2 Gawˇliˬtu 13:9 - Akha

⁹ Nga maꞈ gʼaˬ baˬ-awˇ naw maꞈ gʼaˬ kʼaˆ gaˇ nga maꞈ laˬ kʼaˬ cehˇ-eu ma. Nga maꞈ guiˬ lahˬ shaˇ-eu-aˬ, naw maꞈ bi huiˬ bi mahˇ dzehˬ laˇ-eu gʼaˇ duˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nga’maf ghaqbaqbaq ngae, nawmaf ghaq khav-eu mirnae, nga’maf laqkhaqcaer mir-a. Nawmaf kuflar byanlarni khawf, nga’maf guiqlanq sharluf-eu ma.

2 Gawˇliˬtu 13:9 Referans Kwoze

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

1 Gawˇliˬtu 4:10

Nga maꞈ-aˬ, Ka li gʼaˇ duˬ aˬ dzawˬ aˇ gah pyeuꞈ-eu ma. Ehˇ kʼawꞈ, naw maꞈ-aˬ, Ka li laꞈ kʼoeˇ zaˬ siˬ tsawˇ gahˇ ahˇ-eu tsawˇ haˬ meh. Nga maꞈ gʼaˬ baˬ-awˇ, naw maꞈ gʼaˬ kʼaˆ-eu meh. Nga maꞈ-ahˇ aˬ cawˬ taˬ nyiˇ dui dui-awˇ, naw maꞈ-ahˇ taˬ huiˬ-eu meh.

1 Teˇsaˬloˇni 3:10

Naw maꞈ-ahˇ nga maꞈ paˇ ya mawˇ dzoeˇ-awˇ, naw maꞈ jah-eu laꞈ kʼoeˇ maˬ byah-eu jeˬ bi byah laˇ ni bi caw ba nehˬ-eu gʼaˇ duˬ, uˬ ciꞈ nah gʼahˇ maˬ ehˇ nui ma keuˆ dui dui-eu laꞈ kʼoeˇ aˬ yawꞈ-ahˇ guiˬ lahˬ shaˇ luꞈ ma.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.

HeˬByehˇ 13:21

naw maꞈ aˬ yawꞈ-euˬ nui kʼahˇ mˇ nya ni, naw maꞈ kʼaˇ loˬ-eu jeˬ dawˬ tawˆ luꞈ biꞈ nehˬ laꞈ-awˇ, Yeˬsuˇ Ka li-ahˇ gʼoe-awˇ aˬ dui laꞈ kʼoeˇ aˬ yawꞈ nui kʼahˇ shiˇ-eu jeˬ mˇ luꞈ-uˇ. Mˬ maˬ maˬ byaˆ zaˇ ziˇ Ka li yaw shehꞈ kʼahˬ sehˇ huiˬ luꞈ-uˇ.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

HeˬByehˇ 6:1

Ka li-euˬ gaˇ kawˆ aˇ dahˬ beh gaˇ tehꞈ-ehˇ aˬ dui dzaw dzaw-ehˇ maˬ paˇ jawˇ ni, jah-eu laꞈ kʼoeˇ huiˬ loˆ laˇ-euˬ tsawˇ haˬ deuˬ loꞈ-ehˇ mehˬ hu paw dzaw daˆ leꞈ kaˇ-euˇ. Gaˇ dahˇ maˬ tsoeˬ-eu jeˬ-ahˇ maˬ mˇ ni byehˇ dzeh-eu hawˇ-eu, Miˬyehˇ-ahˇ jah-eu jeˬ-ahˇ aˇ dahˬ beh poˆ beh poˆ-ehˇ jawˇ yamˬ maˬ paˇ ngeuˇ meh.

2 Tiˆmoˇseˬ 3:17

Kʼoeˇ baˬ da neh, Miˬyehˇ gaˇ mˇ-eu tsawˇ haˬ-aˬ, byah dui nya dui dui-eu tsawˇ haˬ pyeuꞈ-awˇ, yaw muiˬ jeˬ dawˬ tawˆ luꞈ-ahˇ mˇ nya ni Jaˇliꞈ dawˬ kawˬ-ahˇ gʼoe-awˇ dzaw bym taˬ-euˬ tsawˇ haˬ pyeuꞈ-eu meh.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

Gawˇlawˇsehˇ 1:28

Kʼoeˇ miˇ neh, tsawˇ haˬ yawˬ gʼaˬ na luꞈ-ahˇ Ka li gaˇ kawˆ nga maꞈ mehˬ-eu ma. Yawˬ gʼaˬ na luꞈ-ahˇ Ka li laꞈ kʼoeˇ tsawˇ kʼaˆ kʼaˆ laˇ-euˬ tsawˇ haˬ loꞈ-ehˇ Miˬyehˇ mehˬ shi sheuˬ ha nehˬ leˇ nya-eu gʼaˇ duˬ, aˬ yawꞈ maꞈ ya mˇ-eu jeˬ hawˇ-eu ya yahˇ-eu jeˬ-ahˇ kʼaˇ siˬ kʼaˇ nya-eu loꞈ-ehˇ mehˬ-eu ma.

2 Gawˇliˬtu 11:30

Ngaˇ kʼahˬ sehˇ ya jehˆ naˇ, ngaˇ gʼaˬ baˬ-eu gaˇ kawˆ kʼahˬ sehˇ jehˆ ma.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Lormav 15:2

Aˬ dui-euˬ cawˬ Ka li zaˬ deuˬ jah-eu laꞈ kʼoeˇ huiˬ laˇ mahˇ laˇ nya ni, aˬ dui yawˬ gʼaˬ na luꞈ aˬ yawꞈ maꞈ gʼaˇ duˬ muiˬ ni mˇ-eu tsaˬ meh.

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

1 Gawˇliˬtu 2:3

Kʼoeˇ miˇ neh, naw maꞈ jawˇ gaˇ ngaˇ oe ngeh, ngaˇ nui ma baˬ dui dui-awˇ, guˆ dui dui-eu laꞈ kʼoeˇ yaw dzuˬ dzuˬ-euˬ ma.

2 Gawˇliˬtu 13:4

Aˬ jeˬ miˇ neh ehˇ naˇ, nahˬ jawˆ ni gʼeh-eu laꞈ kʼoeˇ aˬ yawꞈ-ahˇ laꞈ yaꞈ kʼoeˇ taˆ bi taꞈ sehꞈ-euˬ kʼawꞈ, Miˬyehˇ-euˬ baoˬ baˬ da neh nymˬ-mˇ aˬ yawꞈ dehꞈ luꞈ meh. Aˬ yawꞈ-ahˇ taꞈ-eu laꞈ kʼoeˇ nga maꞈ kʼawꞈ nahˬ jawˆ ni gʼeh-eu ma. Ehˇ kʼawꞈ, naw maꞈ nehˬ-ehˇ nga maꞈ dehꞈ taꞈ luꞈ-eu heu-aˬ, Miˬyehˇ-euˬ baoˬ-ahˇ gʼoe-awˇ Ka li nehˬ-ehˇ dehꞈ luꞈ-eu miˇ neh deuˇ geuˆ ni jaˆ luꞈ ma.

2 Gawˇliˬtu 4:12

Ehˇ mawꞈ-eu-aˬ, saꞈ laˇ dehꞈ-eu jeˬ-ahˇ naw maꞈ siˬ nya laˇ ni, shiˬ shaˬ jiˇ shiˇ-eu jeˬ-ahˇ nga maꞈ maˬ tsehˆ leˇ ni ya tahˬ puˬ luꞈ ma.