2 Laˬsaˬbaˬ 30:1 - Akha

¹ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ Baˬsaˬkaˬ bawˬ-iˬ gʼeh-eu gʼaˇ duˬ, “Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ laˇ-awˬ” lehˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ doe ni Heˬsaˬgiˇ bi tsaꞈ gaˬ-iˇ-awˇ, Eˇpaˬleˬ miˇ kʼahˬ hawˇ-eu Maˬnaˇseˬ miˇ kʼahˬ-ahˇ kʼawꞈ, sahˬ boꞈ boꞈ-awˇ kuˇ-euˬ meh.

2 Laˬsaˬbaˬ 30:1 Referans Kwoze

Hawˇseˬ 11:8

“Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ gʼeh-awˇ byehˇ coeˇ nmˇ. Aˬdaˬmaˬ-ahˇ kʼehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ kʼehˬ nmˇ. Zeˬbymˬ-ahˇ jahˇ nehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ jahˇ nmˇ. Nawˬ-ahˇ gaˬ dui dui-eu miˇ neh, kʼoeˇ loꞈ-ehˇ jahˇ nehˬ-eu gʼaˇ duˬ, ngaˬ-euˬ nui ma maˬ gʼaˬ leˇ nya.

Hawˇseˬ 5:4

Miˬyehˇ jawˇ gaˇ maˬ gʼoꞈ leˇ ni, aˬ yawꞈ maꞈ neh mˇ-euˬ yaw lehˬ, aˬ yawꞈ maꞈ-ahˇ gʼeu tehˬ-eu meh. Miˬ yehˇ nui deuˬ-ahˇ gʼoe-eu jeˬ, nui ma laꞈ kʼoeˇ ciˇ tahˬ iˇ-awˇ, Sahˬpaˬ Miˬyehˇ-ahˇ maˬ siˬ-a.

2 Laˬsaˬbaˬ 35:6

Baˬsaˬkaˬ Bawˬ-iˬ-ahˇ geuꞈ-eu yawˇ deuˬ hawˇ-eu ciꞈ myehꞈ deuˬ-ahˇ naw maꞈ ya sehꞈ meh. Moˇseˬ-ahˇ gʼoe-awˇ Sahˬpaˬ Miˬyehˇ neh mehˬ taˬ tsoˆ taˬ yaꞈ-euˬ dawˬ deuˬ-ahˇ naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ caw teh nya ni, nymˬ-mˇ naw maꞈ-euˬ gʼawˇ mawˇ mˇ shawˇ-awˇ, lawˇ-eu shehˇ-eu jeˬ mˇ-eu gʼaˇ duˬ lehˬ hmˬ-awˬ.”

2 Laˬsaˬbaˬ 25:7

Ehˇ kʼawꞈ, Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Iˇsaˬleˬlaˆ yehˇ heu deuˬ-ahˇ nawˇ taˬ sheuˬ gʼeh. Laꞈ taˆ kʼahˬ-ahˇ jawˇ-eu tsawˇ haˬ heu deuˬ nehˬ-ehˇ Sahˬpaˬ Miˬyehˇ maˬ jawˇ-a.

2 Laˬsaˬbaˬ 11:16

Iˇsaˬleˬlaˆ tsawˇ jeuˬ dawˬ tawˆ luꞈ laꞈ kʼoeˇ, maˇ maˇ ni Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ mawꞈ-eu tsawˇ haˬ deuˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ya lawˇ ya shehˇ ni, Leˬbiˇ tsawˇ haˬ deuˬ-euˬ mehˬ nah Yeˬluˇsaˬlehˬ meuˬ-ahˇ caw teh gʼeh-euˬ meh.

2 Laˬsaˬbaˬ 11:13

Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu piˇ ma deuˬ hawˇ-eu Leˬbiˇ tsawˇ haˬ dawˬ tawˆ luꞈ, Yuˇdaˆ miˇ kʼahˬ-ahˇ zaꞈ uˇ le jiˇ-euˬ meh.

Yawˇshuˆ 14:4

Yoˇsehˆ-euˬ zaˬ deuˬ uˆ deuˬ laꞈ kʼoeˇ, Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ heu nyiˬ jeuˬ jawˇ-eu miˇ neh, Leˬbiˇ tsawˇ jeuˬ-ahˇ miˇ kʼahˬ maˬ biˇ nehˬ-ehˇ, aˬ yawꞈ maꞈ jawˇ-eu gʼaˇ duˬ meuˬ deuˬ, jeˬ zaˬ gaˆ kʼahˬ deuˬ hawˇ-eu, myawˬ taˬ duˬ tehꞈ-ehˇ biꞈ taˬ-euˬ meh.

2 Laˬsaˬbaˬ 29:36

Gaˇ heu deuˬ yaw kawˇ-ehˇ mˇ pyeuꞈ nya ni Miˬyehˇ aˬ yawꞈ maꞈ-ahˇ caw ba-euˬ miˇ neh, sahˬ paˬ Heˬsaˬgiˇ hawˇ-eu miˇ kʼahˬ zaˬ deuˬ laˬ kʼaˬ cehˇ dui dui-euˬ meh.

2 Laˬsaˬbaˬ 30:2

Sahˬ paˬ hawˇ-eu, aˬ yawꞈ-euˬ yaw huiˬ yaw mahˇ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ, ba la nyiˬ siˬ tiˬ siˬ-ahˇ Baˬsaˬkaˬ bawˬ-iˬ gʼeh ma lehˇ bawˬ dzaˬ duˬ-euˬ meh.

Yeˬlaˬmiˇ 29:1

Piˇ ma deuˬ, Miˬyehˇ gʼaˇ duˬ ngehˬ dah-eu deuˬ, miˇ kʼahˬ zaˬ kʼoeˇ taˆ aˬ yuiꞈ aˬ tsu geuꞈ-euˬ deuˬ hawˇ-eu, Yeˬluˇsaˬlehˬ meuˬ-ahˇ neh Baˬbuˇloˬ miˇ kʼahˬ-ahˇ Neˬbuˬkaˬneˬzaˬ neh kʼaˇ bi nyehꞈ daˆ gʼeh-euˬ tsawˇ haˬ dawˬ tawˆ luꞈ-ahˇ, ngaˇ sahˬ boꞈ tiˬ taꞈ boꞈ ahˇ gʼeh-euˬ ma.

2 Sahˬpaˬ 23:22

Iˇsaˬleˬlaˆ miˇ kʼahˬ-ahˇ yaˇ kʼaˬ daˇ-eu deuˬ neh uˆ lahˇ gʼaˬ naˇ kʼah, Iˇsaˬleˬlaˆ sahˬ paˬ deuˬ maˬ ehˇ, Yuˇdaˆ sahˬ paˬ deuˬ maˬ ehˇ, kʼoeˇ ngeh poˆ loꞈ-ehˇ gʼeh-eu Baˬsaˬkaˬ bawˬ-iˬ tiˬ jawˇ-iˬ maˬ gʼeh haw-aˬ.

2 Laˬsaˬbaˬ 29:24

Kʼoeˇ naˇ, miˇ kʼahˬ zaˬ dawˬ tawˆ luꞈ iˬ baˇ buˬ-iˇ ni, piˇ ma deuˬ ciꞈ myehꞈ kʼoeˇ deuˬ-ahˇ sehꞈ-awˇ, lawˇ duˬ kʼoeˇ taˆ ciꞈ myehꞈ shiˬ shehˆ daˆ-awˇ lawˇ-euˬ meh. Aˬ jeˬ miˇ neh ehˇ naˇ, “Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ miˬ dzaˬ dzah puiˆ-awˇ lawˇ-eu jeˬ hawˇ-eu iˬ baˇ shawˇ-eu lawˇ-eu jeˬ lawˇ-awˬ” lehˇ, sahˬ paˬ Heˬsaˬgiˇ neh dawˬ biꞈ taˬ-euˬ meh.