2 Laˬsaˬbaˬ 32:8 - Akha

⁸ Aˬ yawꞈ-aˬ, tsawˇ haˬ zaˬ-euˬ baoˬ tehꞈ-ehˇ jaˆ-eu meh. Ehˇ kʼawꞈ, aˬ dui-aˬ, aˬ dui-ahˇ caw ba-awˇ guiˇ deuˆ-eu gʼaˇ duˬ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ ma.” Yuˇdaˆ sahˬ paˬ Heˬsaˬgiˇ kʼoeˇ loꞈ-ehˇ ehˇ ngeh, aˬ yawꞈ-euˬ tsawˇ haˬ deuˬ gʼaˬ ahˇ laˇ-euˬ meh.

2 Laˬsaˬbaˬ 32:8 Referans Kwoze

Yeˬlaˬmiˇ 17:5

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-ahˇ byehˇ dzeh yaꞈ-awˇ, maˬ gmˬ-eu tsawˇ haˬ-euˬ gʼaˬ-ahˇ gʼoe-awˇ, tsawˇ haˬ zaˬ-ahˇ nui jah ahˇ-eu gʼaˬ-ahˇ, ngaˇ yaˬ kʼehˇ yaˬ nehˬ ma.

2 Laˬsaˬbaˬ 20:17

Guiˇ heu naw maꞈ maˬ ya deuˆ-a. Jawˇ duˬ yuˇ-awˇ loꞈ tawˬ-awˬ. Sahˬpaˬ Miˬyehˇ naw maꞈ-ahˇ bi gʼaˬ leˇ nehˬ laꞈ gaˇ naw maꞈ ya mawˇ tehꞈ-a. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, gʼaˬ byehˆ maˬ byehˆ-ehˇ maˬ guˆ ni jawˇ-awˬ. Ni shawˬ nah aˬ yawꞈ maꞈ-ahˇ guiˇ deuˆ-iˇ-awˬ. Sahˬpaˬ Miˬyehˇ naw maꞈ nehˬ-ehˇ jawˇ tehꞈ-a.”

2 Laˬsaˬbaˬ 20:15

Yaˬhaˬzeˬlaˇ ehˇ-eu, “Sahˬ paˬ Yeˬhawˇshaˬpaˇ hawˇ-eu, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-oˇ, myaˬ dui dui-eu guiˇ maꞈ heu maꞈ-ahˇ naw maꞈ guˆ-awˇ gʼaˬ taˬ baˬ. Guiˇ deuˆ-eu heu Miˬyehˇ-euˬ aˬ laꞈ laꞈ kʼoeˇ jaˆ-eu meh.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

Gʼaˬkʼehˇ 18:10

Ngaˇ nawˬ nehˬ-ehˇ jawˇ ma. Aˬ cawˬ nawˬ-ahˇ laˆ tahˬ laˆ naˇ-eu jeˬ maˬ mˇ nya-a. Aˬ jeˬ miˇ neh ehˇ naˇ, meuˬ heu meuˬ laꞈ kʼoeˇ ngaˬ-euˬ tsawˇ haˬ gʼawˬ mya ni jawˇ ma.”

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

2 Laˬsaˬbaˬ 13:12

Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

Dawˬmehˬ 20:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ iˇ-awˇ, naw maꞈ gʼaˬ leˇ tehꞈ-a’ lehˇ ya ehˇ meh.

Dawqdaq 12:25

Kʼahˬ lahˇ-eu nui ma yawˬ ha-ahˇ kʼehˬ-awˇ, dawˬ muiˬ tmˇ gaˇ nui saˇ caw-eu meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

2 Laˬsaˬbaˬ 14:11

Kʼoeˇ ngeh, Aˬsaˬ-aˬ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, gʼaˬ baˬ-eu guiˇ maꞈ tiˬ maꞈ-ahˇ gʼaˬ kʼaˆ dui dui-eu guiˇ maꞈ tiˬ maꞈ loꞈ-ehˇ nawˇ caw ba nya-eu meh. Nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ-ahˇ nymˬ-mˇ caw ba le-awˬ. Aˬ jeˬ miˇ neh ehˇ naˇ, nga maꞈ nawˬ-ahˇ gʼoe-awˇ, nawˬ-euˬ tsawˇ myahˇ uˬ moˆ myaˬ dui dui-eu guiˇ maꞈ heu maꞈ-ahˇ deuˆ -eu lehˇ oe-euˬ ma. Sahˬpaˬ Miˬyehˇ-oˇ, nawˇ-aˬ nga maꞈ-euˬ Miˬyehˇ ma. Nawˬ-ahˇ deuˆ gʼaˬ ma lehˇ tsawˇ haˬ tiˬ gʼaˬ-iˬ maˬ noeˬ doˆ peuˬ-a.”

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.

Iˇsaˬyaˇ 36:18

Sahˬpaˬ Miˬyehˇ naw maꞈ-ahˇ ka kʼoꞈ nehˬ laꞈ tehꞈ-a lehˇ Heˬsaˬgiˇ ehˇ gaˇ naˇ haˬ-awˇ gaˇ ma taˬ bi sheuˬ bahˬ. Aˬshuˇliˆ sahˬ paˬ-euˬ aˬ laꞈ laꞈ oˆ, yawˬ ha-euˬ miˬ yehˇ neh bi ka kʼoꞈ haw-euˬ miˇ kʼahˬ jaˆ meh loˇ.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

2 Tiˆmoˇseˬ 4:22

Nawˬ-euˬ nui ma laꞈ kʼoeˇ Sahˬpaˬ Yeˬsuˇ jawˇ luꞈ-uˇ. Miˬyehˇ-euˬ guiˬ lahˬ yaw dzahˇ naw maꞈ dawˬ tawˆ luꞈ kʼoeˇ taˆ jaˆ luꞈ-uˇ.

2 Laˬsaˬbaˬ 32:15

Heˬsaˬgiˇ naw maꞈ-ahˇ jaˬ myawꞈ myawꞈ-awˇ mehˇ shuiˇ shuiˇ gaˇ taˬ naˇ haˬ. Aˬ yawꞈ ehˇ gaˇ taˬ jah. Miˇ kʼahˬ aˬ geu kʼahˬ-euˬ miˬ yehˇ maˬ kaˬ, yawˬ ha-euˬ tsawˇ jeuˬ-ahˇ Aˬshuˇliˆ sahˬ paˬ-euˬ laꞈ-ahˇ neh maˬ ka kʼoꞈ nehˬ nya-a. Kʼoeˇ miˇ neh naw maꞈ-euˬ miˬyehˇ teu gʼaˬ kʼawꞈ, naw maꞈ-ahˇ maˬ ka kʼoꞈ nehˬ nya-eu yaw duˬ baw meh.”

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

1 Saˬmeuˬlaˆ 17:45

Daˬbiˇ ehˇ-eu, “Gahˬ gahˬ zaˬ gahˬ ma kuꞈ ni baꞈ-awˇ, mi cehˇ shaꞈ-eu laꞈ kʼoeˇ, ngaˬ-ahˇ deuˆ laˇ-eu lehˇ nawˇ laˇ-eu nga laˬ. Ehˇ kʼawꞈ, ngaˇ-aˬ, nawˇ lmˬ luꞈ-eu Iˇsaˬleˬlaˆ guiˇ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ guiˇ deuˆ le-euˬ ma.

2 Sahˬpaˬ 6:16

“Taˬ guˆ. Aˬ dui jawˇ paw jawˇ-eu deuˬ aˬ yawꞈ maꞈ myaˆ maˬ tseˇ myaˬ ma” lehˇ Eˇliˇshehˇ ehˇ-eu meh.

1 Laˬsaˬbaˬ 5:22

Muiˇ-eu deuˬ gʼawˬ mya ni aˬ yawꞈ maꞈ sehꞈ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ loꞈ-ehˇ guiˇ deuˆ-euˬ gaˇ Miˬyehˇ nui ma tsaˬ-eu meh. Kʼoeˇ naˇ, aˬ cawˬ neh Iˇsaˬleˬlaˆ tsawˇ jeuˬ-ahˇ nyehꞈ byoˆ gʼeh-euˬ aˇ yamˬ maˬ keuˆ laˇ kʼoeˇ keuˆ ni, miˇ kʼahˬ kʼoeˇ kʼahˬ-ahˇ aˬ yawꞈ maꞈ jawˇ-euˬ meh.

2 Laˬsaˬbaˬ 16:7

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu Haˬnaˬniˇ gʼaˬ sahˬ paˬ Aˬsaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ maˬ gʼoe-ehˇ, Suˇliˆ sahˬ paˬ-ahˇ nawˇ laꞈ jeuˬ shaˇ-euˬ miˇ neh, Iˇsaˬleˬlaˆ sahˬpaˬ-euˬ guiˇ maꞈ deuˬ nawˬ-euˬ laꞈ-ahˇ neh cehˆ dzeuˇ-euˬ meh.

Jaceuq 20:7

Mahˬlaˆlawˬ-ahˇaˬcawˬgʼoe-awˇ, mahˬ-ahˇnui ma huiˬ-awˇdeuˆkʼawꞈ, SahˬpaˬMiˬyehˇpyeuꞈ-eu Miˬyehˇ, aˬdui-euˬ nui ma huiˬduˬma.

Jaceuq 118:8

Tsawˇ haˬ zaˬ-ahˇ gʼoe-eu naˆ maˬ tseˇ, Miˬyehˇ-ahˇ laꞈ jeuˬ shaˇ-eu muiˬ dzehˬ meh.

Yeˬlaˬmiˇ 42:11

Baˬbuˇloˬ sahˬ paˬ-ahˇ guˆ-eu nui ma taˬ paˇ bi ahˇ. Naw maꞈ nehˬ-ehˇ ngaˇ jawˇ-awˇ, aˬ yawꞈ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ nehˬ ma.

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Dawˬmehˬ 20:3

‘Iˇsaˬleˬlaˆ tsawˇ haˬ deuˬ-oˇ, naˇ haˬ sheˇ. Iˬ nah naw maꞈ guiˇ deuˆ-eu lehˇ gʼeh luꞈ meh. Naw maꞈ-ahˇ muiˇ-eu deuˬ-ahˇ taˬ guˆ. Gʼaˬ taˬ baˬ. Yaw dzuˬ taˬ dzuˬ. Taˬ noeˬ shaˬ.

2 Sahˬpaˬ 18:5

Heˬsaˬgiˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ jah ziꞈ dui dui-eu tsawˇ haˬ tiˬ gʼaˬ pyeuꞈ-eu meh. Aˬ yawꞈ-euˬ mehˬ hu mehˬ nah Yuˇdaˆ miˇ kʼahˬ-ahˇ kʼaˇ uˆ lahˇ-euˬ sahˬ paˬ deuˬ laꞈ kʼoeˇ, aˬ yawꞈ-ahˇ duˇ-eu tiˬ gʼaˬ-iˬ maˬ jawˇ-a.

2 Laˬsaˬbaˬ 14:10

Aˬsaˬ gʼeh aˬ yawꞈ-ahˇ guiˇ deuˆ-eu lehˇ doˆ-iˇ-awˇ, guiˇ guiˇ maꞈ nyiˬ maꞈ luꞈ Maˬleˇshaˬ meuˬ dawˬ peh jaˆ-eu Zeˬpaˬdaˬ deh kʼawꞈ-ahˇ, guiˇ daˬ daˬ-awˇ jawˇ duˬ yuˇ taˬ-euˬ meh.

Iˇsaˬyaˇ 30:32

Aˬshuˇliˆ tsawˇ haˬ deuˬ-ahˇ Sahˬpaˬ Miˬyehˇ tiˬ poˆ saˇ-iˬ tiˬ poˆ kʼehˬ nehˬ ngeh, aˬ yawꞈ-euˬ tsawˇ haˬ deuˬ tahˬ hawˇ-eu deuˇ-mˬ tiˬ poˆ saˇ-iˬ tiˬ poˆ diˬ caw tehꞈ-a. Miˬyehˇ-euˬ gʼawˇ mawˇ Aˬshuˇliˆ tsawˇ haˬ deuˬ-ahˇ guiˇ deuˆ tehꞈ-a.

Iˇsaˬyaˇ 31:3

Iˇjiˇtuˆ tsawˇ haˬ kʼawꞈ tsawˇ haˬ zaˬ meh. Miˬyehˇ maˬ ngeuˇ-a. Aˬ yawꞈ maꞈ-euˬ mahˬ deuˬ kʼawꞈ shiˬ shaˬ jiˇ meh. Maˬ shiˇ nya-eu yaw sahˇ maˬ ngeuˇ-a. Sahˬpaˬ Miˬyehˇ aˬ laꞈ cawˬ doˆ laꞈ ngeh, aˬ cawˬ-ahˇ caw ba nehˬ-eu miˇ kʼahˬ dawˬ teˇ teˇ-awˇ, aˬ cawˬ-ahˇ gʼoe-eu miˇ kʼahˬ coˬ-iˇ-eu miˇ neh, nyiˬ kʼahˬ tiˬ gaˇ luˬ-iˇ seˇ-iˇ tehꞈ-a.