2 Sahˬpaˬ 3:2 - Akha

² Sahˬpaˬ Miˬyehˇ-euˬ mehˬ shi aˬ yawꞈ iˬ baˇ mˇ-euˬ meh. Ehˇ kʼawꞈ, aˬ yawꞈ-euˬ aˬ da Aˬhaˆ hawˇ-eu aˬ yawꞈ-euˬ aˬ ma Yeˬsaˬbeˬlaˇ naˆ ni aˬ yawꞈ iˬ baˇ maˬ mˇ-a. Baˬlaˇ miˬ yehˇ-ahˇ uˬ duˬ tahˬ-eu gʼaˇ duˬ aˬ yawꞈ-euˬ aˬ da neh ka tuˇ taˬ yaꞈ-euˬ tahˬ pahˬ aˬ ma mawˇ kawˇ-ahˇ, aˬ yawꞈ gʼeu coˬ-euˬ meh.

2 Sahˬpaˬ 3:2 Referans Kwoze

2 Sahˬpaˬ 10:18

Saˬmaˬliˆ meuˬ-ahˇ jawˇ-eu tsawˇ haˬ deuˬ-ahˇ Yeˬhuˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Aˬhaˆ-aˬ, Baˬlaˇ miˬyehˇ-euˬ nui kʼahˇ ui cuiˆ na tehꞈ-ehˇ mˇ byah-euˬ meh. Ngaˇ-aˬ, kʼoeˇ naˆ maˬ tseˇ mˇ byah ma.

1 Sahˬpaˬ 21:25

(Aˬ yawꞈ-euˬ miˬ zaˬ Yeˬsaˬbeˬlaˇ kʼehˇ-eu baˬ da neh , Sahˬpaˬ Miˬyehˇ mehˬ shi maˇ maˇ ni iˬ baˇ mˇ ma lehˇ noeˬ tsehˆ-euˬ, Aˬhaˆ loꞈ-ehˇ gʼeh-eu tsawˇ haˬ tiˬ gʼaˬ-iˬ maˬ jawˇ-a.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

2 Sahˬpaˬ 21:20

Aˬ yawꞈ-euˬ aˬ da Maˬnaˇseˬ loꞈ-ehˇ, Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.

2 Sahˬpaˬ 9:34

Kʼoeˇ naˇ, sahˬ paˬ-euˬ hawˇ nymˇ-ahˇ Yeˬhuˇ le uˇ-awˇ, dzaˬ-euˬ dawˇ-euˬ meh. Aˬ yawꞈ dzaˬ dehˆ dawˇ dehˆ gʼaˬ ngeh, “Zaˬ miˬ zaˬ teu gʼaˬ-ahˇ baꞈ pahˬ nehˬ-awˬ. Aˬ yawꞈ sahˬ paˬ zaˬ miˬ tiˬ gʼaˬ meh” lehˇ ehˇ-eu meh.

2 Sahˬpaˬ 9:22

Yeˬhuˇ-ahˇ Yoˇlamˬ mawˇ-awˇ, “Yaw muiˬ jeˬ mˇ le-euˬ ma loˇ” lehˇ naˇ haˬ-euˬ meh. Yeˬhuˇ ehˇ-eu, “Nawˬ ma Yeˬsaˬbeˬlaˇ neh aˇ dahˬ beh taˬ yaꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, jaˬ nehꞈ ja maw kʼoeˇ deuˬ kʼaˇ jaˆ kʼoeˇ keuˆ ni, gaˇ kawˆ yaw muiˬ maˬ jaˆ kʼmˬ-aˇ.”

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Sahˬpaˬ 16:19

Sahˬpaˬ Miˬyehˇ-ahˇ aˬ yawꞈ mˇ lehˬ-euˬ miˇ neh, kʼoeˇ loꞈ-ehˇ pyeuꞈ laˇ-euˬ meh. Aˬ yawꞈ-euˬ mehˬ hu sahˬ paˬ geuꞈ-awˇ uˆ lahˇ-euˬ gʼaˬ pyeuꞈ-eu Yeˬyawˇbamˬ loꞈ-ehˇ, yawˬ ha iˬ baˇ mˇ-eu laꞈ kʼoeˇ maˬ ehˇ, Iˇsaˬleˬlaˆ miˇ kʼahˬ iˬ baˇ mˇ ni sheuˬ gʼeh-eu laꞈ kʼoeˇ maˬ ehˇ, Sahˬpaˬ Miˬyehˇ nui ma maˬ saˇ-eu jeˬ aˬ yawꞈ mˇ-euˬ meh.

1 Saˬmeuˬlaˆ 15:19

Toˆ-ehˇ ngeuˇ naˇ, aˬ jeˬ miˇ neh aˬ yawꞈ-euˬ ehˇ dawˬ-ahˇ nawˇ maˬ naˇ haˬ geuꞈ teˬ. Aˬ jeˬ miˇ neh naw maꞈ neh deuˆ za-euˬ mˇ myawˬ yuˇ geuꞈ-eu laꞈ kʼoeˇ Sahˬpaˬ Miˬyehˇ nui ma maˬ saˇ-eu jeˬ mˇ teˬ.”