2 Laˬsaˬbaˬ 13:12 - Akha

¹² Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

2 Laˬsaˬbaˬ 13:12 Referans Kwoze

Gʼaˬkʼehˇ 5:39

Ehˇ kʼawꞈ, Miˬyehˇ neh bi mˇ-euˬ jeˬ ngeuˇ lawˬ naˇ, naw maꞈ maˬ zuiˆ gʼaˬ nya-aˇ. Nymˬ-mˇ Miˬyehˇ-ahˇ guiˇ deuˆ cawˬ shaˇ gaˇ duˇ tehꞈ-a.” Baꞈ dzah aˇ muˇ kʼoeˇ, Gaˬmaˬleˬlaˇ-euˬ ehˇ dawˬ geuꞈ-euˬ meh.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Zaˬkaˬliˇ 10:5

Gʼaˬ leˇ-euˬ yehˇ, muiˇ-eu deuˬ-ahˇ, gaˇ ma-ahˇ nawˬ pahˬ-eu loꞈ-ehˇ, Yuˇdaˆ tsawˇ haˬ gʼaˬ leˇ tehꞈ-a. Sahˬpaˬ Miˬyehˇ jawˇ-eu miˇ neh, aˬ yawꞈ maꞈ guiˇ deuˆ-eu kʼaˬ-awˇ, mahˬ dziˬ-eu muiˇ-eu deuˬ-ahˇ kʼawꞈ, aˬ yawꞈ maꞈ deuˆ gʼaˬ jiˇ tehꞈ-a.

HeˬByehˇ 2:10

Yawˬ jeˬ na luꞈ-ahˇ beh-awˇ bo saˆ haw piˇ luꞈ-eu gʼaˬ pyeuꞈ-eu Miˬyehˇ neh, aˬ yawꞈ-euˬ zaˬ gʼawˬ mya ni-ahˇ aˬ yawꞈ-euˬ yaw shehꞈ kʼahˬ sehˇ za ni bi sheuˬ laꞈ-eu gʼaˇ duˬ, Yeˬsuˇ-ahˇ shaˬ-eu zahˬ-eu jeˬ bi daˬ-eu laꞈ kʼoeˇ byah laˇ ni jahˇ-euˬ kʼoeˇ-aˬ, tsaˬ dui dui meh. Aˬ jeˬ miˇ neh ehˇ naˇ, aˬ yawꞈ maꞈ ka kʼoꞈ-eu jeˬ za ni sheuˬ gʼeh-eu gʼaˬ-aˬ, Yeˬsuˇ meh.

Yeˬsaˬgeˬlaˇ 17:9

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ naˇ haˬ mawꞈ-eu ma. Aˬ gaꞈ baw duˆ kʼoeˇ maˬ shiˇ ni mehˇ laˇ nya tehꞈ-a loˇ. Kʼaˬ dzeˇ yaw beh mawˇ aˬ gaꞈ baw duˆ kʼoeˇ-ahˇ maˬ gʼawˇ lehˆ doˆ ni byehˇ tehꞈ-a loˇ. Aˇ siˬ shawˆ dzeh-awˇ, uˬ laꞈ ngawˬ kʼehꞈ-awˇ bi nyoeˬ-iˇ ni maˬ jahˇ-ehˇ byehˇ nehˬ tehꞈ-a loˇ. Baw duˆ kʼoeˇ gʼawˇ lehˆ doˆ-eu gʼaˇ duˬ gʼaˬ teu naˆ naˆ-ehˇ maˬ jiˇ-aˇ. Tsawˇ haˬ gʼawˬ mya ni maˬ loˬ-aˇ.

Yeˬlaˬmiˇ 50:24

Baˬbuˇloˬ-oˇ, nawˇ ngaˬ-ahˇ guiˇ deuˆ-awˇ, ngaˬ neh kʼmˇ taˬ-euˬ lahˇ ju-ahˇ nawˇ coeˬ paꞈ-euˬ nya lehˇ, nawˇ maˬ siˬ nya-a.

Yeˬlaˬmiˇ 2:37

Shaꞈ dawˇ-eu miˇ neh myaˆ pyawˬ maˬ ciˬ diˇ coeˇ ni, Iˇjiˇtuˆ miˇ kʼahˬ-ahˇ naw maꞈ ya doˆ-iˇ tehꞈ-a. Nawˇ nui kʼaˬ tsmˬ luꞈ-eu deuˬ-ahˇ, Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, aˬ yawꞈ maꞈ nawˬ-ahˇ maˬ paˇ caw ba nehˬ nya meh.”

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Iˇsaˬyaˇ 45:9

Miˇ tsaˬ oeˬ lahˬ tsahˬ-ahˇ ga-eu miˇ tsaˬ oeˬ lahˬ, tehˆsahˇ-ahˇ dawˬ dziˇ dziˇ leˇ nya ta loˇ. Oeˬ lahˬ tehˆ gaˇ zmˬ-euˬ shaˬ jehˆ, tehˆ sahˇ-ahˇ teh ngehˬ leˇ nya ta loˇ. Tehˆ sahˇ gʼaˬ maˬ bym law nyaˬ lehˇ, shaˬ jehˆ oeˬ lahˬ ehˇ nya ta loˇ.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Jaceuq 20:7

Mahˬlaˆlawˬ-ahˇaˬcawˬgʼoe-awˇ, mahˬ-ahˇnui ma huiˬ-awˇdeuˆkʼawꞈ, SahˬpaˬMiˬyehˇpyeuꞈ-eu Miˬyehˇ, aˬdui-euˬ nui ma huiˬduˬma.

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

2 Laˬsaˬbaˬ 24:20

Kʼoeˇ naˇ, piˇ ma Yeˬhawˇyaˬdaˬ-euˬ aˬ li Zaˬkaˬliˇ kʼoeˇ taˆ Miˬyehˇ-euˬ yaw sahˇ keuˆ le-euˬ meh. Tsawˇ haˬ kʼoeˇ deuˬ mawˇ nya gaˇ aˬ yawꞈ yawꞈ-awˇ ehˇ-eu, “Aˬ jeˬ miˇ neh Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ geuꞈ-ehˇ, yawˬ haˇ yawˬ ha ya luˬ ya seˇ-iˇ ni mˇ luꞈ te lehˇ, naw maꞈ-ahˇ Sahˬpaˬ Miˬyehˇ naˇ haˬ luꞈ meh. Naw maꞈ aˬ yawꞈ-ahˇ byehˇ dzeh-euˬ miˇ neh, aˬ yawꞈ kʼawꞈ naw maꞈ-ahˇ byehˇ dzeh-euˬ meh.”

Dawˬmehˬ 28:29

Myaˆ behꞈ loꞈ-ehˇ, nah gʼahˇ nah gaˆ-ahˇ laꞈ sawˆ sawˆ-ehˇ ya cah-awˇ, nawˬ-euˬ gaˇ ma nawˇ maˬ poˆ mawˇ nya ni ya shaˬ tehꞈ-a. Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, maˬ baw maˬ za le ni pyeuꞈ-iˇ tehꞈ-a. Aˬ myah luꞈ aˬ cawˬ kʼehˬ-eu jeˬ hawˇ-eu smˇ kʼaˆ kʼaˆ dzaˬ-eu jeˬ-ahˇ ya daˬ-awˇ, nawˬ-ahˇ caw ba le-eu gʼaˬ maˬ jawˇ-ehˇ pyeuꞈ tehꞈ-a.

Dawˬmehˬ 20:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ iˇ-awˇ, naw maꞈ gʼaˬ leˇ tehꞈ-a’ lehˇ ya ehˇ meh.

Bawˇtsahˬ 31:6

Moˇseˬ-aˬ, tsawˇ haˬ kʼoeˇ deuˬ-ahˇ, muiˬ-eu shawˇ-eu keu ka hawˇ-eu daˇ heh yuˇ luꞈ-eu piˇ ma Eˇlaˬzaˬ-euˬ aˬ li Piˇnaˬhaˇ neh bi uˆ lahˇ-awˇ, guiˇ bi deuˆ leˇ-euˬ meh.

Bawˇtsahˬ 23:21

Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

Bawˇtsahˬ 14:41

Ehˇ kʼawꞈ, Moˇseˬ ehˇ-eu, “Aˬ jeˬ miˇ neh Sahˬpaˬ Miˬyehˇ-euˬ ehˇ dawˬ-ahˇ nymˬ-mˇ poˆ kʼawꞈ naw maꞈ maˬ naˇ haˬ te. Naw maꞈ noeˬ-euˬ loꞈ-ehˇ maˬ mˇ pyeuꞈ nya-a.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

2 Laˬsaˬbaˬ 32:8

Aˬ yawꞈ-aˬ, tsawˇ haˬ zaˬ-euˬ baoˬ tehꞈ-ehˇ jaˆ-eu meh. Ehˇ kʼawꞈ, aˬ dui-aˬ, aˬ dui-ahˇ caw ba-awˇ guiˇ deuˆ-eu gʼaˇ duˬ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ ma.” Yuˇdaˆ sahˬ paˬ Heˬsaˬgiˇ kʼoeˇ loꞈ-ehˇ ehˇ ngeh, aˬ yawꞈ-euˬ tsawˇ haˬ deuˬ gʼaˬ ahˇ laˇ-euˬ meh.