2 Sahˬpaˬ 1:13 - Akha

¹³ Yaw huiˬ yaw mahˇ yawˬ gʼaˬ yawˬ-ahˇ sahˬ paˬ tiˬ poˆ paˇ kʼehˇ-awˇ, tsawˇ haˬ ngaˬ tseˇ gʼaˬ sheuˬ-awˇ paˇ bi iˇ-euˬ meh. Yaw huiˬ yaw mahˇ kʼoeˇ gʼaˬ gawˬ duˇ-ahˇ daˆ leˇ-awˇ, Eˇliˇyaˆ-euˬ mehˬ shi pawˬ tsuiꞈ pawˬ dmˬ dmˬ-eu laꞈ kʼoeˇ ehˇ-eu, “Miˬyehˇ-euˬ tsawˇ haˬ-oˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ gʼawˬ shaˬ gaˬ-eu laꞈ kʼoeˇ taˬ bi shiˇ nehˬ laꞈ.

2 Sahˬpaˬ 1:13 Referans Kwoze

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

Yaˬkoˆ 4:7

Kʼoeˇ miˇ neh, Miˬyehˇ-euˬ ehˇ dawˬ geuꞈ-awˬ. Nehꞈ sahˬ paˬ-ahˇ muiˇ-awˬ. Aˬ yawꞈ naw maꞈ jawˇ gaˇ neh cehˆ doˆ tehꞈ-a.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Dawqdaq 27:22

Aˬ dzawˬ aˇ gah-ahˇ shiˇ taw tehˬ ni diˬ kʼawꞈ, aˬ dzawˬ aˇ gah gah-eu jeˬ maˬ diˬ byoˆ nya-a.

Jaceuq 102:17

Byehˇ dzeh taˬ-euˬ aˬ yawꞈ-euˬ tsawˇ jeuˬ shaˇ dawˬ-awˇ, aˬ yawꞈ naˇ haˬ geuꞈ nehˬ tehꞈ-a.

Jaceuq 72:14

Aˬ cawˬ kʼehˬ nehˬ kʼaˆ nehˬ-awˇ yehˬ bawˬ-ehˇ bi jahˇ-eu laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-eu meh. Aˬ yawꞈ maꞈ-euˬ saꞈ laˇ-ahˇ aˬ yawꞈ taˬ huiˬ-eu meh.

1 Sahˬpaˬ 13:6

Kʼoeˇ ngeh, “Ngaˬ-euˬ aˬ laꞈ taˬ leˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ guiˬ lahˬ shaˇ nehˬ laꞈ-awˬ” lehˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ-ahˇ sahˬ paˬ Yeˬyawˇbamˬ ehˇ nehˬ-euˬ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ Sahˬpaˬ Miˬyehˇ-ahˇ guiˬ lahˬ shaˇ ngeh, sahˬ paˬ-euˬ aˬ laꞈ taˬ leˇ-euˬ meh.

1 Saˬmeuˬlaˆ 26:21

Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”

Doˆ-iˇ 11:8

Moˇseˬ paˇ ehˇ-eu, “ Kʼoeˇ ngeh jawˇ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ, ngaˬ-euˬ mehˬ shi laˇ-awˇ, aw byaˆ-eu laꞈ kʼoeˇ, ngaˬ-euˬ tsawˇ haˬ dawˬ tawˆ luꞈ sheuˬ-awˇ doˆ-iˇ nehˬ laꞈ-awˬ lehˇ ngaˬ-ahˇ ya shaˇ laˇ tehꞈ-a. Kʼoeˇ sawˇ miˇ tsa teh-ehˇ ngaˇ doˆ-iˇ ma.” Moˇseˬ kʼoeˇ loꞈ-ehˇ dawˬ saˬ saˬ yaꞈ-awˇ, nui ma pehˇ-eu laꞈ kʼoeˇ sahˬ paˬ kʼoeˇ gʼaˬ jawˇ gaˇ neh doˆ-iˇ-euˬ meh.

2 Sahˬpaˬ 1:12

Eˇliˇyaˆ ehˇ-eu, “Ngaˇ Miˬyehˇ-euˬ tsawˇ haˬ ngeuˇ lawˬ naˇ, mˬ kʼoeˇ taˆ neh miˬ dza ga le-awˇ, nawˇ hawˇ-eu nawˬ-euˬ tsawˇ haˬ deuˬ-ahˇ puiˆ sehꞈ luꞈ-uˇ.” Kʼoeˇ loꞈ-ehˇ ehˇ gʼaˬ ngeh, ja pyuˬ ni mˬ kʼoeˇ taˆ neh miˬ dzaˬ ga le -awˇ, yaw huiˬ yaw mahˇ kʼoeˇ gʼaˬ hawˇ-eu aˬ yawꞈ-euˬ tsawˇ ha deuˬ-ahˇ puiˆ sehꞈ-euˬ meh.

2 Sahˬpaˬ 1:14

Yaw huiˬ yaw mahˇ kʼoeˇ nyiˬ gʼaˬ hawˇ-eu aˬ yawꞈ nyaꞈ-euˬ tsawˇ haˬ deuˬ-ahˇ, mˬ kʼoeˇ taˆ neh miˬ dzaˬ ga le-awˇ puiˆ sehꞈ-euˬ meh. Ehˇ kʼawꞈ, ngaˬ-ahˇ gʼawˬ shaˬ gaˬ neh laꞈ-awˬ.”

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.