngaˇ mˇ dzeuˇ gʼaˬ nga” lehˇ, Sahˬpaˬ Miˬyehˇ-ahˇ aˬ yawꞈ ehˇ nehˬ-euˬ meh.

Zaˬkaˬliˇ 3:4

“Tsawˇ haˬ heu gʼaˬ dm luꞈ-eu mehˬ tsoeˬ yaw jawꞈ lehˆ dzeh nehˬ-awˬ” lehˇ, mˬ taˆ gʼaˬ kʼehˇ kʼoeˇ gʼaˬ aˬ yawꞈ-euˬ mehˬ shi yawꞈ luꞈ-eu deuˬ- ahˇ ehˇ nehˬ-euˬ meh. Kʼoeˇ naˇ, “Nawˬ-euˬ iˬ baˇ ngaˇ yuˇ dzeh gʼaˬ-awˇ, ngaˇ nawˬ-ahˇ mehˬ tsoeˬ yaw muiˬ bi dm ma” lehˇ, Yawˇshuˆ-ahˇ aˬ yawꞈ ehˇ nehˬ-euˬ meh.

Luˇkaꞈ 15:21

Aˬ li kʼoeˇ gʼaˬ aˬ da-ahˇ ehˇ nehˬ-eu, ‘Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma. Ngaˬ-ahˇ nawˬ li lehˇ bi kuˇ-eu maˬ paˇ geuˇ miˇ-a.’

1 Saˬmeuˬlaˆ 15:30

Sawˇluˆ ehˇ-eu, “Ngaˇ mˇ lehˬ shaˇ lehˬ gʼaˬ-euˬ ma. Ehˇ kʼawꞈ, ngaˬ-euˬ tsawˇ haˬ deuˬ-euˬ aˬ yuiꞈ aˬ tsu deuˬ hawˇ-eu Iˇsaˬleˬlaˆ tsawˇ jeuˬ dawˬ tawˆ luꞈ-euˬ mehˬ shi, aˬ joˆ-ehˇ gʼeh-awˇ neh kʼawꞈ ngaˬ-ahˇ yaw zeu ui cuiˆ baw nehˬ laꞈ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ nya ni, ngaˬ nehˬ-ehˇ tiˬ poˆ gʼoꞈ leˇ nehˬ laꞈ-awˬ.”

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

HeˬByehˇ 9:26

Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Maꞈtehˬ 14:10

Aˬ yawꞈ tsawˇ haˬ kʼehˇ gʼeh-awˇ, tawˬ laꞈ kʼoeˇ uˇ luꞈ-eu Yoˇhaˬ-euˬ uˬ duˬ bi deuˆ tsehˆ laˬ-iˇ-euˬ meh.

Ngoeˇ dawˬ 3:32

Tsawˇ haˬ zaˬ-ahˇ bi noeˬ shaˬ kʼawꞈ, aˬ yawꞈ gaˬ-eu gʼaˬ kʼaˆ luꞈ meh.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Iˇsaˬyaˇ 43:24

Naw maꞈ ngaˬ-euˬ gʼaˇ duˬ tsiˇ yaw saw maˬ zeuˇ-a. Jeˬ zaˬ-euˬ tsiˇ naw maꞈ yuˇ-awˇ, ngaˇ nui kʼahˇ shiˇ ni damˬ nehˬ laꞈ-euˬ maˬ jaˆ-a. Ehˇ kʼawꞈ, naw maꞈ neh mˇ-euˬ iˬ baˇ baˬ da neh, ngaˇ noeˬ shaˬ ni naw maꞈ jahˇ-awˇ, naw maꞈ neh mˇ-euˬ yaw lehˬ yaw ca jeˬ, ngaˬ-ahˇ shaˬ zahˬ laˆ naꞈ-euˬ meh.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Dawqdaq 25:12

Naˇ haˬ geuꞈ mawꞈ-eu tsawˇ haˬ tiˬ gʼaˬ yahˇ nya ni, siˬ duˬ mawˇ duˬ haw-euˬ gʼaˬ neh mehˬ nehˬ tsoˆ nehˬ-euˬ dawˬ-aˬ, muiˬ dui dui-eu shuiˇ neh jahˇ taˬ-euˬ laꞈ behˬ hawˇ-eu myawˬ guˇ naˆ maˬ tseˇ aˇ poeˬ kʼaˆ-eu meh.

Jaceuq 51:16

Nawˬ-ahˇ ngaˇ lawˇ nehˬ shehˇ nehˬ law hawˇ kʼawꞈ, kʼoeˇ jeˬ-ahˇ nawˇ laˬ kʼaˬ maˬ cehˇ-a. Miˬ dzaˬ-ahˇ dzah puiˆ-awˇ lawˇ nehˬ-eu jeˬ-ahˇ, nawˇ mawꞈ-eu maˬ ngeuˇ-a.

Yawˇbaˆ 33:27

Kʼoeˇ ngeh, tsawˇ haˬ aˇ maꞈ mehˬ shi aˬ yawꞈ heu loꞈ-ehˇ ehˇ tehꞈ-a. ‘Ngaˇ yaw tsaˬ yaw dawˇ jeˬ maˬ mˇ ni iˬ baˇ mˇ-euˬ ma. Ehˇ kʼawꞈ, Miˬyehˇ ngaˬ-ahˇ bi buˬ-iˇ laꞈ-euˬ meh.

2 Laˬsaˬbaˬ 25:16

Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Sahˬpaˬ 1:9

Kʼoeˇ naˇ, Eˇliˇyaˆ-ahˇ bi nyehꞈ-iˇ-eu gʼaˇ duˬ, yaw huiˬ yaw mahˇ tiˬ gʼaˬ-ahˇ tsawˇ haˬ ngaˬ tseˇ gʼaˬ sheuˬ-awˇ bi iˇ-euˬ meh. Gawˬ duˇ-ahˇ Eˇliˇyaˆ nuiˇ luꞈ gaˇ tsawˇ haˬ kʼoeˇ gʼaˬ mawˇ-awˇ, “Miˬyehˇ-euˬ tsawˇ haˬ-oˇ, nawˇ zaꞈ ka le-awˬ lehˇ sahˬ paˬ dawˬ biꞈ laꞈ-euˬ meh” lehˇ ehˇ nehˬ-euˬ meh.

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Sahˬpaˬ 13:4

Dawˬ kʼoeˇ deuˬ-ahˇ sahˬ paˬ Yeˬyawˇbamˬ ya gaˬ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ laꞈ noeˇ toeˬ-awˇ, “Tsawˇ haˬ heu gʼaˬ-ahˇ nyehꞈ-awˬ” lehˇ dawˬ biꞈ-euˬ meh. Kʼoeˇ ngeh, ja pyuˬ ni sahˬ paˬ-euˬ aˬ laꞈ laꞈ shiˇ shiˇ-iˇ-awˇ, maˬ cawˬ kʼoꞈ nya ni pyeuꞈ-iˇ-euˬ meh.

1 Saˬmeuˬlaˆ 15:20

Sawˇluˆ ehˇ-eu, “Sahˬpaˬ Miˬyehˇ-euˬ ehˇ dawˬ-ahˇ ngaˇ maˬ naˇ haˬ geuꞈ-euˬ maˬ ngeuˇ. Aˬ yawꞈ neh ehˇ nehˬ laꞈ-euˬ loꞈ-ehˇ ngaˇ iˇ-awˇ, sahˬ paˬ Aˬgaˆ-ahˇ nyehꞈ kʼoꞈ laꞈ-awˇ, Aˬmaˬlehˇ tsawˇ haˬ dawˬ tawˆ luꞈ-ahˇ sehꞈ jiˇ-euˬ ma.

Uˬ duˬ 24:17

“Aˬ cawˬ-ahˇ sehꞈ-eu tsawˇ haˬ-aˬ, yaw ha-ahˇ sehꞈ nehˬ gaˇ paˇ ya daˬ tehꞈ-a.

Luˇkaꞈ 18:13

Ehˇ kʼawꞈ, kawˬ taꞈ-eu tsawˇ haˬ kʼoeˇ gʼaˬ-aˬ, ui cuiˆ yaw taw yawꞈ-awˇ, myaˆ pyawˬ mˬ paw maˬ ciˬ diˇ peuˬ ni, noeˬ shaˬ dui dui-eu miˇ neh kʼahˬ-ahˇ teˇ teˇ-ehˇ, ‘Miˬyehˇ-oˇ, ngaˇ iˬ baˇ zaˬ ma. Gʼawˬ shaˬ gaˬ nehˬ laꞈ-awˬ’ lehˇ shaˇ-euˬ meh.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

1 Laˬsaˬbaˬ 21:8

“Ngaˇ kʼoeˇ loꞈ-ehˇ mˇ-euˬ miˇ neh, iˬ baˇ huiˬ dui dui miˇ-a. Ngaˬ-ahˇ iˬ baˇ pyehˬ nehˬ laꞈ-awˬ. Ngaˇ maˬ shaˇ noeˬ ni mˇ dzeuˇ gʼaˬ law hawˇ miˇ-a” lehˇ, Miˬyehˇ-ahˇ Daˬbiˇ ehˇ nehˬ-euˬ meh.

Jaceuq 103:12

Aˬ dui-euˬ iˬ baˇ-ahˇ, mˬ dzeˇ miˇ dzehˇ sha dzeh-eu meh.

Doˆ-iˇ 9:27

Sahˬ paˬ kʼoeˇ gʼaˬ, Moˇseˬ hawˇ-eu Aˬloˬ-ahˇ bi kuˇ laꞈ-awˇ, heu loꞈ-ehˇ ehˇ nehˬ-euˬ meh. “Heu poˆ-aˬ, ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-aˬ, yaw tsaˬ yaw dawˇ paw jawˇ-awˇ, ngaˇ hawˇ-eu ngaˬ-euˬ tsawˇ haˬ deuˬ-aˬ, yaw lehˬ paw jawˇ luꞈ-eu ma.

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

Jaceuq 51:6

Nui ma yaw sui yaw dawˇ jeˬ-ahˇ nawˇ geuꞈ mawꞈ-eu meh. Kʼoeˇ miˇ neh, ngaˬ-euˬ nui ma laꞈ kʼoeˇ nawˬ-euˬ zaˬ siˬ tsawˇ gahˇ bi byah laˇ-awˬ.