2 Gawˇliˬtu 5:20 - Akha

²⁰ Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoermirnae, nga’maf-aq, Kali-euq danzar geufluf-eu ma. Miqyaer, nga’maf-anr ghoe-awr nawmaf-anr sharluf-eu gar dur-eu mae. Miqyaer-anr tsaqler dzoerler-awq laer nga’maf, Kali-euq danzar geuf-awr, nawmaf-anr tanqshar-eu ma.

2 Gawˇliˬtu 5:20 Referans Kwoze

Luˇkaꞈ 14:23

Kʼoeˇ ngeh, baw leˬ gʼaˬ zaˬ kʼaˆ kʼoeˇ gʼaˬ-ahˇ ehˇ-eu, ‘Meuˬ-euˬ laꞈ nyiˇ gaˇ jawˬ hawˇ-eu gaˇ ma doe ni tsawˇ haˬ kuˇ laˬ-iˇ-awˇ, ngaˬ-euˬ nymˇ maˬ byah kʼoeˇ byah ni kuˇ byah-awˬ.

Eˇpeˇsu 6:20

Nymˬ-mˇ ngaˇ tawˬ-ahˇ uˇ luꞈ-eu kʼawꞈ, Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ Sahˬpaˬ Yeˬsuˇ-euˬ dah zaˇ ngehˬ zaˬ tmˇ zaˬ pyeuꞈ-eu ma. Laˬ kʼaˬ cehˇ-eu Guiˬ lahˬ dawˬ gʼaˇ duˬ ngehˬ paˬ tmˇ paˬ-ehˇ gʼeh-eu jeˬ-ahˇ ngaˇ kʼaˬ duˬ ni ngehˬ nya tmˇ nya ni guiˬ lahˬ shaˇ nehˬ laꞈ-awˬ.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

2 Gawˇliˬtu 3:6

Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yawˇbaˆ 22:21

Yawˇbaˆ-oˇ, Miˬyehˇ-ahˇ dehꞈ tsaˬ-awˇ, aˬ yawꞈ-ahˇ muiˇ-eu tsawˇ haˬ loꞈ-ehˇ taˬ paˇ mˇ. Nawˇ kʼoeˇ loꞈ-ehˇ jahˇ naˇ aˬ yawꞈ guiˬ lahˬ biꞈ laꞈ tehꞈ-a.

Iˇsaˬyaˇ 27:5

Yaˇ moꞈ hawˇ-eu aˬ gah kʼoeˇ deuˬ, ngaˬ-ahˇ tahˬ shaˇ laˇ naˇ, aˬ yawꞈ maꞈ ngaˬ-ahˇ dehꞈ tsaˬ luꞈ-uˇ. Aˬ yawꞈ maꞈ ngaˬ-ahˇ tsaˬ laˇ dzoeˇ laˇ luꞈ-uˇ.”

Yawˇbaˆ 33:23

Tsawˇ haˬ zaˬ-ahˇ haw-eu pyaˆ-eu Miˬyehˇ-euˬ mˬ taˆ gʼaˬ kʼehˇ aˇ heˇ aˇ muiˇ gʼaˬ jawˇ-eu laꞈ kʼoeˇ, tiˬ gʼaˬ na aˬ yawꞈ-ahˇ ngehˬ gʼeh le law nmˇ-aˬ,

Yawˇbaˆ 33:6

Nawˇ hawˇ-eu ngaˇ Miˬyehˇ mehˬ shi tiˬ kawˆ ma. Nyiˬ gʼaˬ luꞈ-ahˇ shaˬ jehˆ neh tehˆ taˬ-euˬ meh.

2 Laˬsaˬbaˬ 36:15

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ maˬ tsehˆ leˇ ni pyehˬ gʼeh leꞈ-awˇ, aˬ yawꞈ-euˬ tsawˇ haˬ kʼoeˇ deuˬ-ahˇ bi mehˬ paˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ hawˇ-eu Uˬ duˬ tahˬ nymˇ nymˇ ma-ahˇ aˬ yawꞈ maˬ bi cawˆ-iˇ mawꞈ-a.

Yeˬlaˬmiˇ 44:4

Miˬyehˇ gʼaˇ duˬ ngehˬ dah-euˬ ngaˬ-euˬ zaˬ kʼaˆ deuˬ-ahˇ, naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, ngaˇ bye dui dui-eu yaw jawꞈ jeˬ taˬ paˇ mˇ lehˇ bi ehˇ gaˬ le-euˬ ma.

Dawqdaq 13:17

Dawˬ tsaꞈ maˬ nya-eu deuˬ gaˇ kawˆ laˆ doˆ-awˇ, dawˬ dzawˇ nya-eu deuˬ laˆ tsaˬ laˆ tsahˇ-eu meh.

Neˬhaˬmiˇ 9:29

Nawˬ neh mehˬ-euˬ tsoˆ-euˬ jeˬ-ahˇ naˇ haˬ-awˬ lehˇ, aˬ yawꞈ maꞈ-ahˇ nawˇ mehˬ nehˬ-euˬ meh. Ehˇ kʼawꞈ, aˬ yawꞈ maꞈ nui ma huiˬ-eu laꞈ kʼoeˇ, nawˬ-euˬ zahˇ dawˬ kʼoꞈ dawˬ-ahˇ byehˇ-euˬ meh. Nawˬ-euˬ zahˇ dawˬ kʼoꞈ dawˬ mehˬ nah caw teh-eu jeˬ-aˬ, dehꞈ-eu saꞈ laˇ gaˇ ma pyeuꞈ kʼawꞈ, aˬ yawꞈ maꞈ nui ma huiˬ-eu gʼahˇ-eu laꞈ kʼoeˇ, maˬ naˇ haˬ geuꞈ ni dehꞈ-euˬ meh.

2 Sahˬpaˬ 17:13

Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ deuˬ hawˇ-eu aˬ yawꞈ-euˬ gʼaˇ duˬ ngehˬ dah-eu tsawˇ haˬ deuˬ pyehˬ gʼeh leꞈ-awˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ heu loꞈ-ehˇ bi ehˇ le-euˬ meh. “Naw maꞈ mˇ luꞈ-eu yaw haiˬ jeˬ-ahˇ byehˇ dzeh-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ zahˇ dawˬ kʼoꞈ dawˬ laꞈ kʼoeˇ ahˇ-eu dawˬ deuˬ hawˇ-eu, ngaˬ-euˬ zaˬ kʼaˆ deuˬ hawˇ-eu ngaˬ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, ngaˇ naw maꞈ-ahˇ biꞈ taˬ-euˬ dawˬ deuˬ-ahˇ naˇ haˬ geuꞈ-awˬ.”

Lormav 5:10

Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

Gawˇlawˇsehˇ 1:20

Aˬ yawꞈ-ahˇ gʼoe-awˇ mˬ hawˇ-eu miˇ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ Miˬyehˇ jawˇ gaˇ sheuˬ kʼoꞈ laꞈ-eu gʼaˇ duˬ, Miˬyehˇ neh noeˬ tsehˆ taˬ-euˬ meh. Aˬ yawꞈ-ahˇ laꞈ yaꞈ kʼoeˇ taˆ lawˇ nehˬ-eu laꞈ kʼoeˇ tsawˇ haˬ zaˬ Miˬyehˇ-ahˇ tsaˬ laˇ tsahˇ laˇ nya ni jahˇ-awˇ, mˬ kʼoeˇ taˆ hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ Miˬyehˇ jawˇ gaˇ bi sheuˬ kʼoꞈ laꞈ-euˬ meh.