2 Sahˬpaˬ 1:14 - Akha

¹⁴ Yaw huiˬ yaw mahˇ kʼoeˇ nyiˬ gʼaˬ hawˇ-eu aˬ yawꞈ nyaꞈ-euˬ tsawˇ haˬ deuˬ-ahˇ, mˬ kʼoeˇ taˆ neh miˬ dzaˬ ga le-awˇ puiˆ sehꞈ-euˬ meh. Ehˇ kʼawꞈ, ngaˬ-ahˇ gʼawˬ shaˬ gaˬ neh laꞈ-awˬ.”

2 Sahˬpaˬ 1:14 Referans Kwoze

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Dawqdaq 6:26

Meh maˬ laˇ-ahˇ kaˬ muˇ tiˬ siˬ biꞈ-awˇ ja juˬ nya kʼawꞈ, aˬ cawˬ aˬ ma nawˬ-euˬ uˬ kʼawˇ poeˬ gaˇ taˬ ngehˇ.

Jaceuq 116:15

Muiˬ-eu jaˬ-eu aˬ yawꞈ-euˬ tsawˇ haˬ tiˬ gʼaˬ shiˇ ngeh, Sahˬpaˬ Miˬyehˇ aˇ naˆ ni shaˬ zahˬ mˇ-eu nga.

Jaceuq 72:14

Aˬ cawˬ kʼehˬ nehˬ kʼaˆ nehˬ-awˇ yehˬ bawˬ-ehˇ bi jahˇ-eu laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-eu meh. Aˬ yawꞈ maꞈ-euˬ saꞈ laˇ-ahˇ aˬ yawꞈ taˬ huiˬ-eu meh.

Jaceuq 49:8

Tsawˇ haˬ-euˬ saꞈ laˇ aˇ poeˬ kʼaˆ dui dui-eu miˇ neh, aˬ yawꞈ maˬ zeuˇ tsehˆ coeˇ-a.

1 Saˬmeuˬlaˆ 26:24

Iˬ nah ngaˇ nawˬ-ahˇ maˬ sehꞈ ni bi dzeuˇ-iˇ-euˬ loꞈ-ehˇ, ngaˬ-ahˇ kʼawꞈ Sahˬpaˬ Miˬyehˇ kʼoeˇ loꞈ-ehˇ jahˇ nehˬ laꞈ-awˇ, shaˬ-eu zahˬ-eu jeˬ laꞈ kʼoeˇ bi buˬ-iˇ laꞈ luꞈ-uˇ”

1 Saˬmeuˬlaˆ 26:21

Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”

2 Sahˬpaˬ 1:13

Yaw huiˬ yaw mahˇ yawˬ gʼaˬ yawˬ-ahˇ sahˬ paˬ tiˬ poˆ paˇ kʼehˇ-awˇ, tsawˇ haˬ ngaˬ tseˇ gʼaˬ sheuˬ-awˇ paˇ bi iˇ-euˬ meh. Yaw huiˬ yaw mahˇ kʼoeˇ gʼaˬ gawˬ duˇ-ahˇ daˆ leˇ-awˇ, Eˇliˇyaˆ-euˬ mehˬ shi pawˬ tsuiꞈ pawˬ dmˬ dmˬ-eu laꞈ kʼoeˇ ehˇ-eu, “Miˬyehˇ-euˬ tsawˇ haˬ-oˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ gʼawˬ shaˬ gaˬ-eu laꞈ kʼoeˇ taˬ bi shiˇ nehˬ laꞈ.

2 Sahˬpaˬ 1:15

Sahˬpaˬ Miˬyehˇ-euˬ mˬ taˆ gʼaˬ kʼehˇ Eˇliˇyaˆ-ahˇ ehˇ nehˬ-eu,“Maˬ guˆ ni tsawˇ haˬ heu gʼaˬ nehˬ-ehˇ iˇ gʼeh-awˬ” lehˇ, Kʼoeˇ ngeh poˆ jawˇ, yaw huiˬ yaw mahˇ kʼoeˇ gʼaˬ nehˬ-ehˇ tiˬ kawˆ loꞈ-ehˇ, sahˬ paˬ jawˇ gaˇ Eˇliˇyaˆ iˇ-euˬ meh.