2 Laˬsaˬbaˬ 20:15 - Akha

¹⁵ Yaˬhaˬzeˬlaˇ ehˇ-eu, “Sahˬ paˬ Yeˬhawˇshaˬpaˇ hawˇ-eu, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-oˇ, myaˬ dui dui-eu guiˇ maꞈ heu maꞈ-ahˇ naw maꞈ guˆ-awˇ gʼaˬ taˬ baˬ. Guiˇ deuˆ-eu heu Miˬyehˇ-euˬ aˬ laꞈ laꞈ kʼoeˇ jaˆ-eu meh.

2 Laˬsaˬbaˬ 20:15 Referans Kwoze

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

1 Saˬmeuˬlaˆ 17:47

Kʼoeˇ uˬ taꞈ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ka kʼoꞈ-eu gʼaˇ duˬ, gahˬ hawˇ-eu mi cehˇ maˬ gʼoe-eu gaˇ kawˆ, heu gaˇ jawˇ-eu tsawˇ haˬ dawˬ tawˆ luꞈ ya siˬ ya mawˇ duˬ tehꞈ-a. Aˬ yawꞈ-aˬ, gʼaˬ leˇ-eu gʼaˬ pyeuꞈ-awˇ, naw maꞈ dawˬ tawˆ luꞈ-ahˇ nga maꞈ-euˬ aˬ laꞈ laꞈ kʼoeˇ a nehˬ laꞈ tehꞈ-a”

Dawˬmehˬ 31:8

Sahˬpaˬ Miˬyehˇ aˬ yawꞈ nawˬ nehˬ-ehˇ jawˇ-awˇ, nawˬ-ahˇ sheuˬ gʼeh tehꞈ-a. Aˬ yawꞈ nawˬ-ahˇ byehˇ dzeh-awˇ maˬ bi jawˇ-aˇ. Teu miˇ neh, gʼaˬ baˬ-awˇ guˆ-eu nui ma taˬ bi ahˇ.”

Dawˬmehˬ 20:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ iˇ-awˇ, naw maꞈ gʼaˬ leˇ tehꞈ-a’ lehˇ ya ehˇ meh.

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.

Yawˇshuˆ 11:6

Yawˇshuˆ-ahˇ Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ taˬ guˆ. Ni shawˬ nah heu yamˬ-ahˇ, Iˇsaˬleˬlaˆ tsawˇ jeuˬ gʼaˇ duˬ, aˬ yawꞈ maꞈ dawˬ tawˆ luꞈ-ahˇ ngaˇ sehꞈ ma. Naw maꞈ aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ ya keuˬ dzeh meh.”

Neˬhaˬmiˇ 4:14

Ngaˬ-euˬ tsawˇ haˬ deuˬ noeˬ shaˬ luꞈ gaˇ ngaˇ ya mawˇ-awˇ, aˬ yawꞈ maꞈ-ahˇ maˬ ehˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ maˬ ehˇ, ngaˇ heu loꞈ-ehˇ ehˇ nehˬ-euˬ ma. “Aˬ dui-ahˇ muiˇ-eu deuˬ-ahˇ taˬ guˆ. Sahˬpaˬ miˬyehˇ-aˬ, huiˬ dui mahˇ dui dui-awˇ guˆ laˇ paˬ-ehˇ gʼeh-eu gʼaˬ pyeuꞈ gaˇ noeˬ keuˆ-awˇ, yawˬ ha-euˬ cawˬ miˇ kʼahˬ zaˬ deuˬ, yawˬ ha-euˬ miˬ sawˇ zaˬ deuˬ hawˇ-eu, yawˬ ha-euˬ nymˇ jiˇ gʼaˇ duˬ guiˇ deuˆ-awˬ.”

2 Laˬsaˬbaˬ 20:16

Naw maꞈ-ahˇ daˇ-eu jeˬ maˬ ngeuˇ-a. Ni shawˬ nah Ziˇzaˆ gʼaˬ lahˇ-ahˇ neh aˬ yawꞈ maꞈ doˆ laˇ-eu nehˬ-ehˇ, aˬ yawꞈ maꞈ-ahˇ deuˆ-iˇ-awˬ. Yeˬyoeˬlaˇ bawˇ tsahˬ bawˇ dahˇ paw tahˬ leˇ-eu deh kʼawꞈ mehˬ dzaˬ-ahˇ, aˬ yawꞈ maꞈ-ahˇ naw maꞈ ya tahˬ puˬ tehꞈ-a.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Yaˇ kʼaˬ daˇ 7:21

Yawˬ gʼaˬ na luꞈ taˆ jawˬ jawˬ-ehˇ yawˬ ha-euˬ jawˇ duˬ-ahˇ yawꞈ luꞈ ngeh, muiˇ-eu deuˬ-euˬ taˆ taˆ lah-ehˇ guˇ guˇ-ehˇ cehˆ-eu meh.

1 Sahˬpaˬ 20:13

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu tiˬ gʼaˬ Aˬhaˆ jawˇ gaˇ iˇ-awˇ, “Huiˬ dui dui-eu guiˇ maꞈ kʼoeˇ maꞈ-ahˇ taˬ guˆ. Ngaˇ nawˬ-ahˇ aˬ yawꞈ maꞈ kʼoeˇ taˆ bi gʼaˬ leˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh” lehˇ ehˇ nehˬ-euˬ meh.

Iˇsaˬyaˇ 37:6

heu loꞈ-ehˇ tsaꞈ kʼoꞈ gʼeh-euˬ meh. “Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. Sahˬpaˬ Miˬyehˇ naw maꞈ-ahˇ maˬ ka kʼoꞈ nya-aˇ lehˇ Aˬshuˇliˆ sahˬ paˬ ehˇ-awˇ lmˬ luꞈ gaˇ taˬ guˆ lehˇ ehˇ-eu meh.