2 Saˬmeuˬlaˆ 1:2 - Akha

² Yawˬ nah yawˬ, Sawˇluˆ-euˬ taˆ-ahˇ jawˇ-eu zaˬ guˬ tiˬ gʼaˬ aˬ yawꞈ jawˇ gaˇ oe keuˆ-euˬ meh. Zaˬ guˬ kʼoeˇ gʼaˬ yawˬ ha-euˬ mehˬ tsoeˬ cehˬ pyaˬ cehˬ shaˇ-awˇ, uˬ duˬ-ahˇ miˇ tsaˬ jehˆ daˆ taˬ-euˬ laꞈ kʼoeˇ, noeˬ shaˬ dui dui-eu gaˇ kawˆ bi siˬ bi mawˇ le-euˬ meh. Daˬbiˇ jawˇ gaˇ aˬ yawꞈ le-awˇ, miˇ tsa awˆ byaˆ-eu laꞈ kʼoeˇ yaw zeu baw nehˬ-euˬ meh.

2 Saˬmeuˬlaˆ 1:2 Referans Kwoze

1 Saˬmeuˬlaˆ 4:12

Beˬyaˬmiˬ tsawˇ jeuˬ tiˬ gʼaˬ, guiˇ deuˆ duˬ-ahˇ neh Shiˇloˬ meuˬ-ahˇ keuˆ ni maˬ naˬ leˇ ni cehˆ-awˇ, tiˬ nah laꞈ kʼoeˇ tehꞈ-ehˇ cehˆ keuˆ-euˬ meh. Aˬ yawꞈ noeˬ shaˬ dui dui-eu gaˇ kawˆ aˬ cawˬ bi siˬ-eu gʼaˇ duˬ, aˬ yawꞈ-euˬ mehˬ tsoeˬ cehˬ pyaˬ cehˬ shaˇ-awˇ, aˬ yawꞈ-euˬ uˬ duˬ-ahˇ shaˬ jehˆ baꞈ daˆ taˬ-euˬ meh.

2 Saˬmeuˬlaˆ 4:10

Ziˇkaˬlehˆ meuˬ-ahˇ ngaˇ jawˇ gaˇ oe-awˇ, Sawˇluˆ-euˬ gaˇ kawˆ ngaˬ-ahˇ tsaꞈ gaˬ le-euˬ tsawˇ haˬ kʼoeˇ gʼaˬ, ngaˇ laˬ kʼaˬ bi cehˇ-eu dawˬ tsaꞈ gaˬ le-euˬ ma lehˇ aˬ yawˇ yawꞈ noeˬ-euˬ meh. Ehˇ kʼawꞈ, aˬ yawꞈ-ahˇ ngaˇ nyehꞈ-awˇ sehꞈ-euˬ ma. Aˬ yawꞈ neh tsaꞈ gaˬ le-euˬ laˬ kʼaˬ cehˇ-eu dawˬ kʼoeˇ dawˬ aˇ poeˬ, ngaˇ aˬ yawꞈ-ahˇ kʼoeˇ loꞈ-ehˇ jahˇ kʼoꞈ nehˬ-euˬ ma.

1 Saˬmeuˬlaˆ 25:23

Daˬbiˇ-ahˇ Aˬbiˇgeˬlaˆ ya mawˇ ngeh, mahˬ tahˬ laˆ kʼoeˇ taˆ dziˬ luꞈ-eu tsawˬ ka-awˇ, Daˬbiˇ-euˬ mehˬ shi baˬ ba miˇ tsa tuˆ ni awˆ byaˆ-awˇ yaw zeu baw nehˬ-euˬ meh.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Hawˇseˬ 6:2

Nyiˬ nah laꞈ kʼoeˇ bi beuˇ laˇ-awˇ, smˬ nah -ahˇ bi tuˇ poˆ laˇ-awˇ, aˬ yawꞈ mehˬ shi ya jawˇ tehꞈ-a.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Iˇsaˬtaˆ 5:1

Iˇsaˬtaˆ-aˬ, aˬ yawꞈ maˬ dzaˬ maˬ dawˇ ni lah-euˬ smˬ nah tiˬ nah keuˆ laˇ ngeh, sahˬ paˬ miˬ zaˬ dm-eu mehˬ tsoeˬ dm-awˇ, dzoeˬ dzaˬ nuiˇ mahˬ jaˆ-eu lawˆ-euˬ mehˬ shi, laꞈ kʼoeˇ lawˆ-ahˇ le-awˇ yawꞈ leˇ-euˬ meh. Sahˬ paˬ-aˬ, laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ laˆ gʼoˆ paw pyawˇ-ehˇ nuiˇ luꞈ-eu meh.

Iˇsaˬtaˆ 4:16

“Nawˇ iˇ-awˇ Suˇsaˬ meuˬ-ahˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ tiˬ gaˇ tehꞈ-ehˇ kuˇ uiˬ-awˇ, smˬ nah keuˆ ni tiˬ jeˬ-iˬ maˬ dzaˬ maˬ dawˇ ni lah-eu daw-eu laꞈ kʼoeˇ, ngaˬ-euˬ gʼaˇ duˬ guiˬ lahˬ shaˇ-awˬ. Ngaˇ hawˇ-eu ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, kʼoeˇ loꞈ-ehˇ lah ma. Kʼoeˇ naˇ, zahˇ sahˇ kʼoꞈ-ahˇ bahˬ kʼawꞈ ehˬ-ehˇ ngeuˇ-iˬ. Sahˬ paˬ jawˇ gaˇ ngaˇ le ma. Kʼoeˇ loꞈ-ehˇ mˇ-eu baˬ da neh ngaˇ ya shiˇ naˇ kʼawꞈ, nui kʼahˇ shiˇ ma.”

2 Saˬmeuˬlaˆ 15:32

Uˬ duˬ tahˬ duˬ jaˆ-eu gawˬ duˇ uˬ du Daˬbiˇ le keuˆ ngeh, aˬ yawꞈ jah dui dui-eu cawˬ tiˬ gʼaˬ pyeuꞈ-eu Aˬciˇ tsawˇ jeuˬ Huˇshaiˇ-aˬ, mehˬ tsoeˬ cehˬ pyaˬ-awˇ uˬ duˬ-ahˇ miˇ tsaˬ jehˆ daˆ taˬ-euˬ laꞈ kʼoeˇ, Daˬbiˇ-ahˇ tahˬ puˬ laˇ-euˬ meh.

2 Saˬmeuˬlaˆ 14:4

Zaˬ miˬ zaˬ kʼoeˇ gʼaˬ sahˬ paˬ jawˇ gaˇ le-awˇ, miˇ tsa awˆ byaˆ-awˇ yaw zeu baw nehˬ-eu laꞈ kʼoeˇ, “Sahˬ paˬ-oˇ, ngaˬ-ahˇ gʼawˬ shaˬ gaˬ-awˇ caw ba nehˬ laꞈ-awˬ” lehˇ ehˇ nehˬ-euˬ meh.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.

1 Saˬmeuˬlaˆ 4:16

“Ngaˇ guiˇ deuˆ luꞈ gaˇ neh cehˆ buˬ-awˇ, tiˬ gaˇ-iˬ maˬ naˬ leˇ ni cehˆ gʼoꞈ laꞈ-eu laꞈ kʼoeˇ, iˬ nah heu gaˇ cehˆ keuˆ laꞈ-euˬ ma” lehˇ, tsawˇ haˬ kʼoeˇ gʼaˬ ehˇ-eu meh. Kʼoeˇ ngeh, “Aˬ joˆ-ehˇ gʼeh taˬ li-oˬ” lehˇ, tsawˇ haˬ kʼoeˇ gʼaˬ-ahˇ Eˇliˆ naˇ haˬ-euˬ meh.

Aˇ dahˬ 43:28

Aˬ ha mehˇ nmˇ ehˇ-eu, “Nawˬ-euˬ zaˬ kʼaˆ pyeuꞈ-eu ngaˬ ha mehˇ nmˇ-euˬ aˬ da-aˬ, nymˬ-mˇ keuˆ ni dehꞈ luꞈ-awˇ, jawˇ saˇ kʼawꞈ doˆ luꞈ meh.” Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, Yoˇsehˆ-ahˇ yaw zeu paˇ baw nehˬ-euˬ meh.

Aˇ dahˬ 37:34

Yaˬkoˆ-aˬ, noeˬ shaˬ dui dui-eu miˇ neh, aˬ yawꞈ dm luꞈ-eu mehˬ tsoeˬ cehˬ pyaˬ cehˬ shaˇ jiˇ-awˇ, noeˬ shaˬ ngeh dm-eu guˬ daˇ pehˇ zeuˇ mehˬ tsoeˬ dm-awˇ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ meh.

Aˇ dahˬ 37:29

Lah duˬ-ahˇ Luˇbeˬ haw-iˇ ngeh, Yoˇsehˆ-ahˇ maˬ paˇ ya mawˇ-euˬ miˇ neh, noeˬ shaˬ dui dui-eu laꞈ kʼoeˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

Aˇ dahˬ 22:4

Smˬ nah byah laˇ ngeh, Miˬyehˇ neh ehˇ taˬ-euˬ jawˇ duˬ-ahˇ haw mawˇ nya gaˇ aˬ yawꞈ maꞈ le keuˆ-euˬ meh.

2 Saˬmeuˬlaˆ 1:3

“Nawˇ aˬ geu gaˇ neh oe teˬ” lehˇ, aˬ yawꞈ-ahˇ Daˬbiˇ naˇ haˬ ngeh, “Iˇsaˬleˬlaˆ taˆ laꞈ kʼoeˇ neh cehˆ buˬ-awˇ oe-euˬ ma” lehˇ, aˬ yawꞈ ehˇ kʼoꞈ nehˬ-euˬ meh.

Yeˬsaˬgeˬlaˇ 27:30

Uˬ duˬ-ahˇ kʼaˬ lehˇ tawˆ daˆ-awˇ, kʼaˬ lehˇ tsahˬ-ahˇ mahˬ poˆ poˆ-awˇ, nawˬ-euˬ gʼaˇ duˬ aˬ yawꞈ maꞈ neh, tsawˇ ngoeˇ ngoeˇ dui dui nehˬ-eu meh.

2 Saˬmeuˬlaˆ 13:19

Aˬ yawꞈ-euˬ uˬ duˬ-ahˇ kʼaˬ lehˇ tawˆ daˆ-awˇ, aˬ yawꞈ-euˬ pehˇ kʼahˬ gʼeu pyaˬ gʼeu shaˇ-awˇ, aˬ yawꞈ-euˬ myaˆ pyawˬ-ahˇ laꞈ kʼawˆ kʼawˆ kaˬ-eu laꞈ kʼoeˇ, ngoeˇ ngoeˇ-ehˇ iˇ gʼeh-euˬ meh.

2 Saˬmeuˬlaˆ 24:20

Aˬyawˇnahˬ haw ka gʼeh ngeh, sahˬ paˬ hawˇ-eu sahˬ paˬ-euˬ gaˇ mˇ-euˬ yaw huiˬ yaw mahˇ deuˬ laˇ luꞈ gaˇ ya mawˇ-euˬ meh. Kʼoeˇ ngeh, aˬ yawꞈ doˆ-iˇ-awˇ, sahˬ paˬ-euˬ mehˬ shi miˇ tsa awˆ byaˆ-awˇ yaw zeu baw nehˬ-euˬ meh.