2 Saˬmeuˬlaˆ 1:8 - Akha

⁸ ‘Nawˇ aˬ suˇ gʼaˬ te’ lehˇ aˬ yawꞈ ngaˬ-ahˇ naˇ haˬ ngeh, ‘Ngaˇ Aˬmaˬlehˇ tsawˇ haˬ ma’ lehˇ ehˇ kʼoꞈ nehˬ-euˬ ma.

2 Saˬmeuˬlaˆ 1:8 Referans Kwoze

1 Saˬmeuˬlaˆ 30:17

Yawˬ nah yawˬ uˬ bya bya laˇ-eu nehˬ-ehˇ, aˬ yawꞈ maꞈ-ahˇ Daˬbiˇ guiˇ deuˆ-awˇ, uˬ ciꞈ deuˆ ciꞈ-euˬ meh. Law taw dziˬ-awˇ cehˆ-euˬ zaˬ guˬ oeˬ yaˇ gʼaˬ maˬ ngeuˇ naˇ, aˬ yawꞈ maꞈ-euˬ tsawˇ haˬ tiˬ gʼaˬ-iˬ maˬ dzeuˇ-iˇ ni bi sehꞈ jiˇ-euˬ meh.

1 Saˬmeuˬlaˆ 30:13

“Nawˬ-euˬ baw leˬ aˬ suˇ gʼaˬ pyeuꞈ-awˇ, nawˇ aˬ geu gaˇ iˇ-eu cah te” lehˇ, aˬ li kʼoeˇ li-ahˇ Daˬbiˇ naˇ haˬ ngeh, aˬ li kʼoeˇ li heu loꞈ-ehˇ ehˇ-eu meh. “Ngaˇ-aˬ, Iˇjiˇtuˆ tsawˇ jeuˬ pyeuꞈ-awˇ, Aˬmaˬlehˇ tsawˇ haˬ tiˬ gʼaˬ-euˬ zaˬ kʼaˆ pyeuꞈ-eu ma. Ngaˇ pyaˬ-eu miˇ neh ngaˬ-euˬ baw leˬ ngaˬ-ahˇ byehˇ dzeh nehˬ laꞈ-euˬ smˬ nah byah laˇ-euˬ meh.

1 Saˬmeuˬlaˆ 30:1

Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.

1 Saˬmeuˬlaˆ 15:3

Aˬmaˬlehˇ tsawˇ haˬ deuˬ-ahˇ nawˇ guiˇ deuˆ-iˇ-awˇ, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni laˆ luˬ laˆ seˇ jiˇ nehˬ-awˬ. Tiˬ jeˬ-iˬ taˬ bi dzeˇ yaꞈ. Zaˬ miˬ zaˬ kʼaˬ dzeˇ zaˬ hawˇ-eu, zaˬ guˬ zaˬ nahˬ maˬ tseˇ paˆ ni, dawˬ tawˆ luꞈ sehꞈ jiˇ-awˬ. Mawˇ neˇ, yawˇ, law taw, mahˬ tahˬ laˆ dawˬ tawˆ luꞈ sehꞈ dzeh jiˇ-awˬ.”

1 Saˬmeuˬlaˆ 27:8

Aˇ nah aˇ yamˬ kʼoeˇ yamˬ laꞈ kʼoeˇ, miˇ tsaˬ kʼoeˇ tsahˇ-ahˇ gʼawˬ myahˇ ni jawˇ keuˆ laꞈ-euˬ tsawˇ haˬ deuˬ pyeuꞈ-eu, Geˬshuˇlaˆ tsawˇ jeuˬ, Geˬlaˬziˇ tsawˇ jeuˬ, Aˬmaˬlehˇ tsawˇ jeuˬ kʼoeˇ deuˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ guiˇ deuˆ-euˬ meh. Shuˇyaˆ meuˬ-ahˇ neh Iˇjiˇtuˆ miˇ kʼahˬ-ahˇ tuˆ ni, aˬ yawꞈ maꞈ-euˬ miˇ kʼahˬ-ahˇ Daˬbiˇ guiˇ deuˆ-euˬ meh.

Bawˇtsahˬ 24:20

Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ baoˬ huiˬ-eu miˇ kʼahˬ pyeuꞈ kʼawꞈ, Aˇ saˬ saˬ laˇ ngeh, mˬ maˬ maˬ byaˆ zaˇ ziˇ ya cawˆ-iˇ tehꞈ-a.”

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

2 Saˬmeuˬlaˆ 1:7

Kʼoeˇ ngeh, aˬ yawꞈ ngaˇ jawˇ paw ciˬ pyawˇ leꞈ-awˇ, ngaˬ-ahˇ haw mawˇ-awˇ kuˇ-eu miˇ neh, ngaˇ gʼeh aˬ yawꞈ-ahˇ guˇ cawˬ nehˬ-euˬ ma.

2 Saˬmeuˬlaˆ 1:9

Kʼoeˇ naˇ, ‘Laˇ-awˇ ngaˬ-ahˇ sehꞈ laˇ sheˇ. Ngaˇ aˇ dzehˬ bi deuˆ tahˬ dzeuˇ-euˬ miˇ neh, maˬ paˇ dehꞈ-iˇ coeˇ miˇ-a’ lehˇ ehˇ-eu meh.

2 Saˬmeuˬlaˆ 1:13

Kʼoeˇ naˇ, dawˬ tsaꞈ tsaꞈ gaˬ le-euˬ zaˬ guˬ kʼoeˇ gʼaˬ-ahˇ, “Nawˇ aˬ gaˇ jawˇ te” lehˇ, Daˬbiˇ naˇ haˬ ngeh, “Ngaˇ-aˬ, naw maꞈ-euˬ miˇ kʼahˬ laꞈ kʼoeˇ jawˇ luꞈ-eu Aˬmaˬlehˇ tsawˇ haˬ ma” lehˇ ehˇ-eu meh.