2 Gawˇliˬtu 4:12 - Akha

¹² Ehˇ mawꞈ-eu-aˬ, saꞈ laˇ dehꞈ-eu jeˬ-ahˇ naw maꞈ siˬ nya laˇ ni, shiˬ shaˬ jiˇ shiˇ-eu jeˬ-ahˇ nga maꞈ maˬ tsehˆ leˇ ni ya tahˬ puˬ luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, nga’maf-euq lafkhoer shir-eu jeq gar mrluf-eu khawf, nawmaf-euq lafkhoer daef-eu jeq gar mrluf-eu mae.

2 Gawˇliˬtu 4:12 Referans Kwoze

2 Gawˇliˬtu 13:9

Nga maꞈ gʼaˬ baˬ-awˇ naw maꞈ gʼaˬ kʼaˆ gaˇ nga maꞈ laˬ kʼaˬ cehˇ-eu ma. Nga maꞈ guiˬ lahˬ shaˇ-eu-aˬ, naw maꞈ bi huiˬ bi mahˇ dzehˬ laˇ-eu gʼaˇ duˬ ma.

1 Yoˇhaˬ 3:16

Aˬ dui gʼaˇ duˬ Ka li shiˇ dah-euˬ miˇ neh, gʼoeˇ-eu gaˬ-eu jeˬ lehˇ ehˇ-eu-aˬ, kʼoeˇ loꞈ-ehˇ gʼeh gaˇ ehˇ-eu meh lehˇ aˬ dui siˬ nya-eu ma. Aˬ dui kʼawꞈ, aˬ dui-euˬ tsawˇ haˬ pyeuꞈ-eu jah-eu tsawˇ haˬ deuˬ gʼaˇ duˬ shiˇ dah-eu tsaˬ meh.

1 Gawˇliˬtu 4:10

Nga maꞈ-aˬ, Ka li gʼaˇ duˬ aˬ dzawˬ aˇ gah pyeuꞈ-eu ma. Ehˇ kʼawꞈ, naw maꞈ-aˬ, Ka li laꞈ kʼoeˇ zaˬ siˬ tsawˇ gahˇ ahˇ-eu tsawˇ haˬ meh. Nga maꞈ gʼaˬ baˬ-awˇ, naw maꞈ gʼaˬ kʼaˆ-eu meh. Nga maꞈ-ahˇ aˬ cawˬ taˬ nyiˇ dui dui-awˇ, naw maꞈ-ahˇ taˬ huiˬ-eu meh.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Piˇliˇpiˆ 2:17

Naw maꞈ-euˬ jah-eu jeˬ Miˬyehˇ-ahˇ lawˇ nehˬ-euˬ kʼoeˇ taˆ, ngaˬ-euˬ shiˬ ya shehˆ daˆ nehˬ law hawˇ kʼawꞈ, ngaˇ nui kʼahˇ shiˇ-awˇ, naw maꞈ dawˬ tawˆ luꞈ nehˬ-ehˇ tiˬ kawˆ loꞈ-ehˇ laˬ kʼaˬ caw cehˇ-eu ma.

2 Gawˇliˬtu 12:15

Ngaˇ kʼaˇ jaˆ-eu jeˬ dawˬ tawˆ luꞈ hawˇ-eu ngaˬ-euˬ gʼawˇ mawˇ dawˬ tawˆ luꞈ, naw maꞈ-ahˇ caw ba-eu gʼaˇ duˬ laˬ kʼaˬ tiˬ cehˇ damˬ-eu ma. Ngaˇ naw maꞈ-ahˇ gaˬ dui dui-eu miˇneh naw maꞈ ngaˬ-ahˇ ui cuiˆ tehꞈ-ehˇ gaˬ te loˇ.

Piˇliˇpiˆ 2:30

Aˬ jeˬ miˇ neh ehˇ naˇ, naw maꞈ maˬ caw ba nehˬ laꞈ nya-eu jeˬ aˬ yawꞈ ngaˬ-ahˇ caw ba-eu gʼaˇ duˬ, Ka li-euˬ gaˇ mˇ-eu laꞈ kʼoeˇ shiˇ taw tehˬ ni aˬ yawꞈ leh jeh dui dui-euˬ meh.

2 Gawˇliˬtu 4:11

Nga maꞈ-euˬ buꞈ-iˇ cehˇ-iˇ nya-eu gʼawˇ mawˇ heu laꞈ kʼoeˇ Yeˬsuˇ dehꞈ luꞈ-eu gaˇ kawˆ aˬ cawˬ mawˇ nya ni, nga maꞈ yaw dehꞈ dehꞈ-eu heu aˬ yawꞈ gʼaˇ duˬ aˬ myah luꞈ shiˇ paˬ-ehˇ tsaˬ laˇ-eu meh.

2 Gawˇliˬtu 4:13

“Ngaˇ jah-eu miˇ neh dawˬ ngehˬ-eu ma” lehˇ, Jaˇliꞈ laꞈ kʼoeˇ tsawˇ haˬ tiˬ gʼaˬ neh ehˇ taˬ-euˬ jaˆ-eu meh. Jah-eu nui ma kʼoeˇ siˬ-ahˇ duˇ ni nga maꞈ jah-eu miˇ neh dawˬ ngehˬ-eu ma.