2 Gawˇliˬtu 12:18 - Akha

¹⁸ Tiˇtuˆ-ahˇ naw maꞈ jawˇ gaˇ iˇ-eu gʼaˇ duˬ ngaˇ shaˇ-awˇ, aˬ yuiꞈ aˬ nyiˇ Ka li zaˬ kʼoeˇ gʼaˬ-ahˇ aˬ yawꞈ nehˬ-ehˇ bi oe caw-euˬ ma. Tiˇtuˆ naw maꞈ-ahˇ mehˇ shuiˇ shuiˇ dzaˬ le-euˬ nga lehˇ ehˇ mawꞈ-eu nya loˇ. Tiˇtuˆ nga nyaꞈ nui ma tiˬ gaˇ taꞈ-awˇ, kuiˇ toꞈ tiˬ gaˇ ciˬ-euˬ maˬ ngeuˇ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngar, Tirtuv-anr shar-awr aqdui-euq maernmr tiq ghaq khawf, aqyawf naeq-aer bi’oe-euq ma. Tirtuv, nawmaf-euq pyurshuir myawqganq shuirdzaq-aq laq? Nga’nyaf nuima tiqgar tsaq-awr, kuirciq gmluf-eu maqngeur-a lor?

2 Gawˇliˬtu 12:18 Referans Kwoze

2 Gawˇliˬtu 8:6

Kʼoeˇ miˇ neh, Tiˇtuˆ aˬ yawꞈ naw maꞈ jawˇ gaˇ gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ mˇ-eu gʼaˇ duˬ dahˬ beh nehˬ le-euˬ gʼaˬ pyeuꞈ-eu loꞈ-ehˇ, aˇ saˬ saˬ ngeh keuˆ ni mˇ daˆ leꞈ-eu gʼaˇ duˬ aˬ yawꞈ-ahˇ nga maꞈ gʼaˬ biꞈ-euˬ ma.

Lormav 4:12

Baˆ kʼoˆ mehˬ dzaˬ yehˬ-euˬ uˬ taꞈ, aˇ hu Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ kʼaˇ dehꞈ yaꞈ-euˬ loꞈ-ehˇ jah jah-ehˇ dehꞈ-eu deuˬ-euˬ aˬ da yaw dzahˇ gʼaˬ kʼawꞈ, Aˬbyaˬhaˬ aˬ yawꞈ meh.

1 Beˬtuˆluˆ 2:21

Naw maꞈ kʼoeˇ loꞈ-ehˇ dehꞈ-eu gʼaˇ duˬ Miˬyehˇ naw maꞈ-ahˇ kuˇ-euˬ meh. Aˬ jeˬ miˇ neh ehˇ naˇ, naw maꞈ Ka li-euˬ pehˬ zaˇ-ahˇ caw teh nya ni, aˬ yawꞈ-ahˇ bi dzaw geuꞈ-eu lehˇ, naw maꞈ gʼaˇ duˬ aˬ yawꞈ daˬ dzeuˇ yaꞈ-euˬ meh.

2 Gawˇliˬtu 7:6

Ehˇ kʼawꞈ, nui ma cawˆ-eu deuˬ-ahˇ gʼaˬ biꞈ-eu Miˬyehˇ-aˬ, Tiˇtuˆ-ahˇ bi laˇ-eu laꞈ kʼoeˇ nga maꞈ-euˬ nui ma-ahˇ gʼaˬ biꞈ lahˬ laꞈ-euˬ meh.

2 Gawˇliˬtu 7:2

Nga maꞈ gʼaˇ duˬ naw maꞈ-euˬ nui ma pah nehˬ laꞈ-awˬ. Tsawˇ haˬ tiˬ gʼaˬ-ahˇ-iˬ nga maꞈ maˬ mˇ lehˬ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ laˆ cawˆ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ myawꞈ maˬ shuiˇ haw-aˬ.

Neˬhaˬmiˇ 5:14

Sahˬpaˬ Aˬtaˬdzeuˬsehˆ sahˬpaˬ geuꞈ-euˬ nyiˬ tseˇ kʼoꞈ tiˬ kʼoꞈ-ahˇ neh smˬ tseˇ nyiꞈ kʼoꞈ tiˬ kʼoꞈ-ahˇ keuˆ ni, Yuˇdaˆ miˇ kʼahˬ-ahˇ ngaˇ tseˇ nyiꞈ kʼoꞈ uˆ lahˇ-euˬ ma. Tseˇ nyiꞈ kʼoꞈ aˇ yamˬ kʼoeˇ laꞈ kʼoeˇ, uˆ lahˇ-eu gʼaˬ-ahˇ oꞈ-eu dzaˬ dzaˬ dawˇ dawˇ deuˬ-ahˇ, ngaˇ maˬ ehˇ, ngaˬ-euˬ aˬ yuiꞈ aˬ nyiˇ deuˬ maˬ ehˇ, maˬ taꞈ dzaˬ-aˬ.

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

1 Gawˇliˬtu 4:21

Naw maꞈ aˬ geu jeˬ mawꞈ-eu nya. Ngaˇ daˇ cuiˇ yuˇ-awˇ oe gaˇ geuꞈ mawꞈ-eu nya loˇ. Maˬ ngeuˇ naˇ, gʼoeˇ-eu gaˬ-eu jeˬ hawˇ-eu nui nahˬ nui yu yuˇ-awˇ oe gaˇ geuꞈ mawˬ-eu nya loˇ.