2 Laˬsaˬbaˬ 7:16 - Akha

¹⁶ Aˬ jeˬ miˇ neh ehˇ naˇ, nymˇ heu nymˇ mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, ngaˬ neh tseˇ doˆ taˬ-awˇ, mˇ shawˇ taˬ-euˬ ma. Nymˇ heu nymˇ-ahˇ ngaˇ aˬ myah luꞈ haw piˇ loꞈ piˇ ma.

2 Laˬsaˬbaˬ 7:16 Referans Kwoze

2 Laˬsaˬbaˬ 7:15

Uˬ duˬ tahˬ nymˇ nymˇ ma heu-ahˇ ngaˇ maˬ tsehˆ leˇ ni haw-awˇ, heu gaˇ shaˇ-eu shaˇ dawˬ deuˬ ya gaˬ ni aˬ myah luꞈ naˬ bawˇ ciˬ kʼmˇ taˬ ma.

2 Laˬsaˬbaˬ 7:12

uˬ ciꞈ paw Sahˬpaˬ Miˬyehˇ aˬ yawꞈ jawˇ gaˇ oe-euˬ meh. Sawˇlaˬmoˬ-ahˇ aˬ yawꞈ ehˇ-eu, “Nawˬ-euˬ guiˬ lahˬ shaˇ dawˬ-ahˇ ngaˇ ya gaˬ-awˇ, Uˬ duˬ tahˬ nymˇ nymˇ ma heu ngaˬ-ahˇ lawˇ-eu shehˇ-eu jawˇ duˬ bi pyeuꞈ-eu ngaˇ nui ma tsaˬ-eu ma.

1 Sahˬpaˬ 9:3

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ neh guiˬ lahˬ shaˇ-euˬ dawˬ-ahˇ ngaˇ ya gaˬ-euˬ ma. Mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, nawˬ neh tsoˆ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ bi muiˬ bi shawˇ-awˇ, aˬ myah luꞈ bo saˆ haw piˇ nehˬ ma.

2 Laˬsaˬbaˬ 6:20

Uˬ duˬ tahˬ nymˇ nymˇ ma heu nymˇ-ahˇ uˬ ciꞈ nah gʼahˇ maˬ ehˇ haw piˇ nehˬ laꞈ-awˬ. Heu gaˇ nawˬ-ahˇ uˬ duˬ ya tahˬ meh lehˇ nawˇ saˇ jaˇ dzaˬ taˬ-euˬ meh. Kʼoeˇ miˇ neh, Uˬ duˬ tahˬ nymˇnymˇ ma heu nymˇ-ahˇ ngaˇ mehˬ shiˬ pyawˇ-awˇ guiˬ lahˬ shaˇ ngeh, ngaˬ-eu shaˇ dawˬ-ahˇ naˇ haˬ nehˬ laꞈ-awˬ.

Gawˇlawˇsehˇ 2:9

Miˬyehˇ laꞈ kʼoeˇ kʼaˇ ahˇ-eu jeˬ dawˬ tawˆ luꞈ, Ka li laꞈ kʼoeˇ tiˬ byah ni ahˇ-eu meh.

Zaˬkaˬliˇ 3:2

Mˬ taˆ gʼaˬ kʼehˇ kʼoeˇ gʼaˬ Saˬdaˬ-ahˇ ehˇ-eu, “Saˬdaˬ-oˇ, Sahˬpaˬ Miˬyehˇ nawˬ- ahˇ kʼehˬ luꞈ-uˇ. Yeˬluˇsaˬlehˬ meuˬ-ahˇ gaˬ-eu Sahˬpaˬ Miˬyehˇ nawˬ-ahˇ kʼehˬ luꞈ-uˇ. Tsawˇ haˬ heu gʼaˬ-aˬ, miˬ dzaˬ doꞈ luꞈ-eu tsawˬ bu-ahˇ gʼeu doˆ-euˬ miˬ dzaˬ miˬ kawˬ-ahˇ duˇ-eu meh.”

Jaceuq 132:14

“Heu gaˇ-ahˇ ngaˇ mˬ maˬ maˬ byaˆ zaˇ ziˇ jawˇ ma. Heu gaˇ jawˇ-awˇ ngaˇ uˆ lahˇ ma.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

2 Sahˬpaˬ 21:4

“Ngaˬ-ahˇ uˬ duˬ ya tahˬ-eu jawˇ duˬ meh” lehˇ, Sahˬpaˬ Miˬyehˇ neh ehˇ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, lawˇ ciꞈ zaˬ deuˬ-euˬ lawˇ duˬ aˬ yawꞈ jahˇ ahˇ-euˬ meh.

1 Sahˬpaˬ 8:48

Miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ maꞈ aˬ diˇ aˬ maˇ iˬ baˇ noeˬ poˆ-awˇ, nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ taˬ-euˬ miˇ kʼahˬ heu kʼahˬ-ahˇ, nawˬ neh tseˇ doˆ taˬ-euˬ meuˬ heu meuˬ hawˇ-eu, nawˬ-euˬ gʼaˇ duˬ ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ jaˆ-eu paw aˬ yawꞈ maꞈ ciˬ pyawˇ-awˇ nawˬ-ahˇ guiˬ lahˬ shaˇ ngeh,

1 Sahˬpaˬ 8:44

“Muiˇ-eu deuˬ-ahˇ guiˇ deuˆ-iˇ-eu gʼaˇ duˬ nawˬ-euˬ tsawˇ haˬ deuˬ-ahˇ nawˇ dawˬ biꞈ-awˇ bi iˇ ngeh, aˬ yawꞈ maꞈ aˬ geu gaˇ iˇ keuˆ-eu maˬ kaˬ, nawˬ neh tseˇ doˆ-euˬ meuˬ heu meuˬ hawˇ-eu ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ jaˆ-eu paw aˬ yawꞈ maꞈ aˬ laꞈ cawˬ ja-awˇ guiˬ lahˬ shaˇ ngeh,

1 Sahˬpaˬ 8:35

“Nawˬ-euˬ tsawˇ haˬ deuˬ nawˬ-ahˇ mˇ lehˬ-euˬ miˇ neh, nawˇ uˬ yehˇ maˬ bi yehˇ le-ehˇ byehˇ ngeh, aˬ yawꞈ maꞈ nui ma paˇ laˇ-awˇ, Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ, nui ma nahˬ yu ni taˬ-eu laꞈ kʼoeˇ iˬ baˇ pyehˬ nehˬ laꞈ lehˇ shaˇ ngeh,

1 Sahˬpaˬ 8:16

‘Ngaˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ tiˬ nah neh, iˬ nah keuˆ ni, ngaˬ-ahˇ uˬ duˬ tahˬ-eu uˬ duˬ tahˬ nymˇ bi tsoˆ-eu gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ-iˬ ngaˇ maˬ tseˇ doˆ-aˬ siˬ. Ehˇ kʼawꞈ Daˬbiˇ-oˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, nawˬ-ahˇ ngaˇ tseˇ doˆ-eu ma.’

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 12:21

Uˬ duˬ tahˬ-eu jawˇ duˬ kʼoeˇ aˇ dzehˬ-ehˇ kaˬ gaˇ jaˆ naˇ, ngaˬ neh naw maꞈ-ahˇ ehˇ nehˬ taˬ-euˬ loꞈ-ehˇ, Sahˬpaˬ Miˬyehˇ neh naw maꞈ-ahˇ biꞈ taˬ-euˬ mawˇ neˇ maˬ ehˇ, yawˇ maˬ ehˇ, sehꞈ-awˇ, naw maꞈ-euˬ nymˇ laꞈ kʼoeˇ dzaˬ nya tehꞈ-a.

2 Laˬsaˬbaˬ 7:17

Nawˬ da Daˬbiˇ loꞈ-ehˇ, nawˇ ngaˬ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ -awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ caw teh-eu laꞈ kʼoeˇ, ngaˬ neh nawˬ-ahˇ dawˬ kʼaˇ biꞈ taˬ-euˬ yawˬ jeˬ na luꞈ mˇ naˇ,

2 Laˬsaˬbaˬ 30:8

Aˬ yawꞈ maꞈ loꞈ-ehˇ nui ma maˬ gʼahˇ ni, Sahˬpaˬ Miˬyehˇ-euˬ ehˇ dawˬ naˇ haˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh mˬ maˬ maˬ byaˆ zaˇ ziˇ bi muiˬ bi shawˇ laˇ gʼaˬ-euˬ Yeˬluˇsaˬlehˬ meu-ahˇ jaˆ-eu Uˬ duˬ tahˬ nymˇ nymˇ ma-ahˇ laˇ-awˇ, aˬ yawꞈ naw maꞈ-ahˇ nui ma pehˇ-eu jeˬ byoˆ-iˇ ni, aˬ yawꞈ-ahˇ uˬ duˬ tahˬ laˇ-awˬ.

Jaceuq 132:13

Ziˇoˬ meuˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ jawˇ zaˇ geuꞈ mawꞈ-eu meh.