2 Laˬsaˬbaˬ 9:8 - Akha

⁸ Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ tsawˇ myahˇ uˬ moˆ nawˬ-ahˇ sahˬ paˬ geuꞈ-awˇ bi uˆ lahˇ-eu laꞈ kʼoeˇ, aˬ yawꞈ nawˬ-ahˇ aˇ naˆ ni nui kʼahˇ shiˇ-eu gaˇ kawˆ bi siˬ bi mawˇ-euˬ meh. Iˇsaˬleˬlaˆ tsawˇ jeuˬ-ahˇ aˬ yawꞈ gaˬ-awˇ, aˬ yawꞈ maꞈ-ahˇ aˬ myah luꞈ ngehˬ gʼeh dah teˬ mawꞈ-eu miˇ neh, zahˇ dawˬ kʼoꞈ dawˬ hawˇ-eu yaw tsaˬ yaw dawˇ jeˬ-ahˇ nawˇ bi mˇ byah-eu gʼaˇ duˬ, aˬ yawꞈ maꞈ kʼoeˇ taˆ nawˬ-ahˇ sahˬ paˬ bi geuꞈ-euˬ nga.”

2 Laˬsaˬbaˬ 9:8 Referans Kwoze

2 Laˬsaˬbaˬ 2:11

Sahˬ paˬ Hiˇlamˬ gʼaˬ Sawˇlaˬmoˬ-ahˇ heu loꞈ-ehˇ sahˬ boꞈ boꞈ kʼoꞈ nehˬ-euˬ meh. “Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ gaˬ-eu miˇ neh, nawˬ-ahˇ aˬ yawꞈ maꞈ-euˬ sahˬ paˬ ka nehˬ laꞈ-euˬ meh.

1 Laˬsaˬbaˬ 29:23

Kʼoeˇ naˇ, Sahˬpaˬ Miˬyehˇ neh laˆ saˆ taˬ-euˬ nuiˇ mahˬ pyeuꞈ-eu aˬ yawꞈ aˬ daˬ Daˬbiˇ-euˬ dzoeˬ dzaˬ nuiˇ mahˬ-ahˇ Sawˇlaˬmoˬ nuiˇ-awˇ, sahˬ paˬ keuˆ leˇ-euˬ meh. Aˬ yawꞈ-aˬ, baoˬ huiˬ-eu sahˬ paˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ jeuˬ lah ni aˬ yawꞈ-euˬ dawˬ-ahˇ naˇ haˬ geuꞈ-euˬ meh.

Dawˬmehˬ 7:8

Sahˬpaˬ Miˬyehˇ naw maꞈ-ahˇ gaˬ-awˇ, naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ ziꞈ luꞈ-eu meh. Teu baˬ da neh, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, naw maꞈ-ahˇ aˬ yawꞈ ka kʼoꞈ-awˇ, Iˇjiˇtuˆ sahˬ paˬ-euˬ zaˬ kʼaˆ ya geuꞈ-eu laꞈ kʼoeˇ naw maꞈ-ahˇ bi buˬ-iˇ laꞈ-euˬ meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Dawqdaq 21:3

Yaw tsaˬ yaw dawˇ jeˬ-ahˇ mˇ-awˬ. Lawˇ-eu shehˇ-eu jeˬ naˆ maˬ tseˇ, kʼoeˇ jeˬ-ahˇ Sahˬpaˬ Miˬyehˇ nui kʼahˇ shiˇ meh.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Jaceuq 72:2

Nawˬ-euˬ tsawˇ haˬ deuˬ-ahˇ dawˇ coe ni aˬ yawꞈ yaˇ kʼaˬ daˇ-awˇ, shaˬ zaˬ zahˬ zaˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya laˇ luꞈ-uˇ.

Jaceuq 22:8

“SahˬpaˬMiˬyehˇ-ahˇnawˇgʼoe-euˬ, maˬhaw ni bi shaˬlaꞈtaˬloˇ. SahˬpaˬMiˬyehˇnawˬ-ahˇgaˬnaˇ, aˬjeˬmiˇneh ngehˬmaˬgʼeh-ehˇ, maˬka kʼoꞈni byehˇcoeˇta”lehˇ, yawꞈmaꞈcehꞈlehꞈka haw-eu meh.

Jaceuq 18:19

Aˬyawꞈngaˬ-ahˇnui kʼahˇshiˇ-awˇ, guˆ-eu gaˆ-eu jeˬkeuˆle ngeh, yaw lawˬ-ahˇciˬdoˆlaꞈ-eu meh.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

1 Laˬsaˬbaˬ 29:10

Sahˬ paˬ Daˬbiˇ-aˬ, kʼoeˇ gaˇ jawˇ-eu tsawˇ haˬ aˇ maꞈ deuˬ mehˬ shi Sahˬpaˬ Miˬyehˇ-ahˇ ja ceuˬ-euˬ meh. “Nga maꞈ-euˬ aˬ poeˬ Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˬ-ahˇ ja ceuˬ luꞈ-uˇ.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

1 Laˬsaˬbaˬ 17:22

Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ tsawˇ jeuˬ-ahˇ mˬ maˬ maˬ byaˆ zaˇ ziˇ nawˬ-euˬ tsawˇ jeuˬ bi pyeuꞈ laˇ-awˇ, nawˇ aˬ yawꞈ maꞈ-euˬ Miˬyehˇ pyeuꞈ laˇ-euˬ meh.

1 Sahˬpaˬ 10:9

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ miˇ kʼahˬ kʼoeˇ taˆ nawˬ-ahˇ sahˬ paˬ bi geuꞈ-eu laꞈ kʼoeˇ, aˬ yawꞈ nawˬ-ahˇ aˇ naˆ ni nui kʼahˇ shiˇ-eu gaˇ kawˆ bi siˬ bi mawˇ-euˬ meh. Iˇsaˬleˬlaˆ tsawˇ jeuˬ-ahˇ aˬ yawꞈ gaˬ-eu jeˬ mˬ maˬ maˬ byaˆ zaˇ ziˇ ziꞈ-eu miˇ neh, yaw tsaˬ yaw dawˇ laꞈ kʼoeˇ zahˇ dawˬ kʼoꞈ dawˬ-ahˇ tsaˬ ni aˬ yawꞈ maꞈ kʼoeˇ taˆ bi uˆ lahˇ-eu gʼaˇ duˬ, aˬ yawꞈ nawˬ-ahˇ sahˬ paˬ bi pyeuꞈ laˇ-euˬ nga.”

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

2 Saˬmeuˬlaˆ 23:3

Iˇsaˬleˬlaˆ tsawˇ jeuˬ gʼaˇ duˬ, lo guˇ pyeuꞈ-eu Miˬyehˇ ehˇ-eu, “Miˬyehˇ-ahˇ guˆ-eu jeˬ ahˇ-awˇ, dawˇ coe ni uˆ lahˇ-eu tsawˇ haˬ,

2 Saˬmeuˬlaˆ 8:15

Iˇsaˬleˬlaˆ miˇ kʼahˬ kʼahˬ lah ni-ahˇ Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ uˆ lahˇ-euˬ meh.

Iˇsaˬyaˇ 62:4

Paˬ tseuˆ bi tseuˆ dzeh-euˬ zaˬ lehˇ nawˬ-ahˇ maˬ paˇ kuˇ meh. Nawˬ-euˬ miˇ kʼahˬ-ahˇ kʼawꞈ, “meuˬ meuˬ tsoeˬ” lehˇ maˬ paˇ kuˇ meh. “Miˬyehˇ nui kʼahˇ shiˇ-eu gʼaˬ” lehˇ nawˬ-ahˇ ya kuˇ paˇ-awˇ, nawˬ-euˬ miˇ kʼahˬ-euˬ tsawˇ myahˇ yaw shuiꞈ-aˬ, “Laˬ kʼaˬ tiˬ cehˇ sheuˬ dahˬ dzaˬ-euˬ” lehˇ meh. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ-ahˇ nui kʼahˇ shiˇ-awˇ, nawˬ-euˬ miˇ kʼahˬ hawˇ-eu aˬ yawꞈ, miˬ zaˬ yo zaˬ-ahˇ duˇ-eu meh.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

2 Laˬsaˬbaˬ 9:7

Aˬ myah luꞈ nawˬ nehˬ-ehˇ jawˇ-awˇ, zaˬ siˬ tsawˇ gahˇ ahˇ-eu nawˬ-euˬ dawˬ-ahˇ ya gaˬ luꞈ-eu nawˬ-eu gaˇ mˇ-eu tsawˇ haˬ deuˬ aˇ naˆ ni guiˬ lahˬ huiˬ-eu nga.

2 Laˬsaˬbaˬ 9:9

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, dzaˇ muiˇ dzaˇ sawˇ deuˬ, tsiˇ yaw saw jeˬ hawˇ-eu aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Sheˬba sahˬ paˬ ma neh sahˬ paˬ Sawˇlaˬmoˬ-ahˇ biꞈ-euˬ loꞈ-ehˇ muiˬ-euˬ dzaˇ muiˇ dzaˇ sawˇ hawˇ-eu tsiˇ yaw saw jeˬ miˇ tsaˬ kʼoeˇ taˆ tiˬ gaˇ-iˬ maˬ jaˆ-a.

Dawqdaq 29:4

Yaw tsaˬ yaw dawˇ jeˬ-ahˇ gaˬ-eu sahˬ paˬ-aˬ, miˇ kʼahˬ laˆ ziꞈ-awˇ, pyuˇ shuiˇ-ahˇ gaˬ-eu sahˬ paˬ miˇ kʼahˬ laˆ cawˆ-eu meh.

2 Laˬsaˬbaˬ 2:10

Daˇ kawˬ deuˆ-eu nawˬ-euˬ tsawˇ haˬ deuˬ gʼaˇ duˬ, cehˇ tiˬ seh joꞈ, lawˬ loeˇ tiˬ seh joꞈ, aˬ gaꞈ dzaˇ uiˇ koꞈ seh koꞈ muiˇ tsaꞈ hawˇ-eu saˬ loˬ tsiˇ koꞈ seh koꞈ muiˇ tsaꞈ nawˬ-ahˇ bi sha ha laˇ ma.”

2 Laˬsaˬbaˬ 13:8

Nymˬ-mˇ poˆ jawˇ-aˬ, Daˬbiˇ-euˬ zaˬ deuˬ uˆ deuˬ-euˬ laꞈ-ahˇ jaˆ-eu Sahˬpaˬ Miˬyehˇ-euˬ miˇ kʼahˬ-ahˇ naw maꞈ guiˇ deuˆ-eu gʼeh te loˇ. Naw maꞈ guiˇ guiˇ maꞈ myaˬ dui dui-awˇ, naw maꞈ-euˬ miˬyehˇ bi geuꞈ-eu lehˇ Yeˬyawˇbamˬ neh jahˇ-euˬ shuiˇ mawˇ neˇ mawˇ kawˇ kʼawꞈ naw maꞈ nehˬ-ehˇ jaˆ luꞈ meh.