2 Laˬsaˬbaˬ 11:5 - Akha

⁵ Leˬhawˇbamˬ-aˬ, Yeˬluˇsaˬlehˬ meuˬ-ahˇ jawˇ-awˇ, Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ jaˆ-eu meuˬ heu deuˬ-ahˇ aˬ cawˬ maˬ bi deuˆ gʼaˬ-eu gʼaˇ duˬ ziꞈ dah ni laˆ ziꞈ-euˬ meh.

2 Laˬsaˬbaˬ 11:5 Referans Kwoze

2 Laˬsaˬbaˬ 27:4

Yuˇdaˆ miˇ kʼahˬ gawˬ jawˬ deuˬ-ahˇ aˬ yawꞈ meuˬ daˬ-awˇ, aˇ bawˇ sahˬ kʼaˆ doe ni loꞈ-eu nymˇ goˇ deuˬ hawˇ-eu taˆ deuˬ tsoˆ-euˬ meh.

2 Laˬsaˬbaˬ 26:6

Piˇliˇtiˆ tsawˇ haˬ deuˬ-ahˇ aˬ yawꞈ guiˇ deuˆ-awˇ, Gaˬdaˇ meuˬ, Jmˬnyaˬ meuˬ hawˇ-eu Aˬshaˬdoˇ meuˬ heu deuˬ-euˬ meuˬ meuˬ lahˇ deuˬ-ahˇ aˬ yawꞈ laˆ byaˆ jiˇ-awˇ, Aˬshaˬdoˇ meuˬ dawˬ peh hawˇ-eu Piˇliˇtiˆ miˇ kʼahˬ doe ni ziꞈ dah ni gʼeh-eu meuˬ deuˬ aˬ yawꞈ tsoˆ-euˬ meh.

2 Laˬsaˬbaˬ 17:12

Kʼoeˇ miˇ neh, Yeˬhawˇshaˬpaˇ tiˬ nah saˇ-iˬ tiˬ nah baoˬ huiˬ laˇ luꞈ-eu meh. Yuˇdaˆ miˇ kʼahˬ doe ni, taˆ deuˬ hawˇ-eu meuˬ deuˬ aˬ yawꞈ laˆ ziꞈ-euˬ meh.

2 Laˬsaˬbaˬ 16:6

Kʼoeˇ naˇ, Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ sahˬ paˬ Aˬsaˬ kuˇ uiˬ-awˇ, Bawˬshaˬ neh Laˬmahˇ meuˬ tsoˆ muiˬ gaˇ geuꞈ-euˬ kʼaˬ lo hawˇ-eu daˇ kawˬ deuˬ baꞈ doˆ-eu gʼaˇ duˬ dawˬ biꞈ-euˬ meh. Kʼaˬ lo hawˇ-eu daˇ kawˬ kʼoeˇ deuˬ-ahˇ, Geˬbaˬ meuˬ hawˇ-eu Miˇzaˬpaˬ meuˬ tsoˆ muiˬ gaˇ aˬ yawꞈ maꞈ geuꞈ-euˬ meh.

2 Laˬsaˬbaˬ 11:23

Leˬhawˇbamˬ-aˬ, nui noeˬ doˆ-awˇ tsawˇ gahˇ ahˇ-eu laꞈ kʼoeˇ, aˬ yawꞈ-euˬ aˬ li deuˬ-ahˇ, Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ ziꞈ dah ni tsoˆ taˬ-euˬ meuˬ deuˬ-ahˇ gaˇ biꞈ-awˇ bi jawˇ-euˬ meh. Aˬ yawꞈ maꞈ-ahˇ aˬ yawꞈ tiˬ byah tiˬ loꞈ caw ba nehˬ-euˬ uˬ taꞈ, miˬ zaˬ gʼawˬ mya ni poˆ nehˬ-euˬ meh.

2 Laˬsaˬbaˬ 11:6

Behˬlehˬhehˬ meuˬ, Eˇtamˬ meuˬ,

2 Laˬsaˬbaˬ 12:4

Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-euˬ meuˬ deuˬ-ahˇ aˬ yawꞈ deuˆ gʼaˬ-awˇ Yeˬluˇsaˬlehˬ meuˬ-ahˇ keuˆ ni laˇ keuˆ-euˬ meh.

2 Laˬsaˬbaˬ 17:2

Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-euˬ meuˬ deuˬ-ahˇ maˬ ehˇ, meuˬ-ahˇ gaˇ mahˇ kaˬ-eu jawˇ duˬ deuˬ-ahˇ maˬ ehˇ, Eˇpaˬleˬ miˇ kʼahˬ laꞈ kʼoeˇ aˬ yawꞈ-euˬ aˬ da Aˬsaˬ neh deuˆ za taˬ-euˬ meuˬ deuˬ-ahˇ maˬ ehˇ, aˬ yawꞈ-euˬ guiˇ maꞈ deuˬ bi jawˇ byah-euˬ meh.

2 Laˬsaˬbaˬ 21:3

Aˬ yawꞈ maꞈ-euˬ aˬ da aˬ yawꞈ maꞈ-ahˇ myaˬ dui dui-eu shuiˇ, pyuˇ hawˇ-eu aˇ poeˬ kʼaˆ-eu myawˬ gahˬ deuˬ biˇ nehˬ-awˇ, aˬ yawꞈ gʼaˬ yawꞈ-ahˇ Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-eu meuˬ tiˬ meuˬ bi dzaˬ-euˬ meh. Ehˇ kʼawꞈ, Yeˬhawˇlamˬ gʼaˬ aˬ yuiꞈ yuiꞈ saˬ pyeuꞈ-eu miˇ neh, Yeˬhawˇshaˬpaˇ neh aˬ yawꞈ-ahˇ sahˬ paˬ ka nehˬ-euˬ meh.

Yeˬlaˬmiˇ 34:7

Kʼoeˇ ngeh, Baˬbuˇloˬ sahˬ paˬ-euˬ guiˇ maꞈ deuˬ meuˬ kʼoeˇ meuˬ-ahˇ guiˇ deuˆ luꞈ-eu meh. Yuˇdaˆ meuˬ nui deuˬ laꞈ kʼoeˇ, aˬ cawˬ neh maˬ bi deuˆ gʼaˬ dah-ehˇ ziꞈ dah ni dzeˇ luꞈ-eu meuˬ-aˬ, Laˬkiˇshaˆ meuˬ hawˇ-eu Aˬzeˬkaˬ meuˬ kʼoeˇ nyiˬ meuˬ tehꞈ meh. Kʼoeˇ nyiˬ meuˬ-ahˇ kʼawꞈ, guiˇ maꞈ kʼoeˇ deuˬ guiˇ deuˆ luꞈ-eu meh.

2 Laˬsaˬbaˬ 14:5

Yuˇdaˆ miˇ kʼahˬ-ahˇ jaˆ-eu meuˬ dawˬ tawˆ luꞈ laꞈ kʼoeˇ, lawˇ ciꞈ zaˬ deuˬ uˬ duˬ tahˬ-eu jawˇ duˬ hawˇ-eu yaw saw jeˬ doꞈ damˬ-eu lawˇ duˬ deuˬ-ahˇ aˬ yawꞈ laˆ cawˆ-euˬ miˇ neh, aˬ yawꞈ uˆ lahˇ-eu uˬ moˆ miˇ kʼahˬ kʼoeˇ kʼahˬ coꞈ ngehˇ ni jaˆ-euˬ meh.