2 Laˬsaˬbaˬ 21:4 - Akha

⁴ Yeˬhawˇlamˬ-aˬ, miˇ kʼahˬ-ahˇ ziꞈ dah ni uˆ lahˇ gʼaˬ ngeh jawˇ, aˬ yawꞈ-euˬ mehˇ nmˇ deuˬ-ahˇ sehꞈ jiˇ-awˇ, aˬ yuiꞈ aˬ tsu geuꞈ luꞈ-eu Iˇsaˬleˬlaˆ tsawˇ haˬ tiˬ paˆ na deuˬ-ahˇ kʼawꞈ, sehꞈ-euˬ meh.

2 Laˬsaˬbaˬ 21:4 Referans Kwoze

Yaˇ kʼaˬ daˇ 9:5

Awˇpaˬlaˇ meuˬ-ahˇ, aˬ yawꞈ-euˬ aˬ da-euˬ nymˇ-ahˇ aˬ yawꞈ iˇ-awˇ, Giˇdoˬ-euˬ aˬ li deuˬ pyeuꞈ-eu aˬ yawꞈ-euˬ mehˇ nmˇ shiꞈ tseˇ gʼaˬ-ahˇ kʼaˬ lo tiˬ siˬ kʼoeˇ taˆ tehꞈ-ehˇ sehꞈ daˆ jiˇ nehˬ-euˬ meh. Ehˇ kʼawꞈ, Giˇdoˬ-euˬ aˬ li zaˬ saˬ gʼaˬ pyeuꞈ-eu Yoˇdamˬ gʼaˬ cehˆ zaꞈ-awˇ, maˬ bi sehꞈ ni law-iˇ-euˬ meh.

2 Laˬsaˬbaˬ 22:10

Sahˬ paˬ Aˬhaˬziˇ-euˬ aˬ ma Aˬdaˬliˇ-aˬ, aˬ yawꞈ-euˬ aˬ li shiˇ-euˬ gaˇ kawˆ ya gaˬ ngeh, Yuˇdaˆ sahˬ paˬ-euˬ miˬ sawˇ zaˬ dawˬ tawˆ luꞈ-ahˇ sehꞈ-awˬ lehˇ dawˬ biꞈ-euˬ meh.

2 Laˬsaˬbaˬ 21:17

Aˬ yawꞈ maꞈ Yuˇdaˆ miˇ kʼahˬ-ahˇ uˇ laˇ-awˇ, sahˬ paˬ-euˬ nymˇ-ahˇ goˬ-awˇ, sahˬ paˬ-euˬ miˬ zaˬ deuˬ hawˇ-eu aˬ li deuˬ dawˬ tawˆ luꞈ-ahˇ nyehꞈ gʼeh jiˇ-awˇ, aˬ li zaˬ saˬ gʼaˬ pyeuꞈ-eu Aˬhaˬziˇ tiˬ gʼaˬ tehꞈ-ehˇ dzeˇ yaꞈ-euˬ meh.

Aˇ dahˬ 4:8

Kʼoeˇ naˇ, Gaˬiˇnaˆ gʼaˬ, aˬ yawꞈ-euˬ aˬ nyiˇ Aˬbeˬlaˆ-ahˇ, “Deh ma-ahˇ iˇ kaˇ-euˇ” lehˇ cawˬ-euˬ meh. Aˬ yawꞈ nyaꞈ nmˇ deh yaˇ-ahˇ iˇ keuˆ-awˇ jawˇ ngeh, Gaˬiˇnaˆ tsawˬ tuˇ-awˇ, aˬ yawꞈ-euˬ aˬ nyiˇ-ahˇ sehꞈ-euˬ meh.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.

2 Laˬsaˬbaˬ 22:8

Sahˬpaˬ Miˬyehˇ neh yaˇ kʼaˬ daˇ-euˬ jeˬ Aˬhaˆ-euˬ nymˇ jiˇ kʼoeˇ taˆ bi keuˆ le ni mˇ-eu lehˇ Yeˬhuˇ le ngeh, Aˬhaˬziˇ nehˬ-ehˇ laˇ-euˬ Yuˇdaˆ tsawˇ haˬ aˬ yuiꞈ aˬ tsu deuˬ hawˇ-eu Aˬhaˬziˇ-euˬ zaˬ oeˇ deuˬ-ahˇ tahˬ puˬ-awˇ, dawˬ tawˆ luꞈ-ahˇ sehꞈ-euˬ meh.

2 Laˬsaˬbaˬ 21:13

Aˬhaˆ hawˇ-eu aˬ yawꞈ-euˬ jeˬ nah sahˬ paˬ geuꞈ-euˬ deuˬ neh, Iˇsaˬleˬlaˆ miˇ kʼahˬ Miˬyehˇ-ahˇ saˇ jaˇ maˬ ziꞈ ni sheuˬ bahˬ nehˬ-euˬ loꞈ-ehˇ, nawˇ kʼawꞈ, Iˇsaˬleˬlaˆ sahˬ paˬ kʼoeˇ deuˬ-ahˇ dzaw geuꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ Miˬyehˇ-ahˇ saˇ jaˇ maˬ ziꞈ ni sheuˬ bahˬ nehˬ-euˬ meh. Nawˇ naˆ maˬ tseˇ muiˬ-eu jaˬ-eu nawˬ-euˬ mehˇ nmˇ deuˬ-ahˇ nawˇ sehꞈ-euˬ meh.

1 Sahˬpaˬ 1:12

Ngaˇ nawˬ-ahˇ heu loꞈ-ehˇ ja noeˬ ja duˇ nehˬ nyaˇ. Nawˇ hawˇ-eu nawˬ li Sawˇlaˬmoˬ maˬ ya shiˇ ni dehꞈ mawꞈ te lehˇ ngeuˇ naˇ, heu loꞈ-ehˇ jahˇ-awˬ.

2 Laˬsaˬbaˬ 25:3

Aˬ yawꞈ-euˬ miˇ kʼahˬ-ahˇ uˆ lahˇ ziꞈ gʼaˬ ngeh jawˇ, aˬ yawꞈ-euˬ aˬ da-ahˇ sehꞈ-euˬ yaw huiˬ yaw mahˇ deuˬ-ahˇ aˬ yawꞈ sehꞈ-euˬ meh.