2 Laˬsaˬbaˬ 34:13 - Akha

¹³ Leˬbiˇ tsawˇ haˬ tiˬ paˆ na deuˬ-aˬ, daˇ kawˬ daˇ laꞈ baꞈ ha gaˇ maˬ ehˇ, gaˇ gʼawˬ mya jeˬ mˇ luꞈ-eu tsawˇ haˬ deuˬ-ahˇ maˬ ehˇ, aˬ yuiꞈ geuꞈ-awˇ haw-euˬ pyaˆ-euˬ meh. Tiˬ paˆ na deuˬ-aˬ, jaˇ laˇ yuˇ-eu gaˇ mˇ-awˇ, tiˬ paˆ na deuˬ-aˬ, loꞈ piˇ-eu deuˬ geuꞈ-euˬ meh.

2 Laˬsaˬbaˬ 34:13 Referans Kwoze

Neˬhaˬmiˇ 4:10

Yuˇdaˆ tsawˇ haˬ deuˬ heu loꞈ-ehˇ caˇ dawˬ tiˬ bymˇ caˇ-euˬ meh. 2 “Kʼaˆ behˆ baꞈ-eu maˬ gʼaˬ leˇ nya. 2 Meu lahˇ coˬ pyaˆ taˬ-awˇ jaˆ-eu, yaw cawˆ maˬ baꞈ dzeh jiˇ coeˇ nya. 2 Iˬ nah meuˬ lahˇ aˬ joˇ gawˬ nmˇ.”

2 Laˬsaˬbaˬ 2:18

Shiꞈ muiˇ gʼaˬ-ahˇ, nymˇ tsoˆ gaˇ loˬ-eu mˇ myawˬ keu ka deuˬ bi baꞈ-awˇ, yehꞈ muiˇ gʼaˬ-ahˇ, gawˬ jawˬ doe ni kʼaˬ lo bi deh-euˬ meh. Gaˇ yaw muiˬ paˬ-ehˇ bi mˇ pyeuꞈ nya ni, dzeˇ luꞈ-eu smˬ heˇ koꞈ yaˇ gʼaˬ-ahˇ gaˇ mˇ gaˇ haw-eu pyaˆ-eu deuˬ bi geuꞈ-euˬ meh.

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Yeˬlaˬmiˇ 8:8

Naw maꞈ tsawˇ gahˇ ahˇ-eu miˇ neh, ngaˬ-euˬ zahˇ dawˬ kʼoꞈ dawˬ siˬ nya ma lehˇ, aˬ joˆ-ehˇ ehˇ nya te. Haw yawˬ. Ngaˬ-euˬ zahˇ dawˬ kʼoꞈ dawˬ deuˬ-ahˇ, maˬ sui maˬ dawˇ-eu zahˇ dzoeˬ miˬ ma deuˬ, boꞈ poˆ boꞈ paˇ jiˇ taˬ-euˬ meh.

2 Laˬsaˬbaˬ 19:11

Piˇ ma Yaw huiˬ gʼaˬ pyeuꞈ-eu Aˬmaˬliˇ-aˬ, uˬ duˬ tahˬ-eu zahˇ sahˇ kʼoꞈ paw taꞈ leˇ-eu gaˇ dawˬ tawˆ luꞈ-ahˇ jahˇ jiˇ nya-eu baoˬ jaˆ-awˇ, Yuˇdaˆ miˇ kʼahˬ-ahˇ haw pyaˆ uˆ lahˇ-eu gʼaˬ pyeuꞈ-eu Iˇshaˬmeˬlaˇ-euˬ aˬ li Zeˬbaˬdiˇ-aˬ, miˇ kʼahˬ zahˇ sahˇ kʼoꞈ-ahˇ taꞈ-eu gaˇ yawˬ jeˬ na luꞈ-ahˇ jahˇ jiˇ nya-eu baoˬ jaˆ-eu meh. Leˬbiˇ tsawˇ haˬ deuˬ-aˬ, saˇ naˇ gaˇ mˇ-eu paw haw-eu pyaˆ-eu deuˬ ya geuꞈ meh. Nui ma kʼaˬ duˬ ni mˇ-awˬ. Yaw tsaˬ yaw dawˇ dawˇ-ehˇ mˇ-eu deuˬ jawˇ paw Sahˬpaˬ Miˬyehˇ pyawˬ luꞈ-uˇ.”

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

2 Laˬsaˬbaˬ 8:10

Meuˬ tsoˆ pu tsoˆ-eu gaˇ paw taꞈ leˇ-awˇ, myawˬ kʼaˆ mˇ gaˇ haw-eu pyaˆ-eu yaw huiˬ yaw mahˇ nyiˬ yaˇ ngaˬ tseˇ gʼaˬ jawˇ-eu meh.

2 Laˬsaˬbaˬ 2:10

Daˇ kawˬ deuˆ-eu nawˬ-euˬ tsawˇ haˬ deuˬ gʼaˇ duˬ, cehˇ tiˬ seh joꞈ, lawˬ loeˇ tiˬ seh joꞈ, aˬ gaꞈ dzaˇ uiˇ koꞈ seh koꞈ muiˇ tsaꞈ hawˇ-eu saˬ loˬ tsiˇ koꞈ seh koꞈ muiˇ tsaꞈ nawˬ-ahˇ bi sha ha laˇ ma.”

1 Laˬsaˬbaˬ 16:42

Heˬmaˬ hawˇ-eu Yeˬduˇdoˬ aˬ nyaꞈ-aˬ, ja ceuˬ-eu caˇ dawˬ caˇ gaˇ zmˬ-eu keu ka deuˬ pyeuꞈ-eu, daˇ heh, cehˇ lehˇ hawˇ-eu, keu ka nui deuˬ-ahˇ ya haw ya pyaˆ-eu meh. Yeˬduˇdoˬ-euˬ aˇ jeuˬ aˇ ca deuˬ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Laˬsaˬbaˬ 16:38

Yeˬduˇdoˬ-euˬ aˬ li AwˇbehˆEˬdoˬ hawˇ-eu aˬ yawꞈ-eu aˇ jeuˬ koꞈ tseˇ yehꞈ gʼaˬ, aˬ yawꞈ maꞈ-ahˇ bi caw ba-euˬ meh. Hawˇsaˬ hawˇ-eu AwˇbehˆEˬdoˬ aˬ nyaꞈ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Laˬsaˬbaˬ 9:17

Yeˬluˇsaˬlehˬ meuˬ-ahˇ jawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-euˬ tsawˇ haˬ deuˬ-aˬ, Shaˬlmˬ, Aˬkuˇ, Taˬlaˬmoˬ, Aˬhiˇmaˬ, heu deuˬ meh. Shaˬlmˬ-aˬ, aˬ yawꞈ maꞈ kʼoeˇ taˆ aˬ yuiꞈ geuꞈ-euˬ meh.

2 Sahˬpaˬ 7:10

Kʼoeˇ naˇ, Suˇliˆ tsawˇ haˬ-euˬ taˆ-ahˇ neh Saˬmaˬliˆ meuˬ-ahˇ aˬ yawꞈ maꞈ gʼoꞈ leˇ-awˇ, meuˬ lahˇ kʼehˬ-ahˇ loꞈ luꞈ-eu yehˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Suˇliˆ tsawˇ haˬ-euˬ taˆ-ahˇ nga maꞈ le ngeh, tsawˇ haˬ tiˬ gʼaˬ-iˬ maˬ jawˇ ni ciˬ cuˇ ni jaˆ-eu meh. Mahˬ hawˇ-eu mahˬ tahˬ laˆ deuˬ kʼawꞈ maˬ pyehˬ ni paꞈ tawꞈ taˬ-awˇ, sehˬ gʼawˆ deuˬ kʼawꞈ, Suˇliˆ tsawˇ haˬ neh kʼaˇ bi jaˆ yaꞈ-euˬ loꞈ-ehˇ jaˆ luꞈ meh.”