2 Gawˇliˬtu 12:2 - Akha

² Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Dzeurlaf-euq 14 khof-anr, mq-euq khoertav smq tiv tiqtiv-anr bi ciqdav lef-euq Kali-euq lafkhoer jawr-eu tiq ghaq-anr ngar siqnya ma. Mawrdo davler-euq maqsiq, saflar taef-aer davler-euq maqsiq, Miqyaer taef-aer siqnya-eu mae.

2 Gawˇliˬtu 12:2 Referans Kwoze

Gʼaˬkʼehˇ 22:17

“Yeˬluˇsaˬlehˬ meuˬ-ahˇ ngaˇ gʼoꞈ le-awˇ, Uˬ duˬ tahˬ nymˇ nymˇ ma laꞈ kʼoeˇ guiˬ lahˬ shaˇ luꞈ ngeh, yaw sahˇ laꞈ kʼoeˇ heu loꞈ-ehˇ ya mawˇ-euˬ ma.

Panmaeq 4:2

Kʼoeˇ ngeh, tiˬ poˆ tehꞈ-ehˇ Yaw sahˇ Miˬyehˇ ngaˬ-ahˇ uˆ lahˇ le-euˬ meh. Mˬ kʼoeˇ taˆ dzoeˬ dzaˬ nuiˇ mahˬ tiˬ mahˬ jaˆ-awˇ, tsawˇ haˬ tiˬ gʼaˬ nuiˇ luꞈ-eu meh.

1 Teˇsaˬloˇni 4:17

Kʼoeˇ naˇ, kʼoeˇ ngeh dehꞈ luꞈ-eu aˬ dui maꞈ kʼawꞈ, aˬ yawꞈ maꞈ nehˬ-ehˇ mˬ dmˇ laꞈ kʼoeˇ tiˬ kawˆ loꞈ-ehˇ uiˬ leˇ-awˇ, mˬ taˆ yaw goˇ-ahˇ Sahˬpaˬ Yeˬsuˇ-ahˇ ya tahˬ puˬ leˇ tehꞈ-a. Kʼoeˇ naˇ, aˬ myah luꞈ Sahˬpaˬ Yeˬsuˇ nehˬ-ehˇ ya jawˇ tehꞈ-a.

2 Gawˇliˬtu 11:11

Ngaˇ naw maꞈ-ahˇ maˬ gaˬ-eu miˇ neh heu loꞈ-ehˇ ehˇ-eu nga loˇ. Ngaˇ naw maꞈ-ahˇ aˇ naˆ ni gaˬ-eu Miˬyehˇ siˬ nya luꞈ meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

1 Sahˬpaˬ 18:12

Ngaˇ iˇ-eu nehˬ-ehˇ, Sahˬpaˬ Miˬyehˇ-euˬ yaw sahˇ nawˬ-ahˇ tiˬ gaˇ paw sheuˬ byoˆ gʼeh naˇ aˬ joˆ-ehˇ jahˇ nmˇ. Nawˇ heu gaˇ jawˇ meh lehˇ Aˬhaˆ-ahˇ ngaˇ ehˇ nehˬ-awˇ, nawˬ-ahˇ aˬ yawꞈ maˬ poˆ mawˇ nya naˇ, aˬ yawꞈ ngaˬ-ahˇ sehꞈ tehꞈ-a. Ngaˇ-aˬ, yaw nyiˇ gʼeh ngeh neh Sahˬpaˬ Miˬyehˇ-ahˇ yaw zeu baw dui dui-eu laꞈ kʼoeˇ, uˬ duˬ tahˬ-euˬ tsawˇ haˬ tiˬ gʼaˬ pyeuꞈ gaˇ noeˬ keuˆ nehˬ laꞈ-awˬ.

Panmaeq 12:5

Kʼoeˇ naˇ, zaˬ miˬ zaˬ kʼoeˇ gʼaˬ shmˇ gawˬ yoeˬ neh tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu aˬ li tiˬ li ciˬ-euˬ meh. Ehˇ kʼawꞈ, aˬ li kʼoeˇ li-ahˇ Miˬyehˇ jawˇ gaˇ hawˇ-eu Miˬyehˇ-euˬ dzoeˬ dzaˬ nuiˇ mahˬ jaˆ gaˇ bi ciˬ leꞈ-euˬ meh.

Yeˬsaˬgeˬlaˇ 11:24

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Miˬyehˇ ngaˬ-ahˇ ciˬ diˇ-awˇ, Baˬbuˇloˬ miˇ kʼahˬ-ahˇ bi nyehꞈ gʼeh-euˬ tsawˇ haˬ deuˬ jawˇ gaˇ sheuˬ kʼoꞈ gʼeh nehˬ laꞈ-euˬ meh. Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ jiˇ-euˬ meh.

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

Eˇpeˇsu 4:10

Zaꞈ ka le-euˬ gʼaˬ hawˇ-eu, mˬ miˇ dawˬ tawꞈ luꞈ-ahˇ jawˇ byah jiˇ-eu gʼaˇ duˬ mˬ le dzeuˇ gaˇ keuˆ ni gʼoꞈ daˇ leˇ-euˬ gʼaˬ-aˬ, aˬ yawꞈ tiˬ gʼaˬ meh.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Gaˬlaˬtiˆ 1:22

Kʼoeˇ ngeh keuˆ ni-aˬ, Yuˇdaˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ ngaˬ-ahˇ tsawˇ tsaˬ maˬ tsoˆ nya-a siˬ.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Lormav 16:7

Naw maꞈ gʼaˇ duˬ leh jeh dui dui-eu laꞈ kʼoeˇ gaˇ mˇ luꞈ-eu Maˬliˇ-ahˇ kʼawꞈ noeˬ mawˇ luꞈ ma. Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ-euˬ aˬ yuiꞈ aˬ nyiˇ Yuˇdaˆ tsawˇ haˬ pyeuꞈ-eu Aˬdawˇniˆ hawˇ-eu Yuˇniˆ aˬ nyaꞈ-ahˇ kʼawꞈ noeˬ mawˇ luꞈ ma. Aˬ yawꞈ nyaꞈ-aˬ, tsawˇ myahˇ doˆ-eu gʼaˬ kʼehˇ pyeuꞈ-awˇ, ngaˬ-euˬ mehˬ hu neh Ka li zaˬ pyeuꞈ laˇ-euˬ meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Gʼaˬkʼehˇ 14:6

Gaˇ kawˆ kʼoeˇ gʼaˬ kʼehˇ kʼoeˇ nyiˬ gʼaˬ ya siˬ ngeh, Luˇdaˬlaˇ meuˬ, Deˬbeˬ meuˬ hawˇ-eu, dawˬ peh jaˆ-eu miˇ kʼahˬ-ahˇ cehˆ-euˬ meh.

Yoˇhaˬ 6:56

Ngaˬ-euˬ shaˬ jiˇ dzaˬ-awˇ ngaˬ-euˬ shiˬ dawˇ-eu tsawˇ haˬ-aˬ, ngaˬ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, ngaˇ kʼawꞈ, aˬ yawꞈ-euˬ laꞈ kʼoe jawˇ-eu ma.

Luˇkaꞈ 24:51

Aˬ yawꞈ dawˬ ngehˬ gʼeh nehˬ gʼaˬ ngeh, aˬ yawꞈ maꞈ-ahˇ gʼawˬ-iˇ-awˇ, mˬ kʼoeˇ taˆ bi sheuˬ daˆ kʼoꞈ leꞈ-euˬ meh.

Jaceuq 148:4

Goˇ dui dui-eu mˬ deuˬ aˬ yawꞈ-ahˇ ja ceuˬ-awˇ, mˬ-euˬ kʼoeˇ taˆ paw jaˆ-eu iˇ cuꞈ deuˬ kʼawꞈ, aˬ yawꞈ-ahˇ ja ceuˬ-awˬ.

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.

2 Gawˇliˬtu 13:5

Naw maꞈ jah-eu jeˬ-ahˇ ziꞈ dah ni tuˆ tehˬ luꞈ ma loˇ lehˇ yawˬ haˇ yawˬ ha pyehˆ tseˇ haw-awˬ. Yawˬ haˇ yawˬ ha lawˬ haw-awˬ. Yeˬsuˇ Ka li naw maꞈ laꞈ kʼoeˇ jawˇ meh lehˇ maˬ siˬ duˬ te loˇ. Maˬ ngeuˇ naˇ, lawˬ haw-eu jeˬ laꞈ kʼoeˇ naw maꞈ smˬ-iˇ teˬ loˇ.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

2 Sahˬpaˬ 2:16

Aˬ yawꞈ maꞈ ehˇ-eu, “Nga maꞈ ngaˬ tseˇ gʼaˬ byah-awˇ, dawˬ tawˆ luꞈ gʼaˬ kʼaˆ-eu tsawˇ haˬ tehꞈ ma. Nga maꞈ-ahˇ Eˇliˇyaˆ-ahˇ bi poˆ-iˇ laꞈ-awˬ. Sahˬpaˬ Miˬyehˇ-euˬ yaw sahˇ aˬ yawꞈ-ahˇ sheuˬ gʼeh-awˇ, gawˬ jawˬ-ahˇ maˬ ngeuˇ naˇ gʼaˬ lawˬ-ahˇ tiˬ gaˇ paw pyehˬ taˬ yaꞈ-euˬ baw le.” Eˇliˇshehˇ ehˇ-eu, “Naw maꞈ aˬ yawꞈ-ahˇ taˬ poˆ-iˇ.”

Dawˬmehˬ 10:14

Goˇ dui dui-eu mˬ deuˬ maˬ ehˇ, miˇ tsaˬ maˬ ehˇ, miˇ tsaˬ kʼoeˇ taˆ kʼaˇ jaˆ-eu yawˬ jeˬ na luꞈ maˬ ehˇ, Sahˬpaˬ Miˬyehˇ-euˬ pyeuꞈ-eu meh.

Yeˬsaˬgeˬlaˇ 43:5

Sahˬpaˬ Miˬyehˇ-euˬ yaw sahˇ ngaˬ-ahˇ ciˬ diˇ-awˇ, laꞈ kʼoeˇ pu kaˬ-ahˇ ciˬ taˬ neh laꞈ-euˬ meh. Uˬ duˬ tahˬ nymˇ nymˇ ma laꞈ kʼoeˇ, Sahˬpaˬ Miˬyehˇ-euˬ yaw shehꞈ kʼahˬ sehˇ byah luꞈ-eu meh.

Lormav 16:3

Yeˬsuˇ Ka li-euˬ gaˇ laꞈ kʼoeˇ mˇ cawˬ shaˇ cawˬ pyeuꞈ-eu Biˇgiˇla hawˇ-eu Aˬguˇla aˬ nyaꞈ dzeˇ zaˬ-ahˇ noeˬ mawˇ luꞈ ma lehˇ ngaˇ dawˬ cawˬ puˬ ahˇ laꞈ-eu ma.

Lormav 16:9

Ka li-euˬ gaˇ laꞈ kʼoeˇ mˇ cawˬ shaˇ cawˬ pyeuꞈ-eu Uˇlaˬbaˬ hawˇ-eu, ngaˇ gʼoeˇ dui dui-eu Saˬdaˬkuˇ-ahˇ kʼawꞈ noeˬ mawˇ luꞈ ma.

Lormav 16:10

Ka li-ahˇ saˇ jaˇ ziꞈ-eu gaˇ kawˆ kʼaˬ duˬ ni mˇ mehˬ-euˬ gʼaˬ pyeuꞈ-eu Aˬbeˇleˇ-ahˇ kʼawꞈ noeˬ mawˇ luꞈ ma. Aˬliˇtawˇbuˆ-euˬ nymˇ kʼahˬ zaˬ deuˬ-ahˇ kʼawꞈ noeˬ mawˇ luꞈ ma.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.