2 Gawˇliˬtu 7:11 - Akha

¹¹ Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Miqyaer-anr yawzeu baw-eu lafkhoer noeqshaq-eu jeq-aq, nawmaf-euq lafkhoer aqgeu jeq bi dovlar-euq nga laer sharnoeqhaw sher-eq: nawmaf laejae mawf-eu nuima anrlar-awr, yawqha-euq garkawv jashaw mawf-eu uqtaf, maqtsaq-eu jeq-anr nuima paer duidui lar-awr, Miqyaer-anr guv-eu jeq anrlar-euq uqtaf, yawmuiq jeq-anr za’mawf duidui lar-awr, yawmuiq jeq mrmawf-eu shaqdaef shaqnar anrlar-euq uqtaf, dawrcoeni yarkhaq darmawf lar-euq mae. Heudeuq dawqtawv luf-euq lafkhoer, nawmaf yawlaeq maqanr nga laer byacaevni dovlar-euq mae.

2 Gawˇliˬtu 7:11 Referans Kwoze

Lormav 14:18

Ka li gʼaˇ duˬ kʼoeˇ loꞈ-ehˇ mˇ-eu tsawˇ haˬ-ahˇ Miˬyehˇ nui ma tsaˬ-awˇ, tsawˇ haˬ zaˬ kʼawꞈ nui kʼahˇ shiˇ-eu meh.

2 Tiˆmoˇseˬ 2:15

Yawˬ ha-euˬ gaˇ mˇ-eu gʼaˇ duˬ maˬ shaꞈ dawˇ-eu gaˇ mˇ zaˬ loꞈ-ehˇ maˬ ehˇ, Miˬyehˇ-euˬ yaw tsaˬ yaw dawˇ jeˬ gaˇ kawˆ dawˇ coe ni mehˬ-eu tsawˇ haˬ loꞈ-ehˇ maˬ ehˇ, Miˬyehˇ nui kʼahˇ shiˇ dui dui-eu tsawˇ haˬ tiˬ gʼaˬ pyeuꞈ laˇ ni leh jeh dui dui-awˬ.

2 Gawˇliˬtu 7:7

Aˬ yawꞈ laˇ-euˬ baˬ da neh tehꞈ-ehˇ nga maꞈ gʼaˬ ahˇ laˇ-euˬ maˬ ngeuˇ. Naw maꞈ aˬ yawꞈ-ahˇ aˬ joˆ-ehˇ gʼaˬ biꞈ-euˬ gaˇ kawˆ aˬ yawꞈ ja mehˬ nehˬ laꞈ-euˬ miˇ neh, nga maꞈ gʼaˬ ahˇ laˇ-euˬ ma. Naw maꞈ ngaˬ-ahˇ aˇ naˆ ni mawˇ mawꞈ-eu gaˇ kawˆ maˬ ehˇ, pyeuꞈ dzeuˇ yaꞈ-euˬ gaˇ kawˆ-ahˇ naw maꞈ aˇ naˆ ni noeˬ shaˬ luꞈ-eu gaˇ kawˆ maˬ ehˇ, naw maꞈ ngaˇ jawˇ paw aˇ naˆ ni pyawˬ mawꞈ-eu gaˇ kawˆ maˬ ehˇ, nga maꞈ-ahˇ aˬ yawꞈ dzawˇ mehˬ laꞈ-euˬ meh. Kʼoeˇ miˇ neh, ngaˇ laˬ kʼaˬ cehˇ-eu maˬ ehˇ jiˇ coeˇ nya.

1 Gawˇliˬtu 5:13

Laꞈ nyiˇ paw-euˬ tsawˇ haˬ deuˬ-ahˇ Miˬyehˇ yaˇ kʼaˬ daˇ tehꞈ-a. Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Haiˬ-eu tsawˇ haˬ deuˬ-ahˇ naw maꞈ laꞈ kʼoeˇ maˬ bi jawˇ ni teh doˆ-awˬ.”

Jaceuq 2:11

Guˆ-eu nui ma ahˇ-eu laꞈ kʼoeˇ, SahˬpaˬMiˬyehˇ-euˬgaˇmˇ-awˬ. Guˆ-awˇ yaw dzuˬdzuˬ-eu laꞈkʼoeˇ, aˬkuiˇ uˬmoˆ awˆbyaˆ leˇ-awˬ. Yawꞈ-euˬ nui pehˇ ga keuˆ le naˇ, ja pyuˬni ya shiˇjiˇtehꞈ-a. Yawꞈ-ahˇ tahˬshaˇleˇ-eu deuˬ-aˬ, guiˬlahˬhuiˬ-eu tsawˇhaˬmeh.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

Yuˇdaˆ 1:23

Tiˬ paˆ na deuˬ-ahˇ-aˬ, miˬ dzaˬ laꞈ kʼoeˇ neh gʼeu doˆ-awˇ ka kʼoꞈ nehˬ-awˬ. Tiˬ paˆ na deuˬ-ahˇ-aˬ, guˆ-eu nui ma ahˇ-eu laꞈ kʼoeˇ gʼawˬ shaˬ gaˬ nehˬ-awˬ. Ehˇ kʼawꞈ, shiˬ shaˬ jiˇ-euˬ nui kʼahˇ mˇ-eu jeˬ laˆ lehꞈ taˬ-euˬ aˬ yawꞈ maꞈ-euˬ mehˬ tsoeˬ-ahˇ nui daˆ daˆ-awˬ.

1 Beˬtuˆluˆ 2:2

Zaˬ nahˬ aˬ coeˇ mehꞈ-eu loꞈ-ehˇ, aˬ myah luꞈ maˇ jawˆ ni gʼeh-eu saꞈ laˇ aˬ coeˇ mehꞈ-awˬ. Aˬ coeˇ kʼoeˇ dawˇ-eu ba da neh naw maꞈ saꞈ laˇ paw huiˬ laˇ mahˇ laˇ-awˇ, ka kʼoꞈ-eu jeˬ za tehꞈ-a.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Eˇpeˇsu 5:11

A cawˬ mˇ luꞈ-eu yaw zahˇ-ahˇ taꞈ leˇ-eu gaˇ dahˇ maˬ tsoeˬ-eu jeˬ-ahˇ tiˬ pawꞈ-iˬ maˬ mˇ ni, yaw shehꞈ laꞈ kʼoeˇ yuˇ doˆ laꞈ-awˬ.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

2 Gawˇliˬtu 13:7

Naw maꞈ yaw lehˬ jeˬ maˬ ya mˇ ni nga maꞈ Miˬyehˇ-ahˇ guiˬ lahˬ shaˇ luꞈ ma. Lawˬ haw-eu jeˬ-ahˇ nga maꞈ gʼaˬ leˇ-euˬ gaˇ kawˆ bi doˆ laˇ-eu lehˇ heu loꞈ-ehˇ shaˇ-eu maˬ ngeuˇ. Lawˬ haw-eu jeˬ-ahˇ nga maꞈ smˬ-iˇ-euˬ gaˇ duˇ leˇ law hawˇ kʼawꞈ, tsaˬ-eu jeˬ-ahˇ naw maꞈ mˇ nya ni shaˇ-eu jeˬ pyeuꞈ-eu ma.

2 Gawˇliˬtu 9:2

Naw maꞈ caw ba mawꞈ-eu nui ma ahˇ meh lehˇ ngaˇ siˬ nya-awˇ, Maˬgeˬdawˇniˆˆ miˇ kʼahˬ-ahˇ jawˇ-eu Ka li zaˬ deuˬ-ahˇ naw maꞈ-euˬ gaˇ kawˆ ngaˇ kʼahˬ sehˇ jehˆ mehˬ gʼaˬ-euˬ ma. “Aˬgaˬyaˇ miˇ kʼahˬ-ahˇ jawˇ-eu Ka li zaˬ deuˬ-aˬ, miˇ nui kʼoꞈ ba neh caw ba nehˬ-eu gʼaˇ duˬ lehˬ hmˬ dah taˬ-euˬ meh” lehˇ ngaˇ ehˇ nehˬ-euˬ ma. Naw maꞈ nui ma keuˆ-eu gaˇ kawˆ ya gaˬ ngeh, aˬ yawꞈ maꞈ dawˬ tawˆ luꞈ ehˇ gʼaˬ ni nui ma keuˆ laˇ-euˬ meh.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

2 Gawˇliˬtu 6:4

Ehˇ kʼawꞈ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ mawˇ leˇ ni, shaˬ-eu zahˬ-eu jeˬ, noeˬ dui noeˬ duiˇ-eu jeˬ, nui ma shaˬ zahˬ naꞈ-eu jeˬ, heu deuˬ-ahˇ oˇ oˇ-ehˇ daˬ dui dui luꞈ ma.

2 Gawˇliˬtu 2:6

Kʼoeˇ loꞈ-ehˇ gʼeh-eu tsawˇ haˬ-ahˇ Ka li zaˬ aˇ muˇ laꞈ kʼoeˇ uˇ-eu tsawˇ haˬ myaˬ ni tiˬ paˆ nui ma tsaˬ-awˇ kʼoeˇ loꞈ-ehˇ daˇ nehˬ-euˬ-aˬ, gʼaˬ tehꞈ-a.

1 Gawˇliˬtu 12:25

Kʼoeˇ miˇ neh, gʼawˇ mawˇ laꞈ kʼoeˇ gʼawˬ-iˇ gʼehˇ-iˇ-eu jeˬ maˬ jaˆ-ehˇ, maˬ duˇ leˇ-eu aˇ sehˇ kʼoeˇ deuˬ dawˬ tawˆ luꞈ tiˬ sehˇ tiˇ sehˇ ya bo saˆ-eu meh.

1 Gawˇliˬtu 5:2

Ehˇ kʼawꞈ naw maꞈ nui ma paˇ huiˬ-eu la. Noeˬ shaˬ dui dui paˬ-ehˇ gʼeh-awˇ, kʼoeˇ loꞈ-ehˇ mˇ-euˬ tsawˇ haˬ-ahˇ Ka li zaˬ aˇ muˇ laꞈ kʼoeˇ neh teh doˆ-eu tsaˬ meh.

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

Gʼaˬkʼehˇ 17:16

Aˬteˬ meuˬ-ahˇ Siˬlaˆ hawˇ-eu Tiˆmoˇseˬ aˬ nyaꞈ-ahˇ Pawˇluˆ dawˬ luꞈ ngeh, meuˬ kʼoeˇ meuˬ laꞈ kʼoeˇ tahˬ pahˬ aˬ ma mawˇ kawˇ tiˬ byah jaˆ gaˇ ya mawˇ-awˇ, nui ma maˬ saˇ-a.

Yoˇhaˬ 2:17

Kʼoeˇ ngeh, “Miˬyehˇ-oˇ, nawˬ-euˬ nymˇ-ahˇ ngaˇ gaˬ-eu ngaˬ-euˬ nui ma laꞈ kʼoeˇ miˬ dzaˬ doꞈ gaˇ duˇ miˇ-a” lehˇ Jaˇ liꞈ laꞈ kʼoeˇ boꞈ taˬ-euˬ kʼoeˇ tsahˇ, aˬ yawꞈ-euˬ zaˬ lahˇ deuˬ-ahˇ noeˬ doˆ leˇ-euˬ meh.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Daˬyeˬlaˇ 6:14

Dawˬ kʼoeˇ dawˬ-ahˇ sahˬ paˬ ya gaˬ ngeh, nui ma shaˬ zahˬ naꞈ-awˇ, Daˬyeˬlaˇ-ahˇ ka kʼoꞈ-eu gʼaˇ duˬ, nahˇ ma ga ahˇ ngeh keuˆ ni shaˇ noeˬ dui dui-euˬ meh.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Iˇsaˬyaˇ 26:8

Nawˬ-euˬ nui kʼahˇ nga maꞈ poˆ-awˇ, nawˬ-ahˇ nga maꞈ noeˬ tmˬ-eu ma. Nga maꞈ nui kʼahˇ shiˇ duˬ nawˇ meh.

Dawˬ caˇ 8:6

Ngaˬ-ahˇ maˬ ngeuˇ naˇ nui gʼaˬ-ahˇ taˬ gaˬ. Ngaˬ-ahˇ maˬ ngeuˇ naˇ nui gʼaˬ-ahˇ taˬ byaˇ tawꞈ. Gaˬ-euˬ jeˬ-aˬ, shiˇ-eu jeˬ loꞈ-ehˇ doꞈ kʼaˆ-awˇ, myaˆ naˆ-eu jeˬ lmˬ bymˇ nehˬ-ehˇ tiˬ mehˇ nmˇ meh. Nui gaˬ miˬ dzaˬ doꞈ doˆ laˇ ngeh, yaˇ saˬ miˬ dzaˬ puiˆ gaˇ duˇ tehꞈ-a.

Dawqdaq 28:14

Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Dawqdaq 14:16

Tsawˇ gahˇ ahˇ-eu deuˬ yaw haiˬ jeˬ yahˇ dzeuˇ nya kʼawꞈ, dawˇ ga deuˬ maˬ noeˬ duˬ mi naˆ-ehˇ aˬ laꞈ keuˆ leˇ-eu meh.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 130:6

Uˬ ciꞈ paw loꞈ piˇ-eu deuˬ uˬ bya bya laˇ gaˇ noeˬ tmˬ-eu naˆ maˬ tseˇ, uˬ bya bya laˇ gaˇ aˬ yawꞈ maꞈ noeˬ tsoˆ taˬ-euˬ naˆ maˬ tseˇ, Sahˬpaˬ Miˬyehˇ-ahˇ ngaˇ noeˬ tmˬ taˬ-euˬ ma.

Jaceuq 119:139

Ngaˬ-ahˇ muiˇ-eu deuˬ nawˬ-euˬ dawˬ-ahˇ yaw zeu maˬ baw-eu miˇ neh, ngaˇ nui ma pehˇ-eu jeˬ miˬ dzaˬ doꞈ luꞈ-eu ma.

Jaceuq 69:9

Nawˬ-euˬ Uˬ duˬ tahˬ nymˇ nymˇ ma-ahˇ nui ma keuˆ-awˇ uˬ duˬ tahˬ-eu jeˬ, ngaˬ-euˬ nui ma laꞈ kʼoeˇ miˬ dzaˬ doꞈ-eu loꞈ-ehˇ jaˆ-awˇ, nawˬ-euˬ dah zaˇ ngaˇ dawˬ doeˇ daˬ luꞈ-eu ma.

Jaceuq 42:1

Coꞈngehˇni gʼeh-eu lawˇgawˆ-ahˇ, kʼaˬtsehˆ nui kʼahˇjaˆ-eu loꞈ-ehˇ, Miˬyehˇnawˬ-ahˇngaˬ-euˬsaꞈlaˇ, aˬmyah luꞈnui kʼahˇjaˆ-eu ma.

Jaceuq 38:9

Ngaˇnui kʼahˇjaˆluꞈ-eu jeˬ-ahˇ, SahˬpaˬMiˬyehˇnawˇsiˬnya meh. Shaˬzahˬmˇ-awˇmahˇ-eu teˇsaˇ, nawˬ-euˬnaˬbawˇya gaˬluꞈmeh.

Jaceuq 35:13

Ehˇkʼawꞈ yawꞈmaꞈnaˇngeh gawˇngeh, guˬdaˇpehˇzeuˇ-ahˇngaˇdm-awˇ, maˬdzaˬmaˬdawˇni lah daw-awˇ, awˆbyaˆ-awˇguiˬlahˬshaˇ-euˬma.

Neˬhaˬmiˇ 13:25

Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

2 Gawˇliˬtu 7:9

Ehˇ kʼawꞈ, nymˬ-mˇ ngaˇ laˬ kʼaˬ cehˇ-eu ma. Heu loꞈ-ehˇ ehˇ ngeh, naw maꞈ noeˬ shaˬ ni ya boꞈ-euˬ miˇ neh laˬ kʼaˬ cehˇ-eu ma lehˇ ehˇ mawꞈ-eu maˬ ngeuˇ. Naw maꞈ kʼoeˇ loꞈ-ehˇ noeˬ shaˬ-euˬ kʼoeˇ baˬ da neh, naw maꞈ yaw dehꞈ dehꞈ paˇ-euˬ gaˇ ngaˇ laˬ kʼaˬ cehˇ-eu ma lehˇ ehˇ mawꞈ-eu ma. Nga maꞈ baˬ da neh naw maꞈ maˬ ya smˬ-iˇ-eu gʼaˇ duˬ, Miˬyehˇ nui ma tsaˬ-eu laꞈ kʼoeˇ naw maꞈ kʼoeˇ loꞈ-ehˇ ya noeˬ shaˬ-euˬ jeˬ pyeuꞈ-eu meh.

Yawˇbaˆ 42:6

Kʼoeˇ miˇ neh ngaˬ neh kʼaˇ ngehˬ kʼaˇ tmˇ dzeuˇ-euˬ jeˬ-ahˇ ngaˇ shaꞈ dawˇ-eu laꞈ kʼoeˇ, kʼaˬ puiˬ kʼaˬ lehˇ tsahˬ-ahˇ jawˇ-awˇ iˬ baˇ noeˬ poˆ-eu ma.”

Lormav 3:5

Aˬ dui yaw lehˬ jeˬ mˇ-euˬ kʼoeˇ-aˬ, Miˬyehˇ yaw tsaˬ jeˬ mˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui-ahˇ kʼehˬ nehˬ kʼaˆ nehˬ laꞈ ngeh, aˬ yawꞈ yaw lehˬ jeˬ mˇ-eu meh lehˇ aˬ dui ehˇ nmˇ loˇ. (Heu-aˬ, tsawˇ haˬ zaˬ naˇ haˬ tseˇ mawꞈ-eu dawˬ tiˬ dawˬ meh.)

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

1 Tiˆmoˇseˬ 5:20

Tsawˇ haˬ dawˬ tawˆ luꞈ noeˬ guˆ-awˇ yahˇ nya laˇ ni, iˬ baˇ mˇ-euˬ tsawˇ haˬ-ahˇ dawˬ tawˆ luꞈ-euˬ mehˬ shi dehˬ-awˬ.

Yaˬkoˆ 3:17

Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.