2 Laˬsaˬbaˬ 14:7 - Akha

⁷ Yuˇdaˆ tsawˇ haˬ deuˬ-ahˇ aˬ yawꞈ ehˇ nehˬ-eu, “Meuˬ heu deuˬ-ahˇ aˬ dui laˆ ziꞈ-eu laꞈ kʼoeˇ, meuˬ meuˬ lahˇ gawˬ-awˇ, meuˬ-ahˇ loꞈ-eu nymˇ hawˇ-eu piˬ tehˬ ziꞈ nya-eu meuˬ lahˇ laˇ gʼoˆ deuˬ jahˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nui kʼahˇ aˬ dui mˇ-euˬ baˬ da neh, miˇ kʼahˬ heu kʼahˬ-ahˇ aˬ dui uˆ lahˇ ziꞈ nya-eu meh. Yawˬ pyawˬ na luꞈ aˬ dui-ahˇ aˬ yawꞈ haw piˇ luꞈ-eu meh.”

2 Laˬsaˬbaˬ 14:7 Referans Kwoze

1 Beˬtuˆluˆ 3:12

Aˬ jeˬ miˇ neh ehˇnaˇ, yaw tsaˬ yaw dawˇ tsawˇ haˬ deuˬ-ahˇ, Sahˬpaˬ Miyehˇ haw piˇ nehˬ-awˇ, shaˇ dawˬ naˇ haˬ geuꞈ nehˬ-eu meh. Ehˇ kʼawꞈ yaw haiˬ mˇ-eu deuˬ-ahˇ, aˬ yawꞈ myaˆ haw maˬ cawˬ nahˇ-a.”

2 Laˬsaˬbaˬ 14:6

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ ziꞈ dah ni aˬ yawꞈ tsoˆ ziꞈ-awˇ, guiˇ deuˆ-eu maˬ baw ni gʼawˬ mya kʼoꞈ dehꞈ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ aˬ yawꞈ-ahˇ coꞈ ngehˇ ni gʼeh-eu jeˬ biꞈ nehˬ-euˬ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Yoˇhaˬ 9:4

Uˬ ciꞈ maˬ ciꞈ le kʼoeˇ keuˆ ni, ngaˬ-ahˇ kʼehˇ gʼeh leꞈ-euˬ gʼaˬ-euˬ gaˇ-ahˇ aˬ dui ya mˇ meh. Tsawˇ haˬ tiˬ gʼaˬ-iˬ gaˇ maˬ mˇ nya-eu uˬ ciꞈ aˇ yamˬ keuˆ le luꞈ meh.

2 Laˬsaˬbaˬ 32:5

Heˬsaˬgiˇ-aˬ, meuˬ meuˬ lahˇ yaw muiˬ paˬ-ehˇ paˇ gawˬ ziꞈ-awˇ, loꞈ-eu nymˇ goˇ deuˬ tsoˆ lahˬ-euˬ uˬ taꞈ, laꞈ nyiˇ paw meuˬ lahˇ tiˬ tiˆ paˇ gawˬ-eu laꞈ kʼoeˇ, Yeˬluˇsaˬlehˬ meuˬ-ahˇ maˬ bi deuˆ gʼaˬ-eu gʼaˇ duˬ yaw muiˬ paˬ-ehˇ laˆ ziꞈ-euˬ meh. Yeˬluˇsaˬlehˬ meuˬ meuˬ oeˇ-euˬ nahˇ ma doˆ kʼehˬ paw miˇ tsaˬ duˬ dzm taˬ-euˬ tsahˇ-ahˇ tsoˆ taˬ-euˬ taˆ kʼoeˇ taˆ kʼawꞈ, aˬ yawꞈ paˇ laˆ muiˬ-euˬ meh. Gahˬ hawˇ-eu dehˬ daˬ duˬ deuˬ kʼawꞈ, gʼawˬ mya ni paˇ jahˇ lahˬ-euˬ meh.

2 Laˬsaˬbaˬ 14:4

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nui kʼahˇ mˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ hawˇ-eu aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ ni, Yuˇdaˆ tsawˇ haˬ deuˬ-ahˇ aˬ yawꞈ dawˬ biꞈ-euˬ meh.

2 Laˬsaˬbaˬ 8:5

Sawˇlaˬmoˬ neh paˇ tsoˆ muiˬ geuꞈ-euˬ meuˬ nui deuˬ-aˬ, meuˬ meuˬ lahˇ gawˬ ziꞈ taˬ-awˇ, meuˬ lahˇ laˇ gʼoˆ ziꞈ dah ni piˬ tehˬ ziꞈ nya-eu meuˬ nyiˬ meuˬ pyeuꞈ-eu Behˬhawˇleuˬ laꞈ taˆ meuˬ hawˇ-eu Behˬhawˇleuˬ laꞈ oˆ meuˬ,

Yawˇshuˆ 23:1

Aˬ yawꞈ maꞈ-euˬ jawˬ jawˬ-ehˇ jawˇ-eu muiˇ-eu deuˬ-ahˇ maˬ ya guˆ ni, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ myahˇ ni bi dehꞈ bi jawˇ-euˬ meh. Kʼoeˇ ngeh, Yawˇshuˆ tsawˇ mawˬ mawˬ dui dui le-euˬ meh.

2 Laˬsaˬbaˬ 15:15

Yuˇdaˆ miˇ kʼahˬ zaˬ dawˬ tawˆ luꞈ laˬ kʼaˬ cehˇ-eu meh. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ dawˬ ma saˇ jaˇ dzaˬ-euˬ meh. Sahˬpaˬ Miˬyehˇ-ahˇ uˬ duˬ tahˬ-eu jeˬ laꞈ kʼoeˇ aˬ yawꞈ maꞈ nui kʼahˇ shiˇ-eu miˇ neh, aˬ yawꞈ maꞈ-ahˇ Sahˬpaˬ Miˬyehˇ ha geuꞈ-awˇ, aˬ yawꞈ maꞈ-euˬ miˇ kʼahˬ yawˬ pyawˬ na luꞈ-ahˇ coꞈ ngehˇ ni gʼeh-eu jeˬ bi keuˆ le-euˬ meh.

2 Laˬsaˬbaˬ 20:30

Yeˬhawˇshaˬpaˇ-euˬ miˇ kʼahˬ coꞈ ngehˇ ni jaˆ-awˇ, aˬ yawꞈ-euˬ miˇ kʼahˬ yawˬ paw yawˬ coeˇ na luꞈ-ahˇ, Sahˬpaˬ Miˬyehˇ haw piˇ nehˬ-euˬ meh.

1 Sahˬpaˬ 15:23

Sahˬ paˬ Aˬsaˬ neh nui ma kʼaˬ duˬ ni taˬ-awˇ mˇ-euˬ gaˇ deuˬ hawˇ-eu aˬ yawꞈ neh tsoˆ muiˬ-euˬ meuˬ deuˬ maˬ ehˇ, aˬ yawꞈ neh kʼaˇ mˇ kʼaˇ shaˇ-euˬ yawˬ je na luꞈ maˬ ehˇ, Yuˇdaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh. Ehˇ kʼawꞈ, aˬ yawꞈ tsawˇ mawˬ mawˬ laˇ ngeh, aˬ yawꞈ-euˬ aˬ kuiˇ maˇ naˇ naˇ laˇ-awˇ, kuiˇ shiˇ shiˇ-euˬ meh.

2 Laˬsaˬbaˬ 17:13

Yuˇdaˆ miˇ kʼahˬ meuˬ deuˬ laꞈ kʼoeˇ dzaˬ dzaˬ dawˇ dawˇ tiˬ byah ni tawˬ ahˇ taˬ-euˬ meh. Guiˇ deuˆ-eu paw tsawˇ myahˇ doˆ-eu yaw huiˬ yaw mahˇ deuˬ-ahˇ, Yeˬluˇsaˬlehˬ meuˬ-ahˇ bi jawˇ-euˬ meh.

2 Laˬsaˬbaˬ 17:17

Beˬyaˬmiˬ aˇ jeuˬ aˇ ca guiˇ maꞈ deuˬ kʼoeˇ taˆ aˬ yuiꞈ geuꞈ-awˇ uˆ lahˇ-euˬ gʼaˬ-aˬ, tsawˇ myahˇ doˆ-eu yehˇ tiˬ gʼaˬ pyeuꞈ-eu Eˇleˬdaˬ meh. Dehˬ daˬ duˬ hawˇ-eu kaˆ baꞈ-euˬ yehˇ nyiˬ seh gʼaˬ-ahˇ aˬ yawꞈ uˆ lahˇ-euˬ meh.

2 Laˬsaˬbaˬ 25:5

Yuˇdaˆ aˇ jeuˬ aˇ ca hawˇ-eu Beˬyaˬmiˬ aˇ jeuˬ aˇ ca dawˬ tawˆ luꞈ-ahˇ sahˬ paˬ Aˬmaˬziˇ kuˇ uiˬ-awˇ, yawˬ ha aˇ jeuˬ yawˬ ha guiˇ maꞈ biˇ baw nehˬ-awˇ, tiˬ heˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ deuˬ tseˇ doˆ-awˇ bi uˆ lahˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ tsawˇ haˬ yawˬ gʼaˬ na luꞈ-ahˇ aˬ yawꞈ kuˇ uiˬ-awˇ, dawˬ tawˆ luꞈ smˬ seh gʼaˬ byah-eu meh. Aˬ yawꞈ maꞈ-aˬ, tseˇ doˆ taˬ-euˬ yehˇ deuˬ pyeuꞈ-awˇ, gahˬ hawˇ-eu dehˬ daˬ duˬ baꞈ-awˇ guiˇ deuˆ nya-eu deuˬ meh.

2 Laˬsaˬbaˬ 26:13

Aˬ yawꞈ maꞈ-euˬ laꞈ oˆ jawˇ-awˇ, sahˬ paˬ-ahˇ muiˇ-eu deuˬ-ahˇ guiˇ deuˆ-eu gʼaˇ duˬ lehˬ hmˬ taˬ-euˬ guiˇ deuˆ nya dui dui-eu yehˇ smˬ seh shiꞈ heˇ ngaˬ yaˇ gʼaˬ jawˇ-eu meh.