2 Sahˬpaˬ 1:2 - Akha

² Sahˬpaˬ Aˬhaˬziˇ-aˬ, Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ nymˇ kʼoeˇ taˆ tiˆ guiˇ ga-ahˇ neh ga ka-awˇ, yaw kʼaˆ-ehˇ gaˬ naˇ-euˬ meh. Kʼoeˇ miˇ neh, Eˇkaˬloˬ meuˬ-ahˇ Piˇliˇtiˆ miˬ yehˇ Baˬlaˇzeˬbuˇ jawˇ gaˇ aˬ yawꞈ tsawˇ haˬ kʼehˇ gʼeh-awˇ, aˬ yawꞈ naˇ-eu taˬ leˇ nya paˬ-ehˇ gʼeh ngaˇ loˇ lehˇ bi naˇ haˬ-iˇ-euˬ meh.

2 Sahˬpaˬ 1:2 Referans Kwoze

2 Sahˬpaˬ 1:16

Sahˬ paˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ heu loꞈ-ehˇ ehˇ-eu meh. ‘Eˇkaˬloˬ miˬ yehˇ Baˬlaˇzeˬbuˇ jawˇ gaˇ nawˇ tsawˇ haˬ kʼehˇ gʼeh-awˇ mehˬ bawˬ bi mˇ-iˇ paˬ-ehˇ, Iˇsaˬleˬlaˆ miˇ kʼahˬ laꞈ kʼoeˇ nawˇ mehˬ bawˬ mˇ nya-eu Miˬyehˇ maˬ jawˇ-ehˇ pyeuꞈ-iˇ taˬ loˇ. Kʼoeˇ loꞈ-ehˇ mˇ-euˬ baˬ da neh, nawˬ-euˬ naˇ gawˇ maˬ paˇ taˬ leˇ nya-ehˇ ya shiˇ tehꞈ-a’ lehˇ ehˇ-eu meh.”

Maˬkuˆ 3:22

Yeˬluˇsaˬlehˬ meuˬ-ahˇ neh oe-euˬ Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ-aˬ, “Aˬ yawꞈ-euˬ laꞈ kʼoeˇ Beˬlaˇzeˬbuˇlaˆ uˇ-eu nga. Nehꞈ sahˬ paˬ neh aˬ yawꞈ-ahˇ nehꞈ teh doˆ nya-eu baoˬ biꞈ taˬ-euˬ nga” lehˇ ehˇ-eu meh.

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Iˇsaˬyaˇ 37:19

Kʼoeˇ naˇ, miˬ yehˇ maˇ maˇ ni maˬ ngeuˇ-eu, tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ pyeuꞈ-eu aˬ yawꞈ maꞈ-euˬ miˬ yehˇ deuˬ-ahˇ miˬ dzaˬ keuˬ dzeh nehˬ-euˬ meh.

Luˇkaꞈ 11:15

Ehˇ kʼawꞈ, tsawˇ haˬ tiˬ paˆ na deuˬ ehˇ-eu, “Nehꞈsahˬpaˬ Beˬlaˇzeˬbuˇlaˆ-euˬ baoˬ-ahˇ gʼoe-awˇ, aˬ yawꞈ nehꞈ teh doˆ-euˬ ngaˇ.”

Iˇsaˬyaˇ 37:12

Gaˬzaˬ meuˬ, Haˬlaˬ meuˬ hawˇ-eu Yeˬzehˇ meuˬ kʼoeˇ deuˬ-ahˇ, nga maꞈ-euˬ aˬ poeˬ aˬ bawˇ deuˬ neh laˆ cawˆ byoˆ nehˬ-awˇ, Teˬlaˬsaˬ meuˬ-ahˇ jawˇ-eu Behˬeˬdeˬ tsawˇ haˬ deuˬ-ahˇ aˬ yawꞈ maꞈ neh sehꞈ-euˬ kʼawꞈ, aˬ yawꞈ maꞈ-euˬ miˬ yehˇ tiˬ gʼaˬ-iˬ aˬ yawꞈ maꞈ-ahˇ maˬ ka kʼoꞈ nehˬ nya-a.

2 Sahˬpaˬ 1:6

Aˬ yawꞈ maꞈ ehˇ-eu, “Tsawˇ haˬ tiˬ gʼaˬ nga maꞈ-ahˇ tahˬ puˬ le-awˇ, heu loꞈ-ehˇ ehˇ-eu meh. ‘Naw maꞈ-ahˇ pyehˬ gʼeh leꞈ-euˬ sahˬ paˬ jawˇ gaˇ gʼoꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu gaˇ kawˆ ehˇ nehˬ leˇ-awˬ. Eˇkaˬloˬ miˬ yehˇ Baˬlaˇzeˬbuˇ-ahˇ mehˬ bawˬ bi mˇ-iˇ-eu lehˇ, aˬ jeˬ miˇ neh nawˇ tsawˇ haˬ kʼehˇ gʼeh teˬ. Iˇsaˬleˬlaˆ miˇ kʼahˬ laꞈ kʼoeˇ Miˬyehˇ maˬ jawˇ-a lehˇ nawˇ noeˬ-eu miˇ neh teu loꞈ-ehˇ jahˇ te loˇ. Nawˇ naˇ luꞈ-eu maˬ taˬ leˇ nya-ehˇ ya shiˇ tehꞈ-a lehˇ Sahˬpaˬ Miˬyehˇ ehˇ-eu meh lehˇ, ehˇ nehˬ leˇ-awˬ’ lehˇ, tsawˇ haˬ kʼoeˇ gʼaˬ nga maꞈ-ahˇ ehˇ-eu meh.”

2 Sahˬpaˬ 1:3

Ehˇ kʼawꞈ, Tiˇshaˬbeˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Eˇliˇyaˆ-ahˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ heu loꞈ-ehˇ ehˇ nehˬ le-euˬ meh. “Sahˬ paˬ Aˬhaˆ neh kʼehˇ gʼeh-euˬ tsawˇ haˬ kʼoeˇ deuˬ jawˇ gaˇ le-awˇ, heu loꞈ-ehˇ, ehˇ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ Miˬyehˇ maˬ jawˇ-eu miˇ neh, Eˇkaˬloˬ miˬ yehˇ Baˬlaˇzeˬbuˇ-ahˇ naw maꞈ gʼoe-iˇ-eu lehˇ gʼeh te loˇ.

1 Sahˬpaˬ 11:33

Sawˇlaˬmoˬ ngaˬ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬ yehˇ pyeuꞈ-eu Siˇdoˬ tsawˇ jeuˬ-euˬ Aˬsaˇtaˬteˬ miˬ yehˇ ma-ahˇ maˬ ehˇ, Mawˇbaˆ tsawˇ jeuˬ-euˬ Sheˬmoˇshaˆ miˬ yehˇ-ahˇ maˬ ehˇ, Aˬmoˬ tsawˇ jeuˬ-euˬ Moˇlehˆ miˬ yehˇ-ahˇ maˬ ehˇ, aˬ yawꞈ uˬ duˬ tahˬ-euˬ miˇ neh, ngaˇ heu loꞈ-ehˇ jahˇ-eu gʼaˇ duˬ lehˬ hmˬ taˬ-euˬ ma. Sawˇlaˬmoˬ-aˬ, ngaˬ-euˬ ehˇ dawˬ-ahˇ maˬ naˇ haˬ geuꞈ ni yaw lehˬ jeˬ mˇ-awˇ aˬ yawꞈ-euˬ aˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ maˬ caw teh-ehˇ, ngaˬ neh mehˬ nehˬ tsoˆ nehˬ-euˬ dawˬ-ahˇ kʼawꞈ maˬ naˇ haˬ geuꞈ-aˬ.

Gʼaˬkʼehˇ 20:9

Uˇduˇkuˇ lehˇ myahˇ-euˬ zaˬ guˬ tiˬ gʼaˬ laˇ gʼoˆ zaˬ-ahˇ nuiˇ luꞈ-eu meh. Pawˇluˆ dawˬ mehˬ gʼawˬ myahˇ ni mehˬ-euˬ miˇ neh aˬ yawꞈ yuꞈ yoeˇ ngeuˇ laˇ-awˇ, nymˇ kʼoeˇ nymˇ-euˬ smˬ tiˆ tiˬ tiˆ-ahˇ neh ga ka-euˬ meh. Aˬ yawꞈ maꞈ aˬ yawꞈ-ahˇ ciˬ-iˇ ngeh, shiˇ tsehˆ taˬ-euˬ meh.

Dawˬ caˇ 2:9

Ngaˇ gaˬ-eu gʼaˬ ciˇ haˬ-ahˇ duˇ-eu meh. Kʼaˬ tsehˆ tsehˆ laˬ-ahˇ aˬ yawꞈ duˇ-eu meh. Kaˇ pyawˇ dawˬ peh aˬ yawꞈ yawꞈ-awˇ, laˇ gʼoˆ zaˬ-ahˇ haw ahˇ leꞈ-awˇ, shmˇ kaˇ maˇ byoe-ahˇ cu hu luꞈ-eu meh.

Yawˇbaˆ 31:3

Mˇ lehˬ shaˇ lehˬ-euˬ tsawˇ haˬ deuˬ kʼoeˇ taˆ, luˬ-iˇ seˇ-iˇ-eu jeˬ aˬ yawꞈ bi keuˆ le-euˬ meh.

1 Sahˬpaˬ 22:34

Suˇliˆ yehˇ tiˬ gʼaˬ neh beuˆ gʼeh leꞈ-euˬ kaˆ myaˬ tiˬ myaˬ, sahˬ paˬ Aˬhaˆ dm lmꞈ-eu shmˇ mehˬ tsoeˬ-euˬ maˇ byoe-ahˇ maˬ noeˬ maˬ duˇ-ehˇ zaw leˇ-awˇ, Aˬhaˆ-ahˇ beuˆ tahˬ-euˬ meh. Kʼoeˇ ngeh, “Ngaˬ-ahˇ beuˆ zaw-euˬ miˇ-a. Mehˬ nah paw zeuˆ pyawˇ-awˇ guiˇ deuˆ luꞈ gaˇ neh iˇ doˆ gʼeh-awˬ” lehˇ, aˬ yawꞈ-euˬ mahˬ laˆ lawˬ teh-eu gʼaˬ-ahˇ Aˬhaˆ ehˇ nehˬ-euˬ meh.

1 Sahˬpaˬ 14:3

Kaˬ muˇ tseˇ siˬ, kaˬ muˇ aˇ yaˆ yaˆ zaˬ ui cuiˆ hawˇ-eu, byaˬ byaˬ uiˇ kʼawꞈ tiˬ tsahˬ yuˇ gʼeh nehˬ-awˬ. Aˬ dui pehˬ-euˬ aˬ li pyaˬ-eu taˬ leˇ nya nga loˇ, maˬ taˬ leˇ nya nga loˇ lehˇ aˬ yawꞈ-ahˇ naˇ haˬ naˇ, aˬ yawꞈ ehˇ nehˬ laꞈ nya tehꞈ-a.”

1 Saˬmeuˬlaˆ 5:10

Kʼoeˇ miˇ neh, Dawˬ ma saˇ jaˇ Bahˬ keuˆ-ahˇ, Piˇliˇtiˆ tsawˇ haˬ deuˬ-euˬ meuˬ tiˬ meuˬ pyeuꞈ-eu Eˇkaˬloˬ meuˬ-ahˇ paˇ bi baꞈ gʼeh-euˬ meh. Ehˇ kʼawꞈ, kʼoeˇ gaˇ baꞈ keuˆ gʼeh ngeh, “Nga maꞈ bi shiˇ jiˇ-eu lehˇ Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ heu gaˇ baꞈ laꞈ-euˬ ngaˇ” lehˇ, Eˇkaˬloˬ meuˬ-ahˇ jawˇ-eu tsawˇ haˬ deuˬ guˇ-eu meh.

Yaˇ kʼaˬ daˇ 11:24

Miˇ kʼahˬ kʼoeˇ nawˇ paˇ yuˇ kʼoꞈ-eu lehˇ gʼeh te loˇ. Nawˬ-euˬ miˬ yehˇ Sheˬmoˇshaˆ neh nawˬ-ahˇ kʼaˇ biꞈ-euˬ jeˬ nawˇ geuꞈ nya meh. Ehˇ kʼawꞈ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ kʼaˇ biꞈ-euˬ jeˬ-aˬ, nga maꞈ-euˬ pyeuꞈ-eu ma.

Yaˇ kʼaˬ daˇ 5:28

Siˇseˬlaˇ-euˬ aˬ ma laˇ gʼoˆ zaˬ-ahˇ cu hu-awˇ, shmˇ kaˇ naˇ kʼah jawˇ-awˇ loꞈ luꞈ meh. Aˬ yawꞈ ehˇ-eu, “Aˬ jeˬ miˇ neh aˬ yawꞈ-euˬ mahˬ laˆ lawˬ nymˬ-mˇ keuˆ ni maˬ gʼoꞈ keuˆ laˇ ta. Aˬ jeˬ miˇ neh aˬ yawꞈ-euˬ mahˬ deuˬ teu naˆ naˆ-ehˇ myaꞈ ta.”

Iˇsaˬyaˇ 2:6

Miˬyehˇ-oˇ, Yaˬkoˆ-euˬ zaˬ deuˬ uˆ deuˬ pyeuꞈ-eu, nawˬ-euˬ tsawˇ haˬ deuˬ-ahˇ nawˇ byehˇ dzeh-euˬ meh. Aˬ jeˬ miˇ neh ehˇ naˇ, nahˇ ma doˆ kʼehˬ miˇ kʼahˬ paw neh oe-euˬ nyiˇ paˬ shiˇ-eu zahˇ hawˇ-eu, Piˇliˇtiˆ tsawˇ haˬ deuˬ ja maw maw-eu zahˇ-ahˇ, aˬ yawꞈ maꞈ mˇ dui dui luꞈ-eu uˬ taꞈ, aˬ cawˬ tsawˇ jeuˬ nehˬ-ehˇ laꞈ tsaꞈ tsaꞈ tehˬ-awˇ dehꞈ-eu meh.

Yawˇshuˆ 15:11

Kʼoeˇ naˇ, Eˇkaˬloˬ meuˬ-euˬ laˬ taˆ paw jaˆ-eu gawˬ duˇ paw le daˆ-awˇ, Shiˇgeˬloˬ paw iˇ pyawˇ-awˇ, Baˬlahˬ gawˬ jawˬ le dzeuˇ-awˇ Jmˬnyaˬ paw iˇ gʼeh-awˇ, Gʼahˇ ceh-euˬ iˬ ma laˆ shaˆ-ahˇ iˇ dahˬ-euˬ meh.

1 Sahˬpaˬ 22:40

Aˬ yawꞈ shiˇ ngeh, aˬ yawꞈ-euˬ aˬ li Aˬhaˬziˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 17:16

Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ aˬ yawꞈ maꞈ byehˇ dzeh jiˇ-awˇ, aˬ yawꞈ maꞈ uˬ duˬ tahˬ-eu gʼaˇ duˬ, mawˇ neˇ mawˇ kawˇ nyiˬ kawˇ kʼaˇ-euˬ meh. Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ tiˬ kawˇ aˬ yawꞈ maꞈ tehˆ-awˇ, ba la hawˇ-eu aˬ guiˇ deuˬ-ahˇ uˬ duˬ tahˬ-eu uˬ taꞈ, Baˬlaˇ miˬyehˇ-ahˇ kʼawꞈ, uˬ duˬ tahˬ-euˬ meh.

Iˇsaˬyaˇ 19:3

Iˇjiˇtuˆ tsawˇ haˬ neh kʼaˇ noeˬ taˬ-euˬ jeˬ cawˆ jiˇ-awˇ, aˬ yawꞈ maꞈ nui ma ga ka jiˇ tehꞈ-a. Nyiˇ paˬ shaˆ ma deuˬ-ahˇ aˬ yawꞈ maꞈ gʼoe-awˇ, shiˇ dzeuˇ-euˬ deuˬ-ahˇ mehˬ bawˬ mˇ tehꞈ-a.