2 Laˬsaˬbaˬ 8:14 - Akha

¹⁴ Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

2 Laˬsaˬbaˬ 8:14 Referans Kwoze

1 Laˬsaˬbaˬ 9:17

Yeˬluˇsaˬlehˬ meuˬ-ahˇ jawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-euˬ tsawˇ haˬ deuˬ-aˬ, Shaˬlmˬ, Aˬkuˇ, Taˬlaˬmoˬ, Aˬhiˇmaˬ, heu deuˬ meh. Shaˬlmˬ-aˬ, aˬ yawꞈ maꞈ kʼoeˇ taˆ aˬ yuiꞈ geuꞈ-euˬ meh.

Neˬhaˬmiˇ 12:36

Aˇ hu Miˬyehˇ-euˬ tsawˇ haˬ pyeuꞈ-eu sahˬpaˬ Daˬbiˇ neh zmˬ-euˬ caˇ dawˬ caˇ ngeh diˬ-eu baw-eu keu ka deuˬ baꞈ-awˇ Zaˬkaˬliˇ-euˬ mehˬ nah caw teh luꞈ-eu aˬ yawꞈ-euˬ aˬ yuiꞈ aˬ nyiˇ deuˬ-aˬ, Sheˬmaˇyaˬ, Aˬzaˬyeˬlaˇ, Miˇlaˬlehˇ, Giˇlaˬlehˇ, Mawˇi, Neˬdaˬneˬlaˇ, Yuˇdaˆ, hawˇ-eu Haˬnaˬniˇ meh. Aˇ muˇ kʼoeˇ muˇ-ahˇ zahˇ dzoeˬ miˬ ma Eˇzaˬlaˬ sheuˬ gʼeh-euˬ meh.

Neˬhaˬmiˇ 12:24

Haˬshaˬbiˇ, Sheˬleˬbiˇ, Yeˬshah, Biˇnuiˇ hawˇ-eu Kaˬdaˬmeˬlaˇ aˬ ha maꞈ neh mehˬ nehˬ tsoˆ nehˬ-euˬ loꞈ-ehˇ, Leˬbiˇ tsawˇ haˬ deuˬ-ahˇ aˇ muˇ biˇ-euˬ meh. Miˬyehˇ-euˬ tsawˇ haˬ pyeuꞈ-eu sahˬpaˬ Daˬbiˇ neh mehˬ taˬ tsoˆ taˬ yaꞈ-euˬ loꞈ-ehˇ, tiˬ yamˬ laꞈ kʼoeˇ nyiˬ muˇ, tiˬ muˇ tiˬ poˆ caˇ caˇ-ehˇ Miˬyehˇ-ahˇ ja ceuˬ-euˬ meh.

Eˇzaˬlaˬ 6:18

Moˇseˬ-euˬ sahˬ boꞈ paˇ dmˬ laꞈ kʼoeˇ mehˬ taˬ tsoˆ taˬ-euˬ jaˆ-eu loꞈ-ehˇ, Yeˬluˇsaˬlehˬ meuˬ Uˬ duˬ tahˬ nymˇ nymˇ ma laꞈ kʼoeˇ gaˇ bi mˇ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ aˬ yawꞈ maꞈ aˇ muˇ muˇ baw nehˬ-euˬ meh.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Gʼaˬkʼehˇ 13:22

Aˬ yawꞈ-ahˇ paˇ yuˇ dzeh ngeh jawˇ, Daˬbiˇ-ahˇ sahˬ paˬ paˇ bi geuꞈ-euˬ meh. ‘Yeˬshehˇ-euˬ aˬ li Daˬbiˇ-aˬ, ngaˇ kʼaˇ bi mˇ mawꞈ-eu jeˬ mˇ-eu, ngaˇ geuꞈ mawꞈ-eu tsawˇ haˬ pyeuꞈ gaˇ ngaˇ ya mawˇ-euˬ ma’ lehˇ, Daˬbiˇ gaˇ kawˆ Miˬyeh neh ehˇ taˬ-euˬ jaˆ-eu meh.

Luˇkaꞈ 1:8

Tiˬ nah-aˬ, piˇ ma-euˬ gaˇ mˇ-eu gʼaˇ duˬ, Zaˬkaˬliˇ-euˬ aˇ muˇ-ahˇ doˇ laˇ-euˬ miˇ neh, Uˬ duˬ tahˬ nymˇ nymˇ ma laꞈ kʼoeˇ gaˇ mˇ luꞈ-eu meh.

Luˇkaꞈ 1:5

Yuˇdaˆ miˇ kʼahˬ-ahˇ sahˬ paˬ Heˬloˆ uˆ lahˇ ngeh, Aˬbiˇyaˬ aˇ jeuˬ laꞈ kʼoeˇ, Zaˬkaˬliˇ lehˇ myahˇ-euˬ piˇ ma tiˬ gʼaˬ jawˇ-eu meh. Aˬ yawꞈ-euˬ miˬ zaˬ-aˬ, Aˬloˬ-euˬ aˇ jeuˬ pyeuꞈ-awˇ, Eˇliˇsaˬbehˆ lehˇ myahˇ-euˬ meh.

2 Laˬsaˬbaˬ 35:10

Baˬsaˬkaˬ Bawˬ-iˬ gʼeh-eu gʼaˇ duˬ yawˬ jeˬ na luꞈ lehˬ hmˬ dah jiˇ ngeh jawˇ, sahˬ paˬ neh dawˬ biꞈ taˬ-euˬ loꞈ-ehˇ piˇ ma deuˬ hawˇ-eu Leˬbiˇ tsawˇ haˬ deuˬ jawˇ duˬ yuˇ-euˬ meh.

2 Laˬsaˬbaˬ 31:2

Sahˬ paˬ Heˬsaˬgiˇ-aˬ, piˇ ma hawˇ-eu Leˬbiˇ tsawˇ haˬ deuˬ-ahˇ aˇ muˇ muˇ baw nehˬ-awˇ, yawˬ gʼaˬ na luꞈ aˇ muˇ laꞈ kʼoeˇ yawˬ ha-ahˇ daˇ-eu gaˇ bi mˇ-euˬ meh. Gaˇ kʼoeˇ deuˬ-aˬ, miˬ dzaˬ dzah puiˆ-awˇ lawˇ-eu jeˬ lawˇ nehˬ-eu gaˇ, cawˬ cawˬ taꞈ-eu lawˇ-eu jeˬ lawˇ-eu gaˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh ya mˇ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gʼawˬ mya tsahˇ laꞈ kʼoeˇ Miˬyehˇ-euˬ guiˬ lahˬ-ahˇ noeˬ keuˆ-awˇ ja ceuˬ-eu gaˇ heu deuˬ pyeuꞈ-eu meh.

2 Laˬsaˬbaˬ 23:4

Aˬ dui heu loꞈ-ehˇ jahˇ ma. Jawˇ nah ngeh nah piˇ ma deuˬ hawˇ-eu Leˬbiˇ tsawˇ haˬ deuˬ yawˬ ha-ahˇ daˇ-eu gaˇ mˇ-eu lehˇ laˇ ngeh, aˬ yawꞈ maꞈ laꞈ kʼoeˇ smˬ bymˇ tiˬ bymˇ-aˬ, Uˬ duˬ tahˬ nymˇ lahˇ kʼehˬ deuˬ-ahˇ bi loꞈ ma.

2 Laˬsaˬbaˬ 5:11

Kʼoeˇ naˇ, piˇ ma deuˬ Muiˬ-eu shawˇ-eu jawˇ duˬ-ahˇ neh jiˆ gʼoꞈ ka le-euˬ meh. Kʼoeˇ gaˇ kʼaˇ jawˇ-eu piˇ ma dawˬ tawˆ luꞈ, aˇ muˇ maˬ biˇ paˆ ni, yawˬ ha-euˬ gʼawˇ mawˇ Miˬyehˇ-ahˇ a nehˬ gʼaˬ-euˬ meh.

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

1 Laˬsaˬbaˬ 23:1

Daˬbiˇ tsawˇ mawˬ mawˬ dui dui laˇ ngeh, aˬ yawꞈ-euˬ aˬ li Sawˇlaˬmoˬ-ahˇ Iˇsaˬleˬlaˆ sahˬ paˬ ka nehˬ-euˬ meh.

1 Laˬsaˬbaˬ 16:42

Heˬmaˬ hawˇ-eu Yeˬduˇdoˬ aˬ nyaꞈ-aˬ, ja ceuˬ-eu caˇ dawˬ caˇ gaˇ zmˬ-eu keu ka deuˬ pyeuꞈ-eu, daˇ heh, cehˇ lehˇ hawˇ-eu, keu ka nui deuˬ-ahˇ ya haw ya pyaˆ-eu meh. Yeˬduˇdoˬ-euˬ aˇ jeuˬ aˇ ca deuˬ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Sahˬpaˬ 13:1

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-ahˇ, Yuˇdaˆ miˇ kʼahˬ-ahˇ neh Sahˬpaˬ Miˬyehˇ neh pyehˬ gʼeh laꞈ-awˇ, lawˇ-eu shehˇ-eu jeˬ mˇ-eu lehˇ lawˇ duˬ dawˬ peh Yeˬyawˇbamˬ yawꞈ luꞈ gaˇ laˇ keuˆ-euˬ meh.

2 Saˬmeuˬlaˆ 23:2

Sahˬpaˬ Miˬyehˇ-euˬ Yaw sahˇ-aˬ, ngaˬ-ahˇ gʼoe-awˇ dawˬ ngehˬ-eu meh. Ngaˬ-euˬ kʼaˬ meh mehˬ laˇ kʼoeˇ taˆ, aˬ yawꞈ-euˬ dawˬ keuˆ le-euˬ meh.

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

1 Laˬsaˬbaˬ 16:37

Sahˬ paˬ Daˬbiˇ-aˬ, Aˬsaˆ hawˇ-eu aˬ yawꞈ-euˬ cawˬ Leˬbiˇ tsawˇ haˬ deuˬ-ahˇ, Dawˬ ma saˇ jaˇ Bahˬ keuˆ jaˆ-eu jawˇ duˬ-ahˇ uˬ duˬ tahˬ ngeh, aˬ myah luꞈ aˬ yuiꞈ geuꞈ-awˇ sheuˬ gʼeh-eu gaˇ biꞈ nehˬ-euˬ meh. Aˬ yawꞈ maꞈ yawˬ nah na luꞈ, kʼoeˇ gaˇ yawˬ ha-euˬ gaˇ ya mˇ-eu meh.

1 Laˬsaˬbaˬ 24:1

Aˬloˬ-euˬ zaˬ deuˬ heu loꞈ-ehˇ aˇ jeuˬ paˆ-iˇ-euˬ meh. Aˬloˬ-aˬ, Naˬdehˇ, Aˬbiˇhuˬ, Eˇlaˬzaˬ, Iˇdaˬmaˬ lehˇ kuˇ-euˬ aˬ li oeˬ li jawˇ-eu meh.

1 Laˬsaˬbaˬ 25:1

Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh.

1 Laˬsaˬbaˬ 26:1

Heu-aˬ, Uˬ duˬ tahˬ nymˇ nymˇ ma-ahˇ loꞈ piˇ-eu Leˬbiˇ tsawˇ haˬ deuˬ-ahˇ biꞈ taˬ-euˬ gaˇ deuˬ meh. Kawˇlaˆ aˇ jeuˬ laꞈ kʼoeˇ, Aˬsaˆ aˇ ca pyeuꞈ-eu Kawˇleˬ-euˬ aˬ li Meˬsheˬleˬmiˇ meh.

2 Laˬsaˬbaˬ 8:15

Myawˬ jeˬ hmˬ-eu nymˇ deuˬ-ahˇ taꞈ leˇ-eu gaˇ deuˬ hawˇ-eu, gaˇ nui deuˬ-ahˇ taꞈ leˇ-awˇ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Daˬbiˇ neh mehˬ nehˬ tsoˆ nehˬ yaꞈ-euˬ loꞈ-ehˇ, tiˬ dawˬ-iˬ maˬ byehˇ yaꞈ ni mˇ doˆ gʼeh-euˬ meh.

2 Laˬsaˬbaˬ 29:25

Sahˬ paˬ Daˬbiˇ-ahˇ Miˬyehˇ gʼaˇ duˬ ngehˬ dah nehˬ-euˬ gʼaˬ pyeuꞈ-eu Gaˆ hawˇ-eu, Miˬyehˇ gʼaˇ duˬ ngehˬ dah-eu Naˬdaˬ-ahˇ gʼoe-awˇ, Sahˬpaˬ Miˬyehˇ neh sahˬ paˬ Daˬbiˇ-ahˇ mehˬ nehˬ tsoˆ nehˬ taˬ-euˬ dawˬ deuˬ-ahˇ sahˬ paˬ Heˬsaˬgiˇ caw teh-eu laꞈ kʼoeˇ, Leˬbiˇ tsawˇ haˬ deuˬ-ahˇ cehˇ lehˇ, deuˇ mˬ hawˇ-eu, bawˬ law bi yuˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ bi jawˇ-euˬ meh.

2 Laˬsaˬbaˬ 35:4

Sahˬ paˬ Daˬbiˇ hawˇ-eu aˬ yawꞈ-euˬ aˬ li sahˬ paˬ Sawˇlaˬmoˬ neh mehˬ taˬ yaꞈ-euˬ loꞈ-ehˇ, naw maꞈ yawˬ ha aˇ jeuˬ yawˬ ha Uˬ duˬ tahˬ nymˇ nymˇ ma laꞈ kʼoeˇ jawˇ duˬ ya yuˇ meh.

1 Laˬsaˬbaˬ 9:24

Laꞈ taˆ pyawˬ, laꞈ oˆ pyawˬ, nahˇ ma doˆ kʼehˬ paw pyawˬ, nahˇ ma ga kʼehˬ paw pyawˬ, heu oeˬ pyawˬ luꞈ, tiˬ pyawˬ-ahˇ lahˇ kʼehˬ tiˬ kʼehˬ dahˇ-awˇ, lahˇ kʼehˬ aˬ yawꞈ kʼehˬ yawꞈ-ahˇ loꞈ luꞈ gaˇ haw-eu pyaˆ-eu aˬ yuiꞈ geuꞈ-euˬ tiˬ gʼaˬ jawˇ-eu meh.

1 Laˬsaˬbaˬ 24:3

Daˬbiˇ-aˬ, Aˬloˬ-euˬ zaˬ deuˬ uˆ deuˬ-ahˇ aˇ muˇ biˇ paˆ nehˬ-awˇ, yawˬ ha-euˬ gaˇ yawˬ ha bi baw-euˬ meh. Aˬ yawꞈ kʼoeˇ loꞈ-ehˇ aˇ muˇ biˇ paˆ nehˬ ngeh, Eˇlaˬzaˬ aˇ jeuˬ pyeuꞈ-eu Zaˬdoˆ hawˇ-eu Iˇdaˬmaˬ aˇ jeuˬ pyeuꞈ-eu Aˬhiˇmaˬlehˇ aˬ nyaꞈ aˬ yawꞈ-ahˇ caw ba-euˬ meh.

2 Laˬsaˬbaˬ 23:19

Zahˇ sahˇ kʼoꞈ-ahˇ bahˬ-eu maˬ shawˇ-eu tsawˇ haˬ deuˬ Uˬ duˬ tahˬ nymˇ nymˇ ma-ahˇ maˬ ya uˇ leˇ ni, Uˬ duˬ tahˬ nymˇ nymˇ ma-euˬ lahˇ kʼehˬ deuˬ-ahˇ Yeˬhawˇyaˬdaˬ neh kʼehˇ taˬ-awˇ bi loꞈ-euˬ meh.

2 Laˬsaˬbaˬ 35:15

Caˇ dawˬ caˇ-eu deuˬ pyeuꞈ-eu Leˬbiˇ tsawˇ jeuˬ Aˬsaˆ aˇ ca deuˬ-aˬ, sahˬ paˬ Daˬbiˇ, Aˬsaˆ, Heˬmaˬ hawˇ-eu sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Yeˬduˇdoˬ aˬ ha maꞈ neh mehˬ taˬ yaꞈ-euˬ loꞈ-ehˇ, aˬ yawꞈ maꞈ-ahˇ biꞈ taˬ-euˬ jawˇ duˬ-ahˇ ya jawˇ-eu meh. Uˬ duˬ tahˬ nymˇ nymˇ ma -euˬ lahˇ kʼehˬ deuˬ-ahˇ loꞈ-eu deuˬ-aˬ, aˬ yawꞈ maꞈ-euˬ loꞈ duˬ-ahˇ byehˇ yaꞈ-awˇ bawˬ-iˬ gʼeh gaˇ iˇ-eu maˬ loˬ-a. Aˬ jeˬ miˇ neh ehˇ naˇ, Leˬbiˇ tsawˇ haˬ nui deuˬ neh aˬ yawꞈ maꞈ gʼaˇ duˬ Baˬsaˬkaˬ Bawˬ-iˬ lehˬ hmˬ nehˬ-eu meh.

Neˬhaˬmiˇ 12:25

Maˬtaˬniˇ, Baˬkaˬbuˇkiˇ, Awˇbaˬdiˇ, Meˬshuˇlamˬ, Taˬlaˬmoˬ hawˇ-eu Aˬkuˇ aˬ ha maꞈ-aˬ, Uˬ duˬ tahˬ nymˇ nymˇ ma-ahˇ uˇ leˇ-eu gʼoˆ kʼehˬ deuˬ dawˬ peh jaˆ-eu myawˬ taˬ-eu aˇ lawˆ deuˬ-ahˇ loꞈ piˇ-eu tsawˇ haˬ deuˬ pyeuꞈ-eu meh.