2 Sahˬpaˬ 8:3 - Akha

³ Shiꞈ kʼoꞈ byah laˇ ngeh, Iˇsaˬleˬlaˆ miˇ kʼahˬ-ahˇ aˬ yawꞈ paˇ gʼoꞈ laˇ-awˇ, sahˬ paˬ jawˇ gaˇ le-awˇ, aˬ yawꞈ-euˬ nymˇ hawˇ-eu miˇ tsaˬ za kʼoꞈ mawꞈ nya lehˇ shaˇ leˇ-euˬ meh.

2 Sahˬpaˬ 8:3 Referans Kwoze

Yeˬlaˬmiˇ 22:16

Shaˬ zaˬ zahˬ zaˬ-ahˇ dawˇ coe ni yaˇ kʼaˬ daˇ-euˬ miˇ neh, aˬ yawꞈ gʼaˇ duˬ aˬ myah luꞈ nui saˇ oꞈ-eu meh. Sahˬpaˬ Miˬyehˇ-ahˇ siˬ nya-eu lehˇ ehˇ-eu-aˬ, kʼoeˇ loꞈ-ehˇ dehꞈ gaˇ ehˇ-eu meh.

2 Sahˬpaˬ 8:6

Gaˇ kawˆ kʼoeˇ zaˬ miˬ zaˬ kʼoeˇ gʼaˬ-ahˇ sahˬ paˬ naˇ haˬ ngeh, zaˬ miˬ zaˬ kʼoeˇ gʼaˬ dzawˇ nehˬ-euˬ meh. Kʼoeˇ ngeh, yaw huiˬ yaw mahˇ tiˬ gʼaˬ-ahˇ sahˬ paˬ kuˇ-awˇ ehˇ nehˬ-eu, “Zaˬ miˬ zaˬ heu gʼaˬ-ahˇ kʼaˇ taꞈ-eu jeˬ dawˬ tawˆ luꞈ biꞈ kʼoꞈ nehˬ-awˇ, miˇ kʼahˬ heu kʼahˬ-ahˇ aˬ yawꞈ maˬ jawˇ ni doˆ-iˇ-euˬ shiꞈ kʼoꞈ laꞈ kʼoeˇ, aˬ yawꞈ-euˬ deh yaˇ-ahˇ kʼaˇ ka za-euˬ cehˇ aˇ poeˬ kʼawꞈ biꞈ kʼoꞈ nehˬ-awˬ.”

2 Sahˬpaˬ 6:26

Iˇsaˬleˬlaˆ sahˬ paˬ meuˬ lahˇ dawˬ peh gaˇ ma cah luꞈ ngeh, “Sahˬ paˬ-oˇ, caw ba nehˬ laꞈ-awˬ” lehˇ, zaˬ miˬ zaˬ tiˬ gʼaˬ guˇ-eu meh.

2 Sahˬpaˬ 4:13

Kʼoeˇ ngeh, Geˬhaˬziˇ-ahˇ aˬ yawꞈ ehˇ nehˬ-eu, “Zaˬ miˬ zaˬ teu gʼaˬ aˬ dui loˬ-eu jeˬ caw ba nehˬ laꞈ-euˬ aˇ poeˬ, aˬ yawꞈ-ahˇ ngaˇ aˬ jeˬ ya jahˇ kʼoꞈ nehˬ nmˇ lehˇ naˇ haˬ-iˬ sheˇ. Sahˬpaˬ-ahˇ maˬ ehˇ, guiˇ maꞈ kʼoeˇ taˆ uˆ lahˇ-eu gʼaˬ-ahˇ maˬ ehˇ, aˬ yawꞈ gʼaˇ duˬ ngaˬ-ahˇ tiˬ jeˬ paˬ bi ehˇ leˇ mawꞈ-eu jaˆ-eu maˬ siˬ.” Zaˬ miˬ zaˬ kʼoeˇ gʼaˬ ehˇ-eu, “Ngaˇ kʼaˇ loˬ-eu jeˬ dawˬ tawˆ luꞈ, ngaˬ nehˬ-ehˇ jawˇ-eu tsawˇ haˬ heu deuˬ jawˇ gaˇ jaˆ jiˇ ma.”

2 Saˬmeuˬlaˆ 14:4

Zaˬ miˬ zaˬ kʼoeˇ gʼaˬ sahˬ paˬ jawˇ gaˇ le-awˇ, miˇ tsa awˆ byaˆ-awˇ yaw zeu baw nehˬ-eu laꞈ kʼoeˇ, “Sahˬ paˬ-oˇ, ngaˬ-ahˇ gʼawˬ shaˬ gaˬ-awˇ caw ba nehˬ laꞈ-awˬ” lehˇ ehˇ nehˬ-euˬ meh.

2 Sahˬpaˬ 8:2

Eˇliˇshehˇ-euˬ dawˬ-ahˇ zaˬ miˬ zaˬ kʼoeˇ gʼaˬ naˇ haˬ geuꞈ-awˇ, aˬ yawꞈ-euˬ nymˇ kʼahˬ zaˬ deuˬ sheuˬ-awˇ, Piˇliˇtiˆ miˇ kʼahˬ-ahˇ shiꞈ kʼoꞈ byah ni jawˇ-iˇ-euˬ meh.

2 Sahˬpaˬ 8:4

Eˇliˇshehˇ-euˬ zaˬ kʼaˆ Geˬhaˬziˇ-ahˇ sahˬ paˬ dawˬ ngehˬ cawˬ luꞈ gaˇ aˬ yawꞈ ya mawˇ-euˬ meh. Eˇliˇshehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ gaˇ kawˆ sahˬ paˬ naˇ haˬ luꞈ-eu meh.

Luˇta 1:7

Yuˇdaˆ miˇ kʼahˬ-ahˇ gʼoꞈ leˇ-eu gʼaˇ duˬ, aˬ yawꞈ maꞈ tiˬ kawˆ loꞈ-ehˇ doˆ laˇ-euˬ meh.