2 Saˬmeuˬlaˆ 10:18 - Akha

¹⁸ Iˇsaˬleˬlaˆ tsawˇ haˬ deuˬ neh Suˇliˆ guiˇ maꞈ-ahˇ mehˬ nah paw teh kʼoꞈ gʼeh-awˇ, guiˇ deuˆ-eu mahˬ laˆ lawˬ teh-eu Suˇliˆ yehˇ shiꞈ yaˇ gʼaˬ hawˇ-eu mahˬ dziˬ-eu yehˇ oeˬ muiˇ gʼaˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ neh sehꞈ-euˬ meh. Muiˇ-eu deuˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Shoˇbaˆ-ahˇ kʼawꞈ aˬ yawꞈ maꞈ deuˆ naˇ nehˬ-awˇ, deuˆ ceh ceh luꞈ ngeh shiˇ-euˬ meh.

2 Saˬmeuˬlaˆ 10:18 Referans Kwoze

1 Laˬsaˬbaˬ 19:18

Kʼoeˇ naˇ, Iˇsaˬleˬlaˆ tsawˇ haˬ deuˬ neh Suˇliˆ guiˇ maꞈ-ahˇ mehˬ nah paw teh kʼoꞈ gʼeh-euˬ meh. Daˬbiˇ hawˇ-eu aˬ yawꞈ-euˬ tsawˇ haˬ deuˬ neh, mahˬ laˆ lawˬ teh-eu Suˇliˆ yehˇ shiꞈ heˇ gʼaˬ hawˇ-eu, kuiˇ zoˬ cah-eu yehˇ oeˬ muiˇ gʼaˬ sehꞈ-euˬ meh. Suˇliˆ guiˇ maꞈ kʼoeˇ taˆ aˬ yuiꞈ geuꞈ-awˇ uˆ lahˇ-eu gʼaˬ pyeuꞈ-eu Shoˇbaˆ-ahˇ gʼeh, sehꞈ-euˬ meh.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 18:38

Aˬyawꞈmaꞈ-ahˇngaˇtahˬcoˬ-awˇ, maˬpaˇbi gʼoꞈtuˇlaˇcoeˇni, aˬkuiˇuˬmoˆbi ga-euˬma.

2 Saˬmeuˬlaˆ 8:4

Mahˬ dziˬ luꞈ-eu yehˇ tiˬ heˇ shiꞈ yaˇ gʼaˬ hawˇ-eu, kuiˇ zoˬ cah-eu yehˇ nyiˬ muiˇ gʼaˬ-ahˇ Daˬbiˇ nyehꞈ mi-euˬ meh. Mahˬ laˆ lawˬ tiˬ yaˇ laˇ bi gʼeu-eu gʼaˇ duˬ loˬ-eu mahˬ deuˬ tehꞈ-ehˇ aˬ yawꞈ yuˇ-awˇ, dzeˇ-eu mahˬ dawˬ tawˆ luꞈ-ahˇ aˬ yawꞈ kuiˇ guˬ yuˇ-euˬ meh.

Yaˇ kʼaˬ daˇ 5:26

Tiˬ paw laꞈ-ahˇ sehˬ gʼawˆ taꞈ cmˬ aˬ yawꞈ tuˆ tehˬ-awˇ, tiˬ paw laꞈ-ahˇ laꞈ saˇ maˇ-euˬ diˬ puˬ tuˆ tehˬ-euˬ meh. Siˇseˬlaˇ-euˬ uˬ duˬ-ahˇ aˬ yawꞈ taꞈ-awˇ, uˬ duˬ kmˬ taꞈ paˆ nehˬ-awˇ, uˬ duˬ taꞈ byoe doˆ-euˬ meh.

Yaˇ kʼaˬ daˇ 4:22

Siˇseˬlaˇ-ahˇ Baˬyehˇ poˆ le ngeh, Yeˬlaˇ aˬ yawꞈ-ahˇ ha laˬ-iˇ-awˇ ehˇ nehˬ-eu, “Laˇ-awˬ. Nawˇ poˆ luꞈ-eu gʼaˬ-ahˇ ngaˇ mehˬ nehˬ nyaˇ.” Yeˬlaˇ nehˬ-ehˇ aˬ yawꞈ uˇ leˇ ngeh, Siˇseˬlaˇ-euˬ uˬ duˬ-ahˇ sehˬ gʼawˆ taꞈ cmˬ taꞈ tsoˆ taˬ-awˇ, yaw shiˇ-ehˇ ga gaˇ ya mawˇ-euˬ meh.

Yaˇ kʼaˬ daˇ 4:2

Kʼoeˇ miˇ neh, Sahˬpaˬ Miˬyehˇ-aˬ, Haˬzawˇ meuˬ-ahˇ jawˇ-awˇ uˆ lahˇ-eu Kaˬnaˬ sahˬ paˬ Yaˬbiˬ-ahˇ, Iˇsaˬleˬlaˆ tsawˇ haˬ-ahˇ bi deuˆ gʼaˬ-euˬ meh. Aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ-eu gʼaˬ-aˬ, Gawˇiˆ miˇ kʼahˬ Haˬloˇshehˆ meuˬ-ahˇ jawˇ-eu Siˇseˬlaˇ pyeuꞈ-eu meh.

2 Saˬmeuˬlaˆ 10:17

Gaˇ kawˆ kʼoeˇ Daˬbiˇ ya gaˬ ngeh, Iˇsaˬleˬlaˆ guiˇ maꞈ deuˬ-ahˇ aˬ yawꞈ kuˇ uiˬ-awˇ, Yawˇdaˬ lawˇ baˬ tsehˆ doˆ-awˇ, Suˇliˆ tsawˇ haˬ deuˬ aˬ yawꞈ-ahˇ guiˇ deuˆ-eu lehˬ hmˬ-awˇ jawˇ luꞈ-eu Heˬlamˬ meuˬ-ahˇ le-awˇ, deuˆ ceh ceh-euˬ meh.

1 Sahˬpaˬ 11:24

Aˬ yawꞈ-aˬ, haiˬ-eu tsawˇ haˬ aˇ maꞈ tiˬ maꞈ-euˬ aˬ yuiꞈ pyeuꞈ laˇ-euˬ meh. (Haˬdaˬdeˬzaˬ-ahˇ Daˬbiˇ guiˇ deuˆ gʼaˬ-awˇ aˬ yawꞈ-ahˇ nui ma taꞈ-eu Suˇliˆ tsawˇ haˬ deuˬ-ahˇ sehꞈ jiˇ nehˬ gʼaˬ miˇ tsa, Leˬzoˇ kʼoeˇ loꞈ-ehˇ pyeuꞈ laˇ-euˬ meh.) Leˬzoˇ hawˇ-eu aˬ yawꞈ-euˬ tsawˇ haˬ deuˬ Daˬmaˬsehˇ meuˬ-ahˇ jawˇ leˇ-awˇ, aˬ yawꞈ-euˬ tsawˇ haˬ deuˬ neh aˬ yawꞈ-ahˇ Suˇliˆ sahˬ paˬ ka nehˬ-euˬ meh.

Jaceuq 68:2

Uˬ kʼoeˬ-ahˇ jaˬ lehˇ baw byoˆ-eu loꞈ-ehˇ, aˬ yawꞈ maꞈ-ahˇ aˬ yawꞈ teh byoˆ-eu meh. Miˬ dzaˬ mehˬ shi byaˬ shahˬ guiˇ-iˇ-eu loꞈ-ehˇ, Miˬyehˇ-euˬ mehˬ shi haiˬ-eu tsawˇ haˬ deuˬ cawˆ-iˇ-eu meh.