2 Laˬsaˬbaˬ 15:1 - Akha

¹ Miˬyehˇ-euˬ Yaw sahˇ Awˇdehˇ-euˬ aˬ li Aˬzaˬyiˇ kʼoeˇ taˆ keuˆ le-euˬ meh.

2 Laˬsaˬbaˬ 15:1 Referans Kwoze

2 Laˬsaˬbaˬ 24:20

Kʼoeˇ naˇ, piˇ ma Yeˬhawˇyaˬdaˬ-euˬ aˬ li Zaˬkaˬliˇ kʼoeˇ taˆ Miˬyehˇ-euˬ yaw sahˇ keuˆ le-euˬ meh. Tsawˇ haˬ kʼoeˇ deuˬ mawˇ nya gaˇ aˬ yawꞈ yawꞈ-awˇ ehˇ-eu, “Aˬ jeˬ miˇ neh Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ geuꞈ-ehˇ, yawˬ haˇ yawˬ ha ya luˬ ya seˇ-iˇ ni mˇ luꞈ te lehˇ, naw maꞈ-ahˇ Sahˬpaˬ Miˬyehˇ naˇ haˬ luꞈ meh. Naw maꞈ aˬ yawꞈ-ahˇ byehˇ dzeh-euˬ miˇ neh, aˬ yawꞈ kʼawꞈ naw maꞈ-ahˇ byehˇ dzeh-euˬ meh.”

2 Laˬsaˬbaˬ 20:14

Tsawˇ haˬ aˇ maꞈ laꞈ kʼoeˇ jawˇ luꞈ-eu Leˬbiˇ tsawˇ haˬ tiˬ gʼaˬ kʼoeˇ taˆ Sahˬpaˬ Miˬyehˇ-euˬ yaw sahˇ keuˆ le-euˬ meh. Aˬ yawꞈ-aˬ, Zaˬkaˬliˇ-euˬ aˬ li Yaˬhaˬzeˬlaˇ lehˇ myahˇ-euˬ gʼaˬ meh. Aˬ yawꞈ-aˬ, Aˬsaˆ aˇ jeuˬ aˇ ca pyeuꞈ-awˇ, aˬ yawꞈ-euˬ tsuiꞈ-aˬ, Aˬsaˆ, Maˬtaˬniˇ, Yeˬzeˬlaˇ, Baˬnaˇyaˬ, Zaˬkaˬliˇ, Yaˬhaˬzeˬlaˇ lehˇ meh.

Bawˇtsahˬ 24:2

Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ,

Yaˇ kʼaˬ daˇ 3:10

Sahˬpaˬ Miˬyehˇ-euˬ yaw sahˇ aˬ yawꞈ kʼoeˇ taˆ zaꞈ le-awˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu bi pyeuꞈ laˇ-euˬ meh. Awˇdaˬneˬlaˇ guiˇ deuˆ-iˇ-awˇ, Sahˬpaˬ Miˬyehˇ neh aˬ yawꞈ-ahˇ, Maˬsoˬpoˬtaˬmiˇ sahˬ paˬ-ahˇ bi gʼaˬ leˇ-euˬ meh.

2 Beˬtuˆluˆ 1:21

Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.

2 Saˬmeuˬlaˆ 23:2

Sahˬpaˬ Miˬyehˇ-euˬ Yaw sahˇ-aˬ, ngaˬ-ahˇ gʼoe-awˇ dawˬ ngehˬ-eu meh. Ngaˬ-euˬ kʼaˬ meh mehˬ laˇ kʼoeˇ taˆ, aˬ yawꞈ-euˬ dawˬ keuˆ le-euˬ meh.

Bawˇtsahˬ 11:26

Aˬ yuiꞈ aˬ tsu kʼoeˇ shiꞈ tseˇ gʼaˬ laꞈ kʼoeˇ, Eˇlaˬdaˇ hawˇ-eu Meˬdaˇ aˬ nyaꞈ-aˬ, Sahˬpaˬ Miˬyehˇ jawˇ-eu Sehˬ gʼawˆ-ahˇ maˬ le ni, yawˬ ha-euˬ sehˬ gʼawˆ laꞈ kʼoeˇ jawˇ yaꞈ-euˬ meh. Kʼoeˇ gaˇ, sehˬ gʼawˆ laꞈ kʼoeˇ aˬ yawꞈ nyaꞈ kʼoeˇ taˆ yaw sahˇ keuˆ le-awˇ, aˬ yawꞈ nyaꞈ kʼawꞈ, Miˬyehˇ gʼaˇ duˬ ngehˬ dah-eu deuˬ loꞈ-ehˇ guˇ-euˬ meh.

2 Laˬsaˬbaˬ 14:15

Yawˇ bo-eu tsawˇ haˬ tiˬ paˆ na deuˬ-euˬ sehˬ gʼawˆ deuˬ-ahˇ kʼawꞈ aˬ yawꞈ maꞈ deuˆ-awˇ, yawˇ hawˇ-eu law taw gʼawˬ mya ni deuˆ za-euˬ meh. Kʼoeˇ naˇ, aˬ yawꞈ maꞈ Yeˬluˇsaˬlehˬ meuˬ-ahˇ gʼoꞈ leˇ-euˬ meh.