2 Laˬsaˬbaˬ 21:14 - Akha

¹⁴ Haw taˬ yawˬ, nawˬ-euˬ tsawˇ haˬ deuˬ, nawˬ-euˬ aˬ buˇ aˬ li deuˬ hawˇ-eu, nawˬ-euˬ miˬ zaˬ deuˬ-ahˇ Sahˬpaˬ Miˬyehˇ yaw kʼaˆ kʼaˆ-ehˇ kʼehˬ nehˬ-awˇ, nawˬ-euˬ pyuˇ shuiˇ myawˬ gahˬ deuˬ-ahˇ laˆ luˬ laˆ seˇ nehˬ laꞈ tehꞈ-a.

2 Laˬsaˬbaˬ 21:14 Referans Kwoze

Uˬ duˬ 26:21

“Naw maꞈ ngaˬ-euˬ ehˇ dawˬ maˬ naˇ haˬ-ehˇ, ngaˬ-ahˇ puiˬ te siˬ lehˇ ngeuˇ naˇ, naw maꞈ-ahˇ kʼehˬ nehˬ kʼaˆ nehˬ-eu jeˬ shiꞈ bymˇ paˇ bi kʼaˆ dzehˬ laˇ ma.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Hawˇseˬ 5:11

Aˬ cawˬ kʼehˬ nehˬ kʼaˆ nehˬ-euˬ gaˇ, Iˇsaˬleˬlaˆ ya daˬ luꞈ ngeh, maˬ caw ba nehˬ nya-eu deuˬ-ahˇ, laꞈ jeuˬ shaˇ-iˇ-euˬ baˬ da neh, yawꞈ-ahˇ oꞈ-eu miˇ tsaˬ pehˇ tsahˇ, aˬ cawˬ neh bi kʼaˆ geuꞈ-euˬ meh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

1 Sahˬpaˬ 2:32

Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.

2 Laˬsaˬbaˬ 21:13

Aˬhaˆ hawˇ-eu aˬ yawꞈ-euˬ jeˬ nah sahˬ paˬ geuꞈ-euˬ deuˬ neh, Iˇsaˬleˬlaˆ miˇ kʼahˬ Miˬyehˇ-ahˇ saˇ jaˇ maˬ ziꞈ ni sheuˬ bahˬ nehˬ-euˬ loꞈ-ehˇ, nawˇ kʼawꞈ, Iˇsaˬleˬlaˆ sahˬ paˬ kʼoeˇ deuˬ-ahˇ dzaw geuꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ Miˬyehˇ-ahˇ saˇ jaˇ maˬ ziꞈ ni sheuˬ bahˬ nehˬ-euˬ meh. Nawˇ naˆ maˬ tseˇ muiˬ-eu jaˬ-eu nawˬ-euˬ mehˇ nmˇ deuˬ-ahˇ nawˇ sehꞈ-euˬ meh.

2 Laˬsaˬbaˬ 21:15

Nawˬ-euˬ gʼawˇ mawˇ kʼawꞈ, doeˇ dui dui-eu baw uˇ naˇ-eu naˇ gawˇ ya daˬ-awˇ, baw uˇ kʼoeˆ laꞈ nyiˇ doˆ le ngeh keuˆ ni, tiˬ nah saˇ-i tiˬ nah naˇ kʼaˆ laˇ tehꞈ-a.”