2 Gawˇliˬtu 5:18 - Akha

¹⁸ Heu deuˬ dawˬ tawˆ luꞈ Miˬyehˇ neh mˇ-euˬ jeˬ pyeuꞈ-eu meh. Ka li-ahˇ gʼoe-eu laꞈ kʼoeˇ aˬ dui aˬ yawꞈ-ahˇ tsaˬ leˇ tsahˇ leˇ nya ni aˬ yawꞈ mˇ-awˇ, aˬ cawˬ aˬ yawꞈ-ahˇ tsaˬ leˇ tsahˇ leˇ ni mˇ-eu gʼaˇ duˬ aˬ dui-ahˇ aˬ yawꞈ gaˇ biꞈ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoerdeuq dawqtawvluf Miqyaer-anr nae pyeufdov le-euq mae. Miqyaer, Kali-anr ghoe-awr aqdui, aqyawf-anr tsaqler dzoerlerni janrnaeq laf-euq mae. Khoeruqtaf, tsaqler dzoerlerni guiqlanq-euq gar heu aqdui-anr bifnaeq laf-euq mae.

2 Gawˇliˬtu 5:18 Referans Kwoze

1 Yoˇhaˬ 4:10

Gʼoeˇ-eu gaˬ-eu jeˬ-aˬ, heu loꞈ-ehˇ meh. Aˬ dui Miˬyehˇ-ahˇ gaˬ-euˬ maˬ ngeuˇ. Aˬ yawꞈ aˬ dui-ahˇ gaˬ-awˇ, aˬ dui-euˬ iˬ baˇ bi pi dzeh le-eu gʼaˇ duˬ aˬ yawꞈ-euˬ Zaˬmaˇ-ahˇ kʼehˇ gʼeh leꞈ-euˬ meh.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.

1 Gawˇliˬtu 8:6

Ehˇ kʼawꞈ, aˬ dui-euˬ gʼaˇ duˬ-aˬ, Miˬyehˇ tiˬ gʼaˬ jawˇ-eu tehꞈ ma. Aˬ yawꞈ-aˬ, dawˬ tawˆ luꞈ-ahˇ Beh-euˬ yaw sahˇ Aˬda pyeuꞈ-awˇ, aˬ yawꞈ gʼaˇ duˬ aˬ dui dehꞈ luꞈ-eu ma.

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

1 Gawˇliˬtu 12:6

Miˬyehˇ gaˇ mˇ ngeh, tiˬ gʼaˬ tiˇ gʼaˬ mˇ nya-eu jeˬ maˬ duˇ leˇ-a. Ehˇ kʼawꞈ, aˬ yawꞈ gʼaˬ yawꞈ-ahˇ geuˇ-eu bym-eu nya-eu jeˬ, Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

Yoˇhaˬ 3:27

Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.

Iˇsaˬyaˇ 52:7

Laˬ kʼaˬ cehˇ-eu guiˬ lahˬ dawˬ deuˬ hawˇ-eu, nui saˇ oꞈ-eu dawˬ deuˬ biꞈ le-eu lehˇ, gawˬ jawˬ nyiˬ tsehˆ-ehˇ oe luꞈ-eu, Miˬyehˇ neh kʼehˇ leꞈ-euˬ gʼaˬ-euˬ kuiˇ toꞈ, aˇ naˆ ni muiˬ-eu nga. Gʼaˬ leˇ-eu gaˇ kawˆ aˬ yawꞈ dawˬ dzawˇ mˇ le-awˇ, “Nawˬ-euˬ Miˬyehˇ sahˬ paˬ meh” lehˇ, Ziˇoˬ meuˬ-ahˇ tsaꞈ le-euˬ meh.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Luˇkaꞈ 10:5

Naw maꞈ nymˇ aˬ geu nymˇ-ahˇ daˆ leˇ-eu maˬ kaˬ, ‘Nymˇ heu nymˇ kʼoeˇ taˆ nui saˇ oꞈ-eu jeˬ keuˆ le luꞈ-uˇ’ lehˇ jeˬ huˬ ehˇ-awˬ.

Uˬ duˬ 6:30

Ehˇ kʼawꞈ, iˬ baˇ shawˇ-eu gʼaˇ duˬ, jeˬ zaˬ kʼoeˇ mawˇ-euˬ shiˬ, Sehˬ gʼawˆ laꞈ kʼoeˇ ui cuiˆ yuˇ ahˇ gʼeh-euˬ ngeuˇ naˇ, jeˬ zaˬ kʼoeˇ mawˇ-euˬ shaˬ jiˇ maˬ dzaˬ kʼmˬ-a. Miˬ dzaˬ ya keuˬ dzeh meh.

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

1 Gawˇliˬtu 3:5

Aˬpawˇluˆ aˬ suˇ gʼaˬ-a. Pawˇluˆ aˬ suˇ gʼaˬ-a. Nga nyaꞈ-aˬ, naw maꞈ jah laˇ ni sheuˬ gʼeh nehˬ-eu Miˬyehˇ-euˬ zaˬ kʼaˆ pyeuꞈ-eu tehꞈ ma. Nyiˬ gʼaˬ luꞈ yawˬ ha-ahˇ Miˬyehˇ neh kʼaˇ bi mˇ laꞈ-euˬ jeˬ mˇ-eu tehꞈ ma.

1 Gawˇliˬtu 11:12

Aˬ jeˬ miˇ neh ehˇ naˇ, kʼaˬ dzeˇ zaˬ-euˬ laꞈ kʼoeˇ neh zaˬ miˬ zaˬ-ahˇ beh doˆ taˬ-euˬ loꞈ-ehˇ, zaˬ miˬ zaˬ-euˬ laꞈ kʼoeˇ neh kʼaˬ dzeˇ zaˬ dehꞈ doˆ le-euˬ meh. Yawˬ jeˬ na luꞈ Miˬyehˇ-euˬ laꞈ kʼoeˇ doˆ le-euˬ tehꞈ meh.

Gawˇlawˇsehˇ 1:22

Ehˇ kʼawꞈ, naw maꞈ-ahˇ muiˬ-eu shawˇ-eu laꞈ kʼoeˇ iˬ baˇ taˬ kʼaˇ maˬ za ni Miˬyehˇ mehˬ shi bi sheuˬ keuˆ gʼeh-eu gʼaˇ duˬ, aˬ yawꞈ-euˬ Zaˬmaˇ-euˬ shiˬ shaˬ jiˇ gʼawˇ mawˇ bi shiˇ dah-eu laꞈ kʼoeˇ, naw maꞈ Miˬyehˇ-ahˇ tsaˬ leˇ dzoeˇ leˇ nya ni Miˬyehˇ jahˇ-euˬ meh.