2 Laˬsaˬbaˬ 12:15 - Akha

¹⁵ Leˬhawˇbamˬ neh mˇ-euˬ gaˇ deuˬ aˇ dahˬ beh gaˇ neh aˇ saˬ saˬ gaˇ keuˆ ni maˬ ehˇ, aˬ yawꞈ-euˬ miˬ sawˇ zaˬ deuˬ gaˇ kawˆ maˬ ehˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Sheˬmaˇyaˬ-euˬ Laˬsaˬbaˬ sahˬ boꞈ hawˇ-eu, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇdoˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh. Leˬhawˇbamˬ hawˇ-eu Yeˬyawˇbamˬ aˬ nyaꞈ-aˬ, aˬ myah luꞈ tiˬ gʼaˬ tiˇ gʼaˬ guiˇ deuˆ deuˆ-ehˇ jawˇ-euˬ meh.

2 Laˬsaˬbaˬ 12:15 Referans Kwoze

2 Laˬsaˬbaˬ 9:29

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-euˬ Laˬsaˬbaˬ sahˬ boꞈ laꞈ kʼoeˇ maˬ ehˇ, Shiˇloˬ meuˬ-ahˇ jawˇ-eu Aˬhiˇyaˬ neh Miˬyehˇ gʼaˇ duˬ ngehˬ dah-euˬ sahˬ boꞈ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu Iˇdoˬ neh Iˇsaˬleˬlaˆ sahˬ paˬ Yeˬyawˇbamˬ-euˬ gaˇ kawˆ-ahˇ taꞈ leˇ-awˇ Miˬyehˇ gʼaˇ duˬ ngehˬ dah-eu laꞈ kʼoeˇ boꞈ taˬ-euˬ sahˬ boꞈ laꞈ kʼoeˇ maˬ ehˇ, Sawˇlaˬmoˬ ziˇ jiˇ ngeh keuˆ ni dehꞈ yaꞈ jawˇ yaꞈ-euˬ gaˇ kawˆ dzeˇ-eu deuˬ-ahˇ, aˇ dahˬ beh gaˇ neh aˇ saˬ saˬ gaˇ keuˆ ni boꞈ taˬ-euˬ meh.

2 Laˬsaˬbaˬ 12:5

Sahˬ paˬ Leˬhawˇbamˬ hawˇ-eu Shiˇshehˆ-euˬ laꞈ-ahˇ neh cehˆ buˬ-euˬ gʼaˇ duˬ Yeˬluˇsaˬlehˬ meuˬ-ahˇ uiˬ laˇ taˬ-euˬ Yuˇdaˆ miˇ kʼahˬ-euˬ aˬ yuiꞈ aˬ tsu deuˬ jawˇ gaˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Sheˬmaˇyaˬ iˇ-euˬ meh. Aˬ yawꞈ maꞈ-ahˇ aˬ yawꞈ ehˇ nehˬ-eu, “Sahˬpaˬ Miˬyehˇ naw maꞈ-ahˇ heu loꞈ-ehˇ ehˇ-eu meh. Naw maꞈ ngaˬ-ahˇ byehˇ dzeh-euˬ meh. Kʼoeˇ miˇ neh, nymˬ-mˇ Shiˇshehˆ-euˬ laꞈ-ahˇ, naw maꞈ-ahˇ ngaˇ byehˇ dzeh nehˬ-eu ma lehˇ ehˇ-eu meh.”

2 Laˬsaˬbaˬ 13:22

Aˬbiˇyaˬ aˬ joˆ-ehˇ ngehˬ-awˇ tmˇ-awˇ, aˬ jeˬ mˇ yaꞈ shaˇ yaꞈ-euˬ gaˇ kawˆ kʼaˇ dzeˇ-eu deuˬ-ahˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇdoˬ-euˬ Laˬsaˬbaˬ sahˬ boꞈ laꞈ kʼoeˇ boꞈ taˬ-euˬ meh.

1 Sahˬpaˬ 12:22

Ehˇ kʼawꞈ, Miˬyehˇ gʼaˇ duˬ ngehˬ dah-eu Sheˬmaˇyaˬ-ahˇ Miˬyehˇ heu loꞈ-ehˇ ehˇ nehˬ-euˬ meh.

2 Laˬsaˬbaˬ 11:2

Ehˇ kʼawꞈ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Sheˬmaˇyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

1 Laˬsaˬbaˬ 29:29

Sahˬ paˬ Daˬbiˇ yaw dehꞈ dehꞈ yaꞈ-euˬ gaˇ kawˆ, aˇ dahˬ beh gaˇ neh aˇ saˬ saˬ gaˇ keuˆ ni, Miˬyehˇ gʼaˇ duˬ ngehˬ dah-eu deuˬ pyeuꞈ-eu Saˬmeuˬlaˆ, Naˬdaˬ, Gaˆ aˬ ha smˇ gʼaˬ-euˬ sahˬ boꞈ deuˬ laꞈ kʼoeˇ boꞈ ahˇ taˬ-euˬ meh.

2 Laˬsaˬbaˬ 13:1

Sahˬ paˬ Yeˬhawˇbamˬ Iˇsaˬleˬlaˆ miˇ kʼahˬ-ahˇ uˆ lahˇ-eu tseˇ yehꞈ kʼoꞈ tiˬ kʼoꞈ-ahˇ, Aˬbiˇyaˬ gʼaˬ Yuˇdaˆ miˇ kʼahˬ-euˬ sahˬ paˬ pyeuꞈ laˇ-euˬ meh.

2 Laˬsaˬbaˬ 13:2

Aˬ yawꞈ Yeˬluˇsaˬlehˬ meuˬ-ahˇ jawˇ-awˇ, smˇ kʼoꞈ byah ni uˆ lahˇ-euˬ meh. Aˬ yawꞈ-euˬ aˬ ma-aˬ, Giˇbyaˬ meuˬ-ahˇ jawˇ-eu Uˇleˬlaˇ-euˬ aˬ buˇ Miˇkaˬyaˇ meh. Aˬbiˇyaˬ hawˇ-eu Yeˬyawˇbamˬ aˬ nyaꞈ guiˇ deuˆ ceh ceh-euˬ meh.

2 Laˬsaˬbaˬ 16:11

Aˬsaˬ uˆ lahˇ-euˬ aˇ yamˬ laꞈ kʼoeˇ kʼaˇ pyeuꞈ laˇ-euˬ gaˇ kawˆ deuˬ aˇ dahˬ beh gaˇ neh aˇ saˬ saˬ gaˇ keuˆ ni, Yuˇdaˆ sahˬ paˬ deuˬ hawˇ-eu Iˇsaˬleˬlaˆ sahˬ paˬ deuˬ gaˇ kawˆ boꞈ taˬ-euˬ Laˬsaˬbaˬ sahˬ boꞈ laꞈ kʼoeˇ boꞈ-ahˇ taˬ-euˬ meh.

2 Laˬsaˬbaˬ 20:34

Yeˬhawˇshaˬpaˇ neh kʼaˇ mˇ kʼaˇ shaˇ yaꞈ-euˬ yawˬ jeˬ na luꞈ aˇ dahˬ beh gaˇ neh aˇ saˬ saˬ gaˇ keuˆ ni, Haˬnaˬniˇ-euˬ aˬ li Yeˬhuˇ neh boꞈ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh. Sahˬ boꞈ kʼoeˇ taꞈ-aˬ, Iˇsaˬleˬlaˆ tsawˇ jeuˬ-euˬ sahˬ paˬ deuˬ gaˇ kawˆ boꞈ taˬ-euˬ Laˬsaˬbaˬ sahˬ boꞈ laꞈ kʼoeˇ ahˇ-eu aˇ deuˆ tiˬ deuˆ pyeuꞈ-eu meh.

2 Laˬsaˬbaˬ 28:26

Aˬ yawꞈ uˆ lahˇ-euˬ aˇ nah aˇ yamˬ laꞈ kʼoeˇ kʼaˇ pyeuꞈ laˇ-euˬ gaˇ kawˆ nui deuˬ dawˬ tawˆ luꞈ aˇ dahˬ beh gaˇ neh aˇ saˬ saˬ gaˇ keuˆ ni, Iˇsaˬleˬlaˆ sahˬ paˬ deuˬ hawˇ-eu Yuˇdaˆ sahˬ paˬ deuˬ gaˇ kawˆ boꞈ taˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh.