2 Gawˇliˬtu 5:4 - Akha

⁴ Miˇ tsaˬ heu kʼoeˇ taˆ jaˆ-eu yaˇ cmˇ laꞈ kʼoeˇ aˬ dui kʼaˆ behˆ kah-eu miˇ neh mahˇ luꞈ ma. Ehˇ kʼawꞈ, miˇ tsaˬ shiˬ shaˬ jiˇ gʼawˇ mawˇ heu-ahˇ lehˆ dzeh mawꞈ-eu miˇ neh mahˇ-eu maˬ ngeuˇ. Buꞈ-iˇ cehˇ-iˇ nya-eu jeˬ-ahˇ maˬ buꞈ maˬ cehˇ-iˇ nya-eu jeˬ neh bi myoꞈ ahˇ-eu gʼaˇ duˬ, mˬ taˆ-euˬ nymˇ dm daˆ mawꞈ-eu miˇ neh mahˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqdui saeqghawv heu-euq lafkhoer jawrluf ngae, khavbaev yawkan pi-awr manrluf-eu ma. Aerkhawf, maeqtsoeq laevdzae-eu lof-aer laevdzae mawf-eu mirnae maqngeur-eu, daef-eu jeq, shirnya-eu jeq-anr myeufanr-awr, ya dmdavni manrluf-eu ma.

2 Gawˇliˬtu 5:4 Referans Kwoze

2 Gawˇliˬtu 5:2

Nymˬ-mˇ aˬ dui mehˬ tsoeˬ dm daˆ-eu loꞈ-ehˇ, mˬ taˆ-euˬ nymˇ kʼoeˇ-ahˇ dm mawꞈ dui dui-eu miˇ neh mahˇ mahˇ-ehˇ shaˬ-eu laꞈ kʼoeˇ noeˬ tmˬ luꞈ ma.

Iˇsaˬyaˇ 25:8

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, shiˇ-eu jeˬ-ahˇ mˬ maˬ maˬ byaˆ zaˇ ziˇ laˆ cawˆ nehˬ tehꞈ-a. Tsawˇ haˬ yawˬ gʼaˬ na luꞈ-euˬ myaˆ biˇ aˬ yawꞈ shiˆ shawˇ nehˬ-awˇ, miˇ tsaˬ kʼoeˇ taˆ kʼaˇ jawˇ-eu aˬ yawꞈ-euˬ tsawˇ haˬ deuˬ ya daˬ luꞈ-eu yaw doeˇ dawˬ tawˆ luꞈ-ahˇ, aˬ yawꞈ laˆ byoˆ nehˬ tehꞈ-a lehˇ, Sahˬpaˬ Miˬyehˇ ehˇ taˬ-eu jaˆ-eu meh.

2 Beˬtuˆluˆ 1:13

Gaˇ kawˆ heu deuˬ naw maꞈ maˬ bi ngehˇ-eu gʼaˇ duˬ, ngaˇ kʼaˇ dehꞈ kʼoeˇ keuˆ ni naw maꞈ-ahˇ laˆ noeˬ-eu tsaˬ meh lehˇ ngaˇ noeˬ-eu ma.

Iˇsaˬyaˇ 38:12

Ngaˬ-euˬ ziˇ bi deuˆ tsehˆ dzeh-awˇ, bi gʼeu coˬ-euˬ yaˇ cmˇ hawˇ-eu, saˬ nmˇ-ahˇ bi tehˬ tsehˆ doˆ-euˬ saˬ paˇ loꞈ-ehˇ, Miˬyehˇ ngaˬ-ahˇ ziˇ bi jiˇ le miˇ-a lehˇ noeˬ-euˬ ma.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.

1 Gawˇliˬtu 15:51

Naˇ haˬ-awˬ. Zaꞈ taˬ-euˬ yaw tsaˬ yaw dawˇ jeˬ ngaˇ naw maꞈ-ahˇ ehˇ nehˬ nyaˇ. Aˬ dui dawˬ tawˆ luꞈ ya shiˇ jiˇ-eu maˬ ngeuˇ-aˇ. Ehˇ kʼawꞈ, aˬ dui dawˬ tawˆ luꞈ-ahˇ yaw shuiꞈ bi paˇ laˇ jiˇ tehꞈ-a.

2 Gawˇliˬtu 5:3

Nymˇ kʼoeˇ-ahˇ dm gʼaˬ ngeh, aˬ dui neˇ myawˆ ni maˬ paˇ gʼeh-aˇ.